LISOMU LA 41
Bibilia Jipwaga ki Kuhusu Ngonu?
Bandu bingi ngase apala kulonge kuhusu ngonu. Hata hela, Bibilia jilongale kuhusu ngonu kwi indela jejibi wazi na ja heshima. Tunufaika na mambu gajipwaga Bibilia, nu tutalaji kubya hela kwa sababu Yehova ndo Muumba jwitu. Basi jugamanyiki mambu gagutufaa kabisa. Jutupwagi mambu gatupaswa kuhenga ili kunfulahisha, na mambu gagatujangatya kutogule maisha milele.
1. Yehova jubi na maoni bo kuhusu Ngonu?
Ngonu ndo zawadi kuhuma Kuka Yehova. Jupala mmbomba na munalomi ba apungiki ndoa atogulya zawadi je heji. Zawadi heji jajangati, munalomi nu mmbomba kupata bana, na kabe kulangiana upalani mwololu kwi indela ja asili na jukufulaisha. Ndo sababu Lilobi lika Mungu lipwaga ana: “Nu gutogulya pamu nu mmbomba ju ukombu gwaku.” (Methali 5:18, 19) Yehova jutalaji Mkristo jojupungiki ndoa jubya nshikamanifu kuka mwenzi jwaki jwa ndoa. Hela, wenzi ba ndoa ngase apaswa kamwe kuhenga uzinzi.—Soma Waebrania 13:4.
2. Uashelati ndo kike?
Bibilia jutupwagi kwamba “ashelati . . . ngabagulithi Ufalme guka Mungu.” (1 Wakorintho 6:9, 10) Ahandikaji ba Bibilia babaandika kwa lugha ji Kigiliki, atumia linenu por·neiʹa kumaanisha uashelati. Lilobi heli lijege nkati (1) kuhenga ngonu a na mundu ambaju si nndomi jwaku au nhanu jwaku, (2) ngonu kati ja bandu ba jinsia jimu, na (3) kuhenga ngonu ni inyama. ‘Patujiepusha na ushelati,’ tutenda kunufaika na kabe tunfulaisha Yehova.—1 Wathesalonike 4:3.
HEMBA NGANI
Sungusa jinsi heguwesa kuepuka uashelati na jinsi egwinufaika ku kudumisha maadili ga safi.
3. Mugutila uashelati
Munalomi mwaminifu Yosefu jwakana kuhenga uashelati pajwashawishiwa kuhenga ngonu nu nhanu juka mundu jongi. Soma Mwanzo 39:1-12, halafu nndongalya maswali ganga:
-
Jibi sababu bo jejunfanya Yosefu jutilaje?—Linga nstali gwa 9.
-
Bo, guholale Yosefu jukahengiki uamuzi gogufaa? Ndaba ja kike?
Lelenu, aka vijana awesa bo kunhiga Yosefu nu kutila uashelate? Langia KIDEU.
Yehova jupala twe twaboa tugujepa uashelati. Soma 1 Wakorintho 6:18, alafu nndongalya maswali ganga:
-
Ibi hali bo yeiwesa kunfanya mundu kushawishika kuhenga uashelate?
-
Guwesa bo kugutila uashelate?
4. Guwesa kupenga ishawishi
Ki sekiwesa kufanya kubya vigumu kupenga kishawishi su kuhenga uashelate? Langia KIDEU, alafu nndongalya liswali lelipwata.
-
Ndugu mu kideu hesi jwahenga ki pajwamanya kwamba mawasu na matendu gaki gukunfanya jukosa kuba mwaminifu kuka nhanu jwake?
Muda gongi, hata Akristo aaminifu apambana ili kudumisha mawasu ga safi. Guwesa bo kukotoka kuholale mawasu machafo? Soma Wafilipi 4:8, halafu nndongalya maswali ganga:
-
Tupaswa kuholale mambu bole?
