XNAQʼTZBʼIL 41
¿Tiʼ in tzaj tqʼamaʼn Tyol Dios tiʼjju tuʼn tkubʼ ten jun xinaq tukʼil jun xuʼj?
Ateʼ nim xjal in kubʼ kynaʼn nya bʼaʼn aj kyyolin tiʼjju aj tkubʼ ten jun xinaq tukʼil jun xuʼj. Noqtzun tuʼnj, aj tyolin Biblia tiʼj xnaqʼtzbʼil lu, in nok tqʼoʼn kyoklen xjal. ¿Tiquʼn? Tuʼnju atz tzajni uʼj lu tukʼil Jehová ex a Bʼinchal qe, ex ojtzqiʼn tuʼn alkye mas bʼaʼn te qe. In tzaj tqʼamaʼn Jehová qe tzeʼn jaku tzalaj quʼn ex tzeʼn jaku qo tzalaj tiʼj qanqʼibʼil te jumajx.
1. ¿Alkye t-ximbʼetz Jehová at tiʼjju aj kykubʼ kuẍeʼ kabʼe xjal?
Jun oyaj tuʼn Jehová aju tuʼn tkubʼ ten jun xinaq tukʼil jun xuʼj ex taj tuʼn kytzalaj tiʼj oyaj lu qa o che kubʼ mojeʼ moqa o che casarin. Nya oʼkx in tzaj tqʼoʼn jlu ambʼil kye mejebʼleʼn tuʼn tten kykʼwal, sino ax ikx tuʼn tkubʼ kyyekʼin kykʼujlabʼil kyxolx ex tuʼn kytzalaj. Tuʼntzunju in tzaj tqʼamaʼn Tyol Dios jlu: «Tzalajxa tukʼil xuʼj aju mojeʼya tukʼil tuj tkuʼxumala» (Proverbios 5:18, 19). Taj Jehová tuʼn kyten tmajen tzʼaqli twitz kyukʼil ex tuʼn miʼn tkubʼ kybʼinchaʼn aj pajil (uʼjinktza Hebreos 13:4).
2. ¿Tiʼ aju yaẍbʼil?
In tzaj tqʼamaʼn Tyol Dios jlu: «Qeju in che yaẍin [...] mintiʼ kyoklen tiʼj tkawbʼil Dios» (1 Corintios 6:9, 10). Tej tajbʼen yol yaẍbʼil kyuʼn aj tzʼibʼil tiʼj Tyol Dios, ajbʼen yol griego pornéia kyuʼn. Atz in yolin yol lu tiʼjju 1) aj tkubʼ ten jun xinaq tukʼil jun xuʼj ex naʼmx kykubʼ mojeʼ, a 2) aj tkubʼ ten jun xinaq tukʼil juntl xinaq moqa jun xuʼj tukʼil juntl xuʼj 3) ex aj tkubʼ ten jun xjal tukʼil jun txkup. Qa ma tzʼel qikʼun yaẍbʼil, in tzalaj Jehová quʼn ex in qo tzalaj tiʼj qanqʼibʼil (1 Tesalonicenses 4:3).
QO JYON MAS TQANIL
Qo xnaqʼtzan tiʼj tiʼ jaku bʼant tuʼna tuʼn miʼn tkubʼ tzʼaqa toj yaẍbʼil ex tiʼ tbʼanel tzul teya qa ma kubʼ tbʼinchaʼna aju bʼaʼn.
3. Tel oqa tiʼj yaẍbʼil
Ok tilil tuʼn José tuʼn tel tikʼun nya bʼaʼn ex tuʼn tten saq. Kyuʼjinktze Génesis 39:1 a 12 ex che yoline kyiʼj xjel lu:
-
¿Tiquʼn el oq José? (Kyqʼonke kywitze tiʼj versículo 9).
-
Tiʼ teya t-ximbʼetz tiʼj jlu, ¿tojpe tumel aju bʼant tuʼn José? ¿Tiquʼn?
