LECCIÓN 41
¿Naguá kachi Biblia sɨkɨ sexo?
Kuaʼa tuni ñayí nduu taʼa̱n ini-ji kaʼan-ji sɨkɨ sexo. De, ta Tuʼun Yandios kaʼan sɨkɨ sexo, kaʼan yɨñuʼún ji kaʼan ka̱jí. De ja kaʼan sɨkɨ tuʼun yaʼa kuu ɨn ja chíndeé tuni. De ja yaʼa chi ja nda̱a̱ kuu, chi Biblia Tuʼun Jeová kuu, ji ja maa-Ya ni saʼa yoʼo de jíni̱-Ya naguá kuu ja vaʼa ka ja jiniñuʼun-yo. Maa-Ya steʼen-Ya nu̱u̱-yo naguá kuu saʼa-yo tágua kusii ini-Ya ji chíndeé nu̱u̱-yo tágua kuu kuteku-yo nɨkani.
1. ¿Naguá kachi Jeová sɨkɨ sexo?
Sexo kuu ɨn ja ni jinimani̱ Jeová. De maa-Ya kúni-Ya ja nda ñayí tánda̱ʼá kusii ini ndúu̱-ji sɨkɨ ja yaʼa. De ja yaʼa ma sú matuʼun ni̱ ja ka koo seʼe-ji kuu, chi suni tágua ndúu̱-ji ka steʼen-ji ja ka kutoo taʼan-ji. Ja ñukua kuu ja Tuʼun Yandios kachi: “Kusii ini jín ñasɨʼɨ-ro ja ni tánda̱ʼá jín-ro nde kua̱chi-ro” (Proverbios 5:18, 19, TNM). Jeová ndetu-Ya ja nda cristiano ka kuiñi tu̱u̱n-ji nu̱u̱ ñayí ja ni tánda̱ʼá jín-ji. Ja ñukua kuu ja ni ɨn cristiano ma kɨ̱vɨnduu kuiti̱-ji jín inka ñaʼan axi inka teé (kaʼvi-ní Hebreos 13:4).
2. ¿Naguá kuu tiñu ndii̱?
Biblia steʼen “chi ni nchivi̱ ja̱ jíca ndii̱ [...] ma̱ níʼi̱n táʼvi̱ ji qui̱vi ji nu̱u̱ tátúni̱ Ya̱a̱ Dios” (1 Corintios 6:9, 10). Nu̱u̱ tuʼun griego ja ni ka jatiñu teé ja ni kate̱e̱ Biblia ta ni ka kaʼan-de sɨkɨ tiñu ndii̱ kuu pornéia. Tuʼun yaʼa kúni kaʼan 1) nda tiñu ndii̱ ja ka saʼa nda ñayí ja nduu ka tánda̱ʼá, a 2) nda tiñu xíʼnde ji 3) sexo jín nda kɨtɨ. Ta nduu kinunkava-yo nu̱u̱ tiñu ndii̱, saʼa sii-yo ini Jeová ji kusii tuni ini-yo nu̱u̱ ndɨʼɨ tiñu vaʼa (1 Tesalonicenses 4:3).
NÁ KUTUʼVA KA-YO SƗKƗ TUʼUN YAʼA
Ná kundeʼe-yo naguá kuu saʼa-ní tágua ma kinunkava-ní nu̱u̱ nda tiñu ndii̱ ji na tiñu vaʼa kunevaʼa-ní nú iyo ndoo janduni-ní.
3. Kuji̱ka-ní nu̱u̱ nda tiñu ndii̱
Ɨn teé ni nani José ni chuʼun tuni ini-de tágua koo ndoo janduni-de. Ka kaʼvi-ní Génesis 39: 1-12, TNM de ka ndatuʼun-ní sɨkɨ nda tuʼun yaʼa:
-
¿Nakú ni jinu José? (Ka kundeʼe-ní versículo 9).
-
¿A káʼán-ní ja José ni saʼa-de ja vaʼa? ¿Nakú?
¿Na̱sa kuu saʼa nda suchí kua̱chi tanu ni saʼa José de kuji̱ka-ji nu̱u̱ nda tiñu ndii̱? Ka kundeʼe-ní VIDEO.
Jeová kúni-Ya ja ndɨʼɨ-yo natundaʼá-yo ndɨʼɨ tiñu ndii̱. Ka kaʼvi-ní 1 Corintios 6:18 de ka ndatuʼun-ní sɨkɨ nda tuʼun yaʼa:
-
¿Na tiñu kuu saʼa ja ɨn ñayí kinunkava-ji nu̱u̱ tiñu ndii̱?
-
¿Na̱sa kuu kuji̱ka-ní nu̱u̱ nda tiñu ndii̱?
4. Maa-ní kuu kundeé-ní nu̱u̱ kuachi
¿Na tiñu saʼa ja kuu kinunkava-ní nu̱u̱ nda tiñu ndii̱? Ka kundeʼe-ní VIDEO de ka ndatuʼun-ní sɨkɨ nda tuʼun yaʼa:
-
Teé ni kee nu̱u̱ video ta ni jini-de ja jani kuéʼé ini-de ji ja saʼa-de kuu saʼa ja stáʼvi-de ñasɨʼɨ-de jín inka ñaʼan, ¿naguá ni saʼa-de?
Nde nda cristiano ja ka iñi tu̱u̱n iyo ji̱chi ja ka chuʼun ini-de tágua koo ndoo janduni-de. ¿Naguá kuu saʼa-ní tágua ma kani ini-ní sɨkɨ nda tiñu téʼén? Ka kaʼvi-ní Filipenses 4:8 de ka ndatuʼun-ní sɨkɨ nda tuʼun yaʼa:
-
¿Na sɨkɨ nda tiñu jiniñuʼun kani xini-yo?
