ZASEŊƆ 41
Baabule La Tɔɣɛ Ga’aregɔ Yɛla La Wani?
Nɛreba zo’e zo’e ka boti ba tɔɣera ga’aregɔ poan yɛla. Ge Baabule la san tɔɣɛ ga’aregɔ poan yɛla, la ni kɔ’ɔn dɛna la yelemɛŋɛrɛ ge ti gilema bɔna bim. Ku pa’ali to la sɛla n soŋeri tɔ. Yɛm me boi bim mɛ se’ere n sɔi la Yehowa to Naaŋɔdaana la n dekɛ Baabule la bo to. Bala la, a mi sɛla n ani soŋa bɔ’ɔra to mɛ. A pa’alɛ to la to wan ita se’em ti a puurɛ pee la to wan ta’an eŋɛ se’em tara vom somɔ daarewoo.
1. Yehowa geele ga’aregɔ yɛla la wani?
Ga’aregɔ dela bo’olum ti Yehowa dekɛ bo to. A boti la nɛra la a pɔɣa ma’a ta’an nyɛta nyɛlum de poan. Bo’olum wa soŋeri nɛreba la ba pɔɣeba mɛ ti ba ta’an dɔɣera kɔma ge me kelum ita pa’ala ti ba nɔŋɛ taaba mɛ. Bala n sɔi ti Naayinɛ Yetɔɣum la yeti: “Tara pupeelum la pɔɣesɛka ti ho di en ho bunbilimen la.” (Magaha 5:18, 19) Yehowa boti la Kristakɔma tara yelemɛŋɛrɛ ba pɔɣedire poan. Bala la, ba kan makɛ tum pɔɣedisa’aŋɔ.—Kaalɛ Hebru 13:4.
2. Bem n de yalumtuuma?
Baabule la yeti “nɛresɛba n de yalumdoma . . . kan kɛ̃ Naayinɛ Na’am la poan.” (1 Korint 6:9, 10) Sɛba n gulesɛ Baabule la Greek yetɔɣum poan dekɛ la yelebire n de por·neiʹa la pa’alɛ yalumtuuma n de sɛla. Yelebire wa pa’alɛ la (1) nɛreba n ka di taaba ge gã’a la taaba a, (2) buraasi n gã la buraasi la pɔɣesi n gã la pɔɣesi la (3) nɛreba n gã la dusi. To san “yese [tomesi] yalumtuuma poan” la wan soŋɛ tɔ ge me basɛ ti Yehowa puurɛ pee.—1 Tesalonika 4:3.
VIISƐ PA’ASƐ
Ti’isɛ bisɛ hon wan eŋɛ se’em ta’an yese homea yalumtuuma poan la hon wan nyɛ nyuurɔ se’em ho san tara sarum soŋɔ.
3. Gu homea yalumtuuma poan
Yosef n yuun de sakerɛ nɛra la yuun tiregɛ mɛ ta’an basɛ ti a sareŋɔ ana soŋa. Kaalɛ Pin’ileŋɔ 39:1-12 ge nyaa sɔsɛ sokere ana wa:
-
Bem n yuun soŋɛ Yosef ti a nyaŋɛ gu amea yalumtuuma poan?—Bisɛ ka’alegɔ zɛ’an 9.
-
Hon ti’isɛ ti Yosef yuun loe la loesonɛ? Bem zuo?
Bunbilipaalesi wan eŋɛ la wani ta’an tɔɣesɛ Yosef ta’an sirum gu bamesi yalumtuuma poan zina wa? Ŋmɛ VIDIYO la.
Yehowa boti la to za’a gu tomesi yalumtuuma poan. Kaalɛ 1 Korint 6:18 ge nyaa sɔsɛ sokere ana wa:
-
Bem yɛla n wan ta’an basɛ ti nɛra tum yalumtuuma?
-
Hon wan eŋɛ la wani ta’an gu homea yalumtuuma poan?
4. Ho ta’an gu homea gurebisɛ poan
Bem n wan ta’an basɛ ti la kpe’em bo nɛra ti a gu amea yalumtuuma poan? Ŋmɛ VIDIYO la ge nyaa sɔsɛ sokere wa:
-
Se’em ma’a ti mabia la n boi vidiyo la poan la baŋɛ ti a ti’isegɔ la a itigɔ wan basɛ ti a kan tara yelemɛŋɛrɛ bɔ’ɔra a pɔɣa la, a eŋɛ la wani?
Hali saŋa ase’a, la ni kpe’em bo yelemɛŋɛrɛ Kristakɔma mɛ ti ba basɛ ti ba ti’isegɔ ana filam. Ho wan eŋɛ la wani gu homea kan ti’isa yalumtuuma yɛla? Kaalɛ Filipi 4:8 ge nyaa sɔsɛ sokere ana wa:
-
Bem yɛla n nari ti to ti’isa?
-
To san kaala Baabule la ge mɔ’ɛ nini tuna Yehowa tuuma, bala wan soŋɛ to la wani ti to ta’an gu tomesi kan tum be’em?
