DUNGU 41
Biblia, ¿chem eipi cudumuhun dungu mu?
Bentren che yehuelqui ngütramcaal cudumuhun dungu mu, huelu Biblia ngütramcaqui tübachi dungu yamün mu, ca tañi eipin cümelcaqueiñmu. Chau Jehová eli Biblia ca ayüqui taiñ cüme mongen nieal, beimu quidu pengelelqueiñmu chumngechi ayühulabel taiñ bemün mu, bemngechi taiñ nieal ayühun abquenolu.
1. ¿Chem raquiduamqui Jehová cudumuhun dungu mu?
Jehová deumai quiñe huentru ca quiñe domüche tañi curehuen-ngeal, beimu quidu engu müten ñi cudumuhual. Bemngechi pu curehuen niepoabüingün püchüqueche ca pengeluhuabüingün tañi piuqueyeuquen. Beimu Biblia eipi: “Ayühun nieaimi tami domüche mu ñi niebel tami huechengen mu” (Proverbios 5:18, 19). Jehová ayüqui pu curehuen-ngelu ñi nor piuqueyehual engu, beimu ñihualuulaai engu (papiltunge Hebreos 13:4).
2. ¿Chem concüli pod cudumuhun dungu mu?
Biblia eipi: “Pu bemquelu pod cudumuhun, [...] lloulaaingün Chau Dio tañi Ngünenel” (1 Corintios 6:9, 10). Biblia mu ñi ngütramcangeal pod cudumuhun dungu mu, griego quehun mu huirintucungi pornéia. Beimu ¿chem dungu concüli tati pornéia mu? 1) Cudumuule epu che curehuen-ngenolu. a 2) Cudumuule epu huentru engu cam epu domüche engu. Tüba ca eipingequi homosexualidad. 3) Cudumabel quiñe culliñ. Concülenoliiñ com tübachi hueyaque dungu mu, ayühulabiiñ Jehová ca cümelcaleaiñ iñchiñ (1 Tesalonicenses 4:3).
DOI CÜME QUIMNGE
¿Chumabüimi tami connoal pod cudumuhun dungu mu, ca chumngechi cümelcaaimu tami lib chengeal? Ngütramcaaiñ.
3. Bamentubinge pod cudumuhun dungu
Quiñe huentru José pingelu nor piuqueyebüi Jehová ca bamentubi pod cudumuhun dungu. Papiltunge Génesis 39:1-12. Papiltungele hula ngütramcaabiiñ tübachi pu ramtun:
-
¿Chemu leb tripai José? (Quintulbe Génesis 39:9).
-
¿Cümepi mai José tañi bemün? ¿Chem pimi? ¿Chemu?
Pu huechequeche, ¿chumngechi inaabüi José ca quiñeñpületripaabüingün pod cudumuhun dungu mu? Quintulbe tati VIDEO.
Jehová ayüqui taiñ bamentobel pod cudumuhun dungu. Papiltoiñ 1 Corintios 6:18. Papiltungele hula ngütramcaabiiñ tübachi epu ramtun:
-
Quiñe che, ¿chem dungu yeabeyu tañi conal pod cudumuhun dungu mu?
-
¿Chumabüimi tami bamentuabel pod cudumuhun dungu?
4. ¿Chem quelluabeimu (incaabeimu) tami connoal hueyaque dungu mu?
Quiñeque mu, ¿chemu cüdaungeabüi bamentuabel pod cudumuhun dungu? Quintulbe tati VIDEO. Quintulngele hula ngütramcaabiiñ tübachi ramtun:
-
Taiñ peñi quimi tañi bemmequen ca raquiduamcülen mu yeabeyu tañi ngünencaabel tañi domüche, beimu ¿chumi?
Cüme hueniyebile ume Jehová, quiñeque mu pu cristiano ca cüdautobüingün tañi bamentuabel hueyaque raquiduam. ¿Chumabüimi tami raquiduamnoal chem hueya dungu no ume? Papiltoiñ Filipenses 4:8. Papiltungele hula ngütramcaabiiñ tübachi pu ramtun:
-
¿Chem dungu mu raquiduamaiñ?
-
Papiltubiliiñ Biblia ca doi cüdahuelbiliiñ Jehová, ¿quellupeabeiñmu mai taiñ connoal hueyaque dungu mu? ¿Chem piabüimi?
