ДӘРС 41
Мүгәддәс Китабда ҹинси мүнасибәтләр
Бир чох инсан ҹинси мүнасибәт һагда данышмаға чәкинир. Мүгәддәс Китабда исә бу мүнасибәтләр барәдә ачыг, лакин ләјагәтли шәкилдә данышылыр. Орада јазыланлар бизим хејримизәдир. Бу, мәнтиглидир, чүнки Јеһова бизим Јараданымыздыр вә О нәјин бизә хејир ҝәтирдијини билир. Јеһова бизә изаһ едир ки, Онун разылығыны газанмаг, әбәдијјән хошбәхт јашамаг үчүн нә етмәк лазымдыр.
1. Мүгәддәс Китабда ҹинси мүнасибәтләр һагда нә дејилир?
Интим мүнасибәтләр Јеһованын инсана бәхшишидир. О истәјир ки, бу мүнасибәтләр бир-бирилә никаһда олан киши илә гадына зөвг версин. Бу бәхшиш сајәсиндә әрлә арвад дүнјаја өвлад ҝәтирмәклә јанашы, бир-биринә севҝиләрини ҝөзәл шәкилдә ифадә едир. Бу сәбәбдән Аллаһын Кәламында дејилир: «Ҹаванлығында алдығын арвадындан кам ал» (Мәсәлләр 5:18, 19). Јеһова аиләли мәсиһиләрдән һәјат јолдашларына садиг галмағы тәләб едир. Буна ҝөрә дә онлар бир-биринә һеч вахт хәјанәт етмәмәлидир. (Ибраниләрә 13:4 ајәсини охујун.)
2. Ҹинси әхлагсызлыға нәләр дахилдир?
Мүгәддәс Китабда дејилир ки, «әхлагсызлар... Аллаһын Падшаһлығына ҝирмәјәҹәкләр» (1 Коринфлиләрә 6:9, 10). Мүгәддәс Китабы јунан дилиндә јазанлар ҹинси әхлагсызлығы ифадә етмәк үчүн «порнеја» сөзүндән истифадә етмишдиләр. «Порнеја» сөзү 1) бир-бирилә никаһда олмајан инсанлар арасындакы ҹинси мүнасибәтләрә a, 2) һомосексуаллыға вә 3) һејванла ҹинси әлагәјә аид ишләнир. Әхлагсызлыгдан узаг дурмаг бизә һәм Јеһованын разылығыны газандырыр, һәм дә фајда ҝәтирир (1 Салоникилиләрә 4:3).
Д Ә Р И Н Л И Ј Ә В А Р Ы Н
Ҝөрүн әхлагсызлыгдан неҹә узаг дура биләрсиниз вә әхлаги ҹәһәтдән тәмиз галмағын һансы фајдасы вар.
3. Әхлагсызлыгдан гачын
Јусиф адлы мөмин бир ҹаван әхлагыны тәмиз сахламаг үчүн әлиндән ҝәләни едирди. Јарадылыш 39:1—12 ајәләрини охујун вә нөвбәти суаллары мүзакирә един:
-
Јусиф нәјә ҝөрә гачды? (9-ҹу ајәјә бахын.)
-
Сизҹә, Јусиф дүзҝүн давранды? Нәјә ҝөрә белә дүшүнүрсүнүз?
Ҝәнҹләр Јусифдән нүмунә ҝөтүрүб әхлагсызлыгдан неҹә гача биләрләр? ВИДЕОЈА бахын.
Јеһова истәјир ки, һәр биримиз әхлагсызлығы рәдд едәк. 1 Коринфлиләрә 6:18 ајәсини охујун вә нөвбәти суаллары мүзакирә един:
-
Һансы вәзијјәтләр инсаны ҹинси әхлагсызлыға сүрүкләјә биләр?
-
Әхлагсызлыгдан неҹә гача биләрсиниз?
4. Тәләјә дүшмәјин
Әхлагсызлыг етмәк мејлини боғмағы нә чәтинләшдирә биләр? ВИДЕОЈА бахын вә нөвбәти суалы мүзакирә един:
-
Гардаш баша дүшәндә ки, фикирләри вә һәрәкәтләри ону хәјанәтә сүрүкләјә биләр нә етди?
Һәтта Аллаһа садиг мәсиһиләрә дә бәзән дүшүнҹәләрини тәмиз сахламаг чәтин олур. Әхлагсыз фикирләри ағлыныздан неҹә гова биләрсиниз? Филиппилиләрә 4:8 ајәсини охујун вә нөвбәти суаллары мүзакирә един:
-
Нә ҹүр шејләр барәдә дүшүнмәлијик?
