41 УРОК
Агару Бичикте секс керегинде не айдылат?
Кӧп саба улуска секс керегинде тема аайынча куучындажарга эби јок болуп јат. Је Агару Бичик секс ле сексуальный колбулар керегинде јажырбай, чике айдып та турган болзо, је бу ок ӧйдӧ бу тема керегинде тоомјылу айдат. Андагы бичилген нормалар биске кору болот, нениҥ учун дезе ол нормаларды бистиҥ Јайаачыбыс, Иегова Кудай, тургускан. Ол биске не керектӱзин бистеҥ артык билер эмей. Бисти јажын-чакка ырысту јӱрзин деп, Кудайыс биске нени эдетенин ле нени этпейтенин јарт айдып турган.
1. Иегованыҥ секске кӧрӱми кандый?
Секс — Иегованыҥ сыйы. Ол бу сыйла јасак аайынча биле тӧзӧгӧн эр ле ӱй кижини јакшызынып јӱрзин деп кӱӱнзейт. Кудайдыҥ бу сыйынаҥ улам эш-нӧкӧрлӧр јӱк ле бала-баркалу болор аргалу эмес, је бой-бойын эркеледижип, сӱӱжин кӧргӱзер аргалу. Оныҥ учун Агару Бичикте айдылат: «Јиит тужыҥда алган ӱйиҥле сӱӱнип јӱр» (Укаа сӧстӧр 5:18, 19). Иегова билелӱ христиандардаҥ бой-бойына чындык болзын ла эш-нӧкӧри эмес кижиле конбозын деп некейт. (Еврейлерге 13:4 кычырыгар.)
2. Сексуальный кинчектерге не кирет?
Агару Бичикте айдылганыла, «балыр јӱрӱмдӱлер... Кудайдыҥ Каандыгынаҥ јер албас» (1 Коринфтегилерге 6:9, 10). Агару Бичиктиҥ грек тилге бичилген бу да, ӧскӧ дӧ бичиктеринде сексуальный кинчектерди кӧргӱзерге, порне́йа деп сӧс тузаланылган. Бу сӧскӧ не кирет? 1) Јасак аайынча биле тӧзӧбӧгӧн улустыҥ ортозында сексуальный колбулар a; 2) гомосексуальный колбулар; 3) мал-аш ла улустыҥ ортозында секс. Бис Иегованыҥ нравственный нормаларыла јӱрзеес, оныҥ јарадузын аларыс. Анайда ок бойысты кӧп уур-кӱчтердеҥ корулаарыс (1 Фессалоникадагыларга 4:3).
ТЕРЕҤЖИДЕ КӦРӰГЕР
Сексуальный кинчектер этпеске не болужарын ла Кудайдыҥ моральный нормалары слерди канайып корулаарын билип алыгар.
3. Сексуальный кинчектердеҥ качыгар
Кудайга чындык Иосиф деп кижи, тӧжӧккӧ кожо јадак деп албаданган ӱй кижинеҥ кача берген. Башталганы 39:1—12 кычырып, сурактарды шӱӱжип ийигер:
-
Нениҥ учун Иосиф кача берген? (9 ӱлгерди кӧрӱгер.)
-
Канайып сананадаар, Иосиф чын эткен бе? Јартап беригер.
Бӱгӱнги кӱнде јииттер Иосифтеҥ кандый тем алар аргалу? ВИДЕОНЫ кӧрӱгер.
Иегова бистиҥ кажыбысты ла оныҥ нравственный нормаларыла јӱрзин деп кӱӱнзейт. 1 Коринфтегилерге 6:18 кычырып, сурактарды шӱӱжип ийигер:
-
Кандый айалгаларда кижи сексуальный кинчекке кирип калардаҥ айабас?
-
Сексуальный кинчек этпеске не болужар?
4. Слер ченелтеге удура турар аргалу!
Кезикте балыр керек этпеске нениҥ учун јеҥил эмес болот? ВИДЕОНЫ кӧрӱп, суракты шӱӱжип ийигер.
-
Бу эр кижи, оныҥ кезик керектери ле санаалары ӧскӧ ӱй кижиле конорына экелердеҥ айабас деп билип ийеле, нени эткен?
Керек дезе ченемелдӱ де христиандарга бойыныҥ санааларын ару тударга кӱч болот. Балыр санаалардаҥ айрыларга слерге не болужар? Филиппыдагыларга 4:8 кычырып, сурактарды шӱӱжип ийигер:
-
Санаабысты неле толтырар керек?
-
Агару Бичикти кычырганыс ла христиан керектерде эрчимдӱ турушканыс, кинчек эдип ийбеске канайып болужар?
