NSUNZO 41
Txini Enloga Bibilia Sabwa Y’ogonihana?
Attu enji anokanaga manyazo ologa sabwa y’ogonihana. Bibilia kampipiriha agalogaga mwaha wa makani aba, mbwenye onloga na mukalelo wofwanyela. Dhinloga Bibilia dhinonipurelamo. Eji ebaribari, sabwani Yehova Muttanddi wehu ddinziwa eli yamakamaka mwa iyo vina enanikamihedhe okana wagalala wamukalakala.
1. Monelo wa Yehova sabwa y’ogonihana buvi?
Ogonihana nvaho wa Yehova. Iyene onfuna wi okosiwege na attu amalile otelana. Mvaho obu kahiyo wa okana ayima bahi, vina bwa otonyihedhana okwela ona muttu na mukwaye. Nzu na Mulugu ninloga: ‘Kagalala na mwadhiyo omuteliliwe muzombweni.’ (Gano 5:18, 19) Yehova onfuna wi mulobwana na muyana akale oweddeyana muttu na mukwaye, nona Akristu txipo kanfwanyela okosa mararuwo.—Kengesa Ahebreu 13:4.
2. Oraruwa txini?
Bibilia onloga wi ‘ajeberuwi . . . kanavolowe mumweneni mwa Mulugu.’ (1 Korinto 6:9, 10) Mbibiliani nzu ntti mararuwo na egrego nintapulela porneía. Nzu ntti niniwanana na (1) ogonihana * wa attu ahitelilena, (2) ogonihana wa attu ana vyano modhene na (3) ogonihana wa attu na dhinenama. Nigattawa “mararuwo” ninomwagalaliha Yehova vina ninopurelamo nanya.—1 Tesalónika 4:3.
KASUNZAVI
Koona marhe a ottawa mararuwo vina koona wi okana omuttu wokoddela elobo yaderetu.
3. Muttawe ojeberuwa
Mbibiliani mulobwana wororomeleya wakuweliwa José, wahifiyedha owana wi adhowenavi omuttu waye wokoddelene. Kengesa Wita 39:1-12, mugamala mutanaalele mavuzo aba:
-
Txini yamuttukuleli José ottawa? —Koona versu 9.
-
Weyo onona ninga José wahikosa yogana yaderetu? Sabwaya jani?
Masaka abano azombwe anawodhe dhavi omutagiha José mwa Ottawa ojeberuwa? Karumiha VIDIYU.
Yehova onfuna wi iyo nittawe mararuwo. Kengesa 1 Korinto 6:18, mugamala mutanaalele mavuzo aba:
-
Dhilobo gani dhigamuttukuleli muttu okosa mararuwo?
-
Onawodhe dhavi ottawa mararuwo?
4. Enowodheya opemberha manyengetto
Txini egadhile ozuzumiha efunelo yehu yokala wokoddelene? Karumiha VIDIYU, mugamala mutanaalele mavuzo aba.
-
Mvidiyuni mbali wahinonelamo wi mubuwelo na merelo aye agahimuttukulela ohikala oweddeyana na mwadhiye, txini ekosiliye muzinddiyeliye ejoya?
Mudhidhi mwina Akristu ororomeleya anowanana dhubuwelo dhohifwanyelela. Txini enawukamihedhe orabela wubuwela dhilobo dhohifwanyelela? Kengesa Filipi 4:8, mugamala mutanaalele mavuzo aba:
-
Dhilobo gani dhinfwanyeelihu wubuwelaga?
-
Omwengesa Bibilia vina ottidda Mabasa a Yehova ananikamihedhe dhavi owanana manyengetto?
5. Magano a Yehova anonikamihedha
Yehova onoziwa ejile eli yamakamaka mwa iyo. Iyene ononisunziha mukalelo wokaana omuttu wokoddela vina yopurelamoya yokosa ejuwene. Kengesa Gano 7:7-27 obe karumiha VIDIYU, mugamala mutanaalele mavuzo aba.
-
Muzombwe ologiwe munleboni nengesiliwe ovikile dhavi vangovini?—Koona Gano 7:8, 9.
-
Mowiwanana na Gano 7:23, 26, oraruwa onodhana makattamiho. Nigakaana omuttu wokoddela makattamiho gani anawodhihu orabela?
-
Okana omuttu wokoddela onanikamihedhe dhavi ojavo egumi yamukalakala?
Attu ena anubuwela wi enloga Bibilia mwaha wa ogonihana alobwanavi obe ayanavi kikalile. Mbwenye Yehova Mulugu wokwela, onfuna wi attu otene agalale na mukalakala. Wila ejoya epadduwe ninofwanyela okalawo mowiwanana na ejile enlogiye wi jaderetu. Kengesa 1 Korinto 6:9-11, mugamala mutanaalele nivuzo ntti:
-
Mowiwanana na monelo wa Mulugu, ogonihana wa attu a vyano modhene efunelo yabure bahi enfwanyelelihu orabela?
Wila nimwagalalihe Mulugu, iyo notene ninofwanyelela okosa matxinjo mwigumini. Kito enofuneya okosa guru? Kengesa Masalmo 19:8, 11, mugamala mutanaalele nivuzo ntti:
-
Wonamo wawo magano a Yehova mwaha wa okoddela babure obe baderetu? Sabwaya jani?
Yehova ohakamihedha attu enji wi ewelele malamulo aye sabwa yokaana omuttu wokoddela. Iyene vina onowodha wukamihedha
ATTU ENA ANLOGA WI: “Ogonihana wa attu eli ankwelana kahiyo elobo yabure, ejo enopadduwa.”
-
Weyo ogalogile dhavi?
OGWADDELA
Ogonihana nvaho wavahile Yehova atelani.
Kobuwela Dhisunziliwe
-
Merelo gani anoniwa ninga ojeberuwa?
-
Txini enanikamihedhe ottawa ojeberuwa?
-
Sabwaya jani ofwara magano a Yehova a okala muttu wokoddela elobo enipuriha?
TAMELÁ ONONELAMO DERETU
Koona ekalelani yamakamaka wa Mulugu wi mulobwana na muyana ankala vamodha atelane.
“O que é que a Bíblia ensina sobre duas pessoas viverem juntas sem se casar?” (Mitoma dha mu jw.org)
Masiki Bibilia alogaga wi ogonihana wa attu a vyano dholigana kwabure, koona wi kaninfwanyelela wawidda attu ankosa esuwene.
Kasunza mukalelo onnibarela malamulo a Mulugu sabwa y’ogonihana.
Wi wone emuttukuleli mulobwana wakosa merelo ogonihana wa attu a vyano modhene otxinja egumi yaye wi amwagalalihe Mulugu, kengesa mapadduwo “Eles me trataram com dignidade.”
^ Ottiya okosavi mararuwo nzu ntti [porneía] ninowiwanana na merelo menji a ogonihana ninga, ogonihana na mazu obe omarawoni, vina wabasa yano ya muttu mwina.