-
¿A káʼán-ní ja nú kaʼvi-yo Biblia de kuteñu-yo nu̱u̱ tiñu Jeová saʼa ja ma kinunkava-yo nu̱u̱ kuachi? ¿Nakú?
5. Tuʼun ja tetiñu Jeová chíndeé nu̱u̱-yo
Jeová jíni̱-Ya naguá kuu ja vaʼa ka nu̱u̱-yo. Ja ñukua kuu ja kachi-Ya na̱sa koo ndoo ja jani xini-yo ji na ja vaʼa níʼi̱n-yo nú saʼa-yo sukua. Ka kaʼvi-ní Proverbios 7:7-27, TNM de ka kundeʼe-ní VIDEO. Ñukua de ka ndatuʼun-ní sɨkɨ nda tuʼun yaʼa:
-
¿Na̱sa ni kuu ja suchí kua̱chi yaʼa ni kinunkava-ji nu̱u̱ tundoʼo? (Ka kundeʼe-ní Proverbios 7:8, 9, TNM).
-
Tanu kachi nu̱u̱ Proverbios 7:23, 26, TNM nda ñayí ja saʼa tiñu ndii̱ koo tundoʼo nu̱u̱-ji. ¿Na tundoʼo ma kunevaʼa-yo nú iyo ndoo ja jani xini-yo?
-
¿Na̱sa chíndeé nu̱u̱-yo ja koo ndoo ja jani xini-yo tágua kundee sii ini-yo nɨkani?
Sava nda ñayí ka káʼán-ji ja̱ ja kachi Biblia sɨkɨ nda ñayí xíʼnde nduu steʼen tuʼun too ini. De Jeová kuu-Ya ɨn Yandios ja too ini ji kúni-Ya ja ndɨʼɨ nda ñayí ka kundee sii ini-ji nɨkani. De, tágua níʼi̱n-yo ja yaʼa, jiniñuʼun ja saʼa-yo tanu kachi nda tuʼun ja tetiñu-Ya nu̱u̱-yo. Ka kaʼvi-ní 1 Corintios 6:9-11 de ka ndatuʼun-ní sɨkɨ nda tuʼun yaʼa:
-
Tanu jani ini Yandios, ¿a tiñu ja saʼa ñayí xíʼnde kuu matuʼun ni̱ ja nduu iyo vaʼa?
Tágua saʼa-yo ja taʼa̱n ini Yandios, ndɨʼɨ-yo jiniñuʼun ja sa̱ma-yo. ¿De a ɨn ja vaʼa kuu ja chuʼun ini-yo? Ka kaʼvi-ní Salmo 19:8, 11, TNM de ka ndatuʼun-ní sɨkɨ nda tuʼun yaʼa:
-
¿A káʼán-ní ja nda tuʼun ja tetiñu Jeová nu̱u̱-yo kuu tiñu ja kuu saʼa-yo? ¿Nakú jani ini-ní sukua?
Jeová ja ni chindeé-Ya nu̱u̱ kuaʼa ñayí tágua kandija-ji nda tuʼun ja tetiñu-Ya, de suni kuu chíndeé-Ya nu̱u̱ maa-ní.
JA KACHI SAVA NDA ÑAYÍ: “Ma sú ɨn kuachi kuu ja uu ñayí ja ka kutoo taʼan ka kunevaʼa-ji sexo”.
-
¿Naguá kachi maa-ní?
JA NI KUTUʼVA-YO
Sexo kuu ɨn ja jinimani̱ Jeová nu̱u̱ ɨn teé ji ɨn ñaʼan ja ni ka tánda̱ʼá de kúni-Ya ja ka kusii ini-ji sɨkɨ ja yaʼa.
Tuʼun núku̱ʼun ini
-
¿Na inka tiñu yitaʼan jín tiñu ndii̱?
-
¿Naguá chindeé nu̱u̱-yo tágua ma kinunkava-yo nu̱u̱ tiñu ndii̱?
-
¿Na ja vaʼa níʼi̱n-yo ta kandija-yo nda tuʼun tetiñu Jeová?
NU̱U̱ NDANIʼI KA-NÍ TUʼUN
Kutuʼva-ní nakú ndetu Yandios ja tánda̱ʼá teé ji ñaʼan ja ka kúni-ji kundee tútú-ji.
“¿Naguá kachi Biblia sɨkɨ ja ka ndee uu ñayí de nduu ka tánda̱ʼá-ji?” (Artículo nu̱u̱ jw.org)
Kutuʼva-ní nakú tuʼun ja kachi Biblia sɨkɨ ñayí xíʼnde nduu kuu tuʼun ja ndeʼe juʼvi nu̱u̱ nda-ji.
“¿A iyo vaʼa ja ɨn ñayí kuu-ji xíʼnde?” (Artículo nu̱u̱ jw.org)
Kaʼvi-ní na̱sa jito nu̱u̱-yo nda tuʼun Biblia sɨkɨ sexo.
¿Naguá ni skanda ini ɨn teé ja ni kuu-de xíʼnde ja sa̱ma-de ji saʼa-de ja taʼa̱n ini Yandios? Kaʼvi-ní tuʼun nakani sɨkɨ nda ñayí “Ni ka kaʼan yɨñuʼún-ji nu̱u̱-sa”.
“Tuʼun nda̱a̱ Yandios ni sa̱ma ini-ji” (La Atalaya, 1 yo̱o̱ abril kuiya 2011)
a Nda tiñu ndii̱ yaʼa kuu ta ɨn teé ji ɨn ñaʼan ka nevaʼa-de sexo oral axi sexo anal, ji suni ja ka kasíkí ndee-ji nda genital inka ñayí.