5. Иегованыҥ нормалары бисти корулайт
Биске не јакшы болорын Иегова билер. Нравственный јанынаҥ канайып ару артарын ла андый јӱрӱмниҥ тузазын ол јартап јат. Укаа сӧстӧр 7:7—27 кычырыгар эмезе ВИДЕОНЫ кӧрӱгер. Оноҥ сурактарды шӱӱжип ийигер.
-
Бу јиит уул бойын тудунып болбос айалгада канайып болуп калган? (Укаа сӧстӧр 7:8, 9 кӧрӱгер.)
-
Укаа сӧстӧр 7:23, 26-ла болзо, сексуальный кинчектер јаан кӱчтерге экелет. Кудайдыҥ нравственный нормаларыла јӱрзеес, бис бойысты кандый јаан кӱчтердеҥ корулап аларыс?
-
Бистиҥ нравственный јанынаҥ ару јӱргенис, эмдиги ӧйдӧ лӧ јажын-чакка сӱӱнчилӱ јӱрерге канайып болужар?
Гомосексуальный колбуларга Агару Бичиктиҥ кӧрӱми ӧткӱре кату деп, кезик улус айдат. Је Иегова — сӱӱштӱ Кудай, ол кажы ла кижини јажын-чакка јӱрзин деп кӱӱнзейт. А јажын-чакка јӱрерге, оныҥ нормаларыла јӱрер керек. 1 Коринфтегилерге 6:9—11 кычырып, суракты шӱӱжип ийигер:
-
Кудай јӱк ле гомосексуальный колбуларды јаратпай турган ба?
Бис Кудайдыҥ јарадузын аларга турган болзоос, биске бойыска да солынар керек. Солынарга албаданганыстыҥ тузазы кандый? Сарын 19:8, 11 кычырып, суракты шӱӱжип ийигер:
-
Слер сананзаар, Иегованыҥ нравственный нормалары ойгор бо? Нениҥ учун анайып сананып турганаар, јартап беригер.
Иегова кӧп улуска оныҥ нравственный нормаларыла јӱрӱп баштаарга болушкан. Ол слерге де болужар
КЕЗИК УЛУС АЙДАТ: «Сексте эки кижи бой-бойын сӱӱп, эптӱ-јӧптӱ ле болзо, артканы не керек».
-
Слер нени айдар эдеер?
ТӦС ШӰӰЛТЕЗИ
Секс — јасак аайынча биле тӧзӧгӧн эр ле ӱй кижиге Иегованыҥ берген сыйы.
Нени билип алдыгар?
-
Сексуальный кинчектерге не кирет?
-
Сексуальный кинчектердеҥ бойысты канайып корулаар?
-
Иегованыҥ моральный нормаларыла јӱргенистеҥ кандый туза бар?
ШИҤДЕЙТЕН МАТЕРИАЛ
Иегованыҥ кӧрӱмиле, кожо јуртап турган эр ле ӱй кижи јасак аайынча алыжып алган болор керек.
«Јасак аайынча биле тӧзӧӧрдӧҥ озо кожо јадары керегинде Агару Бичикте не айдылат?» (веб-статья)
Агару Бичикте гомосексуалисттерди јаман кӧрӧр керек деп айдылбай јат.
Кудайдыҥ половой мораль јанынаҥ јасактары бисти канайып корулап турганын билип алыгар.
«Оральный сексти чыннаҥ ла секс деп айдарга јараар ба?» (веб-статья)
«Олор меге тоомјылу баштанган» деп статьяны кычырып, бир гомосексуалист болгон эр кижини Кудайдыҥ јасактарыла јӱрӱп баштаарга не кӱӱнзеткенин билип алыгар.
«Агару Бичик улустыҥ јӱрӱмин солыйт» («Каруулчы шибее», 2011 јыл, кандык ай 1)
a Мындый керектерге оральный ла анальный секс ле ӧскӧ кижиниҥ половой органдарын сыймаганы кирет.
Анайда ок слерге јараар болор
ЈААНТАЙЫН БЕРИЛИП ТУРГАН СУРАКТАР
Иегованыҥ Керечилериниҥ Агару Бичикти ӱренетен курсы канайып ӧдӧт?
Иегованыҥ Керечилеринде Агару Бичик неге ӱредип турганын билип аларга болужатан тузалу курс бар. Ӱредӱниҥ ӧйинде слер бойоордыҥ Агару Бичигерле тузаланар аргалу, анайда ок ӱредӱлерге бойоордыҥ билегерди ле најылараарды айдып алар аргалу.
