UMBUESÁ 40
Mayé yapoderi yaikú ikiaíma Jeová supé?
Remanduári yepé mañha umundéu uikú imembira usú arama escola kití. Aé umaã katú sá aé ikiaíma uikú asuí sá uikú puranga. Mairamé aé umuñhã kuayé imembira upitá puranga asuí amuitá ta umaã aé urikú payaitá tá umuñhakuntawaá isesé. Mayé payaitá ta uputari ta raíraitá ta uikú ikiaíma, Jeová yané Paya uputari yaikú ikiaíma yané pira upé asuí yané manduarisá upé. Puranga yandé arama mairamé yaikú ikiaíma asuí yamusurí Jeová.
1. Mayé yapoderi yaikú ikiaíma?
Jeová umbeu yarikuté ‘yaikú santo’. (1 Pedro 1:16 TNM, português rupí) Yaikú santo uputari umbeu yaikú ikiaíma yané pira upé asuí yané manduarisá upé. Yapitá ikiaíma mairamé yasuka muíri ara, yapeteka yané roupa, yayusí yané ruka asuí maã yarikuwaá. Asuí yuíri yapoderi yajudari ta uyusí mamé yayumuatiri yayumbué arama Jeová resé. Yamuñhã ramé kuayé yadorari Jeová mayé aé uputariwaá. — 2 Korintowaraitá 6:3, 4.
2. Maã uxari yandé ikiá?
Bíblia umbeu “yarikute yamburi yanesui panye yanepuxuwerasawa, panye yanepira sui, panye yanepia sui yuiri”. (2 Korintowaraitá 7:1) Kuá uputari umbeu ti yapoderi yamuñhã ne maã umuñhãwaá yané pira u yané manduarisá upitá ikiá. Yaputari maã yamanduári umusurí Jeová. Yawewaá resewara yayuesforçari ti arama yamanduári maã puxiwerawaá asuí ikiawaá resé. (Salmuitá 104:34) Asuí yuíri yaputari yambeu ñheenga puranga asuí ikiaíma. — Releri Kolosowaraitá 3:8.
Será aikué amú maã upoderiwaá uxári yandé yapitá ikiá? Yepeyepé maã upoderi umupuxiwera yané pira asuí uxari aé ikiá. Yawewaá resewara ti yafumari ne yausari droga. Yamuñhã ramé kuayé yapitá puranga piri asuí yamukameẽ yarespeitari yané vida. Mayé yapoderi yaikú ikiaíma yané manduarisá upé asuí yané pira upé? Ti ramé yamuñhã maã ikiaiwaá mayé masturbação (mairamé yepé mira upisika yara) asuí ti ramé yamaã pornografia. (Salmuitá 119:37; Efezowaraitá 5:5) Amuramé iwasú yapituú yamuñhã kuayé, ma Jeová upoderi uajudari yandé. — Releri Izaía 41:13.
REYUMBUÉ PIRI ARAMA
Remaã marã yameẽ glória Jeová supé mairamé yaikú ikiaíma. Remaã yuíri mayé yapoderi yapituú yamuñhã maã ikiawaá.
3. Yameẽ glória Jeová supé mairamé yané pira uikú ikiaíma
Yaleri ramé Jeová lei Israel supé yayumbué Jeová uputari miraitá tá uikú ikiaíma. Peleri Êxodu 19:10 asuí 30:17-19. Ariré pekuntari kuá resé:
-
Será Jeová uputari yané pira uikú ikiaíma? Maã aé umanduári kuá resé?
-
Maã repoderi remuñhã rerikú arama ne pira ikiaíma?
Yaprecisari yayuesforçari asuí yayuka tempo yaikú arama ikiaíma. Pañhe yandé yapoderi yamuñhã kuayé, ti importante mamé yaviveri, sá yandé pirasúa u yarikú bũa dinheiro. Pemaã kuá VÍDEO. Ariré pekuntari kuá resé:
-
Marã taá yarikuté yaxari yané yara ikiaíma yakuntari ramé Jeová resé?
4. Repoderi remuserana ne vício
Jeová upoderi uajudari yapituú arama yamuñhã maã ikiawaá
Sá indé refumari u reusari droga, indé rekuá mayé iwasú repituú arama remuñhã kuayé. Maã upoderi uajudari indé? Remanduári mayé kuá umuapatuka ne vida. Peleri Mateu 22:37-39. Ariré pekuntari kuá resé: Mayé yafumari ramé u yausari ramé droga umuapatuka . . .