¿Tzeʼn jaku tzʼel kykanoʼn kuʼxun tiʼj techel kyaj tqʼoʼn José ex tuʼn kyel oq tiʼj yaẍbʼil? Kyqʼonke kywitze tiʼj VIDEO.
Taj Jehová tuʼn tel qikʼun yaẍbʼil. Kyuʼjinktze 1 Corintios 6:18 ex che yoline kyiʼj xjel lu:
-
¿Alkye junjun tiʼchaq jaku kubʼ tzʼaq jun xjal tuʼn toj yaẍbʼil?
-
¿Tiʼ jaku bʼant tuʼna tuʼn tel oqa tiʼj yaẍbʼil?
4. Jaku kubʼ tiʼj yaẍbʼil tuʼna
¿Alkye junjun tiʼchaq mlay che onin qiʼj tuʼn tel qikʼun yaẍbʼil? Kyqʼonke kywitze tiʼj VIDEO ex che yoline tiʼj xjel lu:
-
Tej sel tnikʼ ermano tiʼj qa otoq txi tzyet tuʼn tten nya bʼaʼn t-ximbʼetz, ¿tiʼ xbʼant tuʼn tuʼn kukx tten tzʼaqli twitz t-xuʼjil?
Ax ikx qeju o tzikʼ nim ambʼil in che ajbʼen te Jehová, il tiʼj tuʼn tok tilil kyuʼn tuʼn tten kyximbʼetz saq. ¿Tiʼ jaku bʼant tuʼna tuʼn miʼn t-ximana tiʼj yaẍbʼil? Kyuʼjinktze Filipenses 4:8 ex che yoline kyiʼj xjel lu:
-
¿Alkye junjun tiʼchaq bʼaʼn tuʼn qximen tiʼj?
-
¿Jakupe kubʼ tiʼj nya bʼaʼn quʼn qa ma qo uʼjin tiʼj Biblia ex qa ma tzʼok tilil quʼn tuʼn qajbʼen te Jehová? ¿Tiquʼn in kubʼ t-ximana jlu?
5. In tzaj tbʼanel qe kyuʼn tley Jehová
Ojtzqiʼn tuʼn Jehová alkye mas tbʼanel te qe, tuʼntzunju, in tzaj tqʼamaʼn tzeʼn jaku qo ten saq twitz ex tiʼ tbʼanel tzul qe qa ma bʼant quʼn. Kyuʼjinktze Proverbios 7:7 a 27 ex kyqʼonke kywitze tiʼj VIDEO. Yajxitl che yoline kyiʼj xjel lu:
-
¿Alkye tten okx tqʼon tibʼ qʼa lu toj nya bʼaʼn? (Kyqʼonke kywitz tiʼj Proverbios 7:8, 9).
-
In tzaj tqʼamaʼn Proverbios 7:23 ex 26 qa jaku tzaj nim nya bʼaʼn qiʼj tuʼn yaẍbʼil. Pero qa ma qo ten saq twitz Dios, ¿tiʼ nya bʼaʼn mlay tzaj qiʼj?
-
Qa ma ten qximbʼetz saq, ¿tzeʼn jaku tzʼonin jlu qiʼj tuʼn qtzalaj tiʼj qchwinqlal te jumajx?
Ateʼ junjun in kubʼ kyximen qa mintiʼ tkʼujlabʼil Dios tuʼnju in tzaj tqʼamaʼn toj Biblia qa mlay kubʼ kuẍeʼ jun xinaq tukʼil juntl xinaq. Noqtzun tuʼnj, at tkʼujlabʼil Dios ex taj tuʼn kytzalaj xjal tiʼj kyanqʼibʼil te jumajx. Pero tuʼn ttzaj qkʼamoʼn oyaj lu, il tiʼj tuʼn qanqʼin ik tzeʼn taj Dios. Kyuʼjinktze 1 Corintios 6:9 a 11 ex che yoline tiʼj xjel lu:
-
Toj twitz Dios, ¿oʼkxpe in nok te nya bʼaʼn aju tuʼn tkubʼ kuẍeʼ jun xinaq tukʼil juntl xinaq?
