Пуктэ син азяды таӵе учырез. Анай пизэ школае дася. Со учке, пиезлэн бамыз но, дӥськутэз но чылкыт мед луозы шуыса. Со тодэ: нылпи шоры учкыса, адямиос адӟо, нылпи сярысь сюлмасько-а, уг-а. Озьы ик Иеговалэн но потэ, ми котьма ласянь чылкыт мед луомы шуыса. Малы ке шуоно ми чылкытэсь ке, со милемлы но пайда вае, Иеговаез но данъя.

1. Мар кароно, чылкыт луон понна?

Иегова косэ милемыз: «Дун-чылкытэсь луэлэ» (1 Пётр 1:16). Нош мар кароно, чылкыт луон понна? Со понна тыршоно, милям мугормы, дӥськутмы, коркамы но машинамы чылкыт мед луозы шуыса. Озьы ик ми быгатӥськомы Эксэйлык юртмес чылкыт возьыны. Чылкыт улэменымы ми Иеговаез данъяськомы (2 Коринфъёслы 6:3, 4).

2. Кыӵе сямъёслэсь палэнсконо, чылкыт луон понна?

Библия ӧте милемыз: «Ойдолэ ук, лулмугорез но духез саптась вань юрӟым макеослэсь асьмеды сузяломе» (2 Коринфъёслы 7:1). Милям чылкыт луэммы потэ. Соин ик ми палэнскиськомы ваньмызлэсь, мар милесьтым мугормес но, малпанъёсмес но чылкыттэм карыны быгатоз. Кылсярысь, умойтэм малпанъёсмы кылдо ке, ми соосты улляны тыршиськомы. Милям малпанъёсынымы гинэ но Иеговаез шумпоттэммы потэ (Псалтирь 18:15). Озьы ик ми вераськонамы умой но чебер кылъёсты гинэ кутӥськомы. (Лыдӟе Колоссыослы 3:8.)

Нош мар эшшо саптаны быгатоз на милесьтым мугормес но малпанъёсмес? Кылсярысь, тамак но наркотикъёс. Соин ик ми тамак но ум кыскиське, наркотикъёсты но ум кутӥське. Озьы ми тазалыкмес утьыны тыршиськомы но Иеговалы улон кузьмамез понна тау кариськомы. Озьы ик ми палэнскиськомы мастурбацилэсь, порнографилэсь но мукет та выллем кырсь сямъёслэсь, малы ке шуоно соос милесьтым малпанъёсмес саптало (Псалтирь 118:37; Ефесъёслы 5:5). Вань та сямъёсыз вормыны секыт, но Иеговалэн юрттэменыз ми соосты вормомы. (Лыдӟе Исаиялэсь 41:13.)

 МУРГЕС ЭСКЕРЕ

3. Чылкыт луэменымы Иеговаез данъяськомы

Вашкала дыръя Иегова Израиль калыклы законъёс сётӥз. Со законъёсысь адӟиське, Иегова возьма, солэн калыкез чылкыт луоз шуыса. Лыдӟе Потонэз 19:10, 11 но 30:17—19 но та юанъёслы валэктонъёс сётэ:

• Мар верало та кылбуръёс со сярысь, кызьы Иегова учке чылкыт луон шоры?

• Мар тӥ карыны быгатоды, чылкыт улон понна?

Куддыръя чылкыт улон понна, милям трос дырмы но кужыммы кошке. Озьы ке но ми быгатӥськомы чылкыт улыны, кытын гинэ ми медам улэ но кӧня гинэ коньдонмы милям медаз луы. Учке ВИДЕОРОЛИКЕЗ но юанъёслы валэктонъёс сётэ.

• Малы кулэ чакланы, ӟеч иворез веракумы, милям ваньмыз чылкыт мед луоз шуыса: дӥськутмы, сумкамы, планшетмы яке телефонмы? Мар малпалозы адямиос Иегова сярысь, ми шоры учкыса?

4. Кызьы умойтэм сямъёсмес вормоно

Тӥ тамак кыскиськоды яке наркотикъёс кутӥськоды ке, тодӥськоды, дыр, макем секыт та сямъёслэсь куштӥськыны. Но соослэсь куштӥськыны луоно! Мар тӥледлы юрттоз? Лыдӟе Матфейлэсь 22:37—39 но валэктэ, кызьы тамак кыскон но наркотикъёсты кутон шӧдӥське:

• Иеговаен кусыпъёс вылын;

• матысьёсынымы кусыпъёс вылын.

Малпалэ но гожтэ, мар тӥледлы кароно, урод сямдэс вормон понна a. Учке ВИДЕОРОЛИКЕЗ.

Лыдӟе 2 Коринфъёслы 4:7 но та юанлы валэктон сётэ:

• Кызьы вӧсяськон, Библиез дышетон но кенешлэн пумиськонъёсаз ветлон кужым сётозы тӥледлы урод сямлэсь куштӥськыны?

 5. Нюръяське кырсь малпанъёсын но сямъёсын

Лыдӟе Колоссыослы 3:5 но та юанъёслы валэктонъёс сётэ:

• Кытысь ми тодӥськомы, Иегова порнография учконэз, секстингез b но маструбациез кырсь ужъёсын лыдъя шуыса?

• Соглаш-а тӥ Иеговалэн та выллем ужъёс шоры учконэныз? Валэктэ.

Учке ВИДЕОРОЛИКЕЗ но тодэ, кызьы кырсь малпанъёсын нюръяськоно.

Малпанъёсмес чылкыт возён понна, милемлы туж тыршоно луэ. Ӧжыт гинэ кыӵе ке кырсь малпан кылдэ ке, милемлы сое соку ик выжытэм быдтоно. Тани кыӵе пример вераз Иисус. Лыдӟе Матфейлэсь 5:29, 30 но та юанлы валэктон сётэ:

• Иисус ӧз вера, милемлы асьмеды сӧсыртоно шуыса. Солэн кылъёсыз возьмато, милемлы ӝегатскытэк кароно ваньзэ, кырсь малпанъёсын нюръяськон понна. Мар кароно, кырсь малпанъёс медаз кылдэ шуыса? c

Тӥ кырсь малпанъёсын нюръяськиськоды ке, котьку тодады возе, Иегова тӥлесьтыд тыршемдэс туж дунъя шуыса. Лыдӟе Псалтирез 102:13, 14 но та юанлы валэктон сётэ:

• Кызьы та кылбуръёс урод сямъёсын нюръяськыны юрттозы?

 ТОДЭ ВАЁН

Ми мугормес но малпанъёсмес чылкыт возиськомы ке, со Иеговаез шумпоттэ.

Мае тон тодӥд?

• Малы чылкыт луыны кулэ?

• Мар кароно, мугордэс, дӥськуттэс но котырдэс чылкыт возён понна?

• Мар кароно, малпанъёсты но сямъёсты чылкытэсь мед луозы шуыса?