-
Мүгәддәс Китабы охумаг вә Јеһоваја хидмәтдә фәал олмаг бизә ҝүнаһдан узаг дурмаға неҹә көмәк едә биләр?
5. Јеһованын өјүдләри хејримизәдир
Јеһова нәјин бизим хејримизә олдуғуну јахшы билир. О бизә әхлаги ҹәһәтдән тәмиз галмағы өјрәдир вә бунун һансы фајдалары ҝәтирдијини дејир. Мәсәлләр 7:7—27 ајәләрини охујун, јахуд ВИДЕОЈА бахын. Сонра нөвбәти суаллары мүзакирә един:
-
Ҹаван оғлан әхлагсызлыг тәләсинә неҹә дүшүр? (Мәсәлләр 7:8, 9 ајәләринә бахын.)
-
Мәсәлләр 7:23, 26 ајәләринә әсасән, әхлагсызлығын ағыр нәтиҹәләри олур. Әхлагымызы горусаг, өзүмүзү һансы проблемләрдән горујарыг?
-
Әхлаги ҹәһәтдән тәмиз галмаг бизә әбәди хошбәхт һәјата наил олмаға неҹә көмәк едир?
Бәзи инсанлар дүшүнүр ки, Мүгәддәс Китаб һомосексуализмә гаршы сәрт мөвге тутур. Амма бир шеји унутмајаг ки, Јеһова Аллаһ мәһәббәтдир вә О, һамынын әбәдијјән хошбәхт јашамасыны истәјир. Анҹаг бунун үчүн ҝәрәк Онун өјүдләринә риајәт едәк. 1 Коринфлиләрә 6:9—11 ајәләрини охујун вә нөвбәти суалы мүзакирә един:
-
Аллаһын ҝөзүндә тәкҹә һомосексуализм ҝүнаһдыр?
Аллаһы разы салмаг үчүн һәр биримиз лазыми дәјишикликләр етмәлијик. Бәс буну етмәјә дәјәр? Зәбур 19:8, 11 ајәләрини охујун вә нөвбәти суаллары мүзакирә един:
-
Сизҹә, Аллаһын әхлагла бағлы гојдуғу гајдалара риајәт етмәк мүмкүндүр? Нәјә ҝөрә белә дүшүнүрсүнүз?
Јеһова гојдуғу әхлаг гајдаларына ујғун јашамаға чохларына көмәк едиб. О сизә дә көмәк едә биләр
БӘЗИ ИНСАНЛАР ДЕЈИР: «Ики инсан бир-бирини севирсә, ҹинси мүнасибәтдә ола биләр».
-
Сиз нә дејәрдиниз?
ИҸМАЛ
Интим мүнасибәтләр Јеһованын бәхшишидир. О истәјир ки, бу мүнасибәтләр әрлә арвада зөвг версин.
Тәкрар
-
Ҹинси әхлагсызлыға нәләр дахилдир?
-
Әхлагсызлыгдан гачмаға бизә нә көмәк едә биләр?
-
Јеһованын әхлаг гајдаларына риајәт етмәјин бизә һансы хејри вар?
Ә Л А В Ә М Ә Л У М А Т
Бирҝә јашамаг истәјән киши илә гадынын никаһа дахил олмасы Аллаһ үчүн нәјә ҝөрә өнәмлидир?
«Мүгәддәс Китабда никаһа дахил олмадан бирҝә јашамагла бағлы нә дејилир?» (интернет мәгаләси)
Мүгәддәс Китабда һомосексуализмлә бағлы јазыланлар һомосексуаллара нифрәт ашылајыр?
Ҹинси әлагә нөвләри илә бағлы Аллаһын вердији ганунлар бизи неҹә горујур?
«Мәнимлә һөрмәтлә рәфтар етдиләр» адлы мәгаләни охујун вә ҝөрүн һомосексуал олан бир нәфәр Аллаһы разы салмаг үчүн неҹә дәјишди.
«Мүгәддәс Китаб һәјатлары дәјишир» («Ҝөзәтчи гүлләси», 1 апрел 2011)
a Бу ҹүр ҹинси мүнасибәтләрә мүхтәлиф һәрәкәтләр, мәсәлән, ҹинси әлагә, орал секс, анал секс, башгасынын ҹинсијјәт үзвүнү еһтирасла сығалламаг дахилдир.
You May Also Like
ТЕЗ-ТЕЗ ВЕРИЛӘН СУАЛЛАР
Мүгәддәс Јазылары өјрәнмәк нә демәкдир?
Мүгәддәс Китабы тәмәннасыз өјрәнмәјә даир суалларыныза ҹаваб алын.