-
Kusoma Bibilia na kuba na shughuli ingi katika utumishi guka Yehova, kuwesa bo kutujangati kupenga ishawishi yu kuhenga dhambe?
5. Iwangu ika Yehova itenda kutunufaisha
Yehova jugamanyiki mambu gagutufaa kabisa. Jutupundisa jinsi ju kudumisha maadili ga sapi na manufaa gu kuhenga hela. Soma Methali 7:7-27 au langia KIDEU, alafu nndongalya maswali gagapwata.
-
Nkombu hoju jwajingala bo mu kishawishe?—Linga Methali 7:8, 9.
-
Kulengana na Methali 7:23, 26, uashelati guwesa kuba na matokeu giliaha ngani. Ana tudumishi maadili ga sapi twiepuka matatisu bole?
-
Kuba na maadili ga sapi kuwesa bo kutujangati kutogule maisha milele?
Baadhi ja bandu aholale kwamba mambu gajipundisa Bibilia kuhusu ngonu kati ja bandu ba jinsia jimu, nga lijambu lu upalani kwaelake bandu haba. Lakini Yehova ndo Mungu jojubi nu upalani jupala bandu Boti atogulya maisha milele. Ili tustahilia kutama milele, lasima tupwata iwangu yaki ya maadili. Soma 1 Wakorintho 6:9-11, halafu nndongalya liswali lende:
-
Bo, Mungu jusukile pe na ngonu kati ja bandu ba jinsia jimo au gabi mambu gingi gagunsukisa?
Ili tunfulaisha Mungu, twe twaboa tuhitaji kuhenga mabadiliku. Bo, tunufaika patuhenga mabadiliku aga? Soma Zaburi 19:8, 11, alafu nndongalya maswali ganga:
-
Bo, guholale iwangu ika Yehova kuhusu maadili ifaa? Ndaba ja kike?
Yehova jwa ajangati bandu bingi awesa kutii iwangu yaki ya maadili. Juwesa kugujangati kabe
BANDU FULANI APWAGA: “Kubi sawa kwa bandu abeli kuhenga ngonu ana apalini.”
-
Gwe gubi na maoni bole?
MUHTASALI
Ngonu ndo zawadi ambaju Yehova ampeki nndomi nu nhanamundu ili atogulya.
Gukajibwa bole?
-
Uashelati gujege nkati mambu bole?
-
Ki sesatujangatya kuepuka uashelate?
-
Tunufaika bo hetupwata iwangu ya maadili ika Yehova?
SUNGUSA NGANI
Libola ndaba jaki Mungu jupala munalomi nu mmbomba apunga ndoa kabla jukutama pamu.
“Bibilia Jipwaga Ki Kuhusu Kutama Pamu Bila Kupunga Ndoa?” (Makala jejibi mu ntandau)
Libola ndaba jaki iwangu ya Bibilia kuhusu ngonu kati ja bandu ba jinsia jimu Ngase ichoche chuki.
“Bo, Libi Likosa Kuhenga Ngonu Kati ja Bandu ba Jinsia Jimo?” (Makala jejibi mu ntandau)
Libola jinsi shelia ika Mungu eyutulenda pakuhusu matendu gowa ga ngonu.
“Bo, Ngonu ju Pundomu Ndo Ngonu?” (Makala jejibi mu ntandau)
Mu lisimulizi “Banangia Heshima,” linga lijambu lelunchochia mundu jojwabi ni lizoea lu kuhenga ngonu na bandu ba jinsia jaki abadilisha maisha gaki ili kunfulahisha Mungu.
a Itendu heyi ya ngonu yanga halali ijege nkati mambu mbalimbali kama pe kuhenga ngonu ju pundomu, ngonu ju mkundu, kupapaa iungu yu uzazi ika mundu jongi ili kujumu hamu ja ngonu, na ngonu kati jika munalomi nu mmbomba banga kupunga ndoa.
