PELAJAR 41
Nama Dipadah Bup Kudus pasal Seks?
Mayuh orang malu lebuh bejaku pasal seks. Tang, lebuh Bup Kudus nyebut pasal seks, tu kesuah agi disebut enggau terus terang tang enggau chara ti basa. Jaku ajar ari Bup Kudus bekaul enggau pekara tu endang beguna laban jaku ajar nya datai ari Penempa kitai, Jehovah. Lalu Iya nemu utai ti pemadu manah ke kitai. Jehovah mega ngajar kitai pasal chara idup ti ngerinduka ati Iya sereta nulung kitai bulih pengaga ati ti meruan belama iya.
1. Nama runding Jehovah pasal pengawa seks?
Pengawa seks nya siti pemeri ari Jehovah. Lalu Iya deka pengawa tu mai pengaga ngagai lelaki enggau indu ke udah jadi. Pemeri tu ukai semina ulih ngasuh sepasang laki bini bisi anak, tang mega kena seduai iya ngayanka penyayau, pengerindu sereta ngembuan kaul ti rapat agi ngagai pangan diri. Bup Kudus madahka: “Nuan patut lantang ati diau enggau bini ke enggau nuan jadi.” (Jaku Dalam 5:18, 19) Jehovah mega deka laki bini tetap ati ngagai pangan diri sereta enda butang.—Bacha Hebrew 13:4.
2. Nama reti ulah seks ti kamah?
Bup Kudus madahka, ‘orang ke ngereja ulah ti kamah . . . enda ulih bempu Perintah Petara.’ (1 Korint 6:9, 10) Penulis Bup Kudus ngena leka jaku Gerika por·neiʹa kena ngambarka ulah seks ti kamah. Leka jaku tu nyengkaum ulah baka (1) pengawa seks a entara orang ke bedau kawin, (2) pengawa seks entara sida ke sama penempa (homoseksual), enggau (3) pengawa seks entara mensia enggau jelu. Lebuh kitai nyeliahka diri ari ulah seks ti kamah, kitai deka ngelantangka ati Jehovah sereta bulih mayuh penguntung.—1 Tesalonika 4:3.
BELAJAR MAYUH AGI
Peratika baka ni nuan ulih nyeliahka diri ari ulah seks ti kamah, lalu penguntung iya enti mengkang beresi ba moral.
3. Seliahka pengawa seks ti kamah
Seiku lelaki dalam Bup Kudus ke benama Josep, madahka diri enggai lebuh seiku indu deka beleman enggau iya. Bacha Pemungkal 39:1-12, lalu kerandauka tanya tu:
-
Nama utai ke meransang Josep ngerarika diri ari penguji nya?—Peda ayat 9.
-
Ba runding nuan, kati Josep ngaga pemutus ti betul? Nama kebuah?
Baka ni bala nembiak kemayaharitu ulih neladan Josep lalu nyeliah ari ulah seks ti kamah? Mainka VIDEO.
Jehovah enggai kitai ngereja sebarang ulah seks ti kamah. Bacha 1 Korint 6:18, lalu kerandauka tanya tu:
-
Nama utai ti engka ulih ngasuh seseiku orang ngereja ulah seks ti kamah?
-
Baka ni nuan ulih nyeliah ari ulah seks ti kamah?
4. Nuan ulih menang
Nama utai ke engka ngasuh seseiku orang berasai tusah deka ngelaban pengingin seks ti kamah? Mainka VIDEO, lalu kerandauka tanya tu.
-
Nama digaga menyadi lelaki dalam video nya lebuh iya sedar ulah sereta runding iya engka ulih ngasuh iya butang?
Indah orang Kristian ti tetap ati mega patut seruran nentuka runding sida beresi. Baka ni nuan ulih nyeliahka diri ari ngembuan runding ti kamah? Bacha Pilipi 4:8, lalu kerandauka tanya tu:
-
Nama utai ti patut dipikirka kitai?
