တၢ်မၤလိ ၄၁
ဘၣ်ဃးဒီး တၢ်မံဃုာ်န့ၣ် လံာ်စီဆှံ တဲဝဲဒ်လဲၣ်
ပှၤအါဂၤန့ၣ် တအဲၣ်ဒိးတဲဘၣ်ဃးဒီး တၢ်မံဃုာ်အဂ့ၢ်ဘၣ်. ဘၣ်ဆၣ် ဖဲလံာ်စီဆှံ တဲဖျါထီၣ် ဘၣ်ဃးဒီး တၢ်မံဃုာ်အဂ့ၢ်အခါ တဲဝဲပျီပျီ ဒီးတဲဝဲလၢ တၢ်ပာ်ကဲအပူၤ. တၢ်လၢလံာ်စီဆှံတဲဝဲ ဘၣ်ဃးဒီး တၢ်မံဃုာ်အဂ့ၢ်န့ၣ် ကဲဘျုးလၢပဂီၢ်. ဒီးလံာ်စီဆှံန့ၣ် အဟဲလၢ ပတၢ်ဘၣ်တ့ကစၢ် ယဟိဝၤယွၤ အအိၣ်အဃိ တၢ်အဂ့ၤကတၢၢ်လၢပဂီၢ် မ့ၢ်မနုၤလဲၣ်န့ၣ် အဝဲသ့ၣ်ညါဝဲ. တကးဒံးဘၣ် ဒ်သိး ပကမၤတၢ်လၢ အဘၣ်အသး ဒီးပကအိၣ်မူဘၣ် မုာ်မုာ်ခုၣ်ခုၣ် လီၤထူလီၤယိာ်အဂီၢ် ပကဘၣ်မၤဒ်လဲၣ်န့ၣ် အဝဲတဲဘၣ်ပှၤ.
၁. ဘၣ်ဃးဒီး တၢ်မံဃုာ်န့ၣ် ယဟိဝၤယွၤ အတၢ်ထံၣ်အိၣ်ဒ်လဲၣ်.
တၢ်မံဃုာ်န့ၣ် အကဲဝဲ တၢ်ဟ့ၣ်တခါလၢ ယဟိဝၤယွၤ ဟ့ၣ်လီၤဝဲ ပှၤဟီၣ်ခိၣ်ဖိ. ဒီးတၢ်ဟ့ၣ်တခါအံၤ ယဟိဝၤယွၤ ဟ့ၣ်လီၤဝဲလၢ ပှၤဒီမိၢ်ဝၤ လၢအဖျီသးဝံၤလံတဖၣ် ဒ်သိးကမၤသးခု အဝဲသ့ၣ်အသး. တၢ်ဟ့ၣ်တခါအံၤ မၤစၢၤဝဲ ပှၤဒီမိၢ်ဝၤလၢ ကဟံဖိဟံလံၤ ဒီးကပာ်ဖျါထီၣ် တၢ်အဲၣ် ဒီးတၢ်သးအိၣ်လိာ်သး တဂၤဒီးတဂၤ. အဃိ လံာ်စီဆှံတဲဝဲလၢ “မ်နသူၣ်ဖှံသးညီ ဃုာ်ဒီး နမါလၢ အအိၣ်ဒီးနၤလၢ နသးစၢ်ခါ လံၤလံၤတက့ၢ်.” (ကတိၤဒိ ၅:၁၈, ၁၉) တကးဒံးဘၣ် ခရံာ်ဖိလၢ အဆီဟံၣ်ဆီဃီဝံၤတဖၣ်န့ၣ် ယဟိဝၤယွၤ အဲၣ်ဒိးဝဲလၢ အဝဲသ့ၣ် ကသးတီဒီး အသးသမူတံၤသကိးအဃိ အဝဲသ့ၣ် တဘၣ် အဲၣ်ဘၢမါအဲၣ်ဘၢဝၤဘၣ်.—ဖး ဧ့ၤဘြံၤ ၁၃:၄.
၂. တၢ်မၤကမၣ်မုၣ်ကမၣ်ခွါန့ၣ် မ့ၢ်မနုၤလဲၣ်.
