LESON 41
Ki Labib i dir lo sèks?
Bokou dimoun pa santi zot konfortab pour koz lo sèks. Par kont, ler Labib i koz lo sèks, i fer li dan en fason fran me avek respe. Sa ki Labib i dir lo sèks i benefisye nou. I fer sans. Apre tou, Zeova i nou Kreater. Alor i konnen kwa ki pli bon pour nou. I dir nou ki nou devret fer pour fer li plezir e kwa ki pou ed nou pour annan en lavi ere pour touzour.
1. Ki pwennvi Zeova lo sèks?
Sèks i en kado sorti kot Zeova. I anvi ki en zonm ek en madanm ki’n marye avek kanmarad i trouv lazwa dan sa kado. Sa kado pa permet zot zis pour annan zanfan me osi pour eksprim zot lanmour ek lafeksyon dan en fason ki natirel e gou. Se pour sa ki Parol Bondye i dir: “Trouv lazwa avek madanm ou zenn tan.” (Proverb 5:18, 19, NWT) Zeova i ekspekte bann Kretyen ki’n marye reste fidel avek kanmarad e ki zot pa komet adilter.—Lir Ebre 13:4.
2. Kisisa imoralite seksyel?
Labib i dir nou “Bann ki pratik imoralite seksyel . . . pa pou antre dan Rwayonm Bondye.” (1 Korentyen 6:9, 10) Bann zonm ki ti ekri Labib an Grek ti servi sa mo por·neiʹa pour dekri imoralite seksyel. Sa mo i enkli (1) relasyon seksyel a ant dimoun ki pa marye, (2) relasyon seksyel ant de dimoun menm sèks ek (3) relasyon seksyel ant dimoun ek zannimo. Nou fer plezir Zeova e nou benefisye ler nou “rezet imoralite seksyel.”—1 Tesalonisyen 4:3.
AL PLI O PROFON
Vwar ki mannyer ou kapab evit imoralite seksyel e ki mannyer ou pou benefisye ler ou reste prop moralman.
3. Reste lwen avek imoralite seksyel
En garson ki ti apel Zozef ti lalit pour reste prop moralman. Lir Zenez 39:1-12 e apre reponn sa bann kestyon:
-
Kwa ki ti fer Zozef taye?—Vwar verse 9.
-
Eski ou krwar ki Zozef ti fer sa bon desizyon? Akoz?
Ki mannyer bann zenn ozordi i kapab imit Zozef e tay lwen avek imoralite seksyel? Zwe sa VIDEO.
Zeova i anvi ki nou tou nou rezet imoralite seksyel. Lir 1 Korentyen 6:18 e apre reponn sa bann kestyon:
-
Ki bann sityasyon ki kapab fer en dimoun komet imoralite seksyel?
-
Ki mannyer ou kapab reste lwen avek imoralite seksyel?
4. Ou kapab reziste tantasyon
Kwa ki kapab fer li difisil pour reziste sa tantasyon pour komet imoralite seksyel? Zwe sa VIDEO e apre reponn sa kestyon.
-
Ki sa frer ti fer dan sa video ler i ti realize ki son bann panse ek aksyon ti kapab fer li tronp son madanm?
Menm bann Kretyen fidel i kapab parfwa lalit pour gard zot lespri prop. Ki mannyer ou kapab evite kontinyen mazin bann keksoz imoral? Lir Filipyen 4:8 e apre reponn sa bann kestyon:
-
Kwa ki nou devret kontinyen mazin lo la?
-
Ki mannyer lir Labib e kontinyen reste okipe dan servis Zeova i kapab ed nou pour reziste tantasyon?
5. Bann standar Zeova i benefisye nou
Zeova i konnen kwa ki pli bon pour nou. I dir nou ki mannyer nou kapab reste prop moralman e ki mannyer nou benefisye ler nou fer sa. Lir Proverb 7:7-27 oubyen zwe sa VIDEO e apre reponn sa bann kestyon.
-
Ki mannyer sa garson ti les li ganny tante?—Vwar Proverb 7:8, 9.
-
Ki bann konsekans grav imoralite seksyel i kapab annan dapre Proverb 7:23, 26? Ki problenm nou evite ler nou reste prop moralman?
-
Akoz nou pou annan en lavi ere pour touzour si nou reste prop moralman?
Serten dimoun i krwar sa ki Labib i dir konsernan omoseksyalite i mank lanmour. Me Zeova ki en Bondye lanmour, i anvi tou dimoun viv en lavi ere pour touzour. Pour arive fer sa, nou bezwen viv dapre son bann standar. Lir 1 Korentyen 6:9-11 e apre reponn sa kestyon:
-
Dapre pwennvi Bondye, eski zis bann dezir omoseksyel ki pa apropriye?
Pour fer plezir Bondye, nou tou nou bezwen fer sanzman. Eski i vo lapenn fer sa bann sanzman? Lir Psonm 19:8, 11 e apre reponn sa bann kestyon:
-
Eski ou krwar ki standar moral Zeova i rezonnab? Akoz?
Zeova in ed bokou dimoun pour obei son bann lalwa lo moralite. I kapab ed ou osi
SERTEN DIMOUN I DIR: “I oke pour de dimoun annan en relasyon seksyel, sa ki enportan se ki zot kontan kanmarad.”
-
Ki ou ti pou dir?
REZIMEN
Sèks i en kado sorti kot Zeova pour en zonm ek en madanm ki’n marye.
Revizyon
-
Ki imoralite seksyel i enkli?
-
Kwa ki pou ed nou evit imoralite seksyel?
-
Ki mannyer nou benefisye ler nou swiv standar moral Zeova?
FER PLIS RESERS
Vwar akoz Bondye i anvi en zonm ek en madanm ki viv ansanm i marye.
“Ki Labib i dir lo de dimoun ki viv ansanm san marye?” (Lartik lo jw.org)
Gete akoz bann standar Labib konsernan omoseksyalite pa vedir ki nou ay sa bann dimoun.
Aprann ki mannyer lalwa Bondye konsernan sèks i protez nou.
Dan sa leksperyans “They Treated Me With Dignity,” vwar kwa ki ti pous en omoseksyel pour sanz son fason viv pour fer plezir Bondye.
“The Bible Changes Lives” (Latour Veyer 1 Avril 2011 an Angle)
a Sa bann aksyon seksyel ki mal i kapab enkli annan relasyon seksyel, sèks par labous, sèks par deryer ouswa kares parti prive en dimoun.
You May Also Like
BANN KESTYON KI DIMOUN I SOUVAN DEMANDE LO TEMWEN ZEOVA
Ki sa letid Labib ki Temwen Zeova i ofer?
Ou kapab servi nenport tradiksyon Labib avek sa progranm Labib enteraktif gratwit ki Temwen Zeova i ofer. Santi ou alez pour envit ou fanmir antye oubyen nenport zanmi pour asiste ou letid.
