PIÖÖC 41
Yeŋö ye Baibol Lueel ë biäk ë Tɔ̈c ë Tik ke Moc?
Kɔc juëc aa gup riɔ̈ɔ̈c bïk jam ë biäk tɔ̈c ë tik ke moc. Ku yen, tɛ̈ jiɛɛm ë Baibol ë wɛ̈t tɔ̈c tik ke moc, aye lueel ë dhöl ë yic ku nɔŋic athɛɛk. Këye lueel ee ɣo kuɔny. Ku kënë ee ye yic ŋiɛc deet. Ku aŋicku ëbën, Yekoba aa Ciëŋda. Ke yen ŋic këpiɛth apɛi tënë ɣook. Aye nyuöth ɣok tɛ̈ bïï loi looikua ye miɛɛt puɔ̈u thïn ku kë bï ɣok kuɔny buk rëër ke ɣo mit piɔ̈ɔ̈th athɛɛr ë pïïrda yic.
1. Ye Yekoba tɔ̈c ë tik ke moc tïŋ këdï?
Tɔ̈c ë tik ke moc ee miɔ̈c tënë Yekoba. Anhiɛɛr bïï moc ke tiiŋ cïï keek röt thiaak ya looi keke mit piɔ̈ɔ̈th. Miɔ̈c kënë ee kɔc cï röt thiaak puɔ̈l bïk naŋ mïth ku nyuthkë röt nhiëër ë kamken ë dhöl ë ke miɛɛt piɔ̈ɔ̈th apɛi. Ee yen ye wɛ̈t ë Nhialic ye lueel: ‘miɛtë piɔ̈u wekë tiiŋduön ë dhuöök.’ (Kɛ̈ŋ 5:18, 19) Yekoba awïc Kërithanoi cï röt thiaak bïk ke nïïm cïï ye waar tënë kɔcken cïï keek röt thiaak, ka keek acïï lëu bïk röör ku diäär ë kɔc kɔ̈k kɔɔr.—Kuen Ɣeberuu 13:4.
2. Bal yeŋö?
Aye Baibol lɛ̈k ɣok nɔn nadɛ̈ “kɔc luui käk bal, . . . aacïï Nhialic bï puɔ̈l bïk bäänyde rɔm ke ye.” (1 Korinthoi 6:9, 10 LËK YAM) Kɔc ë ke gɛ̈t Baibol aacï wɛ̈t ë Greek luöi ye cɔɔl por·neiʹa bïï keek bal laaric. Wɛ̈t kënë anɔŋic (1) tɔ̈c kɔc këc a röt thiaak, (2) tɔ̈c moc ke mony däŋ awu tik ke tiiŋ däŋ, ku (3) tɔ̈c raan ke lɛ̈i. Ɣok aa Yekoba miɛɛt puɔ̈u ku yökku käpiɛth tɛ̈ ye ɣok “röt gël ë käk ë baliic.”—1 Thethalonikei 4:3.
YÄP DÏT
Tïŋ tɛ̈ bïï yïn jiɛi thïn ë käk ë bal ku käpiɛɛth ba keek yök thïn tɛ̈ rëër yïn ke yï cïn guöp acuɔl.
3. Mɛɛc ë rot wei ë käk ë baliic
Raan nɔŋ gäm cɔl Jothep ee cï wït apɛi bï rëër ke cïn guöp acuɔl. Kuen Cäk 39:1-12, ku jälkë thiëc kä jäämiic:
-
Yeŋö ë pël Jothep bï kat?—Tïŋ cöökthiin 9.
-
Nadɛ̈ ye takic ke Jothep acï këpiɛth looi? Ye wɛ̈tŋö?
Ye këdï lëu bïï riënythii Jothep kiɛ̈ɛ̈t ku meeckë röt wei ë käk ë baliic yeköölë? Puɔl ë BIDEO.
Yekoba awïc ɣok ëbën buk jai ë luɔi ë kärɛc. Kuen 1 Korinthoi 6:18, ku jälkë thiëc kä jäämiic:
-
Ye ɣɔ̈n kou lëu bï raan puɔ̈l bï kärɛ̈c [käk ë bal] looi?
-
Ye këdï lëu bïï raan rot mɛɛc wei ë luɔi ë kärɛc yiic?
4. Yïn lëu ba käk ë yï them göök
Yeŋö lëu bï yen cɔl arilic ba thëm ë käk ë bal göök? Puɔl ë BIDEO, ku jälkë thiëc bɔ̈ jäämic.
-
Wën cïï wänmääth ë bideo yic ye ŋic nɔn nadɛ̈ ke tɛ̈ktɛ̈kde ku loi looike aa lëu bïk nhiëërde ke tiiŋde rac yic, yeŋö cï bɛ̈n looi?
Agut cï Kërithanoi nɔŋ gäm aa wït ë thɛɛkɔ̈k bïk rëër ë tɛ̈ktɛ̈kden yic ke cïn yic acuɔl. Ye këdï lëu bïï yïn yïnɔm nyaai ë tɛ̈ktɛ̈k ë kärɛc yiic? Kuen Pilipoi 4:8, ku jälkë thiëc kä jäämiic:
-
Ye käŋö keek lëu buk ke ya takiic?
