Imagina una mare che la ze drio pareciar el so fiol par ndar ala scola. Sicuro che ela la vol che el sìpia ben postà e che le so robe le sìpia nete. Questo sarà bon par el toseto, ma ndarà anca mostrar che so pare e so mare i lo tende ben. Podemo dir che Geovà l’è come questa mare. Lu el vol che pensemo, parlemo e femo quel che l’è puro, o giusto. Se noantri se sforsemo par esser neti e puri, semo pi felici e ghe demo onor a Geovà.

1. Come che podemo esser neti?

Geovà el dise che ‘ghemo de esser santi’. (1 Piero 1:16) Ma cossa che ne ocore far par esser santi? Ghemo de esser persone nete e parlar, pensar e far robe che le sìpia giuste. Noantri semo neti quando se sforsemo par tegner le nostre robe, la nostra casa e el nostro auto neti e ben rangiadi. Par esser neti, ghemo anca de sforsarse par lavarse tuti i giorni. Noantri podemo anca giutar a netar el Salon del Regno. Se noantri semo neti, ghe demo onor a Geovà. — 2 Corinti 6:3, 4.

2. Cossa che no ghemo de far se volemo esser puri?

La Bìblia la dise che ghemo de deventar neti e fermarse de far e pensar in tuto quel che l’è sporco. (2 Corinti 7:1) Alora, no ghemo mai de far qualcossa che la rovine el nostro corpo o la nostra mente. E come volemo contentar a Geovà, noantri anca se sforsemo par mai pensar in robe sbaliade. (Salmo 104:34) L’è anca tanto importante che quel che parlemo sìpia puro. — Ledi Colossensi 3:8.

Cossa che no ghemo de far par esser puri? Mai doperar robe che le pol rovinar el nostro corpo. Par esémpio, no fumemo sigri gnanca doperemo bètele o altre droghe. Cossita, ghemo una salute meio e mostremo che ghe demo valor ala vita. E come che podemo esser puri in quel che pensemo e in quel che femo? Mai ghemo de far robe che no le ze giuste. Par esémpio, no ghemo mai de veder ritrati e vìdei de sesso o de persone che le ze nude, o masturbarse. a (Salmo 119:37; Efesi 5:5) L’è vera che no l’è fàcile fermarse de far queste robe, ma Geovà el pol giutarne tanto. — Ledi Isaia 41:13.

 IMPARA DE PI!

3. Quando semo neti, ghe demo onor a Geovà

Quando imparemo de pi sora le lege che Geovà el ga dato ala nassion de Israel, capimo che lu el vol che semo neti. Ledé Ésodo 19:10 e 30:17-19, e dopo, parlé sora questo:

• Cossa che Geovà el volea che i israeliti i fesse?

• Cossa che te pol far par esser sempre neto?

Ghemo de torse el tempo e sforsarse par esser neti. Podemo esser neti, no importa ndove semo de star o se semo siori o poareti. Vardé el VÌDEO, e dopo, parlé sora questo.

• Parché che le persone nela predicassion le ndarà rispetar de pi a Geovà se le nostre robe le ze nete?

4. Férmate de far quel che no ghe piase a Geovà

Se te fumi o te doperi droghe, te sè come l’è fadiga fermarte. Cossa che pol giutarte? Pensa in quel che sucede se te seiti a farlo. Ledé Mateo 22:37-39, e dopo, parlé sora questo. Come che fumar o doperar droghe rovina e intriga . . .

• la to amicìssia con Geovà?

• la to fameia e i to amighi?

Proa pensar in quel che te pol far par esser bon de fermarte. b Vardé el VÌDEO.

Ledé Filipensi 4:13, e dopo, parlé sora questo:

• Come che pregar, studiar la Bìblia e ndar ale riunion pol giutar una persona a fermarse de far quel che no ghe piase a Geovà?

 5. No stà pensar e far quel che l’è sbalià

Ledé Colossensi 3:5, e dopo, parlé sora questo:

• Geovà no ghe piase mia che una persona la vede vìdei o ritrati de sesso o de persone nude e gnanca che li mande ai altri. Geovà gnanca no ghe piase che la se masturbe par gaver piaser. Come che savemo che Geovà no ghe piase mia de queste robe?

• Sarà che l’è giusto che Geovà el ne domande de far sempre quel che l’è polito?

Cossa che pol giutarte a fermarte de pensar in robe sbaliade? Vardé el VÌDEO.

Gesù el ga mostrà che ghemo de sforsarse par pensar e far sempre quel che l’è giusto. Ledé Mateo 5:29, 30, e dopo, parlé sora questo:

• Gesù no l’era drio insegnarne che ghemo de farse mal, ma che ghemo de sforsarse tanto par far quel che l’è giusto. Cossa che pol giutar una persona a fermarse de pensar in robe sbaliade? c

Se te sì drio sforsarte par fermarte de pensar in quel che l’è sbalià, Geovà el resta tanto contento. Ledé Salmo 103:13, 14, e dopo, parlé sora questo:

• Se te par che no te sì bon de fermarte de far qualcossa de sbalià, come questo testo el pol giutarte?

 COSSA CHE TE GHÈ IMPARÀ?

Quando se sforsemo par esser neti e pensar e far quel che l’è giusto, assemo Geovà contento.

Sito bon de ricordarte?

• Parché che ghemo de esser neti e pensar e far quel che l’è giusto?

• Come che te pol esser neto?

• Come che te pol sempre pensar e far quel che l’è giusto?