AYÈGÈ 41

Dzé Bibel a dzo é bebege dzam nkeen binòng?

VOGOLO A

Abui bot ba wog osòn ya kòbò adzo nkeen binòng. Bibel nyè a kòbò dò a sang sang ai dzin ase. É dzom a dzo é bebege adzo ya nkeen binòng é ne asu nfi waan. Yéhova nnye a nga kom bia, a yem fe é dzom é ne mbeng asu daan. Éyòng bia yen mam ane nyè asu é dzam la bebe nkeen binòng, nala té a bò na bi ve nyè duma bi mbele fe afiri ya nying kòm.

1. Akia afé Yéhova a yen adzo nkeen binòng?

Nkeen binòng o ne éfaa Yéhova a ve belug. Éfaa té ya bò na nnom ban ngal be bié bòn, be lere fe éding be bele a zang dzaba. “Taag ai mininga ya andomen doé” éye Bibel a dzo nala (Minkana 5:18, 19). Yéhova a yi na belug be baala oyili alug waba, be saala fe mbòen bisok ai mot mfe (Langʼa Hébréa 13:4).

2. Mam me nkeen binòng mefé fe Yéhova a kili?

Bibel a dzo na “é ba ba bò mvit mam ya bisok . . . ba yi ki bi ngab Édzoé Zamba” (1 Kòrinti 6:9, 10). Mvit mam ya bisok ya sò ai é dzom ba loé na pornéïa a nkòbò greki. Pornéïa a tilen na: (1) nkeen binòng a a zang é bot bebè be seki nlugen, (2) nkeen binòng a zang fam ban fam ngeki a zang mininga ban mininga ai (3) é mot a bò bisok ai tsit. É mot ose ‘a saala mvit mam ya bisokʼ a bi bemaa, a bele fe mvam Yéhova (1 Tésaloni 4:3).

TUENE FAG

Bi tam yen akia afé bi ne bò mfuben mfaa ya nkeen binòng ai bemaa ba sò bia été.

3. Saala mvit mam ya bisok mekia mese

Ndomen mot zing a toa dzoé na Yosep, mbò ésié Yéhova, a nga ve mengul asu yi na a tòbò mfuben mfaa ya nkeen binòng. Langʼa Yénésis 39:1-12 ai yalen minsili mi tsaa mi:

Asu dzé Yosep a nga tub? (Bebege éfus 9).
Ye wò tsog na Yosep a nga nòng mbembe ntsigen? Amu dzé?

Akia afé binanga bi ne vu Yosep ai a saala mvit mam ya bisok? Bebege VIDÉO.

VIDÉO: Tubu mvit mam ya bisok (5:06)

Yéhova a yi na bebò bisié boé be tòbò mfuben a mezen mese. Langʼa 1 Kòrinti 6:18 ai yalen minsili mi tsaa mi:

Mam mefé me ne tindi mot na a ku olam mvit mam ya bisok?
Akia afé o ne tub mvit mam ya bisok?

4. O ne saala olam mvit mam ya bisok

Wò yeane ve mengul asu yi na o saala olam ya mbòen mvit mam ya bisok. Dzé é ne bò na dzam té a tòbò ayié? Bebege VIDÉO ai yalen a nsili hi:

VIDÉO: Dangʼa mebobela ai zen ya nlangʼen Bibel (3:02)

Dzé madzang a nga bò éyòng a nga yen na mbòen woé o ne nyè tindi na a bò mvit mam ya bisok?

Tò é mot a ne mvoé Zamba a yeane ve mengul asu yi na a baala mintsogen mié mfuben. Bi ne bò dzé asu yi na te bia baala mvit mintsogen a nlo waan? Langʼa Filippi 4:8 ai yalen minsili mi mi tsaa mi:

Akia mam afé bia yeane kare dang tsog?
Asu dzé nlangʼen Bibel mban ai a bò Yéhova ésié bia vòli bi na te bia ku a mebobela?

5. Yéhova a nga telé mebéndé asu nfi waan

Yéhova a yem é dzom é ne mbeng asu daan. A timi bia é dzom bia yeane bò asu yi na bi tòbò mfuben mfaa ya nsisim, ai bemaa nala té wa sò ai bia. Langʼa Minkana 7:7-27 ngeki na bebege VIDÉO ai yalen minsili mi tsaa mi:

VIDÉO: É mot a bele ki feg (9:31)

Dzé é nga bò na énanga mot zing é tebe a mbe étié? (Bebege Minkana 7:8, 9).
Ane kalara Minkana 7:23, 26 a lere, mvit mam ya bisok é ne sò ai abui mindzug. Mindzug mifé bia yi saala nge bia baala étié mfuben dzaan mfaa ya nsisim?
Élat éfé é ne a zang mfuben ya nsisim ai ndi ya bi énying kòm?

Bot bezing ba tsog na, é dzam Bibel a dzo a bebege adzo nkeen binòng a zang fam ban fam ngeki mininga ban mininga a seki ndem éding. Veda Yéhova a ne Zamba éding. Nyien woé o ne na bot bese be bi énying kòm. Asu té nde bia yeane tong mebéndé moé. Langʼa 1 Kòrinti 6:9-11 ai yalen a nsili hi:

Ye ve nyiène nkeen binòng étam a zang fam ban fam ai mininga ban mininga ngò Zamba a kili?

Asu yi na bia bese bi bi mvam Zamba, bia yeane tséndé bebé mefulu baan. Ye nala a ne ai nfi na bi bò dò ngaa? Langʼa Salmen 19:8, 11 ai yalen minsili mi tsaa mi: