ISAMBILILO 41
I Vyani Vino Baibo Ikalanda pa Kupanga Icupo
Antu aingi yakauvwa insonyi ukulanda api lyasi lya kupanga icupo. Nomba nga Baibo yalanda pa kupanga icupo, ikalanda umu nzila isuma nupya iya mucinzi. Vino ikalanda vikatwazwa. Vikatwazwa pano Baibo yafuma kuli Yeova Kaumba witu. Fwandi wamanya ivingatuziipila. Akatunena vino tulinzile ukucita pakuti twamuzanzya ni vingatwazwa ukuya ni nsansa manda pe.
1. Uzye Yeova akalola uli ukupanga icupo?
Ukupanga icupo, u wila uno Yeova wapeela antunze. Akalonda atwalane yaipakizya lino yakupanga icupo. Uwila uu usilenga sile aatwalane ukukwata ana lelo ukalenga yalanga na vino yatemwana umu nzila isuma. Ali mulandu uno Izwi lyakwe Leza likalandila ukuti: “Uwazangila muli mama wako uwaku ulumendo wako.” (Mapinda 5:18, 19) Yeova akalonda aina Klistu atwalane ukuya acisinka kuli ya wao pakuti yatacita ucende.—Belengini Aebele 13:4.
2. Uzye uzelele i cani?
Baibo ikatunena ukuti “Antu aakacita uzelele . . . yatalingila umu Wene wakwe Leza.” (1 Kolinto 6:9, 10) Ya kalemba yakwe Baibo yaomvya izwi lyakuti por·neiʹa pa kulondolola uzelele umu malembo ya Cigliki. Umwi izwi lii mwaya (1) Kupanga icupo a ukwa yantu aatatwalana, (2) kulaalana kwa onsi yatupu nanti anaci yatupu, na (3) kulala ni nyama. Tukazanzya Yeova nupya ivintu vikatuzipila nga ‘tukutaluka uku uzelele.’—1 Tesalonika 4:3.
LONDELEZYINI NA VYUZE
Sambililini vino mungacita pa kutaluka uku uzelele ni visuma ivingamucitikila nga mwatwalilila ukuya ni miyele isuma.
3. Talukiini uku uzelele
Jozefu wakanyile lino umwanaci wamunenyile ukuti alaale nawe. Belengini Utandiko 39:1-12, alino mulanzyanye mauzyo yaa:
-
I cani calenzile Jozefu ukuutuka?—Lolini cikomo 9.
-
Uzye mukwelenganya ukuti vino wapingwilepo ukucita vyali sile ningo? U mulandu ci?
Uzye acance ndakai yangakolanya uli Jozefu nu kutaluka uku uzelele? Tambini VIDYO.
Yeova akalonda swensi kwene ukutaluka uku uzelele. Belengini 1 Kolinto 6:18, alino mulanzyanye mauzyo yaa:
-
I vintu ci vimwi ivingalenga umwi ukucita uzelele?
-
Mungacita uli pakuti mutaluke uku uzelele?
4. Mungakana ndi cakuti mwatunkwa
I cani cingalenga cimitalile ukukana ndi cakuti yamitunka ukucita uzelele? Tambini VIDYO, alino mulanzyanye iuzyo ilyatililondelelapo.
-
I vyani vino umwina muli vidyo iwacita lino iwiluka ukuti vimwi vino akwelenganya nu kucita vingalenga ukuti akane ukutwalilila ukuya uwa cisinka kuli mamakwe?
Na ina Klistu aaya ni cisinka nayo kwene insita zimwi cikayatalila ukutwalilila ukwelenganya sile pa visuma. Mungacita uli pakuti mutatwalilila ukwelenganya pa viipe? Belengini Filipi 4:8, alino mulanzyanye mauzyo yaa:
-
I vyani vino tulinzile ukwelenganyapo?
-
Uzye ukubelenga Baibo nu kuya apamviwe umu mulimo wakwe Yeova kungatwazwa uli ukukana ndi cakuti twatunkwa ukucita iviipe?
5. Masunde yakwe Yeova yakatwazwa
Yeova wamanya ivingatuzipila. Akatunena vino tungacita pakuti tutwalilile ukuya ni miyele isuma na vino ukucita vivyo kungatwazwa. Belengini Mapinda 7:7-27 nanti tambini VIDYO, alino mulanzyanye mauzyo atiyalondelelapo.
