41 YATICHÄWI
¿Bibliajj ikintasiñ toqet kamsisa?
Walja jaqenakatakejja ikintasiñ toqet parlañajj janiw faciläkiti. Ukampis ikintasiñ toqet Bibliajj parlki ukhajja, qhana arunakampi wali respetompiw parli. Niyakejjay Bibliajj Jehová Diosat jutchejja, kuntï Bibliajj uka toqet parlki ukajj yanaptʼistaspawa. ¿Kunatsa ukham sistanjja? Jehová Diosaw jiwasarojj lurawayistu, ukatwa kunatï jiwasatakejj askïki uk jupakiw yati sasin sissna. Diosarojj kunjamsa sarnaqatasampejj kusisiysna, kunas wiñayatak kusisit jupar serviñatak yanaptʼistaspa ukanakjja jupakiw sistaspa.
1. ¿Kunjamsa ikintasiñarojj Jehová Diosajj uñji?
Ikintasiñajja casarat chacha warminakatak Jehová Diosan mä regalopawa, uka regalo toqew matrimonionakajj wawanakanïpjjaspa. Ukatjja uka regalo toqerakiw chacha warminakajj purapat munasiñ uñachtʼayasipjje. Ukatwa Diosan Arupajj akham sasin qhanañchi: “Waynäkasin casaraskta uka esposamampi kusisim” sasa (Proverbios 5:18, 19). Jehová Diosajja casado cristiano chacha warminakajj sum sarnaqapjjañapwa muni. Mä cristianojj janipuniw qʼañu jucha lurañapäkiti (Hebreos 13:4 liytʼäta).
2. ¿Kunas qʼañu juchajja?
‘Qʼañu juchan sarnaqerinakajja janiw Diosan Reinop katoqapkaniti’ sasaw Bibliajj qhanañchi (1 Corintios 6:9, 10). Biblia qellqerinakajja qʼañu juchat parlañatakejj griego arut jutki uka pornéia aru apnaqapjjäna. Uka pornéia arojja akanak lurañampi sasiwa: 1) jan casaratäkasin ikintasiña, a 2) chachapura jan ukajj warmipura ikintasiña, 3) animalanakampi qʼañunak luraña. Kunapachatï qʼañu jucha lurañar jan purtʼasktan ukhajja, Jehová Diosaruw kusisiytanjja, ukatjja jiwas pachpas sumaw jakasiraktanjja (1 Tesalonicenses 4:3).
JUKʼAMP YATJJATAÑÄNI
Qʼañu juchar jan purtʼasiñatakejj kunanaksa lurasma, ukatjja qʼom sarnaqañajj kunjamsa kusisitäñatakejj yanaptʼiristam uka toqenakatwa jichhajj yatjjatañäni.
3. Qʼañu juchat jitheqtam
Diosat jan jitheqtiri José chachajja, qʼañu juchar jan purtʼasiñatakiw chʼamachasïna. Génesis 39:1-12 liytʼasajja aka toqetwa parltʼapjjäta:
-
¿Kunatsa José chachajj escapäna? (Génesis 39:9 uñjjattʼapjjäta).
-
¿Josean ukham luratapajj walikïnwa sasmati? ¿Kunatsa ukham amuyta?
¿Kunjamsa wayn tawaqonakajj Joseat yateqasisajj qʼañu juchat jitheqtapjjaspa? VIDEO uñtapjjäta.
Jehová Diosajj qʼañu juchat jitheqtañaswa muni. 1 Corintios 6:18 liytʼasajja aka toqetwa parltʼapjjäta:
-
¿Kunjamanakatsa maynejj qʼañu jucha lurañar purtʼasispa?
-
¿Kunjamatsa jumajj qʼañu jucha lurañar jan purtʼaskasma?
4. Jumajj jan wali lurañ munañanakar atipjasmawa
Qʼañu jucha lurañar jan purtʼasiñatak chʼamachasiskstan ukhajja, ¿kunanakas ukar purtʼasiyistaspa? VIDEO uñtasajja aka toqetwa parltʼapjjäta.
-
Videon uñtktan uka jilatan amuyunakapasa luratanakapas jan walïtap amuyasïna ukhajja, ¿kunsa esposapar jan engañjañatakejj luräna?
Diosar taqe chuyma serviri cristianonakasa, amuyunakapan qʼomäñatakejja awisajj chʼamachasipjjañaparakiwa. ¿Qʼañu amuyunak jankʼak apanukuñatakejj kunsa jumajj lurasma? Filipenses 4:8 liytʼasajja aka toqetwa parltʼapjjäta:
-
¿Uka textorjamajj kunanakatsa lupʼiñasa?
-
Jiwasatï Biblia liyiñäni Jehová Diosarus jan tiemponi serviñäni ukhajja, ¿janiw facilakejj qʼañu jucha lurañar purtʼaskañäniti sasmati? ¿Kunatsa ukham amuyta?
