ISHOMO RYA 41
Ni enki eki Bibuli eri kugamba aha bikwatirine n’eby’ebisina?
Abantu bingi, kugamba aha by’ebisina nikibisa enshoni. Konka Bibuli ku eri kugamba aha by’ebisina, nebigamba etari kushereka, omu muringo murungi. Ebi eri kubigambaho nibitugasira. Eco ni amazima, ahakuba Yehova ni we owahangire ebintu byona. Obwe rero, namanya ekiri kubasa kutubera kirungi munonga. Natwereka oku ebi turi kukora biri kubasa kutuma yahimbisibwa, n’oku birije kutuma twatunga amagara agatahwaho.
1. Ni bata oku Yehova ari kureba eby’ebisina?
Ebisina, ni ekiconco eki Yehova yatuhire. Nayenda ngu bitume omushija n’omukazi abatasine bashemererwa. Eco kiconco, nikituma omushija n’omukazi bazara abana, konka nambwenu kituma bakizaho kwerekana rukundo. Ni yo nshonga Ekigambo ca Ruhanga kiri kugira ngu: ‘Shemerererwa omukazi w’omu busigazi bwawe.’ (Enfumu 5:18, 19) Yehova nashaba omushija n’omukazi b’Abakristo kuba omwesigwa aha wu batasine; obwe rero, nibaba bashemerire kwerinda obushambani.—Shoma omu Baheburaayo 13:4.
2. Obushambani ni enki?
Bibuli netugambira ngu: ‘Abashambani tibarihungura Obukama bwa Ruhanga.’ (1 Abakorinso 6:9, 10) Abahandikire Bibuli omu Ruguriika bakakoresa ekigambo por·neiʹa bari kumanyisa obushambani. Eco kigambo nikimanyisa (1) okunyamana kw’abantu babiri abataratasine, * (2) ebitingwa, hamwe (3) n’okunyamana n’enyamishwa. Nikishemeza Yehova kandi nikitugasira ku turi ‘kwerinda obushambani’ oku bwakuba buri kona.—1 Abatesalonika 4:3.
YEGA BYINGI
Shwijuma oku ori kubasa kwerinda obushambani n’oku ori kubasa kugumizamu kuba ori kwera omu by’emicwe.
3. Guma oyerinde obushambani
Yosefu akanga kunyamana n’omukazi owabire ari kumugema kunyama na we. Shoma omu Kutandika 39:1-12, rero muganire ahari ebi bibuzo:
-
Ni enki ecatumire Yosefu yahunga?—Reba orunyiriri rwa 9.
-
Mbehi notekateka ngu Yosefu akakora ensharamu ndungi? Ahabw’enki?
Ni bata oku abacari bato bari kubasa kutoreza Yosefu bari kwerinda obushambani omuri obu bwire? Zana VIDIYO.
Yehova nayenda ngu twena twerinde obushambani. Shoma omu 1 Bakorinso 6:18, rero muganire ahari ebi bibuzo:
-
Ni ziha mbera eziri kubasa kutuma abamwe bagwa omu mutego g’obushambani?
-
Ni bata oku ori kubasa kwerinda kugwa omu mutego g’obushambani?
4. Nobasa kusingura ebigezo
Ni enki ekiri kubasa kutuma waremwa kwerinda obushambani? Zana VIDIYO, rero muganire ahari eki kibuzo.
-
Mwenetata owu twareba omuri vidiyo ku yarebire ngu ebikorwa byeye n’ebitekateko byeye nibibasa kutuma yahemukira omukazi weye, akakora ki?
Nangwa n’Omukristo w’omwesigwa obumwe nikibasa kumugumira kukoresa ebigambo birungi. Ni bata oku ori kubasa kwerinda kuguma kutekateka aha bushambani? Shoma omu Bafilipi 4:8, rero muganire ahari ebi bibuzo:
-
Ni biha bintu ebi tushemerire kutekatekaho?
-
Ni bata oku kushoma Bibuli buri izoba n’okuhugira omu murimo gwa Yehova biri kutukwasa kwerinda kugwa omu bibi?
5. Emisinge ya Yehova netugasira
Yehova namanya ekiri kubasa kutubera kirungi. Natugambira oku turi kubasa kugumizamu kwerinda obushambani n’oku biri kutugasira. Shoma omu Nfumu 7:7-27 ninga ozane VIDIYO, rero muganire ahari ebi bibuzo.
-
Ni bata oku ogu musigazi yatwarize omu kigezo?—Reba omu Nfumu 7:7-9.
-
Tukuratize ebiri omu Nfumu 7:23, 26, ni bata oku obushambani buri kubasa kuturetera engaruka z’amani? Ku turi kugumizamu kwerinda obushambani, nibibasa kuturinda biha bizibu?
-
Ni bata oku okwerinda obushambani kirije kutuma twatunga amagara agatahwaho?
Abantu bingi nibagamba ku ebi Bibuli eri kugamba aha butingwa biri kwereka ku Yehova atari kutukunda. Konka Yehova, Ruhanga oyine rukundo, nayenda ngu twena tushemerererwe amagara ebiro byona. Kugira ngu tuhike ahari ebyo, tushemerire kubaho turi kugendera aha misinge yeye. Shoma omu 1 Bakorinso 6:9-11, rero muganire ahari eki kibuzo:
-
Mbehi okuratize oku Ruhanga ari kureba ebintu, obutingwa ni co kikorwa kibi kusha?
Kugira ngu tushemeze Yehova nituba tushemerire kukora empinduka. Mbehi eco corobi? Shoma omuri Zaaburi ya 19:8, 11, rero muganire ahari ebi bibuzo:
-
Mbehi notekateka ngu emisinge ya Yehova y’eby’emicwe ehikire? Ahabw’enki?
Yehova akakwasa abantu bingi kugendera aha misinge y’eby’emicwe. N’iwe nabasa kukukwasa
ABANTU ABAMWE NIBAGAMBA NGU: “Okunyamana tikine nshonga mwaba muri kukundana.”
-
Iwe nokigambaho enki?
EMPINYE
Ebisina ni ekiconco eki Yehova yatuhire, kandi nikituma omushija n’omukazi batunga okushemererwa.
Wayega ki?
-
Obushambani nibutwariramu enki?
-
Ni enki ekirije kutukwasa kwerinda obushambani?
-
Ni bata oku turi kugasirwa twakuratiza emisinge ya Yehova y’eby’emicwe?
CONDOZA
Shwijuma enshonga ahabw’enki omushija n’omukazi abari kwenda kutasana, Ruhanga ari kwenda ngu bagitwe.
“Ni enki eki Bibuli eri kugamba aha bantu abari kutasana batagisirwe?” (Enkuru y’ahari intaneti)
Shwijuma enshonga ahabw’enki emisinge ya Bibuli eri kugamba aha bikwatirine n’obutingwa etari kutugambira ngu twange abari kubukora.
Manya oku ebiragiro bya Ruhanga ebikwatirine n’obushambani biri kuturinda.
“Mbehi okunyamana omu kanwa na bwo ni obushambani?” (Enkuru y’ahari intaneti)
Omu nkuru eyine omutwe oguri kugira ngu, “Bakantwariza ge,” reba ecatumire omutingwa yahindura amagara geye, akashemeza Yehova.
“Bibuli nehindura amagara g’abantu” (Omunara g’Omurinzi, 1 Okwakana, 2011)
^ Ebyo bikorwa nibitwariramu okunyamana, obushambani bw’omu kanwa, obushambani bw’omu kibunu, n’okukwatakwata ebicweka by’ibanga by’ondijo muntu.
