ບົດທີ 41

ຄຳພີໄບເບິນບອກຫຍັງກ່ຽວກັບເລື່ອງເພດ?

ເປີດ

ຫຼາຍຄົນຮູ້ສຶກອາຍທີ່ຈະເວົ້າເຖິງເລື່ອງເພດ. ແຕ່ຄຳພີໄບເບິນເວົ້າເຖິງເລື່ອງນີ້ຢ່າງເໝາະສົມແລະກົງໄປກົງມາ. ສິ່ງທີ່ຄຳພີໄບເບິນບອກເປັນປະໂຫຍດກັບເຮົາ. ທີ່ເປັນແບບນັ້ນ ກໍຍ້ອນວ່າພະເຢໂຫວາພະເຈົ້າເປັນຜູ້ສ້າງໂຕເຮົາ. ເພິ່ນເລີຍຮູ້ວ່າອັນໃດດີທີ່ສຸດສຳລັບເຮົາ. ເພິ່ນບອກວ່າເຮົາຄວນໃຊ້ຊີວິດແນວໃດເພື່ອເພິ່ນຈະພໍໃຈ ແລ້ວເຮົາກໍຈະໄດ້ມີຊີວິດທີ່ມີຄວາມສຸກຕະຫຼອດໄປ.

1. ພະເຢໂຫວາຄິດແນວໃດໃນເລື່ອງເພດ?

ເພດສຳພັນເປັນຄືກັບຂອງຂວັນທີ່ມາຈາກພະເຢໂຫວາ. ເພິ່ນຢາກໃຫ້ຜູ້ຊາຍກັບຜູ້ຍິງທີ່ແຕ່ງດອງກັນແລ້ວເທົ່ານັ້ນທີ່ຈະມີເພດສຳພັນກັນໄດ້. ການມີເພດສຳພັນກໍບໍ່ແມ່ນເພື່ອຈະໃຫ້ມີລູກເທົ່ານັ້ນ ແຕ່ເປັນວິທີທີ່ທັງສອງຄົນຈະສະແດງຄວາມຮັກຕໍ່ກັນນຳ. ຄຳພີໄບເບິນບອກວ່າ: “ຂໍໃຫ້ລູກມີຄວາມສຸກກັບເມຍທີ່ຢູ່ກັນມາຕັ້ງແຕ່ໜຸ່ມສາວ.” (ສຸພາສິດ 5:18, 19, ລ.ມ.) ພະເຢໂຫວາຢາກໃຫ້ຜົວແລະເມຍສັດຊື່ຕໍ່ກັນແລະບໍ່ມີຊູ້.—ອ່ານເຮັບເຣີ 13:4

2. ການເຮັດຜິດສິນລະທຳທາງເພດໝາຍເຖິງຫຍັງ?

ຄຳພີໄບເບິນບອກວ່າ “ຄົນເຮັດຜິດສິນລະທຳທາງເພດ . . . ຈະບໍ່ມີສ່ວນໃນການປົກຄອງຂອງພະເຈົ້າ.” (1 ໂກຣິນໂທ 6:9, 10) ຄຳວ່າເຮັດຜິດສິນລະທຳທາງເພດໃນຄຳພີໄບເບິນມາຈາກຄຳພາສາກຣີກ ພໍເນຍ. ຄຳນີ້ໝາຍເຖິງ (1) ການມີເພດສຳພັນ aຂອງຄົນທີ່ຍັງບໍ່ແຕ່ງດອງກັນ (2) ການມີເພດສຳພັນກັບຄົນເພດດຽວກັນ ແລະ (3) ການມີເພດສຳພັນກັບສັດ. ຄຳພີໄບເບິນບອກວ່າໃຫ້ “ງົດເວັ້ນຈາກການເຮັດຜິດສິນລະທຳທາງເພດ” ຖ້າເຮົາເຮັດຕາມຄຳແນະນຳນີ້ ພະເຢໂຫວາກໍຈະພໍໃຈແລະເຮົາກໍຈະມີຄວາມສຸກ.—1 ເທຊະໂລນິກ 4:3

ຮຽນຮູ້ຫຼາຍຂຶ້ນ

ໃຫ້ເຮົາມາເບິ່ງວິທີທີ່ຈະຫຼີກລ່ຽງການຜິດສິນລະທຳທາງເພດແລະປະໂຫຍດທີ່ເຈົ້າຈະໄດ້ຮັບຖ້າເຈົ້າເປັນຄົນສະອາດທາງສິນລະທຳ.

3. ໜີຈາກການເຮັດຜິດສິນລະທຳທາງເພດ

ໂຢເຊັບ ຊາຍໜຸ່ມທີ່ສັດຊື່ ພະຍາຍາມເຕັມທີເພື່ອຈະເປັນຄົນສະອາດທາງສິນລະທຳ. ອ່ານປະຖົມມະການ 39:1-12 ແລ້ວລົມກັນກ່ຽວກັບຄຳຖາມຕໍ່ໄປນີ້:

ເປັນຫຍັງໂຢເຊັບຈຶ່ງບໍ່ຢາກເຮັດຜິດສິນລະທຳທາງເພດ?—ເບິ່ງຂໍ້ 9
ເຈົ້າຄິດວ່າໂຢເຊັບຕັດສິນໃຈຖືກຕ້ອງບໍ? ເປັນຫຍັງເຈົ້າຈຶ່ງຄິດແບບນັ້ນ?

ໜຸ່ມສາວໃນທຸກມື້ນີ້ຈະຮຽນແບບໂຢເຊັບແລະໜີຈາກການຜິດສິນລະທຳທາງເພດໄດ້ແນວໃດ? ເປີດວິດີໂອ.