လံာ်စီဆှံတဲဝဲလၢ “ပှၤလၢ အမၤကမၣ်မုၣ်ကမၣ်ခွါ . . . တန့ၢ်သါဘၣ် ကစၢ်ယွၤအဘီအမုၢ်ဘၣ်.” (၁ ကရံၣ်သူး ၆:၉, ၁၀) လၢလံာ်စီဆှံအပူၤ တၢ်ကတိၤလၢအမ့ၢ် တၢ်မၤကမၣ်မုၣ်ကမၣ်ခွါန့ၣ် လၢကြံးကျိာ် မ့ၢ်ဝဲ ဖီနံယၤ. တၢ်ကတိၤတဖျၢၣ်အံၤ အခီပညီမ့ၢ်စ့ၢ်ကီး (၁) ပှၤခံဂၤလၢ အတဖျီဘၣ်အသးဒံးဘၣ် ဘၣ်ဆၣ် အမံဃုာ်အိၣ်ဃုာ်, a (၂) ပိာ်မုၣ်သကီးပိာ်မုၣ် ပိာ်ခွါသကီးပိာ်ခွါ အတၢ်မံဃုာ် (၃) ဒီးတၢ်မံဃုာ်ဒီး ဆၣ်ဖိကီၢ်ဖိ. အဃိ ပမ့ၢ် “ဟးဆှဲး တၢ်မၤကမၣ်မုၣ်ကမၣ်ခွါ” န့ၣ်အကဲဘျုးလၢပဂီၢ် ဒီးပမၤသးခု ယဟိဝၤယွၤအသး.—၁ သ့းစၤလနံ ၄:၃.
ဃုသ့ၣ်ညါအါထီၣ်
ခဲအံၤ ပကတဲသကိး ဘၣ်ဃးဒီး ပဟးဆှဲး တၢ်မၤကမၣ်မုၣ်ကမၣ်ခွါ ကသ့ဒ်လဲၣ်. ဒီးပတၢ်ဆိကမိၣ် ဒီးပလုၢ်လၢ်သကဲာ်ပဝး မ့ၢ်ကဆှီန့ၣ် ကကဲဘျုးလၢ ပဂီၢ်ဒ်လဲၣ်.
၃. ဟးဆှဲး တၢ်မၤကမၣ်မုၣ်ကမၣ်ခွါ
စီၤယိၤသး လၢအမ့ၢ် ပှၤလၢသးအတီတဂၤန့ၣ် စီၤပိၤတံၤဖၢ်အမါ ဃ့ဝဲလၢ ကမံဃုာ်ဒီးအီၤ ဘၣ်ဆၣ် အဝဲတကနၣ်ဃုာ်ဘၣ်. ဖး ၁ မိၤၡ့ ၃၉:၁-၁၂ ဝံၤဒီး တဲသကိး တၢ်သံကွၢ် လၢလာ်တဖၣ်အံၤ–
-
ဘၣ်မနုၤအဃိ စီၤယိၤသး ဃ့ၢ်ကွံာ်ဝဲလဲၣ်.—ကွၢ်အဆၢဖိ ၉.
-
နဆိကမိၣ် စီၤယိၤသး အတၢ်ဆၢတဲာ်န့ၣ် အဘၣ်ဧါ. ဘၣ်မနုၤအဃိ နဆိကမိၣ်ဒ်န့ၣ်လဲၣ်.
မုၢ်မဆါတနံၤအံၤ ပှၤသးစၢ်တဖၣ် ကွၢ်လိ စီၤယိၤသး ဒီးဟးဆှဲး တၢ်မၤကမၣ်မုၣ်ကမၣ်ခွါ ကသ့ဒ်လဲၣ်. ကွၢ်တၢ်ဂီၤမူ.
ယဟိဝၤယွၤ အဲၣ်ဒိးဝဲလၢ ပဝဲကိးဂၤဒဲး ကဟးဆှဲး တၢ်မၤကမၣ်မုၣ်ကမၣ်ခွါ. ဖး ၁ ကရံၣ်သူး ၆:၁၈ ဝံၤဒီး တဲသကိး တၢ်သံကွၢ် လၢလာ်တဖၣ်အံၤ–
-
တၢ်အိၣ်သးလၢ အကကဲထီၣ် တၢ်လ့ပစီလၢ ပှၤတဂၤ ကမၤကမၣ်မုၣ်ကမၣ်ခွါန့ၣ် မ့ၢ်တၢ်အိၣ်သး မနုၤတဖၣ်လဲၣ်.
-
နဟးဆှဲး တၢ်မၤကမၣ်မုၣ်ကမၣ်ခွါ ကသ့ဒ်လဲၣ်.
၄. နတြီဆၢကွံာ် တၢ်လ့ပစီသ့
ဒ်သိး ပှၤတဂၤ ကတြီဆၢကွံာ် တၢ်လ့ပစီလၢ ကမၤကမၣ်မုၣ်ကမၣ်ခွါန့ၣ် ဘၣ်မနုၤအဃိ အကီဝဲလဲၣ်. ကွၢ်တၢ်ဂီၤမူ ဝံၤဒီး တဲသကိး တၢ်သံကွၢ် လၢလာ်တဖျၢၣ်အံၤ.
