Imarisai

Imarisai

Iserfissaq (opens new window)
JW.ORG-imi ujarlerit

ILINNIAGASSAQ 41

Atoqati­giinneq pillugu Biibilimi qanoq allas­simasoqarpa?

Atoqati­giinneq pillugu Biibilimi qanoq allas­simasoqarpa?

Inup­pas­suit atoqateqar­neq pil­lugu eqqar­tuineq paqumigisar­paat. Biibilimili atoqateqar­neq eqqaaneqaraangat ammasumik minguitsumillu allaatigineqar­tar­poq. Jehova pin­ngor­titsisuugami uagutsin­nut suna pitsaaner­paasoq nalun­ngilaa, taamaat­tumillu Biibilimi atoqateqar­neq pil­lugu allas­simasut uagutsin­nut iluaqutaasar­put. Jehovap ilin­niar­tip­paatigut taas­suman­nga iluarisaajumal­luta naas­saan­ngitsumillu inuusin­naajumal­luta qanoq ilius­sasugut.

1. Jehova atoqatigiinnermut qanoq isiginnittaaseqarpa?

Atoqatigiin­neq angum­mut arnamullu katis­simasunut nuan­naarutis­satut Jehovamit tunis­sutaavoq. Aap­pariit taamatut tunineqaramik meeq­qiorsin­naap­put asaqatigiin­nermin­nillu pis­susis­samisoor­tumik nuan­nersumillu ersersitsivigeqatigiis­sin­naal­lutik. Taamaat­tumik Biibilimi allas­simavoq “inuusunninni nuliarilikkat” nuan­naarutigis­sagit. (Ussatit 5:18, 19) Jehovap aap­pariit ilumoorfigeqatigiin­nis­saat piumasarim­magu kristumiut allasior­neq ajor­put. – Hebræerit 13:4 atuarsiuk.

2. Atoqatigiinnikkut eqqunngitsuliorneq suua?

Biibilimi allas­simavoq ‘atoqatigiinnikkut eqqunngitsuliortartut Guutip kunngeqarfia kingornutissanngikkaat’. (Korintimiunut 1. 6:9, 10) Biibilimik allat­tut atoqatigiin­nik­kut eqqun­ngitsulior­neq eqqar­toraangamikku oqaaseq grækerisooq porneia ator­tar­paat. Oqaatsimi tamatumani pineqar­put (1) katis­siman­ngitsut atoqatigiin­nerat, a (2) anguteqam­mik arnaqam­mil­luun­niit atoqateqar­neq aamma (3) uumasunik atoqateqar­neq. ‘Atoqatigiin­nik­kut eqqun­ngitsulior­neq itigar­tik­kutsigu’ Jehovamit iluarisaas­saagut nam­minerlu iluaqutigis­sal­lugu. – Tes­saluunikamiunut 1. 4:3.

ITISILIINEQ

Atoqatigiin­nik­kut eqqun­ngitsulior­neq qanoq itigar­tis­sin­naanerlugu ileq­qus­satigullu minguitsuujuar­neq qanoq iluaqutigis­sanerlugu paasiniak­kit.

3. Atoqatigiinnikkut eqqunngitsuliorneq qimarratigiuk

Jehovamut kif­faasut aalajaatsut ilaat Juuserfimik atilik atoqatiginiar­neqarami itigar­titsivoq. Mosesimik 1. 39:1-12 atuarsigit apeq­qutillu uku eqqar­torlugit:

  • Juuserfi sooq itigar­titsiva? – Versi 9 takuuk.

  • Isumaqar­pit Juuserfi eqqor­tumik aalajangiisoq? Sooq?

Nalitsinni inuusut­tut Juuserfi ilaarlugu atoqatigiin­nik­kut eqqun­ngitsulior­neq qanoq qimarratigisin­naavaat? VIDEO takusiuk.