Qa qaj tuʼn ttzalaj Dios qiʼj, qkyaqilx il tiʼj tuʼn kybʼant chʼixpubʼil quʼn. ¿Tbʼanelpe tuʼn tok tilil quʼn? Kyuʼjinktze Salmo 19:8 ex 11 ex che yoline kyiʼj xjel lu:
-
¿In kubʼpe t-ximana qa toj tumel qe ley in tzaj tqʼoʼn Jehová qe? ¿Tiquʼn in kubʼ t-ximana jlu?
O tzʼonin Jehová kyiʼj nim xjal tuʼn kynimen te, ax ikx jaku tzʼonin tiʼja.
AJU IN TZAJ KYQʼAMAʼN JUNJUN XJAL: «Bʼaʼn tuʼn kykubʼ ten kabʼe xjal noq qa kygan kyibʼ».
-
¿Tiʼ teya t-ximbʼetz tiʼj jlu?
TOJ CHʼIN YOL
Jun oyaj tuʼn Jehová aju tuʼn tkubʼ ten jun xinaq tukʼil jun xuʼj ex taj tuʼn kytzalaj tiʼj oyaj lu qa o che kubʼ mojeʼ.
Aju ma qo yolin tiʼj
-
¿Alkye junjun nya bʼaʼn bʼinchbʼen at toklen tukʼil yaẍbʼil?
-
¿Tiʼ kʼonil qiʼj tuʼn miʼn qkubʼ tzʼaq toj yaẍbʼil?
-
¿Tiʼ tbʼanel jaku tzaj qe qa ma chex qbʼiʼn tley Jehová?
OJTZQINKA CHʼINTL
Bʼaʼn tuʼn t-xnaqʼtzana tiʼj tiquʼn taj Dios tuʼn tkubʼ mojeʼ jun xinaq tukʼil jun xuʼj qa kyaj tuʼn kyanqʼin junx.
In tzaj tqʼamaʼn Tyol Dios qa nya bʼaʼn tuʼn tkubʼ ten jun xinaq tukʼil juntl xinaq moqa jun xuʼj tukʼil juntl xuʼj, pero ¿in tzajpe tqʼamaʼn tuʼn kyel qikʼun xjal lu?
Uʼjinktza alkye tten in che onin tley Dios qiʼj tuʼn tten qximbʼetz toj tumel tiʼjju aj kykubʼ kuẍeʼ kabʼe xjal.
¿Tiʼ onin tiʼj jun xjal in kubʼtoq ten kyukʼil xinaq tuʼn tchʼexpaj tanqʼibʼil ex tuʼn ttzalaj Dios tuʼn? Uʼjinktza xnaqʼtzbʼil tok tbʼi: «Ok kyqʼoʼn woklene».
«Chʼexpaj kyanqʼibʼil tuʼn Tyol Dios» (Aju Xqʼuqil, 1 te abril te 2011)
a Ax ikx at toklen yaẍbʼil tukʼilju tuʼn tokx tqʼoʼn jun xjal ttzʼalbʼil toj ttzi juntl moqa toj t-ẍop, ex at toklen tukʼilju tuʼn tok t-xqʼuyen ttzʼalbʼil juntl.
Bʼalo ax ikx tgana jlu
AʼYEJU XJEL MAS IN CHE TZAJ QANIN
¿Tzeʼn in xi kyqʼoʼn testigos de Jehová xnaqʼtzbʼil tiʼj Tyol Dios?
Aj t-xnaqʼtzana tiʼj Tyol Dios kyukʼil testigos de Jehová, jaku tzʼajbʼen texa ttraducción tiʼj Tyol Dios ex jaku che tzaj ttxkoʼna qe toj tjaya ex qe tamiwa tuʼn kyten tukʼila.
