ODHEAI 41
Kuddichea Sombonda Vixim Bible Kitem Sangta?
Zaito lok kuddichea sombonda vixim ulounk fatti sortat. Punn Jehova Devan hea vixim Bible-ant ukteponnim ani bore ritin sanglolem asa, karonn to amchem borem chintʼta. Amchea pasot kitem borem tem to zannam. Tor, ami tacheo adnea pallttat tednam ami sasnak khuxal astolim. Toxench, Jehova Dev pasun khuxal zatolo.
1. Kuddichea sombonda vixim Bible-ant kitem sanglam?
Kuddicho sombond Jehova Deva thaun ek dennem zaun asa. Ani hem dennem tannem fokot kazari zoddpeank dilam. Hea dennea vorvim ek zoddpem bhurgeak zolmank haddunk xokta ani toxench eka-meka pasot mog dakhoun dhadoxi zaunk xokta. Bible sangta: “Tujea tornea piraier logn zalolea baile sangata dhadoxi zav.” (Mhonnʼnneo 5:18, 19) Kazari zoddpim eka-mekak visvaxi aslolim Jehovak zai ani tannim pordvar kelʼlo taka naka.—Hebrevank 13:4 vachat.
2. Pozoddponn mhunnttlear kitem?
Bible sangta: “Onoitik kuddicho sombond dovorpi . . . Devachea Rajeache daiji zaunchenant.” (1 Korintkarank 6:9, 10) Bible boroupeamnim onoitik kuddicho sombond vo pozoddponn hea utrak porneia hem Grik utor uzar kelam. Porneia mhunnche (1) kazar zainastana kuddicho sombond a dovrop, (2) apleach lingachea munxa lagim kuddicho sombond dovrop (dadlean-dadlea lagim ani bailen-baile lagim) ani (3) zonvaram lagim kuddicho sombond dovrop. Tor, ami “onoitik kuddichea sombonda thaun pois” ravtat tednam Jehova khuxal zatolo ani ami-i khuxal zatolim.—1 Tesalonikekarank 4:3.
KHOLAIEN XIKAT
Tumi pozoddponna thaun koxem pois ravonk zata ani tumi nitoll ravtat tednam tumkam kitem faido zatolo tem zannam zaum-ia.
3. Pozoddponn pois korat
Juze nanvachea eka visvaxi munxan noitik ritin nitoll ravonk kitem kelem tem polloum-ia. Utpoti 39:1-12 vachun sokol dilʼlea prosnanche zobab zannam zaum-ia:
-
Juze thoinchean kiteak dhanvon gelo?—Vers 9 polloiat.
-
Tannem kelem tem sarkem oxem tumkam dista? Kiteak?
Juze bhaxen aiz tornnattim pozoddponna thaun koxim pois ravonk xoktat? VIDEO polloum-ia.
Ami pozoddponna thaun pois ravlolim Jehovak zai. 1 Korintkarank 6:18 vachun sokol dilʼlea prosnanche zobab zannam zaum-ia:
-
Khoinchea poristhitint ek munis pozoddponnachea tallnnent poddonk xokta?
-
Tumi pozoddponna thaun koxem pois ravonk zata?
4. Tumi tallnneo pois korunk zatat
Pozoddponn korchi tallnni nakarunk kednam kotthin zaunk xokta? VIDEO polloun sokol dilʼlea prosnanche zobab zannam zaum-ia.
-
Tea bhavak apunn aplea chitnamnim ani vagnnukent aple bailek ovisvaxi zaunk xokta mhunn kollʼllem tednam tannem kitem kelem?
Thodde pavtti, thoddea visvaxi Kristanvank pasun vaitt chintnam pois korunk kotthin zata. Tumi vaitt chintnam koxim pois korunk zatat? Filipkarank 4:8 vachun sokol dilʼlea prosnanche zobab zannam zaum-ia:
-
Hea versa pormonnem ami kitea vixim chintunk zai?