5. Jehová Diosan leyinakapajj yanaptʼistuwa
Kunatï jiwasatak askïki uk Jehová Diosaw yati. Ukatwa kunjamsa qʼom sarnaqsna, ukham sarnaqasajj kuna askinaksa jikjjatsna uk sistu. Proverbios 7:7-27 liytʼapjjäta ukat VIDEO uñtapjjäta. Ukatjja aka toqetwa parltʼapjjäta:
-
¿Kunjamsa texton parlki uka waynajj jan walir purtʼasiñampïskäna? (Proverbios 7:8, 9 uñjjattʼapjjäta).
-
Proverbios 7:23, 26 textorjamajja, qʼañu jucha lurañajj sinti jan walinakanwa uñjasiyistaspa. Qʼom sarnaqañatakitï chʼamachasiñäni ukhajja, ¿kuna jan walinakansa jan uñjaskañäni?
-
Qʼom sarnaqañajja, ¿kunjamsa wiñay kusisit jakasiñatakejj yanaptʼistaspa?
‘Chachapura warmipura qʼañu jucha lurañat kuntï Bibliajj siski ukajj janiw walïkiti’ sasaw yaqhepanakajj amuyapjje. Ukampis Jehová Diosajj munasiriwa, ukatwa taqe jaqenakan wiñayatak kusisit jakasipjjañap muni. Jiwasatï ukham jakasiñ munstan ukhajja, leyinakaparjamaw sarnaqañasa. 1 Corintios 6:9-11 liytʼasajja aka toqetwa parltʼapjjäta:
-
¿Diosatakejj chachapura jan ukajj warmipura jan walinak lurañ munañakit jan walïki?
Diosar kusisiyañatakejj jan walinak jaytañatakiw chʼamachasiñasa, ukajj janiw inamayäkaniti. Salmo 19:8, 11 liytʼasajja aka toqetwa parltʼapjjäta:
-
¿Qʼom sarnaqañat kuntï Diosan leyinakapajj siski ukajj jumatak walikiti? ¿Kunatsa ukham amuyta?
Leyiparjam qʼom sarnaqapjjañapatakejja Jehová Diosajj waljaniruw yanaptʼawayi, jumarus yanaptʼarakiristamwa.
YAQHEPANAKAJJ AKHAM SAPJJEWA: “Panipatï munasipjjchejja ikintasisipkaspawa, ukajj janiw kuna jan walïkisa” sasa.
-
¿Kunsa jumajj uka toqet amuyta?
¿KUNSA YATEQAWAYTAN?
Ikintasiñajja casarat chacha warminakatak Jehová Diosan mä regalopawa.
Amtañataki
-
¿Kunanakas qʼañu jucha lurañ taypinki?
-
¿Kunas qʼañu juchar jan purtʼasiñatakejj yanaptʼistaspa?
-
¿Qʼom sarnaqañat kunanaktï Jehová Diosan leyinakapajj siski ukar istʼañajj kunjamsa yanaptʼistu?
JUKʼAMP YATJJATAÑAMATAKI
Chacha warmejj junto jakapjjañapatakejja, kunatsa Jehová Diosajj jupanakan casarasipjjañap muni uk yatjjatam.
“¿Qué dice la Biblia sobre vivir juntos sin estar casados?” (Artículo de jw.org)
Chachapura warmipura qʼañunak lurañ toqet kuntï Bibliajj siski ukajja, janiw jupanakar uñisiñataki yaqhachañatak chʼamañchkiti sasajj kunatsa sistan uk yatjjatam.
Kuntï ikintasiñ toqet Diosan leyinakapajj siski ukajj kunjamsa jarkʼaqestu uk yatjjatam.
Chachanakampi jan walinak lurasin sarnaqkäna uka chacharojja, ¿vidap cambiañatakisa Diosar kusisiykir sarnaqañatakis kunas yanaptʼäna? Jupan sarnaqäwipjja “Me trataron con dignidad” sat cheqanwa liytʼäta.
“La Biblia les cambió la vida” (La Atalaya, 1 de abril de 2011)
a Pornéia arojja, janiw ikintasiñatak parlkiti jan ukasti aka toqenakatwa parlaraki: lakampi qʼañunak luraña jan ukajj qhepäjjat qʼañunak luraña (sexo oral o anal), ukatjja qʼañu amtanakamp maynin partenakap llamkhaña.
Akanakajj inas gustarakiristam
KUNANAKSA JUKʼAMP JISKTʼASIPJJE
¿Kunjamsa Jehová Diosan Testigonakapajj Bibliat yatichapjje?
Jehová Diosan Testigonakapajj gratisakiw Bibliat yatichapjje, kawknïr Bibliampis yateqañ munta ukajj jumatäjjewa. Jumamp chika yateqapjjañapatakejja, taqpach familiamaruw invittʼasma, amistadanakamarus invittʼarakismawa.