-
Ye këdï lëu bïï kuɛ̈n ë Baibol ku käkuɔn juëc yeku ke looi ë lon Yekoba yic ɣo kuɔny buk thëm bïï ɣok luui awäc tiaam?
5. Lööŋke Yekoba aa ɣo kuɔny
Yekoba aŋic këpiɛth tënë ɣok. Aye lɛ̈k ɣok tɛ̈ bïï ɣok ya rëër ke ɣo cïn gup acuɔl ku käpiɛɛth ë bɛ̈n bei thïn tɛ̈ looi ɣok en këya. Kuen Kɛ̈ŋ 7:7-27 awu puɔl ë BIDEO, ku jälkë thiëc bɔ̈ jäämiic.
-
Ye këdï cïï raanthii cath ke lɔ thëmic?—Tïŋ Kɛ̈ŋ 7:8, 9.
-
Cït man ye Kɛ̈ŋ 7:23, 26 ye lueel, bal anɔŋ kärɛɛc ë bɛ̈n bei thïn. Tɛ̈ rëër ɣok ke ciɛɛŋda cïn yic acuɔl, ke ye kärɛɛc kou lëu bïï ɣok ke röt gël?
-
Ye këdï lëu bïï ciɛɛŋ cïn yic acuɔl ɣo kony buk rëër ke ɣo mit piɔ̈ɔ̈th athɛɛr?
Aye kɔc kɔ̈k takic nɔn nadɛ̈ këye Baibol lueel ë biäk tɔ̈c ë moc ke moc awu tik ke tik acie këpiɛth. Ku Yekoba, Nhialic ë nhiëër, awïc raan ëbën bï rëër ke mit puɔ̈u athɛɛr. Tɛ̈ wïc ɣok buk tiɛ̈m, ke ɣok aa dhil lööŋke Yekoba ya theek. Kuen 1 Korinthoi 6:9-11, ku jälkë thiëc kënë jäämic:
-
Tɛ̈ cït tɛ̈ ye Nhialic tiëŋ en, ye nhiëër ë moc ke moc awu tik ke tik yen kërɛɛc töŋ lëu bï bɛ̈n bei ë ɣopiɔ̈ɔ̈th?
Ku buk Nhialic miɛɛt puɔ̈u, ɣok ëbën ɣok aa dhil röt waar. Nadɛ̈ piɛɛth yen kënë buk looi? Kuen Diɛt 19:8, 11, ku jälkë thiëc kä jäämiic:
-
Nadɛ̈ ye takic ke lööŋke Yekoba alɔŋ ciɛɛŋ aa yiith? Ye wɛ̈tŋö, awu ye wɛ̈tŋö cien yen?
Yekoba acï kɔc juëc kuɔny bïk röt waar tɛ̈ cït tɛ̈ ye lööŋke ye luɛɛl thïn. Alëu bï yï kuɔny aya
AYE KƆC KƆ̈K LUEEL: “Tɔ̈c ë kam kɔc karou cï röt gam ee këpiɛth, tɛ̈ nhiɛɛr keek röt.”
-
Yeŋö lëu ba lueel?
JAM CIEKIC
Tɔ̈c ë tik ke moc ee miɔ̈c tënë Yekoba bïï moc ke tiiŋde piɔ̈ɔ̈th aa miɛt thïn tɛ̈ looi keek yen.
Bëër Yic
-
Ye käŋö tɔ̈u ë lon ë balic?
-
Yeŋö lëu bï ɣo kony buk jai ë lon käk ë bal?
-
Ye käpiɛɛth ŋö yeku keek yök thïn tɛ̈ buɔɔth ɣok lööŋke Yekoba yiic?
YƆ̈P WËL JUËC KƆ̈K
Tïŋ tɛ̈ ye Nhialic ye tiëŋ thïn nɔn bïï kɔc röt thiaak awu bïk rëër ëtök këke këc röt thiaak.
“Yeŋö ye Baibol Lueel ë Wɛ̈t Bïï Kɔc Rëër Ëtök Këke Këc Röt Thiaak?” (Awereŋ tɔ̈u ë Netic)
Tïŋ tɛ̈ cïï lööŋke Baibol ë biäk ë tɔ̈c ë moc ke moc awu tik ke tik cïï keek män ë röt ë bɛ̈i.
“Nadɛ̈ Rac Tɔ̈c ë Moc ke Moc Awu Tik ke Tik?” (Awereŋ tɔ̈u ë Netic)
Piɔ̈ɔ̈cë tɛ̈ ye lööŋke Nhialic ë biäk ë käk ë bal ëbën ɣok gɛ̈l thïn.
Ë kën ë cï rot looi yic “Aacä Ŋiëc Ciëëŋ ë Kueer Athɛɛk,” tïŋ kën cï mony ë ye tɔ̈c ke mony däŋ bɛ̈n cɔl awaar rot bï Nhialic miɛɛt puɔ̈u.
“Baibol ee Pïïr ë Kɔc Waaric” (The Watchtower, Pɛɛi ë Ŋuan 1, 2011)
a Loi looi ye Nhialic ke jai aa nɔŋiic kärɛɛc juëc cït man tɔ̈c ë tik ke moc, tɔ̈c ë thok, tɔ̈c amook, ku jɔl anɔn ba raan ruany guöp ë dhöl ë bal jat nhial ë raan guöp.
