TIMOKO 41
Bibila bwe ditâka mu vukasa kwa nitu?
Babingi bamonaka nsoni mu zonzela vukasa kwa nitu. Kâ, Bibila mu mpila ya fwanana na ya buzitu dizonzelaka wo. Misamu mi ditâka ndandu mitunatinaka. Misamu miango mia delakana mie mu bungu ti Yehova ni Mvangi’eto. Yandi zebi mio miyôkele bubote mu bungu dia beto. Yandi mbo katutêlaka nti tulendi sa mu mu tâ nsayi, mpe nti bitubakisa mu bâ mu nsayi ntangu zazansoni.
1. Yehova bwe kabongelaka vukasa kwa nitu?
Vukasa kwa nitu kabu dia Yehova diena. Yandi zololo ti kwanataka nsayi kwe mukento na bakala bê ba kwelana. Kabu dio bantu ba kwelana dihanaka nzila ya buta bala na ya songasana luzolo mu mpila ya fwanana na ya nsayi. Ntiangu Zu dia Nzambi ditâka ti: “Bika wayangalala na mukento wa buntwenia bwaku.” (Bingana 5:18, 19) Yehova kwe Bakristo ba kwela kalombaka mu bâ ba kwikama kwe muntu wu bakwela, mu balembo sa bunsuza.—Tanga Bahebre 13:4.
2. Ngano bunsuza ni nti?
Bibila ditutêlele ti “bô basarilaka bunsuza [. . .] ka babiarila Timfumu tia Nzambi ko.” (1 Bisi-Korente 6:9, 10) Bitsoniki bia Bibila bia mu zu dia Greke biasarila ntêlo ya porneia mu zonzela bunsuza. Ntêlo yo yizololo tâ 1) vukasa kwa nitu a kwa bantu balembolo bakwelana, 2) vukasa kwa nitu kwa bakala na bakala peleko mukento na mukento, na 3) vukasa kwa nitu kwa muntu na tibulu. Yehova tutâka nsayi mpe ndandu tubakaka bu ‘tulembo sarilaka bunsuza.’—1 Bisi-Tesalonike 4:3.
YIKA NDILU
Tala bwe lendi diokela bunsuza mpe ntia ndandu baka bu tatamana mu bâ wa verela mu ndiatulu.
3. Dioka bunsuza
Yozefe, bakala dimosi dieri dia kwikama, wasarila ngolo mu tatamana mu bâ wa verela mu ndiatulu. Tangeno Mbatukulu 39:1-12, mpe zonzeleno biyuvu ebi:
-
Nti biatuma Yozefe mu dioka?—Tala verse 9.
-
Ngano benzi ti Yozefe nzengolo ya mbote kabonga? Mu bungu dia nti?
Bwe ntwenia zilendi landila tifwani tia Yozefe bwawu bu, mpe zilendi diokela bunsuza? Taleno VIDEO.
Yehova zololo ti beto bansoni talosa bunsuza. Tangeno 1 Bisi-Korente 6:18, mpe zonzeleno biyuvu ebi:
-
Ntia misamu milendi tuma muntu mu sa bunsuza?
-
Bwe tulendi diokela bunsuza?
4. Lendi telamana ntontolo
Nti bilendi sa ti wabâ musamu wa mpasi mu telamana ntontolo ya sa bunsuza? Taleno VIDEO, mpe zonzeleno tiyuvu tita landa.
-
Mpangi ya mu video nti kasa bu kabakula ti mabanza mandi na nsalulu zandi mbo zaketi mu tuma mu lembo bâ wa kwikama kwe mukento’andi?
Bakristo ba kwikama mpe bafweti sarilaka ngolo mu bâ na mabanza ma verela. Bwe lendi sa mu lembo tatamana mu bâ na mabanza ma bunsuza? Tangeno Bisi-Filipe 4:8, mpe zonzeleno biyuvu ebi:
-
Ntia mpila bima tufweti banzaka?
-
Bwe ntangulu ya Bibila na sala tisalu tiatingi tia Yehova bilendi tu bakisila mu telamana ntontolo ya sa masumu?
5. Misiku mia Yehova ndandu mitunatinaka
Yehova zebi nti biyôkele bubote mu bungu dia beto. Yandi mbo katutêlaka bwe tulendi bêla na ndiatulu ya verela mpe ntia ndandu tubaka. Tangeno Bingana 7:7-27 peleko taleno VIDEO, mpe zonzeleno tiyuvu tita landa.
-
Bwe mwana bakala wo wakotela mu ntontolo?—Tala Bingana 7:8, 9.
-
Bingana 7:23, 26 yisongele ti bunsuza bulendi nata misamu mia nkatika mia mpasi. Tala ti tutatamane mu bâ ba verela mu ndiatulu, ntia misamu tudioka?
-
Bwe ndiatulu ya verela yilendi tu bakisila mu bâ mu nsayi ntangu zazansoni?
Bantu bakaka batâka ti mio mi tâka Bibila mu tipede (homosexualité), ka misongelaka luzolo ko. Kâ Yehova, Nzambi ya luzolo, zololo ti muna muntu wabâ mu nsayi ntangu zazansoni. Mu lenda, tufweti sarilaka misiku miandi. Tangeno 1 Bisi-Korente 6:9-11, mpe zonzeleno tiyuvu eti:
-
Kwe Nzambi, ngano nsatu za tipede kwa zilembolo za delakana?
Mu yangirika Nzambi, beto bansoni tufweti sa nsobolo. Ngano tufweti bwa sa? Tangeno Mikunga 19:8, 11, mpe zonzeleno biyuvu ebi:
-
Ngano benzi ti misiku mia Nzambi mia delakana miena? Mu bungu dia nti?
Yehova wabakisa bantu babingi mu zitisaka misiku miandi mia ndiatulu. Lendi ku bakisa mpe
TALA BAKUTÊLELE: “Muna muntu lendi vukasa nitu na muntu wakaka, tala ti bazolosono kwawu.”
-
Ngano bwe lendi tâ?
MU BUKUFI
Vukasa kwa nitu kabu diena dia Yehova mu bungu dia bakala na mukento’andi, di bafweti bakila ndandu.
Biyuvu bia mbambukulu
-
Ngano bunsuza ni nti?
-
Nti bitubakisa mu dioka bunsuza?
-
Ntia ndandu tubakaka bu tulandaka misiku mia Yehova?
ZABA BIAKAKA
Longoka mu bungu dia nti Nzambi kazoloko ti mukento na bakala babâka nzo yimosi bafweti bâ ba kwelana.
“Bwe Bibila ditâka mu longo lwa lembo makwela?” (Mutu-diambu wa mu Internet)
Longoka mu bungu dia nti ndongosolo ya Bibila yitâka ti nsalulu ya tipede ya mbi yena, yilembo tu tumaka mu yina bapede.
Longoka bwe misiku mia Nzambi mitariri vukasa kwa nitu mitukengerelaka.
Mu tinsamu tia “Bakumbongela mu buzitu,” tala nti biatuma pede yimosi mu soba luzingu lwandi mu tâ Nzambi nsayi.
“Bibila luzingu disobesaka” (Nzo ya Zangama ya Munkengi, 1er avril 2011)
a Nsalulu yango mu mpila zazingi yena, ntiana fiya kwa bukento peleko bubakala, vukasa nitu ku munenono na sakasa kwa bukento peleko bubakala.
