NLÔ AJÔ 41
Jé Kalate Zambe a jô a lat nkeane binoñ?
Bôte béziñ ba wô’ ôsone ya kobô ajô nkeane binoñ. Ve éyoñ Bible a kobô ajô ete, a bo de bôsa a ésemé ése. Mam a jô me ne asu mfi wongan a ma wô’é ne sañesañ, amu Yéhôva nnye a ne Nté wongan. Nnye a yeme mam me ne mvo’é asu dangan. A liti bia mam bi ne bo asu na bi ve nye nlem avak, a mam me ne volô bia na bi bu’uban ényiñ nnôm éto.
1. Aval avé Yéhôva a yene nkeane binoñ?
Nkeane binoñ ô ne mbamba dase Yéhôva a nga ve bone be bôt. A yi na fam ba minga be ne nlu’an mbe be bu’uban das ete. Ane ô vaa na das ete da volô belu’u na be biaé bon, da volô fe be na be yemete nye’an ô ne zañe jap. Jôme te nje Kalate Zambe a jô na: “Ô va’ak a minga ô nga luk ô to ndôman.” (Minkana 5:18, 19) Yéhôva a yi na Kristen é ne nlu’an é nye’e ve môt é nga luk, nalé é volô nye na a bo teke bo mejian.—Lañe’e Behébreu 13:4.
2. Jé é ne mvine mam ya bisôk?
Kalate Zambe a jô na: “Bebo mangan . . . ba ye nyoñ ngap [Éjôé] Zambe.” (1 Becorinthien 6:9, 10) Bôte be nga tili Kalate Zambe nkobô Grec ba belan éfia pornéïa asu ya na be kobô ajô mvine mam ya bisôk. Éfia éte ja nambe fe (1) mbia nkeane binoñ a zañe bôt be nji bo nlu’an, (2) befam ba jô’ôbô a befam nge ke binga ba jô’ôbô a binga, a (3) bôte ba jô’ôbô a betit. Bii ve Yéhôva nlem avak a bii sa’ale abui minjuk nge bia semé memvinda me Yéhôva a lat a nkeane binoñ—1 Bethessalonicien 4:3.
TUKA’A FAK
Yene’ aval avé ô ne sa’ale mvine mame ya bisôk, a aval ô ne ba’ale womien mfuban.
3. Tubu’u mvine mame ya bisôk
Joseph, mbo ésaé Yéhôva éziñ a nga tube mvine mame ya bisôk. Lañe’e Metata’a 39:1-12, mvuse ya valé, yala’ane minsili mi:
-
Jé é nga bo na Joseph a tup?—Fombô’ éfus 9.
-
Ye wo simesane na Joseph a nga nyoñe mbamba ntyi’an? Amu jé?
Aval avé bisoé ya melu ma bi ne vu Joseph a tube mvine mame ya bisôk? Futi’i VIDÉO.
Yéhôva a yi na bia bese bi tube mvine mame ya bisôk. Lañe’e 1 Becorinthien 6:18, mvuse ya valé, yala’ane minsili mi:
-
Jé é ne bo na môt éziñ a bo mvine mame ya bisôk?
-
Aval avé ô ne tube mvine mame ya bisôk?
4. Ô ne ngule ya tube mvine mam ya bisôk
Jé é ne bo na ô kate bi ngule ya tube mvine mame ya bisôk? Futi’i VIDÉO, mvuse ya valé, yala’an nsili wo tôé valé.
-
Jé mojañ ya vidéo nyi a ke bo éyoñ a yeneya na mbia b’asimesan a mam a mbe a bo’o bi ne tindi nye na a bo mejian?
To’o benya Bekristen fe be wô’ô biban biyoñe biziñ asu na be ba’ale asimesane dap mfuban. Jé é ne volô wo na ô wosane mbia b’asimesan? Lañe’e Bephilippien 4:8, mvuse ya valé, yala’ane minsili mi:
-
Aval mam avé bia yiane simesan?
-
Aval avé éyoñe bia lañe Kalate Zambe mban a éyoñe bia jeñe na bi bi abui mam ya bo ésaé Yéhôva, nalé a ne volô bia na bi bo teke sem?
