ДӘРСА 41
Кʹьтеба Пироз Дәрһәԛа Сексе Чь Дьбежә?
Гәләк мәрьв шәрм дькьн дәрһәԛа сексе хәбәр дьн. Ле Кʹьтеба Пироз әшкәрә у бь мәʹрифәти бәʹса ве йәке дькә. Кʹьтеба Пироз чь кӧ дьбежә, тʹәмам бона кʹара мә йә. Әв тьштәки логики йә, чьмки Йаһоԝа Әʹфьрандаре мә йә у занә чь бона мә һәрә баш ә. Әԝ мәрʹа әʹйан дькә, ԝәки чаԝа кьред мә дькарьн дьле ԝи ша кьн у чь ԝе али мә бькә, кӧ әм һʹәта-һʹәтайе жийинерʹа ша бьн.
1. Ньһерʹандьна Йаһоԝа сәр сексе чь щурʹәйи йә?
Секс пʹешкʹеша жь Йаһоԝа йә. Йаһоԝа дьхԝазә, ԝәки мер у жьнед кӧ бь ԛануни һәв стандьнә, жь ве һәләԛәтийе шабуне бьстиньн. Әв пʹешкʹеш мәщале дьдә мер у жьн, ԝәки нә кӧ тʹәне зарʹ ԝанарʹа бьбьн, ле ӧса жи кӧ бь щурʹе тʹәбийәти һʹьзкьрьне һьндава һәвда бьдьнә кʹьфше. Хәбәра Хԝәде ӧса дьбежә: «Ша бә тʹәви жьна хԝәйә щаһьлтийе (ДТʹ)» (Мәтʹәлок 5:18, 19). Йаһоԝа жь Мәсиһийед зәԝьщи дәʹԝа дькә, ԝәки әԝана һьндава жьн йан мере хԝәда амьн бьн у тʹӧ щар бенамусийе нәкьн (Бьхунә Ибрани 13:4.)
2. Чь йә бенамуси?
Кʹьтеба Пироз дьбежә, ԝәки йед «бенамус . . . Пʹадшатийа Хԝәде ԝе ԝар» нәбьн (1 Корьнтʹи 6:9, 10). Ньвискʹаред Кʹьтеба Пироз, йед кӧ сәр зьмане Йунани дәрһәԛа һәләԛәтийа сексуали дьньвисин, хәбәра «порнейа» дьданә хәбате. Әв хәбәр те һʹәсабе (1) һәләԛәтийа сексуал a ортʹа дӧ мәрьва, йед кӧ бь ԛануни һәв нәстандьнә, (2) һомосексуали, у (3) һʹәрʹьмандьн тʹәви һʹәйԝана. Чахе әм «жь ԛавийе» дьрʹәвьн, ӧса әм һьм дьле Йаһоԝа ша дькьн, һьм жи зийане надьнә хԝә (1 Тʹесалоники 4:3).
КʹУР ЛЕКОЛИН КӘ
Пебьһʹәсә, кӧ чаԝа тӧ дькари жь бенамусийе бьрʹәви, у ча дькари жь жийина намуси кʹаре бьстини.
3. Жь бенамусийе бьрʹәвә
Усьв мәрьвәки амьн бу у хԝә жь бенамусийе хԝәй дькьр. Бьхунә Дәстпебун 39:1-12, у паше ван пьрса шеԝьр кә:
-
Чь Усьв һелан кьр, кӧ жь бенамусийе бьрʹәвә? (Бьньһерʹә рʹеза 9)
-
Бь тʹәхмина тә сафикьрьна Усьв рʹаст бу? Чьма тӧ ӧса дьфькьри?
Щаһьлед рʹожед мә чаԝа дькарьн чʹәʹв бьдьнә Усьв у жь бенамусийе бьрʹәвьн? Вехә ВИДЕО.
Йаһоԝа дьхԝазә, ԝәки һәр кәс жь мә жь бенамусийе бьрʹәвә. Бьхунә 1 Корьнтʹи 6:18, у паше щаба ван пьрса бьдә:
-
Кʹижан дәрәщә дькарьн һьнәка бьвьн бәрбь бенамусийе?
-
Тӧ чаԝа дькари жь бенамусийе бьрʹәви?
4. Тӧ дькари хԝә жь бенамусийе дур бьгьри
Жь бо чь дькарә чәтьн бә жь бенамусийе бьрʹәвьн? Вехә ВИДЕО у паше әве пьрсе шеԝьр кә.
-
Бьраки чь кьр чахе тедәрхьст, ԝәки жь бо фькьр у кьред хԝә әԝ дькарә жьна хԝәрʹа нәамьн бә?
Щарна Мәсиһийед амьн жи мьԛабьли фькьред бенамус шәрʹ дькьн. Тӧ чаԝа дькари фькьред бенамуси жь һʹьше хԝә дәрхи? Бьхунә Филипи 4:8, у паше ван пьрса шеԝьр кә:
-
Әм гәрәке һʹьш-аԛьле хԝә бьдьнә сәр чь?
-
Хԝәндьна Кʹьтеба Пироз у хьзмәткьрьн Йаһоԝарʹа, ча дькарә али мә бькә, ԝәки әм гӧна нәкьн?