-
yané amizade Jeová irum?
-
yané anama asuí amuitá?
Remanduári maã indé repoderi remuñhã repituú arama remuñhã maã ikiawaá. a (Pemaã nota.) Pemaã kuá VÍDEO.
Peleri Filipowaraitá 4:13. Ariré pekuntari kuá resé:
-
Marã puranga yamuñhã oração, yayumbué Bíblia resé asuí yayumuatiri yapituú arama yamuñhã yepé maã ikiawaá?
5. Reyuesforçari ti arama remanduári ne remuñhã yepé maã puxiwerawaá
Peleri Kolosowaraitá 3:5. Ariré pekuntari kuá resé:
-
Mayé yakuá Jeová umaã ipuxi pornografia, sexting asuí masturbação? b — Pemaã nota 1.
-
Será yapoderi yaikú ikiaíma mayé Jeová uputariwaá? Mayé resuaxara?
Remaã mayé repoderi reyuesforçari ti arama remanduári ne remuñhã yepé maã ikiawaá. Pemaã kuá VÍDEO.
Jesus umeẽ yepé exemplo uajudari arama yandé yapitá ikiaíma. Peleri Mateu 5:29, 30. Ariré pekuntari kuá resé:
-
Jesus ti uputari umbeu yarikuté yamburi yané pú u yané resá. Maã yarikuté yamuñhã ti arama yamanduári maã ikiawaá resé? c — Remaã nota 2.
Rekuaté Jeová uvalorizari retana indé mairamé resikari kirimbá rexari ne manduarisá ikiaíma. Peleri Salmuitá 103:13, 14. Ariré pekuntari kuá resé:
-
Mayé kuá texto upoderi uajudari indé sá iwasú repituú arama remuñhã yepé maã ikiawaá?
Te repituú!
Mairamé yepé mira umuñhã mukũisá yepé maã ikiawaá, aé upoderi umanduári: ‘Ixé ti avaleri ne maã! Ne mairamé asú aconseguiri apituú amuñhã maã ikiawaá’. Remanduári yepé apigá resé uputariwaá uganhari yepé corrida, ma aé uwari. Kuá ti uputari umbeu aé uprecisari uyupirũ kuá corrida mukũisá u aé uperderi kuá corrida. Mayé iyawé pañhe yandé amuramé yapoderi yayawí mukũisá. Ma kuá ti uputari umbeu ne mairamé yasú yaconseguiri yamuserana. Ti yapoderi yapituú! Jeová ajuda irum yapoderi yapituú yamuñhã yepé maã ikiawaá.
YEPEYEPÉ MIRAITÁ TA UMBEU: “Ixé arikú yepé vicío. Ti aconseguiri apituú.”
-
Mayewaá Bíblia versículo repoderi reusari remukameẽ arama Jeová ajuda irum yapoderi yamuserana pañhe maã ikiawaá?
MAÃ REYUMBUÉ
Yamusurí Jeová mairamé yarikú yané manduarisá, yané pira asuí yané rikusá ikiaíma.
Remanduári arama
-
Marã yarikuté yaikú ikiaíma?
-
Mayé yapoderi yarikú yané pira asuí yané yara ikiaíma?
-
Mayé yapoderi yarikú yané manduarisá ikiaíma asuí yamuñhã añhũ maã ikiaíma?
REPUTARI SERÁ REKUÁ PIRI?
Maã repoderi remuñhã repitá arama ikiaíma sá ti rerikú bũa dinheiro?
Remaã maã repoderi remuñhã, repituú arama refumari.
“Mayé repoderi repituú refumari” (Despertai!, maio de 2010)
Remaã maã usasá yamaã ramé pornografia.
“Pornografia — Yawaité u umbaá?” (A Sentinela, 1.º de agosto de 2013)
Remaã mayé yepé apigá uconseguiri upituú umaã pornografia.
“Iwasú retana ixé arama, ma amuserana!” (A Sentinela, n.º 4 de 2016)
a Rekuá piri arama mayé repoderi remuserana yepé vício releri “Reputari será rekuá piri” upé kuá resé: “Mayé repoderi repituú refumari”.
b Nota 1: Sexting (aintá ta useruka yuíri nude) uputari umbeu yepé mira umundú isanga piruka.
c Nota 2: Rekuá xinga arama, remaã kuá capítulo “Como posso vencer o mau hábito da masturbação?” livro Os Jovens Perguntam — Respostas Práticas, Volume 1, capítulo 25 upé.