-
I vyani ivyalenzile umulumendo ukutunkwa?—Lolini Mapinda 7:8, 9.
-
Ukulingana na Mapinda 7:23, 26, ukucita uzelele kungatuletela intazi izipisye. Ndi cakuti twatwalilila ukuya ni miyele isuma, intazi ci zino tungatalukako?
-
Ndi cakuti tuli ni miyele isuma ndakai, i visuma ci vino tulapokelela uku nkoleelo?
Antu yamwi yakaelenganya ukuti vino Baibo ikalanda pa kulaalana kwa yonsi yatupu nanti anaci yatupu vitaya ningo. Nomba Yeova a Leza uwaya nu kutemwa nupya akalonda yonsi ukuya ni nsansa manda pe. Pakuti tuye ni nsansa amanda pe tulinzile ukulalondela masunde yakwe. Belengini 1 Kolinto 6:9-11, alino mulanzyanye iuzyo lii:
-
Ukulingana na vino Leza akalola ivintu, uzye kulaalana kwa yonsi yatupu nanti anaci yatupu ali miyele sile iipe ino tulinzile ukutalukako?
Swensi kwene tulinzile ukusenula imiyele itu pakuti twazanzya Leza. Uzye icicindama ukucita vivyo? Belengini Masamu 19:8, 11, alino mulanzyanye mauzyo yaa:
-
Uzye mukwelenganya ukuti masunde yakwe Yeova yatala ukuvwila? U mulandu ci uno mwalandila vivyo?
Yeova wazwilizya antu aingi ukuvwila amasunde yakwe. Namwe kwene angamwavwa
YAMWI YAKALANDA UKUTI: “Caya sile ningo umuntu ukupanga icupo na aliwensi ndi cakuti iyatemwana sile.”
-
Nga mwemo mungatuuli?
VINO TWASAMBILILA
Ukupanga icupo u wila ukufuma kuli Yeova uno iya nu muci yalinzile ukuipakizya.
I vyani vino mwasambilila?
-
Uzye umu kucita uzelele mwaya na vyani?
-
I vyani vilatwazwa ukutaluka uku uzelele?
-
I visuma ci vilatucitikila ndi cakuti tukuvwila amasunde yakwe Yeova?
LONDELEZYINI
Sambililini umulandu uno Leza akalondela ukuti umonsi nu mwanaci akulonda ukwikala pamwi ukutwalana.
“I Vyani Vino Baibo Ikalanda pa Kwikala Pamwi Ukwaula Ukutwalana?” (Cipande ca pa intaneti)
Sambililini umulandu uno vino Baibo ikasambilizya ukuti kulaalana kwa yonsi yatupu nanti anaci yatupu kwaipa cisipiliula ukuti tulinzile ukupata akacita vivyo kwene.
“Uzye Kulaalana Kwa Yonsi Yatupu Nanti Anaci Yatupu Kwaipa?” (Cipande ca pa intaneti)
Sambililini vino masunde yakwe Leza akalanda pa kupanga icupo yakatucingilila.
“Uzye Ivintu Vyonsi Vino Umonsi nu Mwanaci Atatwalana Yangacita Vyaipa?” (Cipande ca pa intaneti)
Lolini vino umonsi umwi uwalalanga nu monsi muze wasenwike nu kutandika ukuzanzya Leza, umu cipande cakuti “Yancindike Sana.”
“Baibo Ikaavwa Antu Ukusenuka” (Lupungu Lwa Mulinzi, Epulelo 1, 2011)
a Pa vintu vino aatatwalana yatalinzile ukucita paya nu kupanga icupo, kufyompa ivya nzwalo, kulalana kwa pa matako alino nu kulemola ivya nzwalo vya muntu muze pakuti auvwe insuna.
Limwi Mungatemwa Ukulolako na Vii
MAUZYO YANO ANTU YAKAUZYA SANA
Uzye Isambililo Lya Baibo Ali Cani?
Zanini masuko ku mauzyo pali vino tukasambilizya antu Baibo ukwaula ukuyalipilisya.