5. Нормед Йаһоԝа мәрʹа кʹаре тиньн
Йаһоԝа занә чь бона мә һәрә баш ә. Әԝ мәрʹа әʹйан дькә кӧ ча намусийе хԝәйи кьн у әԝ йәк ԝе чь кʹаре мәрʹа бинә. Бьхунә Мәтʹәлок 7:7-27 йан вехә ВИДЕО, у паше ван пьрса шеԝьр кә:
-
Хортәки чаԝа хԝә кьрә хәтайе? (Бьньһерʹә Мәтʹәлок 7:8, 9.)
-
Ль гора Мәтʹәлок 7:23, 26, бенамуси дькарә ахьрийа хьраб пәй хԝә бинә. Һәрге әм нав-намус бьминьн, әме хԝә жь чь проблема хԝәйи кьн?
-
Чаԝа нав-намуси дькарә али мә бькә, кӧ һʹәта-һʹәтайе жийинерʹа ша бьн?
Һьнә мәрьв дьфькьрьн, ԝәки ньһерʹандьна Кʹьтеба Пироз сәр һомосексуалийе сәрт ә. Ле Йаһоԝа Хԝәдайе һʹьзкьрьне йә, у әԝ дьхԝазә ԝәки һәр кәс жь жийина һʹәта-һʹәтайе шабуне бьстинә. Сәва кӧ әм лайиԛи жийина һʹәта-һʹәтайе бьн, әм гәрәке ль гора нормед Хԝәде бьжин. Бьхунә 1 Корьнтʹи 6:9-11, у паше әве пьрсе шеԝьр кә:
-
Ль гора ньһерʹандьна Хԝәде тʹәне һомосексуали нәрʹаст ә?
Сәва кӧ Хԝәде жь мә рʹази бә, һәр кәс жь мә гәрәке әʹмьре хԝәда гӧһастьна бькә. Гәло һежа йә бона ԝе йәке ԛәԝате бьдьнә хәбате? Бьхунә Зәбур 19:8, 11, у паше ван пьрса шеԝьр кә:
-
Ча тӧ дьфькьри нормед Йаһоԝа дәрһәԛа нав-намусийе бь билани нә? Чьрʹа тӧ ӧса дьфькьри?
Йаһоԝа али гәләк мәрьва кьрийә, ԝәки әԝана бькарьбьн ль гора нормед ԝи бьжин. Әԝ дькарә али тә жи бькә
ҺЬНӘ МӘРЬВ ДЬБЕЖЬН: «Һәрге дӧ мәрьв һәв һʹьз дькьн, һәләԛәтийа сексуал ортʹа ԝанда, тьштәки нормал ә.»
-
Ле тӧйе чь бежи?
ТʹӘМАМКЬРЬН
Йаһоԝа һәләԛәтийа сексуали ча пʹешкʹеш да жьн-мера, ԝәки жь ве йәке шабуне бьстиньн.
Ԝәкʹьландьн
-
Чь дькʹәвә нава бенамусийе?
-
Чь ԝе али мә бькә, кӧ хԝә жь бенамусийе дур бьгьрьн?
-
Чахе әм хԝә нормед Йаһоԝайә дәрһәԛа нав-намусийе дьгьрьн, әм чь кʹаре дьстиньн?
ҺЕ ЗЕДӘ ПЕБЬҺʹӘСӘ
Пебьһʹәсә чьма бона Хԝәде фәрз ә ԝәки жьн-мер бь ԛануни зәԝащеда бьн.
«Кʹьтеба Пироз Чь Дьбежә Дәрһәԛа Жийина Тʹәвайә бе Зәԝащ?» (Готара жь малпәре)
Рʹаст ә Кʹьтеба Пироз һомосексуалийе ԛәдәхә дькә, ле пебьһʹәсә кӧ чьрʹа әм гәрәке мәрьвед һомосексуал нәфрʹәт нәкьн.
Пебьһʹәсә, чаԝа ԛанунед Хԝәде дәрһәԛа бенамусийе мә дьпарезьн.
Жь ве сәрһатийе «Әԝана Һьндава Мьнда бь Ԛәдьр Бун» тӧйе пебьһʹәси чь али мәрьвәки һомосексуал кьр, ԝәки әʹмьре хԝә бьгӧһезә, сәва Хԝәде хԝәш бе.
«Кʹьтеба Пироз Жийина Мәрьва Дьгӧһезә» («Бьрща Ԛәрәԝьлийе», 1 Нисане, 2011)
a Дькʹәвьнә нава ве йәке һәләԛәтийа сексуали, секса орали, анали, йан жи мьздана органед шәрми йед мәрьвед дьн.
Дьбәкә Wәрʹа Һʹәwас бә
ПЬРСЕД ГӘЛӘК МӘРИЙА
Чь Те Һʹәсабе Курса Һинбуна Кʹьтеба Пироз Тʹәви Шәʹдед Йаһоԝа?
Ԝәʹде курса бепʹәрә тʹәви Шәʹдед Йаһоԝа, тӧ дькари ве ԝәлгәрʹандьна Кʹьтеба Пироз бьди хәбате кʹижан тӧ дьхԝази. Тӧ дькари аза нәфәр у һәвалед хԝә жи тʹәглифи сәр һинбуне ки.
