DILONGI 40
Bue tulenda bela bavedila va meso ma Nzambi
Mu thangu mama dimosi kalembo bongisa muan’andi nio weka nkuenda mu nzo nkanda, weta tula ti kaba kitoko ayi minledi miandi miba mimboti; zebi ti niandi buvangila, muan’andi makaba buvini bumboti. Muana niandi banga wuvedila thangu zioso, yawu yimmonisa ti bambuta ziandi beta kunkipa. Bobuawu phe, Tat’eto di mazulu weta bongila buvedila mu mfunu wombo. Betu banga thangu zioso bavedila, buvini bueto bu nitu ayi bumutu bueto bukhati mabu ba bumboti ayi Yehova wela zitusu mu diambu beni.
1. Bue tulenda bela bavedila mu nitu?
Yehova wutuveni lutumu lualu lutubidi ti: “Luba banlongo.” (1 Piela 1:16) Ba wunlongo yinsundula, ba mutu widi wuvedila mu bumutu bukhati ayi mu nitu. Ba wuvedila mu nitu yinsundula, yobilanga, vuatanga minledi mimboti, bongisanga nzo’aku, sukulanga ditoma diaku voti moto yaku ayi vatilanga jardin yaku ayi mambu mankaka. Kadika mutu mu betu lenda kuandi buela mioko mu kombulanga ayi mu sukulanga nzo yi Kimfumu. Betu ba bavedila, buawu tueta zitisila Yehova.—2 Kolinto 6:3, 4.
2. Mosi tuba bavedila bifu mbi tufueti loza?
Bibila kitubidi bumboti mboti ti: ‘Tukivedisa mu mambu moso momo malenda bebisa nitu ayi pheve.’ (2 Kolinto 7:1) Yawu yinsundula ti tufueti loza mambu moso mo malenda kutunatina mbivusu mu nitu, mu kimutu kieto kikhati ayi mu mayindu meto. Mu diambu di mabanza meto mayangidika Yehova, tufueti botula nsualu nsualu mayindu momo kamasi ko mafuana. (Minkunga 104:34) Tufueti kikenga phe mu thangu tulembo tubi.—Tanga Kolosayi 3:8.
Mambu mbi malenda kutubivisa? Bima binkaka, banga tsunga ayi zio zingolo (drogue) bilenda kutubivisa voti kutuvonda. Diawu tufueti kubimanga. Mutu nioni kakanuanga ko zitsunga ayi zio zingolo (drogue) wukala ayi buvini bu nitu bumboti, weta monisa ti weta zitisa dikaba di luzingu. Mosi wuba bumutu bukhati buvedila, yintombana manga simba binnama bibutila mu diambu di wumona lueki (masturbation) ayi manga tala pornografi. (Minkunga 119:37; Efeso 5:5) Phasi yikala mu lembo bifu beni biobi bimbimbi vayi tulenda tudila lusadusu lu Yehova ntima.—Tanga Yesaya 41:13.
TUVISA MBOTI MBOTI
Tutala bue buvedila bueta zitisila Yehova ayi bue tulenda nungina lembo bifu bio bilenda kutubivisa.
3. Buvedila bu nitu bueta zitisa Yehova
Tulenda zaba bue Yehova keta tadila buvedila bu nitu mu tadila minsiku mio kavana bana ba Iseli. Tanga 2 Mose 19:10 ayi 30:17-19 ayi vana mimvutu mu biuvu biabi:
-
Ziverse zio mbi zikutulonga mu phila yo Yehova keta tadila buvedila?
-
Bukheti mbi buntombana kuidi mutu mu diambu di kaba wuvedila?
Ba mutu wuvedila ayi wunsukulanga bima biandi, thangu yeta tomba ayi zingolo. Buawu kaka tufueti tudila buba mbakulu’eto bue yiyididi voti buangu kioki tueta vuanda bue kikididi.
Tala VIDEO ayi vana mvutu mu kiuvu kiaki kilandikini.
-
Enati tuidi bavedila ayi basungama, batu bo tueta samunina mbi balenda tuba?
4. Bue tulenda nungina lembo kifu kimosi kilenda tubivisa
Mu lusadusu lu Yehova, tulenda nunga loza kifu kimosi kimbimbi
Mutu nio weta nua tsunga voti zitsunga zingolo (drogue) zebi ti phasi yikala mu lembo. Enati buawu phe buididi kuidi ngeyo, yindula mambu mo bifu biobi bilenda kunatina mu luzingu luaku. Tanga Matayi 22:37-39 ayi vana mvutu mu kiuvu kiaki: Enati mutu mosi wulembo nua tsunga voti drogue mbi dikuiza tudi mu . . .
-
kikundi kiandi ayi Yehova?
-
dikanda diandi ayi bakundi bandi?
Kubama mu diambu di wununga lembo kifu kimosi kimbimbi. * Tala VIDEO.