5. Memvinda me Yéhôva me ne asu mfi wongan
Yéhôva nnye a yem mam ma dañe mfi asu dangan. Nnye a kate bia aval avé bi ne ba’ale biabebien mfuban mimfa’a mise, a bibotan bii bi éyoñe bia bo de. Lañe’e Minkana 7:7-27 nge ke futi’i VIDÉO, mvuse ya valé, yala’ane minsili mia tôé valé.
-
Aval avé ndôman éte é nga telé ébien mbia été?—Fombô’ô Minkana 7:8, 9.
-
Minkana 7:23, 26 a liti na mvine mame ya bisôk é ne soo bia abui minjuk. Minju’u mivé bi ne sa’ale nge bia ba’ale biabebien mfuban mfa’a ôte?
-
Éyoñ bia ba’ale biabebien mfuban mimfa’a mise, aval avé nalé a ne volo bia na bu’uban ényiñ nnôm éto?
Bôte béziñ ba jô na Kalate Zambe a beté ôdo’é éyoñ a tyili nkeane binoñ zañe befam befam nge ke binga binga. Ve Yéhôva, Zambe ya nye’an, a yi na môt ase a bu’uban ényiñ nnôm éto. Ajô te, nge bia yi na bi bi ényiñe ya melu mese, bia yiane semé memvinda mé. Lañe’e 1 Becorinthien 6:9-11, mvuse ya valé, yala’ane nsili wu:
-
E mise me Zambe, ye nkômbane ya ke binoñ zañe befam befam nge ke binga binga ñwô étam bia yiane sa’ale?
Asu na bi ve Yéhôva Zambe nlem avak, bia bese bia yiane bo mintyendan binyiñe biangan. Ye e ne mfi na bi ve ngule ya bo de? Lañe’e Besam 19:8, 11, mvuse ya valé, yala’ane minsili mi:
-
Ye wo simesane na memvinda me Yéhôva me ne ayaé ya tôñ? Amu jé?
Yéhôva a volôya abui bôte na e tôñe memvinda mé. A ne fe volô wo
BÔTE BÉZIÑ BA JÔ NA: “Nkeane binoñ zañe bôte bebaé ô nji bo abé nge ba nye’esan.”
-
Wo simesan aya?
ÔBALEBAS
Nkeane binoñ ô ne dase Yéhôva a nga ve nnôm ba ngal asu na be bu’uban alu’u dap.
Ô ne yalan aya?
-
Jé ba loone na mvine mam ya bisôk?
-
Jé é ne volô wo na ô sa’ale mvine mam ya bisôk?
-
Bibotane bivé bia bi éyoñ bia tôñe memvinda me Yéhôva?
MAM MEFE ME NE VOLÔ WO
Yene’ amu jé Yéhôva a yi na fam ba minga ba kômbô nyiñe nsamba be taté lu’an.
“Vivre en couple sans être mariés : Qu’en dit la Bible ? (Ô ne koone nye anjeñe mefoé dangan)
Éyoñe Kalate Zambe a jô na nkeane binoñ zañ befam befam nge ke binga binga ô ne abé, nalé a tinane ki na bia yiane vini bôte ba bo mam mete.
“L’homosexualité : est-ce mal ?” (Ô ne koone nye anjeñe mefoé dangan)
Yene’ aval avé metiñe me Yéhôva a lat a fatane nkeane binoñ ése me ne bo na bi sa’ale abui minjuk.
Lañe’e nlô ajô ô ne na, “Ils ont respecté ma dignité,” a yene jam e nga tindi fam éziñ é mbe é bili fulu ya jô’ôbô a befam bevo’o na é tyendé mbia fulu ate, a ve Yéhôva nlem avak.
“La Bible transforme des vies” (Nkume mmombô a bete ya Ngone nyini é too alu 1, mbu 2011)
a Mbia nkeane binoñ bia jôô nye va a ne fe éyoñ môt a nyañ nsoé môt mfe, bi ne fe lañ éyoñ môt a jô’ôbô nyi mbok mfa’a ya vôm ba nyak a éyoñ bôte be nji bo nlu’an ba mienekan minsoé.
You May Also Like
MINSILI BÔTE BA SILI
Jé é ne ayé’é Kalate Zambe?
Jeñe biyalane ya minsili a lat a nta’ane mame wongan asu ayé’é Kalate Zambe e zezé.