-
လၢတၢ်ဂီၤမူအပူၤန့ၣ် ဒီပုၢ်ဝဲၢ်ခွါတဂၤ သ့ၣ်ညါဘၣ်ဝဲလၢ တၢ်လၢအဆိကမိၣ်ဝဲ ဒီးတၢ်လၢအမၤဝဲန့ၣ် ကမၤဟးဂီၤ အတၢ်သးတီဒီး အမါအဃိ အဝဲမၤဝဲဒ်လဲၣ်.
ခရံာ်ဖိလၢ အသးတီတဖၣ်စ့ၢ်ကီး ဒ်သိးအဝဲသ့ၣ် ကဆိကမိၣ်တၢ် လၢအကဆှီအဂီၢ် တညီဝဲထီဘိဘၣ်. ဒ်သိး နသုတဆဲး ဆိကမိၣ်တၢ်လၢ အတကြၢးတဘၣ် တဂ့ၤအဂီၢ် နကဘၣ်မၤဒ်လဲၣ်. ဖး ဖံလံးပံၤ ၄:၈ ဝံၤဒီး တဲသကိး တၢ်သံကွၢ် လၢလာ်တဖၣ်အံၤ–
-
ပကြၢးဆိကမိၣ် တၢ်ဂ့ၢ်မနုၤတဖၣ်လဲၣ်.
-
ပမ့ၢ်ဖးလံာ်စီဆှံ ဒီးမၤယဟိဝၤယွၤ အတၢ်မၤဆူၣ်ဆူၣ်န့ၣ် အကမၤစၢၤပှၤ ဒ်သိး ပတြီဆၢ တၢ်လ့ပစီလၢ ပကမၤ တၢ်ဒဲးဘးအဂီၢ် ကသ့ဒ်လဲၣ်.
၅. ယဟိဝၤယွၤ အတၢ်သိၣ်တၢ်သီန့ၣ် ကဲဘျုးလၢပဂီၢ်
ယဟိဝၤယွၤ သ့ၣ်ညါဝဲ တၢ်လၢအဂ့ၤကတၢၢ်လၢပဂီၢ်အဃိ အဝဲမၢပအိၣ်ဒီး တၢ်ဆိကမိၣ် ဒီးပလုၢ်လၢ်သကဲာ်ပဝး လၢအကဆှီ. အဃိ ပမ့ၢ်အိၣ်ဒီး တၢ်ဆိကမိၣ် ဒီးလုၢ်လၢ်သကဲာ်ပဝး လၢအကဆှီန့ၣ် အကကဲဘျုးလၢပဂီၢ်. ဖး ကတိၤဒိ ၇:၇-၂၇ မ့တမ့ၢ် ကွၢ်တၢ်ဂီၤမူ ဝံၤဒီး တဲသကိး တၢ်သံကွၢ် လၢလာ်တဖၣ်အံၤ.
-
ပိာ်ခွါသးစၢ်တဂၤအံၤ လီၤဘၣ်လၢ တၢ်အိၣ်သးလၢ အကလ့ပစီအီၤ အပူၤဒ်လဲၣ်.—ကွၢ် ကတိၤဒိ ၇:၈, ၉.
-
ဒ် ကတိၤဒိ ၇:၂၃, ၂၆ ပာ်ဖျါထီၣ်ဝဲအသိး ပှၤမ့ၢ်မၤကမၣ်မုၣ်ကမၣ်ခွါန့ၣ် အကထံၣ်ဘၣ် တၢ်ကီတၢ်ခဲဖးဒိၣ်. အဃိ ပမ့ၢ်အိၣ်ဒီး တၢ်ဆိကမိၣ် ဒီးလုၢ်လၢ်သကဲာ်ပဝး လၢအကဆှီန့ၣ် ပကပူၤဖျဲးဒီး တၢ်ကီတၢ်ခဲ မနုၤတဖၣ်လဲၣ်.
-
ဒ်သိး ပကအိၣ်မူဘၣ် မုာ်မုာ်ခုၣ်ခုၣ် လီၤထူလီၤယိာ်အဂီၢ် ဘၣ်မနုၤအဃိ ပတၢ်ဆိကမိၣ် ဒီးပလုၢ်လၢ်သကဲာ်ပဝး ကဘၣ်ကဆှီလဲၣ်.