5. Jehová tañi eipin cümelcaqueiñmu
Jehová quimni chem dungu doi cümelcaabeiñmu, beimu eipiqueiñmu chumngechi lib chengeabüiñ ca quimelelqueiñmu chumngechi cümelcaabeiñmu inaal tañi ngülam. Papiltoiñ Proverbios 7:7-27 ca quintulbe tati VIDEO. Bemngele hula, ngütramcaabiiñ tübachi cüla ramtun:
-
Beichi hueche, ¿chem dungu yeeyu tañi conal hueya dungu mu? (Quintulbe Proverbios 7:8, 9).
-
Proverbios 7:23, 26 quimelelqui pod cudu- muhun dungu cüpalqui hueyaque dungu. Beimu connoliiñ pod cudumuhun dungu mu, ¿chem hueyaque dungu mu upalaaiñ?
-
Connoliiñ pod cudumuhun dungu mu, ¿chumngechi quelluabeiñmu taiñ nieal mongen abquenolu?
Biblia catrütuquebi pu homosexual tañi bemquen mu, beimu bentren che eipiqui Biblia tañi eipin piuqueyechebengelai. Huelu Jehová rüb piuqueyechebengi ca ayüqui com pu che tañi nieal ayühun abquenolu. Beimu inaaiñ Jehová tañi eipin. Papiltoiñ 1 Corintios 6:9-11. Papiltungele hula ngütramcaabiiñ tübachi ramtun:
-
Jehová tañi raquiduamquel mu, ¿pu homosexual müten hueya bemquingün?
Taiñ ayühulabel Jehová com iñchiñ bemhuelaabüiñ hueyaque dungu taiñ mongen mu. Bemngechiliiñ ¿rüb cümelcaabeiñmu? Papiltoiñ Salmo 19:8, 11. Papiltungele hula ngütramcaabiiñ tübachi pu ramtun:
-
¿Cümepi mai Jehová tañi huercün dungu? ¿Chem pimi cai?
Jehová bentren che quellubi cümelcünotobel tañi mongen, beimu ca quelluabeimu.
QUIÑEQUE CHE EIPIQUI: “Epu che piuqueyeule hueya dungungelai tañi cudumuhual engu”.
-
¿Chem piabüimi?
CHEM PEIÑ TÜBAMU
Jehová elcünoi quiñe huentru ca quiñe domüche tañi curehuen-ngeal, bemngechi quidu engu müten ñi cudumuhual.
Chem quimeleleiñmu tüba
-
¿Chem dungu conqui pod cudumuhun dungu mu?
-
¿Chem quelluaiñmu taiñ connoal pod cudumuhun dungu mu?
-
Inabiliiñ Jehová tañi eipin taiñ lib chengeal, ¿chumngechi cümelcaabeiñmu?
DOI QUIMABÜIMI
Quimnge chemu Chau Dio ayüqui quiñe huentru ca quiñe domüche tañi curehuen-ngeal, bemngechi ñi trür müleal.
“¿Chem piqui Biblia epu che curehuen-ngenolu trahuleal engu?” (Papiltun internet mu)
Biblia quimelelqui cümelai pu homosexual tañi bemquen, huelu quimelelquelai taiñ üdeabel beichi pu che.
Inaal Biblia tañi eipin cudumuhun dungu mu cuñiutucuqueiñmu. Tübamu quimaimi.
Quiñe huentru cudumuuquebülu ca huentru engu, cümelcünotui tañi mongen. Quimnge tañi upan cheu eipi “Lloungen yamün mu”.
a Epu che curehuen-ngenolu cudumuulu coni pornéia mu. Cabei cüllmabile, malütubile ñi dollüm, ñi cünübül cam ñi cudañ tañi bemngechi bemün mu ca coningu pornéia mu. Cabei conqui pornéia mu cudumabel quiñe che anühue mu.
Peabüimi ka bemngechi dungu:
BILLKE RAMTUN
¿Chumngechi quimelquiiñ Biblia?
Quimeltungelmi quiñe Dunguquelu, papiltuabüimi chem traducción Biblia mu niimi ume. Mangelabüimi com tami pu che, tami pu hueni, ca iñi ume ayüabüimi.
