SAKA 41 FEDENGAN
Pakayni Madadiˈiyay a Demak, Samaanay ko Sowal no Fangcalay Cudad?
Pakayni madadiˈiyay a demak, ˈalomanay tamdaw mangodoan nanay somowal to hatiniay demak. Nikawrira, o Fangcalay Cudad misakaretengay patodicek a somowal tonini demak, onini lalakaw taˈangayay ko pipadama kitanan. Samanen o Misangaˈay a Tatapangan ci Yihofa ko papitiliday to Fangcalay Cudad, mafanaˈay Cingra o manan ko sangaˈayay kitanan. Mifanaˈay Cingra to sasamaan kita pakahemek Cingranan, samaan ngaˈ tahadaˈoc a rihaked to fangcalay nokaˈorip.
1. Pakayni madadiˈiyay a demak, samaanay ko pinengneng ni Yihofa?
Pafeliay ci Yihofa to sapakaolah i mararamoday a faˈinayan ato fafahiyan, edengan ko mararamoday ngangaˈay a madadiˈi. Onini a sapakaolah sakangaˈay no mararamoday ciwawa, hanaca ngangaˈay paihkal to masasiolahay, paira to lipahak nangra. Mansa mihaen ko sowal no Fangcalay Cudad: ‘Rahekeren kiso to kaemangho mialaan iso a fafahi.’ (Taneng 5:18, 19) Halamhamay ci Yihofa to Krisciyang madimadi to ramod no niyah, samanen ano misamacay kita maolah to ramod i, cowato ko mamidemak to maˈaˈodangay a demak.—ˈOsien ko Hipray 13:4.
2. O manan ko maˈamelasay a madadiˈiyay a demak?
Sowal no Fangcalay Cudad, o maˈodangay a tamdaw ‘cowa ko mamicada to Hongti Kitakit no Kawas.’ (1 Korinto 6:9, 10) Itini sinael ora ‘maˈodangay’ hananay i, o maˈamelasay a madadiˈiyay a demak. O Fangcalay Cudad tano Kirisiya a sowal ‘por·neiʹa’ a mitilid to maˈamelasay a madadiˈiyay a demak. Onini a tilid mahawpay ko: (1) Madadiˈi to i putalay no raramod a tamdaw, a (2) tongsinlien a madadiˈiyay a demak, (3) miˈalip to ˈaˈadopen. Ano matira kita to misowalan no Fangcalay Cudad ‘mikeceng a miliyas to maˈodangay’ i, o papakahemek ci Yihofaan, hanaca o caciepoc ko niyah.—1 Tisalonika 4:3.
CALEPEN MIKADKAD
Dotoc mamananam iso: Sasamaan miliyas to maˈamelasay a madadiˈiyay a demak? Makorac ko waywayan iraay ko maanan a sakaciepoc no miso?
3. Miliyas to maˈamelasay a madadiˈiyay a demak
O madimadiay to Kawas ci Yosif. Misaˈicalay cingra micoˈay to sakayhid, makorac ko waywayan. ˈOsien ko Satapangan 39:1-12, ikor lengoen ko ilaenoay a salicay:
-
Hano comikay a milaliw ci Yosif?—Nengnengen ko saka 9 sinael.
-
Matatodongay ko saˈosi ni Yosif sanay kiso miharateng han? Misamaanay?
Sasamaan ko kapah a tamdaw anini minanam ci Yosifan, miliyas to maˈamelasay a demak? Nengnengen ko IKA.
Halamhamay ci Yihofa kitanan maemin miliyas to maˈodangay a demak. ˈOsien ko 1 Korinto 6:18, ikor lengoen ko ilaenoay a salicay:
-
Itini masamaanay a pakayraan, alatek mamidemak ko tamdaw to maˈodangay a demak?
-
Sasamaan ko demak iso ngaˈ maliyas ko maˈodangay a demak?
4. O papakacoˈay kiso to sakayhid
Nolatekay hano pasangar micoˈay to madadiˈiyay a sakayhid? Nengnengen ko IKA, ikor lengoen ko ilaenoay a salicay:
-
Mahapinangay no i ikaay a faˈinayan salikaka, o harateng no niyah ato waywayan alatek mamikayat cingranan misaawa a misilikor to fafahi. Ikor midemakay cingra to manan a misalof hani?