-
Bible vachun ani Jehovache sevent vavrit ravon, tallnneo pois korunk tumkam koxi modot zatoli?
5. Jehovachea dorjeam pormonnem jielear amchench borem zatolem
Amkam kitem borem tem Jehova zannam. Ami noitik ritin nitoll ravonk kitem korunk zai ani oxem kelear kitem faide asat tem tannem amkam sanglam. Mhonnʼnneo 7:7-27 vachun vo VIDEO polloun sokol dilʼlea prosnanche zobab zannam zaum-ia.
-
To tornnatto tallnnent koso poddonk pavlo?—Mhonnʼnneo 7:8, 9 polloiat.
-
Mhonnʼnneo 7:23 ani 26 dakhoita ki pozoddponn kelem zalear khub vaitt porinnam zata. Ami noitik ritin nitoll ravtat tednam koslea trasant poddchimnant?
-
Noitik ritin nitoll ravlear amkam koslim besanvam mellttolim?
Apleach lingachea munxa lagim sombond dovrop chukichem mhunn Bible sangta. Hem aikon thoddeank Dev tancho mog korina oxem disot. Punn Dev sogleancho mog korta ani soglim khuxalkaien sasnak jielʼlim taka zai. Tor, sasnak jietolim zalear ami tachea dorjeam pormonnem jieunk zai. 1 Korintkarank 6:9-11 vachun sokol dilʼlea prosnacho zobab zannam zaum-ia:
-
Hea versant, fokot apleach lingachea munxa lagim pozoddponn korop chukichem mhunn sanglam kai?
Devak manvololim zaunk ami amchea jivitant bodlav korunk zai. He bodlav korop faideachem oxem tumkam dista? Stotr 19:8, 11 vachun sokol dilʼlea prosnacho zobab zannam zaum-ia:
-
Jehovache dorje amcheach boreak oxem tumkam dista? Kiteak?
Aple noitik dorje samballunk Jehovan zaiteank modot kelea. Ani to tumkam-i modot kortolo
THODDO LOK MHUNNTTA: “Konnui eka-mekacho mog korta zalear tannim kuddicho sombond dovorlear tantunt kaim vaitt na.”
-
Tumi tankam kitem sangtolim?
KITEM XIKLIM
Kuddicho sombond hem ghov-bailank Jehova Deva thaun dennem zaun asa.
Porot Ugddas Korum-ia
-
Pozoddponnant koslim-koslim vaittponnam mellon asat?
-
Pozoddponna thaun pois ravonk amkam koxi modot zatoli?
-
Jehovache noitik dorje pallttat tednam amkam kosle faide astat?
ANIK SODHAT
Ek cheddo ani cheddum sangata ravonk sodhtat zalear tim kazar zalʼlim Devak kiteak zai?
Apleach lingachea munxa lagim pozoddponn korop chukichem mhunn Bible sangta. Punn ami toslea munxancho dves kiteak korunk zaina?
“Apleach Lingachea Munxa Lagim Sombond Dovrop Kiteak Chukichem?” (Web article)
Kuddichea sombonda vixim Devan dilʼlea soglea kaideank lagon amchi rakhonn zata.
Apleach lingachea munxa sangata sombond dovortolea eka dadleak aplem jivit bodlunk koxi modot zali tem ami “Tannim Mhaka Man Dilo” hea onubhovant polloum-ia.
a Hantunt zaitem mellon asa zoxem kuddicho sombond, oral sex, anal sex ani hat laun dusreanche loingik sandhe uchamboll korop.
Tumkam Hem-ui Avoddttolem
ZAITE PAVTT VINCHARLOLE PROSN
Jehovachim Sakxim Bible xikonk koxim modot kortat?
Jehovachea Sakxeamnim Bible xikonk ji funkott manddavoll kelʼli asa tantunt tumi Bible-achem khoinchem-i bhaxantor uzar korunk zata. Tumchea ghorcheank vo ixttank tumchea sangata Bible xikonk apounk fattim soronakat.
