AYEGHLE 41
Za dzam Bible a dzô nfa é mam ma daghe ékaane binong ?
Abuiñ bôt ba wokh ôsoan naa be kobe é mam ma daghe nkehane binong. Ve, éyong Bible a kobe adzô nkehane binong, aa chale ki bia dzam ézing a belane fe bifiè bia yiène. É dzam Bible a dzô nfa té, é ne so bia abuan. Dzam té da yiène. Amu Bible a so ébe Jehôva Mvele wèè, éde da ve naa a yem é dzam da dang mbeng akal dèè. A dzô bia é dzam bia yiène bo naa bi ve ñe n’nem mbeng, ya é dzam da ye bia vole naa bi bele éning é ne mbèmbèè.
1. Aval avé Jehôva a yen é mam ma tsinane nkehane binong ?
A ke binong a ne mbemba das Jehôva a nga kee boan be-bôt. A yi naa dzam té é ve é fam ya minenga be ne nlughane mevakh. Das té déé se ki fave akal naa minlughane mi bele boan, é ne fe akal naa minlughane mi leran édzing aval da yiène. Akal té éde kalare Nzame a dzô naa : « Yeneghe mevakh ya é minenga ô va lukh ô too étong. » (Minkana 5:18, 19) Jehôva a kômô naa bekristen be ne minlughane be tobe sôsôe ya é môt be ne nlughane ya ñe, dzam té da yili naa baa yiène ki ke binong ya môt nfe.—A lang Behébreu 13:4.
2. Dzé é ne nsem évakh ?
Bible a dzô bia naa « é bôt ba bo nsem évakh [. . .] baa ye ki ñii Édjié Nzame été. » (1 Becorinthien 6:9, 10) A Bible été, nkobe Grec nge ki Griego éfiè por·neiʹa a ne nsem évakh. Éfiè té da larane (1) éyong fam ba minenga ba ke binong a kaa naa be ne nlughane, (2) éyong befam bebèñ nge ki binenga bebèñ ba ke binong, ya (3) éyong moan môt a ke binong ya tsit. Éyong biaa bo ki é mam ma larane nsem évakh bia ve Jehôva n’nem mbeng ya bele biboran. »—1 Bethessalonicien 4:3.
A TUGHA FAS
Yeneghe aval ô ne saalé nsem évakh ya biborane bia ye ñong éyong bia tobe nfuban nfa té.
3. Tupghane nsem évakh
Sôsôe môt José nge ki Joseph a nga tep ya tup é minenga a mbe é kômô ke binong ya ñe. A lang Atarga 39:1-12, éyong té mia lèè minlang mia daghe minsili mia zu mi :
-
Dzé é nga tsini José nge ki Joseph naa a tup ?—A daghe éfus 9.
-
Ye wa simane naa José nge ki Joseph a nga ñong mbemba nkighane ? Amu dzé wa tem do ?
Aval avé bitong bi-bôt bi ne vu José nge ki Joseph ému wi, ya tup nsem évakh ? Daghane ÉNGENGENG.
Jehôva a kômô naa bia bese bi tup nsem évakh. A lang 1 Becorinthien 6:18, éyong té mia lèè minlang mia daghe minsili mia zu mi :
-
Za bitèñ bizing bi ne ve naa môt a ku nsem évakh été ?
-
Aval avé ô ne tup nsem évakh ?
4. Ô ne dang mebobelan
Dzé é ne ve naa é bo bia ndzukh naa bi dang mebobelan me ya a ku nsem évakh été ? Daghane ÉNGENGENG, éyong té mia lèè minlang mia daghe nsili wa zu wi :
ÉNGENGENG : Luchemos contra las tentaciones leyendo la Biblia nge ki non à la tentation grâce à la lecture de la Bible (3:02)
-
Za dzam é moadzang bi va yen éngengeng di été a nga bo, éyong a nga yen naa, é mam a mbe é simane ya bo me mbe ve naa a bo kaa tobe sôsôe ya ngal ?
Biyong bizing, amben bekristen be ne sôsôe, baa fe ba yirane naa be baghle mesiman meba nfuban. Aval avé ô ne dzogho naa wa bele mesiman me ne mvîn ? A lang Bephilippien 4:8, éyong té mia lèè minlang mia daghe minsili mia zu mi :
-
Za aval mam bia yiène bele ôsiman wèè été ?