5. Yehowa pa’alegɔ la soŋeri to mɛ
Yehowa mi sɛla n ani soŋa bɔ’ɔra to mɛ. A pa’alɛ to la to wan eŋɛ se’em ti to sareŋɔ ana filam, la to wan nyɛ soŋeri se’em to san ita bala. Kaalɛ Magaha 7:7-27 bii ŋmɛ VIDIYO la ge nyaa sɔsɛ sokere ana wa:
-
Sore kani poan ti budibipaalega la dekɛ amea ta kɛ̃’ɛsɛ yele poan?—Bisɛ Magaha 7:8, 9.
-
Wuu Magaha 7:23, 26 n yele se’em la, yalumtuuma ta’an tari daaŋɔ zo’e zo’e na. To sareŋɔ san ana soŋa, bem yeledaaŋɔ n kan ta’an paɛ tɔ?
-
To sareŋɔ san ana soŋa, la wan eŋɛ la wani basɛ ti to tara vom somɔ daarewoo?
Nɛreba basɛba ti’isɛ ti Baabule la n tɔɣɛ buraa n gã la buraa, la pɔka n gã la pɔka yele se’em la ka ani soŋa. Ge Yehowa n de nɔŋerɛ Naayinɛ la boti la to tara vom somɔ daarewoo. To san bɔta bala, la nari ti to dɔla a pa’alegɔ la. Kaalɛ 1 Korint 6:9-11 ge nyaa sɔsɛ sokere wa:
-
Naayinɛ zɛ’an, buraa n gã la buraa la pɔka n gã la pɔka konkoma’asum puti’ira ma’a n de putɛbe’ero?
To san wan ta’an pee Naayinɛ puurɛ, to za’a nari ti to eŋɛ teere. Nyuurɔ boi bim ti to ita bala? Kaalɛ Yooma 19:8, 11 ge nyaa sɔsɛ sokere ana wa:
-
Hon ti’isɛ ti yɛm boi bim la Yehowa n pa’alɛ tɔ ti to sareŋɔ ana se’em la? Bem zuo?
Yehowa soŋɛ nɛreba zo’e zo’e mɛ ti ba ta’an dɔla a pa’alegɔ la. A me wan ta’an soŋɛ hɔ
NƐREBA BASƐBA YETI: “Nɛra konkoma’asum san bɔna pɔka poan bii a buraa tadaana poan, a ta’an ga’arɛ la en, daaŋɔ ka boi bim.”
-
Hon wan yeti bem?
YELEKPINE
Ga’aregɔ dela bo’olum ti Yehowa dekɛ bo nɛra la a pɔɣa ti ba nyɛta nyɛlum de poan.
Tiisegɔ Sokere
-
Bem n de yalumtuuma?
-
Bem n wan ta’an soŋɛ tɔ ti to gu tomesi yalumtuuma poan?
-
To san dɔla Yehowa pa’alegɔ, la wan soŋɛ to la wani?
Ɛ BISƐ
Viisɛ baŋɛ sɛla n sɔi ti la yele pakɛ Naayinɛ ti nɛra maalɛ pɔka yɛla ge ta’an bɔna la en.
“Baabule La Tɔɣɛ Buraa N Ka Di Pɔka Ge Naɛ La En Bɔna Yele La Wani?” (La boi jw.org)
Ti’isɛ bisɛ sɛla n sɔi ti Baabule la n geele buraa n gã la buraa la pɔka n gã la pɔka yele se’em la ka basɛ ti diŋo bɔna.
“Buraasi N Gã Taaba La Pɔɣesi N Gã Taaba Dela Be’em?” (La boi jw.org)
Zamesɛ baŋɛ Naayinɛ n bo lɔɔ seto ga’aregɔ yɛla poan n soŋeri to se’em.
“Nɛreba N Mɔɣeri Taaba Inya Ti Ba Konkoma’asum Isige Pa’alɛ Ti Ba Gã La Taaba Mɛ?” (La boi jw.org)
Kaalɛ baŋɛ buraa n yuun gã la buraasi n nyaa tee a vom se’em ti Naayinɛ puurɛ pee ti la bɔna “Ba Daa Bo Mam Gilema Mɛ” zi’irego poan yele la.
“Baabule La Teeri Nɛreba Vom Mɛ” (The Watchtower, April 1, 2011)
a Tuunfɛ’ɛsa wa ase’a dela nɛreba n gã la taaba, nɛreba n mɔɣeri taaba inya ti ba konkoma’asum isige, nɛreba n gã la taaba fisi la nɛreba n ti’iberi bii waasena taaba inya ti ba puti’irɛ wa’an ga’aregɔ poan na.
Ho Me Ta'an Bɔta Yele Ana
SOKESE’A TI NƐREBA SƆKERA
Bem Baabule Zamesegɔ N Bala Ti Yehowa Sɛɛradoma Ita La Nɛreba?
Hon la Yehowa Sɛɛradoma san zamesa Baabule la, ho ta’an tara homea Baabule la kaala, zamesegɔ la poan. Ho ta’an yele ho yire nɛreba za’a la ho zɔdoma ti ba laɣum kelese zamesegɔ la.