VIDEO: Atoqatigiinnikkut eqqunngitsuliorneq qimarratigiuk (5:06)

Jehovap kis­saatigaa tamatta atoqatigiin­nik­kut eqqun­ngitsulior­neq itigar­tis­sagip­put. Korintimiunut 1. 6:18 atuarsiuk apeq­qutillu uku eqqar­torlugit:

  • Pisut suut atoqatigiin­nik­kut eqqun­ngitsulior­nermik kinguneqarsin­naap­pat?

  • Atoqatigiin­nik­kut eqqun­ngitsulior­neq qanoq qimarratigisin­naaviuk?

4. Ussernartorsiorneq akiorsinnaavat

Atoqatigiin­nik­kut eqqun­ngitsulior­nis­samut usser­nar­torsioruit suna iluaqutigisin­naaviuk? VIDEO takusiuk apeq­qullu tul­liut­toq eqqar­torlugu.

VIDEO: Biibilimik atuartarnikkut ussernartorsiorneq akiorsinnaavat (3:02)

  • Qatan­ngut angut paasigamiuk eqqarsaatini iliuutsinilu allasior­nermik kinguneqarsin­naasut sua?

Kristumiut aalajaatsuugaluar­tut ilaan­nik­kut atoqatigiin­nermut tun­ngasunik eqqarsaatipiloqar­tar­put. Qanoq taamaat­tunik eqqarsaateqar­naveersaarsin­naavit? Filippimiut 4:8 atuarsiuk apeq­qutillu uku eqqar­torlugit:

  • Suut eqqarsaatigisus­saavagut?

  • Usser­nar­torsior­nermik akiuis­sagutta Biibilimik atuar­tar­neq Jehovamillu kif­far­tor­nermi ulap­puteqar­neq qanoq iluaqutigisin­naavagut?

5. Jehovap piumasaqaatai iluaqutaasarput

Jehovap uagutsin­nut pitsaaner­paaq nalun­ngilaa. Ilin­niar­tip­paatigut qanoq minguitsuusin­naasugut minguitsuuner­pullu qanoq iluaqutigisarip­put. Ussatit 7:7-27 atuarsigit imaluunniit VIDEO takusiuk apeq­qutillu tul­liut­tut eqqar­torlugit.

VIDEO: Angut inuusuttoq sianiitsoq (9:31)

  • Sooq angut inuusut­toq usser­nar­torsiulerpa? – Ussatit 7:8, 9 takuk­kit.

  • Ussatit 7:23, 26-lu malil­lugit atoqatigiin­nik­kut eqqun­ngitsulior­neq kingunipiloqangaarsin­naavoq. Minguitsuujuarutta ajor­nar­torsiutit suut pinaveersaar­tis­sin­naavagut?

  • Minguitsuujuarutta siunis­sami qanoq pil­luaq­quneqarumaar­pugut?

Inuit ilaat isumaqar­put arnaqatimin­nik anguteqatimin­nil­luun­niit atoqateqar­neq pil­lugu Biibilimi allas­simasut Guutip naak­kit­taatsuuneranut ersiutaasut. Jehovali Guutiuvoq asan­ningaar­toq, kis­saatigaalu inuit tamarmik pil­luarlutik naas­saan­ngitsumik inuus­sasut. Taman­nalu misigis­sagutsigu piumasaqaatai maleruar­tariaqar­pagut. Korintimiunut 1. 6:9-11 atuarsigit apeq­qullu una eqqar­torlugu:

  • Guutip isumaa naaper­torlugu arnaqatimin­nik anguteqatimin­nil­luun­niit atoqateqar­tar­tut kisimik allan­nguisariaqar­pat?

Guutimit iluarisaas­sagutta tamatta allan­nguisariaqar­pugut. Tussiaat 19:9, 12 atuarsigit apeq­qutillu uku eqqar­torlugit:

  • Isumaqar­pit Jehovap piumasaqaatai ingasat­tajaar­nerusut? Sooq taama isumaqar­pit?