ວິດີໂອ: ໜີຈາກການເຮັດຜິດສິນລະທຳ (5:06)

ພະເຢໂຫວາບໍ່ຢາກໃຫ້ເຮົາເຮັດຜິດສິນລະທຳທາງເພດ. ອ່ານ 1 ໂກຣິນໂທ 6:18 ແລ້ວລົມກັນກ່ຽວກັບຄຳຖາມຕໍ່ໄປນີ້:

ມີສະຖານະການໃດແດ່ທີ່ອາດຈະເຮັດໃຫ້ຄົນເຮົາເຮັດຜິດສິນລະທຳທາງເພດ?
ເຈົ້າຈະໜີຈາກການເຮັດຜິດສິນລະທຳທາງເພດໄດ້ແນວໃດ?

4. ເຈົ້າຕ້ານທານການລໍ້ໃຈໄດ້

ເປັນຫຍັງອາດບໍ່ງ່າຍທີ່ຈະຕ້ານທານການລໍ້ໃຈໃຫ້ເຮັດຜິດສິນລະທຳທາງເພດ? ເປີດວິດີໂອ ແລ້ວລົມກັນກ່ຽວກັບຄຳຖາມຕໍ່ໄປນີ້:

ວິດີໂອ: ຕໍ່ສູ້ກັບການລໍ້ໃຈໂດຍການອ່ານຄຳພີໄບເບິນ (3:02)

ພີ່ນ້ອງຊາຍໃນວິດີໂອເຮັດຫຍັງຕອນທີ່ຮູ້ໂຕວ່າ ຖ້າລາວເລີ່ມຄິດແລະເຮັດສິ່ງບໍ່ດີລາວອາດບໍ່ສັດຊື່ຕໍ່ເມຍ?

ແມ່ນແຕ່ຄລິດສະຕຽນທີ່ສັດຊື່ກໍຍັງຕ້ອງພະຍາຍາມຮັກສາຄວາມຄິດຂອງໂຕເອງໃຫ້ສະອາດ. ຖ້າບາງຄັ້ງເຈົ້າຄິດເຖິງເລື່ອງທີ່ຜິດສິນລະທຳ ອັນໃດຈະຊ່ວຍເຈົ້າໄດ້? ອ່ານຟີລິບປອຍ 4:8 ແລ້ວລົມກັນກ່ຽວກັບຄຳຖາມຕໍ່ໄປນີ້:

ເຮົາຄວນຄິດເຖິງເລື່ອງແບບໃດແດ່?
ການອ່ານຄຳພີໄບເບິນແລະດຸໝັ່ນຮັບໃຊ້ພະເຢໂຫວາຈະຊ່ວຍເຮົາແນວໃດທີ່ຈະຕ້ານທານການລໍ້ໃຈໃຫ້ເຮັດຜິດສິນລະທຳ?

5. ມາດຕະຖານຂອງພະເຢໂຫວາເປັນປະໂຫຍດກັບເຮົາ

ພະເຢໂຫວາຮູ້ວ່າອັນໃດດີທີ່ສຸດສຳລັບເຮົາ. ເພິ່ນບອກວ່າເຮົາຈະເປັນຄົນສະອາດທາງສິນລະທຳໄດ້ແນວໃດແລະບອກນຳວ່າເຮົາຈະໄດ້ປະໂຫຍດຫຍັງຖ້າເຮັດແບບນັ້ນ. ອ່ານສຸພາສິດ 7:7-27 ຫຼືເປີດວິດີໂອ ແລ້ວລົມກັນກ່ຽວກັບຄຳຖາມຕໍ່ໄປນີ້:

ວິດີໂອ: ການເປັນຄົນບໍ່ຮູ້ຈັກຄິດ (9:31)

ຊາຍໜຸ່ມເຮັດຫຍັງທີ່ເຮັດໃຫ້ໂຕເອງໄປຢູ່ໃນສະຖານະການທີ່ລໍ້ໃຈ?—ເບິ່ງສຸພາສິດ 7:8, 9
ສຸພາສິດ 7:23, 26 ບອກວ່າການຜິດສິນລະທຳທາງເພດມີຜົນເສຍຫາຍຮ້າຍແຮງຫຼາຍຢ່າງ.ແຕ່ຖ້າເຮົາເປັນຄົນສະອາດທາງສິນລະທຳ ເຮົາຈະບໍ່ຕ້ອງເຈິບັນຫາຫຍັງແດ່?
ຖ້າເຮົາເປັນຄົນສະອາດທາງສິນລະທຳ ພະເຢໂຫວາຈະໃຫ້ຫຍັງເຮົາໃນອະນາຄົດ?

ເມື່ອອ່ານຄຳພີໄບເບິນບາງຄົນຮູ້ສຶກວ່າພະເຢໂຫວາໃຈແຄບກັບຄົນທີ່ຮັກເພດດຽວກັນ. ແຕ່ແທ້ໆແລ້ວ ພະເຢໂຫວາເປັນຄວາມຮັກ ເພິ່ນຢາກໃຫ້ທຸກຄົນໄດ້ມີຊີວິດທີ່ມີຄວາມສຸກຕະຫຼອດໄປ. ແລະເພື່ອຈະໄດ້ຊີວິດແບບນັ້ນ ເຮົາກໍຕ້ອງເຮັດຕາມມາດຕະຖານຂອງເພິ່ນ. ອ່ານ 1 ໂກຣິນໂທ 6:9-11 ແລ້ວລົມກັນກ່ຽວກັບຄຳຖາມຕໍ່ໄປນີ້: