41-ساباق
كيەلى كىتاپتا جىنىستىق قاتىناس تۋرالى نە ايتىلعان؟
كوپ ادام جىنىستىق قاتىناس تۋرالى سويلەسۋگە ىڭعايسىزدانادى. ال كيەلى كىتاپ بۇل جايىندا اشىق، ٴبىراق ٴقادىرىن تۇسىرمەي ايتادى. وندا ايتىلعاندار ٴبىز ٷشىن پايدالى، سەبەبى كيەلى كىتاپتى جازدىرعان — ٴبىزدىڭ جاراتۋشىمىز ەحوبا عوي. ول ٴبىز ٷشىن نەنىڭ جاقسى ەكەنىن بىلەدى. سوندىقتان ونىڭ كوڭىلىنەن شىعۋ ٷشىن ٵرى ٶمىردىڭ قىزىعىن ماڭگى كورۋ ٷشىن نە ىستەۋىمىز كەرەكتىگىن تەك ول عانا ايتا الادى.
1. ەحوبا جىنىستىق قاتىناس تۋرالى نە ويلايدى؟
جىنىستىق قاتىناستى ەحوبادان كەلگەن سي دەۋگە بولادى. ول توسەك قاتىناسى نەكەدە تۇرعان كۇيەۋ مەن ايەلگە قۋانىش سيلاسا ەكەن دەيدى. بۇل سي دۇنيەگە تەك بالا اكەلۋ ٷشىن عانا ەمەس، ەرلى-زايىپتىنىڭ ٴبىر-بىرىنە دەگەن ماحابباتى مەن نازىك سەزىمدەرىن ٴبىلدىرۋ ٷشىن دە بەرىلگەن. سوندىقتان قۇداي سوزىندە: «جاستاي قوسىلعان قوساعىڭنان قۋانىش تاپ»،— دەپ ايتىلعان (ناقىل سوزدەر 5:18، 19). ەحوبا نەكەدەگى ماسىحشىلەر ٴبىر-بىرىنە ادال جار بولادى دەپ كۇتەدى. سول سەبەپتەن ولار ەشقاشان ٴبىر-ٴبىرىنىڭ كوزىنە ٴشوپ سالماۋ كەرەك (ەۆرەيلەرگە 13:4 وقىڭىز).
2. جىنىستىق ازعىندىق دەگەن نە؟
كيەلى كىتاپتا: «ازعىندار... قۇداي پاتشالىعىن مۇرا ەتپەيدى»،— دەلىنگەن (قورىنتتىقتارعا 1-حات 6:9، 10). كيەلى كىتاپتى گرەك تىلىندە جازعان ادامدار ازعىندىق نەمەسە جىنىستىق ونەگەسىزدىك تۋرالى ايتقاندا، «پورنيا» ٴسوزىن قولدانعان. بۇل ٴسوز نەنى بىلدىرەدى؟ 1) ەرلى-زايىپتى ەمەس ادامداردىڭ اراسىنداعى جىنىستىق قاتىناستى a، 2) گوموسەكسۋاليزمدى، 3) مالمەن جىنىستىق قاتىناستا بولۋدى بىلدىرەدى. ٴبىز «ازعىندىقتان اۋلاق بولساق»، ەحوبانى قۋانتامىز ٵرى ٶزىمىز دە سونىڭ يگىلىگىن كورەمىز (سالونيكالىقتارعا 1-حات 4:3).
تەرەڭىرەك ٷڭىلىڭىز
جىنىستىق ازعىندىقتان قالاي اۋلاق بولا الاتىنىمىزدى جانە وسى جاعىنان تازا بولعانىمىز بىزگە قانداي پايداسىن تيگىزەتىنىن قاراستىرايىق.
3. جىنىستىق ازعىندىقتان قاشىڭىز
ٴجۇسىپ دەگەن ادال ەر كىسىنى ٴبىر ايەل توسەكتەس بولۋعا كوندىرگىسى كەلدى. ٴبىراق ٴجۇسىپ وعان تويتارىس بەردى. مۇسانىڭ 1-جازباسى 39:1—12 وقىپ، مىنا سۇراقتاردى تالقىلاڭىزدار:
-
ٴجۇسىپ نە سەبەپتى قاشا جونەلدى؟ (9-تارماقتى قاراڭىز).
-
ٴجۇسىپ دۇرىس ىستەدى دەپ ويلايسىز با؟ نەگە؟
بۇگىندە جاستار جۇسىپكە ەلىكتەپ، قالاي ازعىندىقتان قاشا الادى؟ بەينەروليكتى كورىڭىزدەر.
ەحوبا ٴبارىمىزدىڭ دە ازعىندىقتان باس تارتقانىمىزدى قالايدى. قورىنتتىقتارعا 1-حات 6:18 وقىپ، مىنا سۇراقتاردى تالقىلاڭىزدار:
-
ادامنىڭ ازعىندىققا بارۋىنا قانداي جاعدايلار تۇرتكى بولۋى مۇمكىن؟
-
ٴسىز ازعىندىقتان قالاي اۋلاق بولا الاسىز؟
4. ٴسىز ازعىرۋعا قارسى تۇرا الاسىز
ازعىندىق جاساۋعا ازعىرىلعاندا، نەگە وعان قارسى تۇرۋ كەيدە قيىن بولۋى مۇمكىن؟ بەينەروليكتى كورىپ، كەلەسى سۇراقتى تالقىلاڭىزدار:
-
بەينەروليكتەگى ەر باۋىرلاس ويلارى مەن ارەكەتتەرى ايەلىنە ادال بولماۋعا اۋىپ بارا جاتقانىن سەزگەندە، نە ىستەدى؟
كەيدە ٴتىپتى ادال ماسىحشىلەردىڭ وزىنە ويىن تازا ساقتاۋ قيىن بولىپ جاتادى. سىزگە ازعىن ويلارعا بەرىلمەۋگە نە كومەكتەسەدى؟ فىلىپىلىكتەرگە 4:8 وقىپ، تومەندەگى سۇراقتاردى تالقىلاڭىزدار:
-
ٴبىز قانداي نارسەلەر جايىندا ويلانۋىمىز كەرەك؟
-
كيەلى كىتاپتى وقىعانىمىز جانە ەحوبانىڭ ىسىندە بەلسەندى بولعانىمىز كۇناعا ازعىرىلماۋعا قالاي كومەكتەسەدى؟
5. ەحوبانىڭ نورمالارى ٴبىزدى قورعايدى
ەحوبا ٴبىز ٷشىن نەنىڭ جاقسى بولاتىنىن بىلەدى. ول بىزگە مورالدىق تازالىقتى قالاي ساقتاي الاتىنىمىزدى جانە سونىڭ قانداي يگىلىگىن كورەتىنىمىزدى ايتادى. ناقىل سوزدەر 7:7—27 وقىپ نەمەسە بەينەروليكتى كورىپ، مىنا سۇراقتاردى تالقىلاڭىزدار:
-
جاس جىگىت قالاي ازعىرىلاتىن جاعدايعا تاپ بولدى؟ (ناقىل سوزدەر 7:8، 9 قاراڭىز).