-
Baka ni pengawa macha Bup Kudus enggau pengawa ti bekaul enggau pengarap ulih nulung kitai nulak ulah ti kamah?
5. Standard Jehovah mai penguntung ngagai kitai
Jehovah nemu utai ti pemadu manah ke kitai. Iya ngajar kitai chara ngambika ulih mengkang beresi ba moral sereta penguntung iya enti kitai ngereja nya. Bacha Jaku Dalam 7:7-27 tauka mainka VIDEO, udah nya, kerandauka tanya tu.
-
Baka ni lelaki ba ayat tu nunjukka iya enda nulak pengingin ke deka ngereja utai ti salah?—Peda Jaku Dalam 7:8, 9.
-
Nitihka Jaku Dalam 7:23, 26, ulah seks ti kamah ulih mai empas ti enda manah. Nama penusah ti ulih diseliahka kitai enti kitai mengkang beresi ba moral?
-
Baka ni beresi ba moral ulih nulung kitai ngembuan pengidup ti lantang belama iya?
Kati ajar ari Petara bekaul enggau pengawa beleman entara sida ke sama penempa nya ulih diterima? Tentu ulih. Jehovah nya Petara ti bepengerindu, lalu Iya deka semua orang idup belama iya. Tang, kena bulih berekat ari Iya, kitai patut idup nitihka standard Iya. Bacha 1 Korint 6:9-11, lalu kerandauka tanya tu:
-
Ba Jehovah, kati semina pengawa beleman entara sida ke sama penempa tauka homoseksual aja ke jai?
Kitai semua patut ngaga ubah ngambika ulih ngagaka ati Petara. Tang kati pengawa nya mai penguntung? Bacha Masmur 19:8, 11, lalu kerandauka tanya tu:
-
Ba nuan, kati standard moral Jehovah nya ulih diterima tauka enda? Nama kebuah?
Jehovah udah nulung mayuh orang nitihka standard moral Iya. Iya tentu ulih nulung nuan mega
BISI ORANG MADAH: “Enti dua iku orang bela sayauka pangan diri enda salah enti seduai iya deka beleman.”
-
Nama runding nuan?
LANSA
Pengawa seks nya pemeri ari Jehovah ngagai laki bini ngambika seduai iya ulih gaga ati.
Ulang Kaji
-
Ulah seks ti kamah nya nyengkaum nama?
-
Nama utai ke ulih nulung kitai nyeliah ari ulah seks ti kamah?
-
Nama penguntung iya enti kitai nitihka standard moral Jehovah?
ARAM BELAJAR
Peratika runding Petara pasal orang ke diau segulai tang bedau kawin.
“Kati Ulih Orang ke Bedau Kawin Diau Segulai?” (Artikel ba laman web jw.org)
Taja pan ajar Bup Kudus madahka ulah homoseksual nya salah, tang tu ukai reti iya kitai patut begedika sida ke homoseksual. Peratika kebuah iya.
“Kati Pengawa Homoseksual nya Salah?” (Artikel ba laman web jw.org)
Belajarka baka ni pesan ari Petara pasal pengawa seks ulih nyaga kitai.
Bacha artikel “Sida Enda Ngemaruhka Aku,” kena meda baka ni seiku orang ke homoseksual ngubah pengidup iya ngambika ulih ngelantangka ati Petara.
a Tu mega nyengkaum pengawa beleman enggau pangan diri, seks ngena mulut enggau utai lelaki tauka indu, seks ari burit, tauka megai utai orang ke lelaki tauka indu kena ngemansangka pengingin ti kamah.
Nuan Engka Rindu Meda Tu
UTAI KE SUAH DITANYA
Nama Reti Kursus Belajarka Bup Kudus ke Diatur Saksi-Saksi Jehovah?
Nengah kursus ke pechuma ti diatur Saksi-Saksi Jehovah, nuan ulih ngena sebarang salin Bup Kudus ke dikembuan nuan. Nuan mega diperansang mai semua diri sebilik sereta bala kaban nuan sama enggau kursus tu.
