LESON 41
Ki Labib Dir lor Sex?
Boukou dimounn pa alez pou koz lor sex. Me kan Labib koz lor sex, li koz lor la dan enn fason fran ek avek respe. Ek seki li dir lor sex kapav ed nou. Sa li lozik, parski Labib sorti kot Zeova ki nou Kreater. Alor, Li kone seki pli bon pou nou. Li dir nou seki nou bizin fer pou fer Li plezir, ek seki kapav ed nou pou viv ere pou touletan.
1. Ki Zeova panse lor sex?
Sex se enn kado ki sorti kot Zeova. Li anvi ki enn misie ek so madam profit sa zoli kado-la. Sa kado-la pa zis permet bann koup pou gagn bann zanfan, me sa permet zot osi pou montre zot lamour ek zot lafeksion dan enn fason natirel, ek ki fer zot plezir. Se akoz sa ki Labib dir: “Trouv lazwa avek fam ar ki to’nn marye depi to zenes.” (Proverb 5:18, 19) Zeova atann ki bann Kretien ki marye res fidel anver zot konzwin, ek ki zame zot pa fer ladilter.—Lir Ebre 13:4.
2. Ki ete limoralite sexiel?
Labib dir nou ki “bann ki pratik imoralite . . . pa erit Rwayom Bondie.” (1 Korintien 6:9, 10) Bann dimounn ki’nn ekrir Labib dan lang Grek inn servi mo pornéïa pou dekrir limoralite sexiel. Sa mo-la anglob: (1) bann relasion sexiel a ant bann dimounn ki pa marye ar zot kamarad, (2) bann relasion sexiel ant bann dimounn mem sex, ek (3) bann relasion sexiel avek bann zanimo. Pou ki nou fer Zeova kontan ek ki nou gagn bann bienfe ‘fode pa ki nou ena enn lavi imoral.’—1 Tesalonisien 4:3.
ANOU GET INPE PLIS
Gete kouma ou kapav res lwin ar limoralite sexiel, ek ki bann bienfe ou pou gagne kan ou res prop moralman.
3. Res lwin ar limoralite sexiel
Enn zom fidel ki ti apel Zozef, ti bizin fer bann gran zefor pou ki li kapav res prop moralman. Lir Zenez 39:1-12, ek apre sa, get sa bann kestion-la ansam:
-
Kifer Zozef ti sove?—Get verse 9.
-
Eski ou panse ki Zozef ti pran enn bon desizion? Kifer?
Kouma bann zenn azordi kapav imit lexanp Zozef ek res lwin ar limoralite sexiel? Zwe VIDEO-la.
Zeova anvi ki nou tou nou rezet limoralite sexiel. Lir 1 Korintien 6:18, ek apre sa, get sa bann kestion-la ansam:
-
Sit bann sitiasion ki kapav fer enn dimounn tom dan piez limoralite sexiel.
-
Kouma ou kapav res lwin ar limoralite sexiel?
4. Lite pou pa tom dan tantasion
Sa demann boukou zefor pou reziste kont bann tantasion konsernan limoralite sexiel. Ki kitsoz kapav fer sa difisil pou reziste? Zwe VIDEO-la, ek apre sa, get sa kestion-la ansam:
-
Ki sa frer-la inn fer, kan li’nn realize ki so bann panse ek so bann aksion kapav fer li tronp so fam?
Parfwa, mem bann Kretien ki fidel bizin lite pou kontign ena bann panse ki prop. Kouma ou kapav evit pans lor bann kitsoz imoral? Lir Filipien 4:8, ek apre sa, get sa bann kestion-la ansam:
-
Lor ki kitsoz nou bizin reflesi?
-
Kouma kan nou lir Labib ek kan nou res okipe dan nou servis pou Zeova, sa ed nou pou kontign lite pou pa tom dan tantasion?
5. Bann prinsip Zeova fer nou gagn bann bienfe
Zeova kone seki pli bon pou nou. Li dir nou kouma nou kapav res prop moralman, ek ki bienfe nou gagne kan nou fer sa. Lir Proverb 7:7-27 ouswa zwe VIDEO-la, ek apre sa, get sa bann kestion-la ansam:
-
Kouma sa zenn garson-la finn pran enn sime ki’nn amenn li devan enn tantasion?—Get Proverb 7:8, 9.
-
Dapre Proverb 7:23, 26, nou kapav gagn bann konsekans bien grav si nou tom dan piez limoralite sexiel. Me si nou res prop moralman, ki bann problem nou pou kapav evite?
-
Kouma kan nou res prop moralman, sa pou ed nou pou viv ere pou touletan?
Sertin dimounn panse ki seki Labib dir lor lomosexialite tro dir. Me Zeova Li enn Bondie lamour, Li anvi ki tou dimounn viv ere pou touletan. Me pou ki nou kapav profit sa lavi-la, nou bizin viv an-akor avek so bann prinsip. Lir 1 Korintien 6:9-11, NW, ek apre sa, get sa kestion-la ansam:
-
Dapre Bondie, eski se zis bann dezir omosexiel ki pa bon?
Pou ki nou kapav fer Bondie kontan, nou tou nou bizin fer bann sanzman. Me eski li vo lapenn fer sa bann zefor-la? Lir Psom 19:8, 11, ek apre sa, get sa kestion-la ansam:
-
Eski ou panse ki bann prinsip Zeova zot rezonab? Kifer ou pans sa?
Zeova finn ed boukou dimounn pou viv an-akor avek so bann prinsip. Li kapav ed ou osi
SERTIN DIMOUNN DIR: “Pena nanye demal si de dimounn gagn relasion tanki zot kontan zot kamarad.”
-
Ki ou ti pou dir?
SEKI NOU’NN APRANN
Sex se enn kado ki Zeova inn donn enn misie ek so madam pou ki zot kapav profit sa.
Eski Ou Rapel?
-
Ki ete limoralite sexiel?
-
Ki kitsoz pou ed nou pou pa tom dan piez limoralite sexiel?
-
Kouma nou gagn bann bienfe kan nou swiv bann prinsip Zeova?
DEKOUVER
Aprann kifer li inportan pou Bondie ki enn misie ek enn madam marye pou ki zot kapav viv ansam.
“Ki Labib Dir lor De Dimounn Ki Viv Ansam San ki Zot Marye?” (Lartik lor jw.org)
Gete kifer seki Labib dir lor lomosexialite pa ankouraz laenn.
Aprann kouma bann lalwa Bondie konsernan bann relasion sexiel protez nou.
“Eski Sex Oral Se Vremem enn Relasion Sexiel?” (Lartik lor jw.org)
Dan lartik « Ils ont respecté ma dignité » gete ki’nn ankouraz enn omosexiel pou viv dan enn fason ki fer Bondie kontan.
“Labib Sanz Bann Dimounn” (Latour Degard, 1e Avril 2011, an Franse)
a Konsider sa bann kitsoz-la osi kouma bann relasion sexiel: sex oral (par labous), sodomi (par deryer), ouswa kares sex enn lot dimounn pou fer gagn enn exsitasion.
Ena Osi
KESTION KI POZE SOUVAN
Ki sa Inplike Etidie Labib Avek Bann Temwin Zeova?
Bann Temwin Zeova ofer bann letid Labib gratis, ek ou kapav servi ninport ki version Labib ki ou anvi. Santi ou lib pou invit bann manb ou fami ouswa bann kamarad ki ou anvi.