-
ناقىل سوزدەر 7:23، 26-عا ساي، جىنىستىق ازعىندىقتىڭ اشتى سالدارى بار. مورالدىق تازالىق ساقتاساق، قانداي قيىندىقتارعا ۇشىراپ قالمايمىز؟
-
مورالدىق جاعىنان تازا بولعانىمىز ٶمىردىڭ قىزىعىن ماڭگى كورۋگە قالاي كومەكتەسەدى؟
كيەلى كىتاپتا گوموسەكسۋاليزمگە تيىم سالىنعانى كەيبىرەۋلەر ٷشىن قاتىگەزدىك بولىپ كورىنەدى. ٴبىراق سۇيىسپەنشىلىگى مول ەحوبا ٵربىر ادامنىڭ ماڭگى جاساعانىن قالايدى. بۇل ٷشىن ٴبىز ونىڭ نورمالارىن ۇستانىپ ٶمىر ٴسۇرۋىمىز كەرەك. قورىنتتىقتارعا 1-حات 6:9—11 وقىپ، مىنا سۇراقتى تالقىلاڭىزدار:
-
قۇدايدىڭ كوزىندە تەك گوموسەكسۋالدى قالاۋلار عانا دۇرىس ەمەس پە؟
قۇدايعا ۇناۋ ٷشىن بارىمىزگە قانداي دا ٴبىر وزگەرىستەر جاساۋ قاجەت. ٴبىراق بۇل سوعان تۇرا ما؟ ٴزابۇر 19:8، 11 وقىپ، كەلەسى سۇراقتاردى تالقىلاڭىزدار:
-
سىزدىڭشە، ەحوبانىڭ مورالدىق نورمالارى اقىلعا قونىمدى ما؟ نەگە ولاي ويلايسىز؟
ەحوبا كوپ ادامعا ونىڭ مورالدىق نورمالارىنا ساي كەلۋگە كومەكتەسكەن. ول سىزگە دە كومەكتەسەدى
كەيبىرەۋلەردىڭ ايتاتىنى: «ٴبىر-ٴبىرىن ٴسۇيىپ تۇرسا، ەكى ادامنىڭ توسەكتەس بولعانىنىڭ نەسى جامان؟!»
-
ٴسىز بۇعان نە دەيسىز؟
تۇيىندەمە
جىنىستىق قاتىناس — ەحوبانىڭ ەرلى-زايىپتىلارعا قۋانىش اكەلسىن دەپ بەرگەن سيى.
قايتالاۋ
-
جىنىستىق ازعىندىققا نە كىرەدى؟
-
جىنىستىق ازعىندىقتان اۋلاق بولۋعا بىزگە نە كومەكتەسەدى؟
-
ەحوبانىڭ مورالدىق نورمالارىن ۇستانساق، قانداي پايداسىن كورەمىز؟
قوسىمشا ىزدەنىڭىز
ەر ادام مەن ايەلدىڭ زاڭدى نەكەلەسكەنى نەگە قۇداي ٷشىن ماڭىزدى ەكەنىن وقىپ كورىڭىز.
كيەلى كىتاپ گوموسەكسۋاليزمنىڭ ٶزىن قۇپتاماسا دا، ونداي ادامداردى جەك كورۋگە ۇيرەتپەيدى. نەگە ەكەنىن وقىپ ٴبىلىڭىز.
قۇدايدىڭ جىنىستىق قاتىناسقا قاتىستى زاڭدارى ٴبىزدى قالاي قورعايتىنىن ٴبىلىڭىز.
«ٶرالدى سەكس كادىمگى سەكس پە؟» (jw.org تور بەكەتىندەگى ماقالا) (حانزۇشا)
«ولار ماعان قۇرمەتپەن قارادى» دەگەن ٶمىربايانىندا كەزىندە گوموسەكسۋال بولعان ٴبىر ەر كىسىنىڭ قۇدايعا بەت بۇرىپ، وزگەرۋىنە نە تۇرتكى بولعانىن وقىپ كورىڭىز.
«كيەلى كىتاپ ادام ٶمىرىن وزگەرتەدى» («كۇزەت مۇناراسى» (حانزۇشا)، 1-ٴساۋىر، 2011)
a سونىمەن قاتار بۇل ورالدى جانە انالدى سەكس جانە ٴناپسىسىن قوزدىرۋ ٷشىن بىرەۋدىڭ جىنىس مۇشەسىن سيپالاۋ سياقتى ٵرتۇرلى ارەكەتتەردى دە بىلدىرەدى.