လံာ်စီဆှံပာ်ဖျါထီၣ်ဝဲလၢ ပိာ်မုၣ်သကီးပိာ်မုၣ် ပိာ်ခွါသကီးပိာ်ခွါ အဲၣ်လိာ်သး န့ၣ်မ့ၢ်တၢ်လၢအကမၣ် သနာ်က့ ပှၤတနီၤ ဆိကမိၣ်ဝဲလၢ လံာ်စီဆှံ တကြၢးပာ်ဖျါထီၣ်ဝဲ ဒ်န့ၣ်ဘၣ်. ဘၣ်ဆၣ် ယဟိဝၤယွၤန့ၣ် မ့ၢ်ဝဲ တၢ်အဲၣ်တၢ်ကွံအကစၢ် ဒီးအအဲၣ်ဒိးဝဲလၢ ပှၤကိးဂၤဒဲး ကအိၣ်မူဘၣ် မုာ်မုာ်ခုၣ်ခုၣ် လီၤထူလီၤယိာ်. အဃိ ဒ်သိးပကအိၣ်မူဘၣ် မုာ်မုာ်ခုၣ်ခုၣ် လီၤထူလီၤယိာ်အဂီၢ် ပကဘၣ်အိၣ်မူမၤထွဲ ကစၢ်ယွၤ အတၢ်သိၣ်တၢ်သီ. ဖး ၁ ကရံၣ်သူး ၆:၉-၁၁ ဝံၤဒီး တဲသကိး တၢ်သံကွၢ် လၢလာ်တဖျၢၣ်အံၤ–
-
တၢ်လၢ ကစၢ်ယွၤ ထံၣ်ဝဲလၢ အတကြၢးတဘၣ်ဘၣ်န့ၣ် အကဲဝဲထဲ ပိာ်မုၣ်သကီးပိာ်မုၣ် ပိာ်ခွါသကီးပိာ်ခွါ အဲၣ်လိာ်သးလီၤဧါ.
ဒ်သိး ပကမၤကစၢ်ယွၤ အတၢ်ဘၣ်သးအဂီၢ် ပဝဲခဲလၢာ်န့ၣ် ပကဘၣ်ဆီတလဲပတၢ်အိၣ်မူ. ပမ့ၢ်ဂုာ်ကျဲးစၢး ဆီတလဲပတၢ်အိၣ်မူန့ၣ် အကကဲဘျုး အနီၢ်ကီၢ်ဧါ. ဖး စံးထီၣ်ပတြၢၤ ၁၉:၈, ၁၁ ဝံၤဒီး တဲသကိး တၢ်သံကွၢ် လၢလာ်တဖၣ်အံၤ–
-
ယဟိဝၤယွၤ အတၢ်သိၣ်တၢ်သီန့ၣ် နဆိကမိၣ် အကြၢးဝဲဘၣ်ဝဲဧါ. ဘၣ်မနုၤအဃိ နဆိကမိၣ်ဒ်န့ၣ်လဲၣ်.
ယဟိဝၤယွၤ မၤစၢၤတ့ၢ် ပှၤအါဂၤဒ်သိး အကအိၣ်မူမၤထွဲ အတၢ်သိၣ်တၢ်သီတဖၣ်. နၤစ့ၢ်ကီး ယဟိဝၤယွၤ မၤစၢၤနၤသ့
ပှၤတနီၤတဲဝဲလၢ– “ပှၤခံဂၤ မ့ၢ်အဲၣ်လိာ်သးန့ၣ် အဝဲသ့ၣ် မ့ၢ်တဖျီသးဘၣ်သနာ်က့ အမံဃုာ်လိာ်သးန့ၢ်.”
-
နၤမီၤ နဆိကမိၣ်ဒ်လဲၣ်.
တၢ်ဂ့ၢ်လၢအရ့ဒိၣ်
တၢ်မံဃုာ်န့ၣ် အကဲဝဲ တၢ်ဟ့ၣ်တခါလၢ ယဟိဝၤယွၤ ဟ့ၣ်လီၤဝဲ ပှၤဒီမိၢ်ဝၤခံဂၤ လၢအဖျီသးဝံၤ ဒီးယဟိဝၤယွၤ ဟ့ၣ်အဝဲသ့ၣ် တၢ်ဟ့ၣ်တခါအံၤ ဒ်သိး ကမၤသးခုအဝဲသ့ၣ်အသး.
တၢ်ကွၢ်ကဒါက့ၤ
-
တၢ်မၤကမၣ်မုၣ်ကမၣ်ခွါန့ၣ် အဲၣ်ဒိးတဲဝဲ အခီပညီဒ်လဲၣ်.
