LECCIÓN 41
Que di a Biblia sobre o sexo?
Aínda que moitas persoas se senten incómodas ó falar de sexo, a Biblia si que fala deste tema. E sempre o fai de xeito directo pero digno. O que di benefícianos. Iso ten sentido porque Xehová é o noso Creador e sabe o que é mellor para nós. El dinos o que debemos facer para agradarlle e para desfrutar da vida para sempre.
1. Cal é o punto de vista de Xehová sobre o sexo?
O sexo é un regalo que Xehová lles dá a un home e unha muller que están casados entre eles. Este regalo non só lles permite ós matrimonios ter fillos senón tamén demostrarse amor e cariño dunha maneira natural e pracenteira. Por iso a Biblia di que “goces coa compañeira da túa mocidade” (Proverbios 5:18, 19). Xehová espera que os cristiáns casados sexan leais un ó outro. Por iso nunca cometerían adulterio (le Hebreos 13:4).
2. Que é a inmoralidade sexual?
A Biblia dinos que as persoas que practican inmoralidade sexual ou fornicación “non herdarán o Reino de Deus” (Gálatas 5:19-21). Os escritores da Biblia que escribiron en grego usaron a palabra porneia para describir a inmoralidade sexual. Esta palabra inclúe as relacións sexuais a 1) entre persoas que non están casadas entre elas, 2) entre persoas do mesmo sexo e 3) con animais. Evitar a inmoralidade sexual é bo para nós e, cando o facemos, agradámoslle a Xehová (1 Tesalonicenses 4:3).
AFONDA MÁIS
Analiza como podes evitar a inmoralidade sexual e como te beneficia manterte limpo en sentido moral.
3. Fuxe da inmoralidade sexual
A Xosé, un home fiel do pasado, non lle foi fácil manterse limpo en sentido moral. Lede Xénese 39:1-12 e logo comentade estas preguntas:
-
Por que decidiu fuxir Xosé? (Ver o versículo 9).
-
Pensas que Xosé tomou unha boa decisión? Por que?
Como pode a xente nova imitar a Xosé e fuxir da inmoralidade sexual? Poñede o VÍDEO.
Xehová quere que rechacemos a inmoralidade. Lede 1 Corintios 6:18 e logo comentade estas preguntas:
-
Que situacións poderían levar a alguén a cometer inmoralidade sexual?
-
Que podes facer para fuxir da inmoralidade?
4. Podes resistir a tentación
Que cousas poden facer que sexa difícil resistir a tentación de cometer inmoralidade sexual? Poñede o VÍDEO e logo comentade esta pregunta:
-
Que fixo o irmán do vídeo cando se deu conta de que os seus pensamentos e as súas accións poderían levalo a serlle infiel á súa muller?
Incluso os cristiáns fieis teñen que esforzarse por manter limpos os seus pensamentos. Que podes facer para non quedarte pensando en cousas inmorais? Lede Filipenses 4:8 e logo comentade estas preguntas:
-
En que tipo de cousas deberiamos pensar?
-
Por que ler a Biblia e estar ocupados no servizo a Xehová pode axudarnos a non caer na inmoralidade sexual?
5. As normas de Xehová benefíciannos
Xehová sabe o que é mellor para nós. El dinos como manternos limpos en sentido moral e os beneficios de facelo. Lede Proverbios 7:7-27 ou poñede o VÍDEO. Logo comentade estas preguntas:
-
Como se meteu o rapaz nunha situación perigosa? (Ver Proverbios 7:8, 9).
-
Proverbios 7:23, 26 di que a inmoralidade sexual pode ter consecuencias graves. Que problemas podemos evitar se nos mantemos limpos en sentido moral?
-
Por que manternos limpos en sentido moral nos pode axudar a desfrutar da vida para sempre?
Algunhas persoas pensan que o que di a Biblia sobre a homosexualidade non é amoroso. Pero Xehová é un Deus de amor e quere que todo o mundo desfrute da vida para sempre. E para conseguilo temos que vivir de acordo coas súas normas. Lede 1 Corintios 6:9-11, TNM e logo comentade esta pregunta:
-
Dende o punto de vista de Xehová, son os desexos homosexuais os únicos contra os que hai que loitar?
Para agradarlle a Deus todos temos que facer cambios. Vale a pena esforzarse? Lede Salmo 19:9, 12 (19:8, 11, TNM) e logo comentade estas preguntas:
-
Pensas que as normas morais de Xehová son razoables? Por que pensas así?
Xehová axudou a moitas persoas a seguir as súas normas morais. E tamén che pode axudar a ti
HAI QUEN DI: “Que ten de malo que dúas persoas teñan relacións sexuais se se queren?”.
-
Ti que dirías?
RESUMO
O sexo é un regalo que Xehová lles dá ó home e á muller que están casados entre eles para que o desfruten xuntos.
Repaso
-
Que inclúe a inmoralidade sexual?
-
Que nos axudará a evitar a inmoralidade sexual?
-
Como nos beneficia seguir as normas morais de Xehová?
INVESTIGA
Examina por que lle importa a Deus se unha parella está casada ou non.
“Que di a Biblia sobre vivir xuntos sen estar casados?” (Artigo web)
Aprende por que as normas da Biblia sobre a homosexualidade non promoven o odio.
Fíxate en como nos protexen as normas de Deus sobre o sexo.
No relato “Tratáronme con dignidade” mira o que motivou a un home homosexual a cambiar a súa maneira de vivir para agradar a Deus.
a As relacións sexuais inclúen varias prácticas, como por exemplo: o sexo vaxinal, o sexo oral, o sexo anal e tocar os xenitais doutra persoa coa intención de dar ou recibir pracer sexual.
Pode que tamén che guste
PREGUNTAS FRECUENTES
Como son os cursos da Biblia que ofrecen as testemuñas de Xehová?
Co curso da Biblia interactivo e gratuíto das testemuñas de Xehová, poderás usar calquera tradución da Biblia e invitar a calquera familiar ou amigo que desexes.