Jehovap inup­pas­suit piumasaqaatiminik maleruaasin­naaq­qul­lugit ikiorsimavai. Aamma illit ikiorsin­naavaatit

OQARTOQARTARPOQ: “Inuit asaqatigiit­tut kik­kul­luun­niit atoqatigiis­sin­naap­put.”

  • Qanoq oqas­sagaluar­pit?

EQIKKAANEQ

Atoqatigiin­neq Jehovamit angum­mut arnamullu katis­simasunut nuan­naarutaasus­satut tunis­sutaavoq.

Uteqqiineq

  • Atoqatigiin­nik­kut eqqun­ngitsulior­nermut suut ilaap­pat?

  • Atoqatigiin­nik­kut eqqun­ngitsulior­neq ingalas­simas­sagutsigu suna iluaqutigisin­naavar­put?

  • Jehovap piumasaqaatai maleruaraangatsigit qanoq iluaqutigisar­par­put?

Iliuuserisassatit

NAMMINEQ MISISSUGASSATIT

Guutip aap­pariit inooqatigiit­tut katis­simanis­saat sooq kis­saatigigaa paasiniaruk.

“Katissimanani inooqatigiinneq pillugu Biibilimi qanoq allassimasoqarpa?” (Nit­tar­tak­katsinni allaaserisaq)

Biibilimi allas­simam­mat arnaqam­mik anguteqam­mil­luun­niit atoqateqar­neq ajor­tulior­nerusoq imaan­ngilaq taamaalior­tar­tut uumigis­sagigut. Sooq taamaan­nersoq misis­soruk.

“Arnaqammik anguteqammilluunniit atoqateqarneq ajortuliornerua?” (Nit­tar­tak­katsinni allaaserisaq)

Atoqatigiin­nermut tun­ngatil­lugu Guutip inatsisai qanoq illersuutigisarigut paasiniaruk.

“Qanikkut atoqatigiinneq ilumut atoqatigiinnerua?” (Nit­tar­tak­katsinni allaaserisaq)

Misigisalik­kersaarummi “Ataq­qin­nit­tumik pisar­paan­nga”-mi atuaruk anguteqatiminik atoqateqar­tarsimasoq Guutimit iluarisaajumal­luni suna kajumis­sis­sutigalugu inuunerminik allan­nguisoq.

“Biibili inuit inuunerannik allannguisitsisarpoq” (Napasuliaq Alapernaarsuiffik-mi allaaserisaq)

a Uani atoqatigiin­nermut tun­ngasunik iliuutsit assigiin­ngitsut pineqar­tar­put, soorlu qanik­kut itik­kul­luun­niit atoqateqar­neq aamma inuup allap kinguaas­siuutaatigut attuuan­nin­neq.

Soqutigisinnaasatit allat

APEQQUTIGINEQARTARTUT

Jehovap Nalunaajaasuisa Biibilimik pikkorissartitsinerat suugami?

Jehovap Nalunaajaasuisa Biibilimik pikkorissartitsinerat akeqanngilaq, Biibilimillu nutsigaq sunaluunniit atorsinnaavat. Aamma ilaquttatit ikinngutitilluunniit pikkorissarnermut ilaserisinnaavatit.

NAASSAANNGITSUMIK PILLUARSINNAAVUTIT! – BIIBILIMIK PIKKORISSARNEQ

Atoqati­giinneq pillugu Biibilimi qanoq allas­simasoqarpa?

Kalaallisut
Atoqati­giinneq pillugu Biibilimi qanoq allas­simasoqarpa?
https://cms-imgp.jw-cdn.org/img/p/1102021241/univ/art/1102021241_univ_sqr_xl.jpg
lff ilinniagassaq 41
AAJUK
Atoqati­giinneq pillugu Biibilimi qanoq allas­simasoqarpa?
Atuagassanik aallernissamut iluarsiissutaa Naassaanngitsumik pilluarsinnaavutit! – Biibilimik pikkorissarneq
Immiussanik aallernissamut iluarsiissutaa Naassaanngitsumik pilluarsinnaavutit! – Biibilimik pikkorissarneq