Авазы оглун школаже үдеп тура, арыг-силиин хынаар. Оглунуң кадыы дээш, авазының сагыш човап турары өске улуска илдең. Бурган Адавыс бисти даштыкы хевир, мөзү-шынар талазы-биле арыг болурун күзеп турар. Арыг-силиг болуру боттарывыска-ла ажыктыг, ынчалдыр Бурганны алдаржыдып турар бис.

1. Канчаар арыг-силигни сагып болурул?

Иегова биске: «Ыдыктыы-биле чурттаңар» — дээн (1 Пётр 1:16). Ол дээрге бедик мөзү-шынар база даштыкы хевирниң арыг-силии. Ону сагыырда мага-ботту, идик-хепти, бажың-балгатты, машинаны арыг-силиг тудары-дыр. Хурал залдарын аштап-чуп, арыг-силигни сагыыр болзувусса, Иегованы алдаржыдар бис (2 Коринфичилерге 6:3, 4).

2. Кижини чүү чүве бужартадыр?

Ыдыктыг Бижилгеде: «Мага-ботту болгаш сагыш-сеткилди бужартадыптар бүгү чүүлден арыгланып аалы» — деп кыйгырып турар (2 Коринфичилерге 7:1). Ынчангаш мага-бодувусту, угаанывысты хирлендирбес дээш кызар бис. Иегованы өөртүр дээш шын эвес бодалдардан ойталаары чугула (Ырлар 103:34). Оон аңгыда багай сөстер чугаалап, улусту куду көрбес бис. (Номчуптуңар: Колосчуларга 3:8.)

Мага-ботту, мөзү-шынарны оон ыңай чүү хирлендирип болур? Мага-ботту хораннап турар таакпы, наркотиктиг бүдүмелдерниң кандыг-даа хевирин ажыглап, сула салдынып, таалал албас ужурлуг бис. Ол бүгүден ойталап, амы-тынга хүндүткелди көргүзүп, кадыкшылывыс дээш сагыш човап, Бурганның белээн үнелээр бис. Оон ыңай порнография көөр болгаш мастурбация кылырындан ойталап, мөзү-шынарның арыг-силиин сагыыр бис (Ырлар 118:37; Эфесчилерге 5:5). Оон адырлыры белен эвес-даа болза, Иегованың дузазы-биле шыдаар бис. (Номчуптуңар: Исайя 41:13.)

 ХАНЫ ШИНЧИЛЕҢЕР

3. Арыг-силиг чорук Иегованы алдаржыдып турар

Бурганның арыг-силигге хамаарылгазын бурунгу Израильге берген хоойлуларындан билип ап болур. Хосталыышкын 19:10; 30:17—19-ту номчааш, харыылаптыңар:

• Иеговага арыг-силиг айтырыы кайы хире чугула?

• Арыг-силигни сагыырынга чүү дузалаар?

Аңаа үе болгаш күш херек. Ону кым-даа, кандыг-даа байдалда сагып шыдаар. ВИДЕОНУ көргеш, айтырыгга харыылаптыңар.

• Суртаал үезинде даштыкы хевиривис арыг-шевер болуру чүге чугула?

4. Багай чаңчылдарны канчаар тиилеп алырыл?

Таакпы, наркотиктен адырлыры берге. Аңаа дузалаар күштүң дугайында билип алыңар. Матфей 22:37—39-ту номчааш, ону ажыглаары дараазында чүүлдерге кандыг салдарлыын тайылбырлаптыңар:

• Иегова-биле найыралга;

• өг-бүлеге база өске улус-биле хамаарылгага.

Багай чаңчыл-биле канчаар демисежирин боданып алыңар a. ВИДЕОНУ көрүңер.

Филипчилерге 4:13-тү номчааш, харыылаптыңар:

• Арыг эвес чаңчыл-биле демисежирде үргүлчү мөргүүрү, Библияны өөренири, чыыштарже баары кижини канчаар сорук киирер?

 5. Арыг эвес херектер болгаш бодалдар-биле демисежиңер

Колосчуларга 3:5-ти номчааш, харыылаптыңар:

• Порнография көөрүн, секстинг болгаш мастурбацияны Иегова арыг эвес деп санаарын кайыын билир бис?

• Иегованың арыг мөзү-шынар негелделерин угаан-сарыылдыг деп санаар силер бе?

Арыг эвес бодалдар-биле канчаар демисежирин ВИДЕОДАН көрүңер.

Арыг мөзү-шынарлыг артар дизе, шиитпирлиг базымнар кылыры чугула. Иисустуң чугаалаан чижээн Матфей 5:29, 30-ден номчааш, айтырыгга харыылаптыңар.

• Бо сөстер бодунга хора чедирер дивейн турар, а шиитпирлиг хөделириниң чугулазын айыткан. Арыг эвес бодалдардан ойталаар дизе, чүнү кылыр болза эки? b

Арыг эвес бодалдар-биле кызып демисежип турар болзуңарза, Иегова үнелээр. Ырлар 102:13, 14-тү номчааш, харыылаптыңар:

• Дүжүп бербезинге бо шүлүктер канчаар дузалаар?

 КОЛ БОДАЛ

Бүгү талазы-биле арыг болурун кызар болзувусса, Иегованы өөртүп турар бис.

Катаптаашкын

• Арыг болуру чүге чугула?

• Мага-ботка, бажыңга канчаар арыг-силигни сагыыр силер?

• Бодалдарыңар, чаңчылдарыңар арыг болзун дээш, чүнү кылып болур силер?