-
Aval avé a lang Bible, ya a bele abuiñ mam ya bo akal Jehôva, é ne bia vole a dang mebobelan me ye a ku nsem été ?
5. Metsin metsing Jehôva me ne akal mbeng wèè
Jehôva a yem é dzam da dang mbeng akal dèè. A dzô bia aval bi ne baghle a bo dulu dèè nfuban, ya biborane bia so ya mboane té. A lang Minkana 7:7-27 nge ki daghane ÉNGENGENG, éyong té mia lèè minlang mia daghe nsili wa zu wi :
-
Aval avé étong fam é nga wulu é zen da ke ñe nsem ?—A daghe Minkana 7:8, 9.
-
Nten Minkana 7:23, 26 wa lere naa nsem évakh wa so bia minzukh. Nge bi baghle abo dulu é ne nfuban, za minzukh bi ne saalé ?
-
Aval avé a bele abo dulu é ne nfuban, é ne bia vole a bele éning é ne mbèmbèè ?
Bôt b’ézing ba tem naa, é dzam Bible a dzô nfa befam bebèñ nge ki binenga bebèñ ba ke binoñg é ne édedèè nget, ya naa, daa lere ki naa Nzame a ne édzing. Ve, Jehôva a ne é Nzame a ne édzing ya naa, a yi naa môt asese a bele éning é ne mbèmbèè. Naa bi bele éning é ne mbèmbèè bia yiène bo mewokh ébe metsin metsing Nzame. A lang 1 Becorinthien 6:9-11, éyong té mia lèè minlang mia daghe nsili wa zu wi :
-
Ébe Nzame, ye nkôman ya ke binong fam ba fam nge ki minenga ba minenga é ne é dzam étam a vini ?
É ne été naa nge bia kômô ve Nzame n’nem mbeng, bia besese bia yiène tsen mam m’ézing éning dèè. Ye da yiène naa bi ve mengu’u akal a bo do ? A lang Bya 19:8, 11, éyong té mia lèè minlang mia daghe minsili mia zu mi :
-
Ye wa tem naa é ne ndzukh naa bi bo mewokh ébe metsin metsing Jehôva ? Amu dzé wa tem do ?
Aval Jehôva a nga vole abuiñ bôt naa be kang metsin metsing mèñ, a ne fe wô vole
NGE MÔR ÉZING A DZÔ WÔ NAA : « Nge é bôt bebèñ ba dzinghane ba ke binong, déé se ki mbia dzam. »
-
Za dzam ô ne ñe dzô ?
AKIGHE BES
Nkehane binong a ne é das Jehôva a nga ve n’nôm ya ngal naa é ve bo mevakh.
Ôbaghle
-
Za mimboane mia larane nsem évakh ?
-
Dzé é ne bia vole a saalé nsem évakh ?
-
Za biborane bi ne ñong nge bia tông metsin metsing Jehôva ?
Ô NE FE KE DAGHE
Yeghe amu dzé Nzame a kômô naa é fam ya minenga ba kômô ning a ne ngal ya n’nôm be tare lughan.
« ¿Qué dice la Biblia sobre vivir juntos sin estar casados? » nge ki « Vivre en couple sans être mariés : Qu’en dit la Bible ? » (Nlô-adzô té ô ne a nden)
Yeneghe amu dzé metsin metsing me ya Bible ma daghe nkehane binong befam bebèñ nge ki binenga bebèñ, daa yiène ki bia tsini naa bi bele zing ébe é bôt ba bo do.
« ¿Es malo ser homosexual? » nge ki « L’homosexualité : est-ce mal ? » (Nlô-adzô té ô ne a nden)
Yaghe aval avé metsing Nzame nfa nkehane binong ma kale bia.
« ¿Es el sexo oral realmente sexo? » nge ki « Les relations buccogénitales sont-elles vraiment des relations sexuelles ? » (Nlô-adzô té ô ne a nden)
Nlang « Me trataron con dignidad » nge ki « Ils ont respecté ma dignité », yeneghe é dzam é nga tsini é môt a mbe éé dzing befam bevoo, naa a tsen éning dèñ.
« La Bible les cambió la vida » nge ki « La Bible transforme des vie » (La Atalaya, 1 de abril de 2011 ; Tour de Garde, 1er avril 2011)
a Mbimbia mimboan mité mia daghe fe mimboan ane a ke binong, a ve é chishèñ môt mboo añu, a ke binong ya môt nfa a mvus, a nam é môt mboo ñuu naa a bele ôzang ya ke binong.
