Mamagucunaca paicunapa huahuagucunataca aliguta armachishpa, limpio ropata churachishpami escuelaman cachan. Taitamamacuna paicunapa huahuata shina cuidashpami sanogu cachun ayudan. Shinallata shuj gentecunapash huahuamanda preocuparijtami cuenta japin. Shinallatami Jehová Diospash ñucanchi yuyaipipash, parlocunapipash y ruraicunapipash limpio cachunmi munan. Limpio canaca ñucanchi alipallatami can. Y Jehová Diostapashmi alipi quidachinchi.

1. ¿Imashinata limpio causaita ushapanchi?

Jehová Diosca ‘limpiomi cana canguichi’ ninmi (1 Pedro 1:16). Y Jehová Dioshna ñucanchicunapash jucha illa cangapaca ñucanchi causaipi y yuyaicunapipashmi limpio cana capanchi. Limpio causangapaj esforzarinajushcata ricuchingapaca seguido armashpa, carrota, huasita, ropagutapash limpio y ordenadomi charina capanchi. Shinallata Salón del Reinopipashmi limpiezapi ayudana capanchi. Limpio cangapaj esforzarijujta ricushpami shuj gentecunapash Jehová Diosta sirvingapaj munanga (2 Corintios 6:3, 4).

2. Limpio cangapaca ¿ima ruraicunamandata caruyana capanchi?

Bibliapica cashna nishpami consejan: “Ñucanchi cuerpota y ñucanchi yuyaicunata mapayachij cosascunamandaca limpiarina capanchi” (2 Corintios 7:1). Chaita pactachingapami ñucanchi cuerpota, ñucanchi pensamientocunatapashmi ali ali cuidangapaj esforzarina capanchi. Jehová Dios ñucanchicunahuan cushilla cachun munaimandami nali munaicuna ñucanchi umaman shamujpica, uchalla llujchingapaj esforzaripanchi (Salmo 104:34). Y ñucanchi parlocunapipash limpio cangapami esforzarina capanchi (Colosenses 3:8, liipangui).

Ñucanchi cuerpotapash, ñucanchi pensamientocunatapash ¿imacunallata mapayachita ushan? Ñucanchi cuerpota ama mapayachingapami ni tabacota, ni drogatapash na chupanchichu. Hoja de cocatapash na acunchichu. Shinallata pastillacunatapash na yangamandaca ufianchichu. Chai nali cosascunamanda cuidarishpami Jehová Dios carashca causaiguta ninanda valichishcata ricuchipanchi. Shinallata ñucanchi pensamientocunapipash limpio cangapaca masturbacionda o ñucanchi charishcatallata tacarijunataca na ruranachu canchi. Pornografiatacarin nimamanda na ricunachu canchi (Salmo 119:37; Efesios 5:5). Cai nali ruraicunata saquinaca dificilmi caita ushan. Pero Jehová Diospa ayudahuanga saquita usharinmi (Isaías 41:13, liipangui).

 ASHTAHUAN YACHAJUPASHUNCHI

3. Tucuipi limpio causashpaca Jehová Diostami alipi quidachipanchi

Limpiezamanda parlashpaca, israelitacunamanga huaquin leycunatami Jehová Diosca curca. Chaita ricushpami, Jehová Diospaca limpio causana importantepacha cashcata ricupanchi. Éxodo 19:10 y 30:17​manda 19​caman liishpa, cai tapuicunata contestapangui:

• Cai textocunapi ricushcashnaca, limpio causanamandaca ¿imatata Jehová Diosca yuyan?

• Siempre limpio cangapaca ¿imacunallata ayudanga?

Pobrella o charijlla cashpapash tucuicunallatami limpio causaita ushapanchi. Pero imagutapash limpio charingapaca tiempota llujchishpami esforzarina capanchi. VIDEOTA ricushpa, cai tapuita contestapangui:

• Predicanajushpa ñucanchi cosasgucunata limpio charijta shuj gentecuna ricushpaca ¿imashinata paicunapash Jehová Diosta respetachun ayudanga?

4. Nali ruraicunata saquitapacha saquinami capangui

Pastillacunata yangamanda ufianata, tabacota o drogacunata chupana costumbreta quiquin charishpaca, chai viciota saquina difícil cashcataca alimi yachapangui. Shinapash chai viciota saqui ushachunga, quiquinba causaipi imashina afectajujta aliguta pensarinami ayudanga. Mateo 22:37​manda 39​caman liishpa, cai tapuicunata contestapangui:

• ¿Tabacota o drogacunata chupanaca Jehová Dioshuan ashtahuan ali amigo tucuchunllu ayudan?

• ¿Tabacota o drogacunata chupanaca familiahuan o shuj gentecunahuan ali cachunllu ayudan?

Imapash viciota saquingapaj imacunatalla rurai ushashcata pensaripai. a VIDEOTA ricupai.

Filipenses 4:13​ta liishpa, cai tapuicunata contestapangui:

• Orana, Bibliata estudiana y reuniongunaman rina costumbrecunata charinaca ¿imapash viciocunata saquichun ayudanllu? ¿Imamandata chaita cripangui?

 5. Nali pensamientocunamanda, nali ruraicunamanda caruyangapaj esforzaripai

Colosenses 3:5​ta liishpa, cai tapuicunata contestapangui:

• Pornografiata ricuna, masturbarina, shujcunaman lluchulla fotocunata o relaciones sexualesmanda parlashpa mensajecunata cachanapash ¿imashinata Jehovapa ñaupapi nalipacha cashcataca yachapanchi?

• ¿Tucuipi limpio cachun Jehová Dios mandashpaca, ñucanchi alipallata cashcataca cripanguichu? ¿Imamandata chaita cripangui?

Mapa pensamientocunata imashina mishai ushanata yachajupai. VIDEOTA ricupai.

Jehovapa ñaupapi limpio causangapaj ninanda esforzarina cashcata yachachingapaca, Jesusca huaquin ejemplocunatami utilizarca. Mateo 5:29 y 30​ta liishpa, cai tapuita contestapangui:

• Imapash viciota saquinamanda ñucanchillata chugririna cashcataca Jesusca na nircachu. Shinapash nali ruraicunata saquingapaca ¿imata rurangapata decidido cana capanchi? b

Mapa pensamientocunata saquingapaj esforzarijushpaca Jehová Dios chaita ricujushcata y chai esfuerzota ninanda valichijtaca seguromi cana capangui. Salmo 103:13 y 14​ta liishpa, cai tapuita contestapangui:

• Imapash mapa ruraicunata saquingapaj esforzarijushpaca ¿imashinata cai textocunaca esforzarishpa catichun ayudan?

 YARINGAPAJ

Ñucanchi cuerpota y ñucanchi pensamientocunatapash limpio charishpa, shinallata aliguta comportarishpami Jehová Diosta cushichi ushapanchi.

¿Imatata yachajupashcanchi?

• Limpio canaca ¿imamandata importantepacha can?

• Ñucanchi cuerpopi limpio cangapaca ¿imacunatallata rurana capanchi?

• Ñucanchi ruraicunapi, ñucanchi yuyaicunapipash limpio cashcata ricuchingapaca ¿imatata rurana capanchi?