TOLI 41
San Beibel e taki fu seks?
Ai taanga gi omen sama fu taki fu seks. Te Beibel e taki fu seks a nai kibii sani, ma ai taki en a wan lesipeki fasi. We fende wini fu den sani di Beibel taki fu seks. A sani ya nai foondoo u, bika a sama di taki den sani di sikiifi aini Beibel, a Yehofa, a Sama di meke u. A sabi san moo bun gi u. Ai taigi u sani di e tyai wini gi u. Efu u wooko anga san a taki, a sani ya o yeepi u fu piisii fu teego.
1. Fa Yehofa e si seks?
Seks a wan kado di Yehofa gi man anga uman di toow fu den sa piisii. Aa gi den a sani ya fu meke pikin namo. Te man anga uman e siibi anga denseefi, da a sani ya e meke den moo lobi denseefi. Neen meke a Wowtu fu Gadu taki: ‘Piisii anga a uman di i teke senten di i yonkuu’ (Odo 5:18, 19). Yehofa á wani Kelesten toowpaa waka gi denseefi.—Leisi Hebrewsama 13:4.
2. San a hululibi?
Beibel e taki: ‘Sama di e hulu . . . Naw fende a kownukondee fu Gadu’ (1 Korentesama 6:9, 10). Den sama di be sikiifi Beibel aini Giikitongo, be e koboloiki a wowtu porneya te den be e taki fu hululibi. A wowtu porneya wani taki: (1) Te tu sama di á toow e siibi anga denseefi. a (2) Te man anga man efuso uman anga uman e siibi anga denseefi. (3) Anga te wan sama e siibi anga meti. Efu u wani Yehofa lobi u, wa mu e hulu. A omen wini we fende te u nai du a sani ya.—1 Tesalonikasama 4:3.
LUKU A TOLI YA MOO FINI
Meke u luku san o yeepi u fu wa hulu, anga sowtu wini wo fende te u nai libi wan hululibi.
3. Lon gi hululibi
Yowsefu wan man di be e dini Gadu anga en hii ati be abi fu lon gi hululibi. Leisi Genesesi 39:1-12, da i luku efii poi piki den akisi ya:
-
Saide Yowsefu á siibi anga a uman di be wani siibi anga en? —Luku vers 9.
-
I si enke a wan koni sani Yowsefu du? Saide i taki so?
Fa yonkuuwan sa waka a Yowsefu baka te a abi fu du anga seks? Pee a FELON.
Yehofa wani ala sama tan faawe fu hululibi. Leisi 1 Korentesama 6:18, da i luku efii poi piki den akisi ya:
-
San a wantu okasi di sa meke wan sama hulu?
-
San o yeepi i fu lon gi hululibi?
4. I poi lon gi hululibi
San a wantu sani di sa meke a taanga gii fu lon gi hululibi? Pee a FELON, da i luku efii poi piki a akisi ya.
-
San a baala aini a felon du di a si taki son sani di a be e denki anga du be sa meke a waka gi en uman?
Son leisi ai taanga gi Kelesten di e dini Yehofa anga den hii ati fu den á pakisei sani di á bun tu. San o yeepi i fi ya tan pakisei sani di á bun? Leisi Filipisama 4:8, da i luku efii poi piki den akisi ya:
-
San a wantu bun sani di u mu e sidon e pakisei?
-
Fa a wooko di wan sama e wooko taanga gi Yehofa, anga a leisi di ai leisi Beibel sa yeepi en fu lowe gi hululibi?
5. Den weiti fu Yehofa e tyai wini gi u
Yehofa sabi san moo bun gi u. Yehofa e taigi u san u mu du fu lon gi hululibi anga sowtu wini wo fende te u lon gi hululibi. Leisi Odo 7:7-27 efuso pee a FELON, da i luku efii poi piki den akisi ya.
-
Fa a yonkuman ya doo a wan peesi di tyai ogii gi en bakaten?—Luku Odo 7:8, 9.
-
Odo 7:23, 26 e soi taki a omen takuu bakapisi a abi te sama e libi wan hululibi. Sowtu wini a abi te ye lon gi hululibi?
-
Fa a libi di yo libi wan kiin libi o yeepi i fu piisii fu teego?
Son sama e taki a kuutu di Beibel e kuutu man anga man libi efuso uman anga uman libi e soi taki Gadu á lobi sama. Ma Yehofa na a Gadu fu lobi, a wani ala sama piisii fu teego. Neen meke efu u wani piisii fu teego, u mu libi enke fa a wani. Leisi 1 Korentesama 6:9-11, da i luku efii poi piki a akisi ya:
-
A man anga man libi, anga uman anga uman libi wawan Gadu e kuutu?
Ala sama di wani Gadu piisii anga den mu kengi den libi. Sowtu wini wo fende te we du a sani ya? Leisi Psalm 19:8, 11, da i luku efii poi piki den akisi ya:
-
I si enke den weiti fu Yehofa taanga tumisi? Saide i taki so?
Yehofa yeepi omen sama fu kengi a fasi fa den be e libi. A poi yeepi i tu
SON SAMA E TAKI: ‘Anga sama i wani i sa siibi, solanga i lobi a sama.’
-
Fai be o piki sowan sama?
SAI LELI?
Seks a wan kado di Gadu gi libi sama. A wani man anga uman di toow piisii fu a kado ya.
Sai be o piki?
-
San a hululibi?
-
San o yeepi i fu lon gi hululibi?
-
Sowtu wini wo fende te we holi den weiti fu Yehofa?
MOO SANI FU A TOLI YA
Luku saide Gadu wani wan man anga wan uman di lobi denseefi mu toow.
Beibel nai gi sama taanga-sikin fu libi ogii anga sama di e libi a wan fa ná fiti fasi.
‘A fowtu fu man anga man efuso uman anga uman libi anga denseefi?’ (A artikel de aini Saanantongo)
Luku sowtu wini we fende te we holi den weiti fu Gadu di abi fu du anga seks.
Leisi a artikel ya, da yo si san yeepi wan man di be e libi anga taa man fu daai en libi fu meke Gadu piisii.
‘Beibel e kengi sama libi’ (A Saanantongo Wakititolen fu 1 april 2011)
a Ala den sani ya a seks tu: Te sama e go na a senpeesi fu wan taawan anga en mofu, te den abi seks anga taawan a den bakase, efuso te den e pee anga a taawan senpeesi fu weki den seks fii fi en.