Tanga Filipi 4:13 ayi vana mvutu mu kiuvu kiaki:
-
Mu thangu wulembo tudi zingolo mu diambu di lembo kifu kimosi kio kilenda kubivisa, mfunu mbi didi mu tulanga lusambulu, ndongokolo yi Bibila ayi kutakana mu lukutukunu?
5. Bue bunungina mayindu ayi mavanga mo malenda kubivisa
Tanga Kolosayi 3:5 ayi vana mimvutu mu biuvu biabi:
-
Bila mbi tulenda tubila ti pornografi, zimesage zinkotulanga tsatu zi sangisa nitu (sexting), simba simba binnama bibutila mu diambu di wumona lueki madi mambu mambimbi va ntuala Yehova?
-
Yehova mambu mangolo kadi mu thangu kakutulomba tuba bavedila mu bumutu bukhati? Bila mbi?
Tulenda kueto nunga lembu mayindu mo malenda kutubivisa. Tala VIDEO.
Mu diambu di monisa mambu mo tufueti vanga ayi muingi tuba bumutu buvedila, Yesu wusadila fuanusu kimosi. Tanga Matayi 5:29, 30 ayi vana mvutu mu kiuvu kiaki:
-
Yesu kasi tia ko tuba ti tukivanga phasi, vayi tufueti tula ngolo mu manga bifu beni bimbimbi. Mintindu mbi mi zinzengolo mutu kafueti baka mosi kabaka bulozila mayindu mambimbi mu mabanza mandi? *
Enati wulembo nuani mu diambu di loza mavanga mambimbi muna kikinina ti, Yehova wulembo moni zingolo zio wulembo tudi. Tanga Minkunga 103:13, 14 ayi vana mvutu mu kiuvu kiaki:
-
Enati wulembo nuani mu diambu di loza mavanga mambimbi, bue ziverse zio zilenda kusadisila wutatamana nuana?
Enati buedi bue vutukila kifu beni? Buna tatamana nuana!
“Bo ndikadi nunga, mboti nditumbu bika.” Thangu zinkaka ziawu zio ziphova zieta kuiza tuba mutu nioni mebo bua mu kifu kimosi kio kalembu nuani bika. Vayi tubonga theti kifuani ki mutu nio weta sala kisalu ki nakuna zithinu. Yisi ko kaka mu bila kakondikini voti kabuidi, buna diawu kapodidi voti keka bue vutukila va thonono. Bobuawu phe, enati mutu mosi buidi diaka mu kifu kimosi kimbimbi kalembo nuani bika, yawu ko yimmonisa ti kakadi nunga lembo kifu beni. Ayi diawu ko divondidi zingolo zio kame tula mu diambu di kabika kifu beni. Bue bua mu kifu kimosi kimbimbi kioki wulembo nuani bika, yikala ko thangu zioso mbimbi. Vayi didi diambu dio didi mu nzil’aku yi nunga kifu beni. Diawu kadivonga! Mu lusadusu lu Yehova, wulenda nunga lembu kifu kiaku kimbimbi.
BATU BANKAKA BETA TUBA TI: “Ndikivanina ngolo mu bifu bimbimbi, ndiedi bue koka ko bo lembu!”
-
Verse mbi lenda kummonisa, ti mu lusadusu lu Yehova kalenda kuandi nunga lembo kifu beni kimbimbi?
MU BUKHUFI
Betu ba bavedila, ba mayindu mamboti ayi ndiatulu yimboti matuzitisa Yehova.
Phutukulu
-
Bila mbi ba wuvedila yididi mfunu?
-
Ba wuvedila mbi yinsundula?
-
Ba mayindu ayi ndiatulu yimboti mbi yinsundula?
TALA MAMBU MANKAKA
Bukheti bukambulu phasi mu sadila buba mbakulu’eto yi fioti yidi.
Zindongi zimboti zio zilenda kusadisa wulembo nua tsunga zibisinga.
“Ndenge ya kotika likaya” (Lamuká! ya 07/2010)
Tala mambu mambimbi momo pornografi yi lenda kunatina.
“Pornografi—Ezali lisano mpamba to pwazɔ?” (Linɔ́ngi ya Mosɛnzɛli ya 01/08/2013)
Bakala dimosi nio wuba ngolo mu talanga pornografi, wunuana mvita mu diambu di kalembo.
“Ezalaki mpasi natika bomoi na ngai ya kala” (Linɔ́ngi ya Mosɛnzɛli No. 4 2016)
^ Va buangu “Tala mambu mankaka,” disolo ditubidi “Ndenge ya kotika likaya” dilenda kusadisa mosi wubika boba mvika zitsunga.
^ Mu diambu ditedi simba simba binama bi nitu mu diambu di mona lueki, tala kupu 25 yi buku Mituna oyo bilenge batunaka—Biyano oyo ebongi (volume 1) yo yitubidi “Ndenge ya kotika kosakana na binama ya kobotela.”