-
ဒ်သိး ပကဟးဆှဲး တၢ်မၤကမၣ်မုၣ်ကမၣ်ခွါအဂီၢ် တၢ်မနုၤ ကမၤစၢၤပှၤလဲၣ်.
-
ပမ့ၢ်မၤထွဲ ယဟိဝၤယွၤ အတၢ်သိၣ်တၢ်သီန့ၣ် အကကဲဘျုးလၢပဂီၢ် ဒ်လဲၣ်.
ဃုသ့ၣ်ညါ
ဘၣ်မနုၤအဃိ ယဟိဝၤယွၤ အဲၣ်ဒိးဝဲလၢ ပိာ်မုၣ်ဒီးပိာ်ခွါန့ၣ် ဖျီအသးမ့ၢ်ဝံၤမၣ် ကဘၣ်အိၣ်ဃုာ် တပူၤဃီလဲၣ်.
ဖးကွၢ် ဘၣ်ဃးဒီး ပိာ်မုၣ်သကီးပိာ်မုၣ် ပိာ်ခွါသကီးပိာ်ခွါ မ့ၢ်အဲၣ်လိာ်သးန့ၣ် မ့ၢ်လံာ်စီဆှံ သိၣ်လိပှၤလၢ ပကဘၣ်သးဟ့ အဝဲသ့ၣ်ဧါ.
“ပိာ်မုၣ်ကဒဲကဒဲ ပိာ်ခွါကဒဲကဒဲ မ့ၢ်အဲၣ်လိာ်သးန့ၣ် အကမၣ်ဧါ” (တၢ်မၤလိလၢ အအိၣ်လၢ online အဖီခိၣ်)
ဖးကွၢ် ဘၣ်ဃးဒီး ကစၢ်ယွၤ အတၢ်သိၣ်တၢ်သီ လၢအဘၣ်ဃးဒီး တၢ်မံဃုာ်န့ၣ် အဒီသဒၢပှၤဒ်လဲၣ်.
“တၢ်မံဃုာ်လိာ်သးလၢ ကိာ်ပူၤန့ၣ် အကဲဝဲ တၢ်မံဃုာ်နီၢ်ကီၢ်ဧါ” (တၢ်မၤလိလၢ အအိၣ်လၢ online အဖီခိၣ်)
လၢတၢ်လဲၤခီဖျိ လၢအခိၣ်တီမ့ၢ်ဝဲ “အဝဲသ့ၣ်ရ့ဒီးယၤလၢ တၢ်ပာ်ကဲအပူၤ” န့ၣ်ဖးကွၢ် ဘၣ်ဃးဒီး ဘၣ်မနုၤအဃိ ပိာ်ခွါလၢ အအဲၣ်လိာ်သးဒီးပိာ်ခွါတဂၤ ဆီတလဲအတၢ်အိၣ်မူလဲၣ်.
“လံာ်စီဆှံဆီတလဲ ပတၢ်အိၣ်မူ” (တၢးထီခိးတၢ်, လါအ့ဖြ့ၣ် ၁, ၂၀၁၁)
a လုၢ်လၢ်သကဲာ်ပဝး လၢအလီၤရၢၢ်တဖၣ်အံၤ ပၣ်ဃုာ်ဒီး တၢ်မံဃုာ်အိၣ်ဃုာ်, တၢ်မံဃုာ်လၢကိာ်ပူၤ, တၢ်မံဃုာ်လၢခံပူၤ မ့တမ့ၢ် တၢ်ဖူးလဲးပှၤဂၤ အမုၣ်ခွါက့ၢ်အီၤလၢ တၢ်သးကတၢအပူၤ.
တၢ်ဂ့ၤအဂၤလၢ နကဘၣ်သး
တၢ်သံကွၢ်လၢ ညီနုၢ်ပှၤသံကွၢ်တဖၣ်
ယဟိဝၤပှၤအုၣ်အသးတဖၣ် မၤလိလံာ်စီဆှံဒီးပှၤဂၤန့ၣ် မ့ၢ်မနုၤလဲၣ်
ယဟိဝၤပှၤအုၣ်အသးတဖၣ် ကွဲးမုာ်ပှၤဂၤလၢ ကမၤလိလံာ်စီဆှံ အတၢ်ရဲၣ်တၢ်ကျဲၤလၢ တလိၣ်ဟ့ၣ်အပှ့ၤဘၣ်န့ၣ် နသူ လံာ်စီဆှံလၢ နဘၣ်သးအီၤ တဘ့ၣ်ဘ့ၣ်သ့လီၤ. နကွဲမုာ် နဟံၣ်ဖိဃီဖိ ဒီးနတံၤသကိးတဖၣ်သ့လီၤ.