Soˈliˈlin o madimadiay to Kawas a Krisciyang, nolatekay mamilood to niyahan, ngaˈ makorac ko harateng. Pakayni sapiliyasaw to maˈodangay a demak, sasamaan kiso midemak hani? ˈOsien ko Filipi 4:8, ikor lengoen ko ilaenoay a salicay:
-
Midotim kita to masamaanay a demak?
-
Miˈosi to Fangcalay Cudad ato ˈifowa a matayal to demak ni Yihofa, hano papadama kitanan micoˈay to sakayhid eca ka raraw?
5. O palinian ni Yihofa sakaciepoc kitanan
Mafanaˈay ci Yihofa to o manan ko sangaˈayay kitanan. Pasowalay Cingra sasamaan a makorac ko waywayan ita, ano mihaen kita to demak, iraay ko manan a epoc kitanan. ˈOsien ko Taneng 7:7-27 anca nengnengen ko IKA, ikor lengoen ko ilaenoay a salicay:
-
Ora nisowalan no sinael a kapah samaanay palidlid sa makefeng i talakal?—Nengnengen ko Taneng 7:8, 9.
-
Mikitini i Taneng 7:23, 26, o maˈodangay a waywayan latekay pairaay to pakidemay a minaroˈan. Ano makorac ko waywayan ita, o mamiliyas to maanan a pasangar?
-
Ano makorac ko waywayan ita hano ira ko tokel milayap to midaˈocay makapahay a ˈorip?
O roma tamdaw miharateng, pakayni to tongsinlien o pinengneng no Fangcalay Cudad cowa ka sidaˈit, awaay ko olah sanay. Soˈlinay haw i, ci Yihofa matomesay ko olah, halamhamay Cingra to tamdamdaw ngangaˈay a milayap to midaˈocay ˈorip. Nikawrira, to sapidaˈocaw a lipahak ko kaˈorip, o mamidoedo kita to palinian no Kawas. ˈOsien ko 1 Korinto 6:9-11, ikor lengoen ko ilaenoay a salicay:
-
Itini i pinengneng ni Yihofa, edengan ko tongsinlien cowa ko matatodongay a demak han?
Sapakahemekaw to Kawas, kita maemin mamifalic to demak, mihaen i, ciepocay han? ˈOsien ko ˈOlic 19:8, 11, ikor lengoen ko ilaenoay a salicay:
-
O palinian ni Yihofa o matatodongay sanay kiso miharateng han? Misamaanay?
Padamaay ci Yihofa to ˈalomanay a mifalic, mitoor to palinian Ningra, o papadama Cingra tisowanan
ANO IRA KO SOMOWALAY: “Ano makakaolah ko tamdaw i, ngaˈayayto madadiˈi.”
-
Samaanay ko piharateng iso?
KALIMLAAN
Edengan o mararamoday ngaˈayay rihaked to madadiˈiyay a demak, o sapakaolah ni Yihofa cangranan konini.
Lomalen
-
Iraay ko masamaanay a maˈamelasay a madadiˈiyay a demak?
-
O manan ko padamaay kitanan miliyas to maˈamelasay a madadiˈiyay a demak?
-
Ano doedoen ita ko palinian ni Yihofa, mamalifok ko maanan a epoc?
MALALITINGAY A LALAKAW
O saali no Kawas, ano sakatatekoaw a maˈorip, mararamod ko faˈinayan ato fafahiyan ngaˈ?
Mirikecay ko Fangcalay Cudad to tongsinlien, kakaˈintehen ko tongsinliennay a tamdaw han?
Nengnengen ko sarikec no Kawas pakayni to madadiˈiyay a demak samaanay midipot kitanan.
“Tano Ngoyos a Malaˈalip o Maˈodangay Han?” (Lalakaw no wangcan)
O cecay tongsinlien hano mafalic, midoedo to kaolahan no Kawas a pakayraan maˈorip? Nengnengen ko lalakaw “Misakaretengay Cangra Takowanan.”
“Minanam to Fangcalay Cudad a Mafalic ko Nokaˈorip” (Mikecolay, 2011/4/1)
a Tinakoen malaˈalipay, tano ngoyos, hemot malaˈalip anca sapirenecaw to coos no hecian mipohpoh misalama to kamaysiˈan no tao.
