41-ШЕ УРОК
Библийыште секс нерген мом возымо?
Шуко еҥ секс нерген мутланаш вожылеш. Но Библийыште секс нерген шылтыде каласыме, тугодымак тидын нерген пагалымаш дене возымо. Библийыште палемдыме нормо-влак мемнам аралат, вет нуным мыланна Иегова, мемнам Ыштыше, пуэн. А тудо пала, мо мыланна пайдам конда. Юмо раш ойла, тудым куандарашлан да мыланна курымеш куанен илашлан мом ышташ кӱлеш, а мом ышташ огеш кӱл.
1. Секс нерген Иегова мом шона?
Секс — тиде Иегова деч пӧлек. Иегова тиде пӧлекым закон почеш мужыраҥше пӧръеҥ ден ӱдырамашлан пуэн. Тиде пӧлек марий ден ватылан йоча-влакым шочыкташ гына огыл, тыгак икте-весылан ласкалыкым да йӧратымашым ончыкташ йӧным пуа. Теве молан Библийыште каласыме: «Самырык годсо ватет дене илышлан куане» (Притчи 5:18, 19). Мужыраҥше христиан-влак пелашыштлан ӱшанле лийшаш улыт. Тидым Иегова нунын деч вуча. (Еврей-влаклан 13:4 лудын лекса.)
2. Мо тыгай сексуальный язык-влак?
Яжарланыше-влак «Юмын Кугыжанышын наследникышт огыт лий» манын, Библийыште каласыме (1 Коринфян-влаклан 6:9, 10). Библийым грек йылме дене возышо-влак сексуальный язык-влакым палемдашлан порне́йа манме мутым кучылтыныт. Тиде мут теве мом ончыкта: 1) секс a тыгай еҥ-влак коклаште, кудышт икте-весе дене закон почеш мужыраҥын огытыл; 2) гомосексуализм да 3) айдеме ден вольык-янлык коклаште секс. Иегован нравственный нормыж-влак почеш илен, ме тудым куандарена да шкенам тӱрлӧ нелылык деч аралена (1 Фессалоникысе-влаклан 4:3).
КЕЛГЫНРАК ШЫМЛЕН НАЛЗА
Сексуальный языкым ыштыме деч кораҥаш мо полша да Юмын нравственный нормыж-влакым кучылтмаш тендам кузе арала, пален налза.
3. Сексуальный язык-влакым ыштыме деч кораҥза
Юмылан ӱшанле Иосиф лӱман айдеме нравственный шотышто ару кодашлан уло вийым пыштен. Тӱҥалтыш 39:1—12 лудын лекса да вашмутым пуыза:
-
Иосиф молан куржын? (9 почеламутым ончыза.)
-
Кузе шонеда, Иосиф чын ыштен мо? Умылтарыза.
Мо шотышто самырык-влак Иосиф деч примерым налын кертыт? ВИДЕОРОЛИКЫМ ончалза.
Иегова мемнан деч тудын нравственный нормыжо-влакым шуктымынам вуча. 1 Коринфян-влаклан 6:18 лудын лекса да вашмутым пуыза:
-
Сексуальный языкым ышташ айдемым могай ситуаций-влак таратен кертыт?
-
Сексуальный языкым ыштыме деч кораҥаш мо полша?
4. Те алгаштарымашлан ваштареш шоген кертыда!
Яжарланаш алгаштарымаш лектеш гын, тидлан ваштареш шогаш южгунам молан йӧсӧ? ВИДЕОРОЛИКЫМ ончалза да вашмутым пуыза.
-
Шонымаш ден ыштымаш яжарланымашке конден кертыт манын умылымеке, тиде пӧръеҥ мом ыштен?
Опытан христиан-влакланат шонымаште ару кодаш куштылго огыл лийын кертеш. Яжарланымашке конден кертше шонымаш-влакым кораҥдаш мо полша? Филиппысе-влаклан 4:8 лудын лекса да вашмутым пуыза:
-
Мо нерген шонкалаш кӱлеш?
-
Библийым лудына да Иеговалан служитлымаште уло вийым пыштена гын, языкым ышташ алгаштарымашлан ваштареш шогаш тиде кузе полша?
5. Иегован нормыжо-влак мемнам аралат
Иегова пала, мо мыланна пайдам конда. Тудо умылтара, кузе нравственный шотышто ару кодаш да могай пайдам тиде конда. Притчи 7:7—27 лудын лекса але ВИДЕОРОЛИКЫМ ончалза. Вара вашмутым пуыза.
-
Кузе тиде рвезе алгаштарыше ситуацийыш логалын? (Притчи 7:8, 9 ончыза.)
-
Притчи 7:23, 26 дене келшышын, сексуальный язык-влак эҥгекым конден кертыт. Юмын нравственный нормыжо-влак почеш илена гын, могай нелылык деч шкенам аралена?
-
Нравственный шотышто ару кодмына кузе мыланна курымеш куанен илаш полша?
Южыштын шонымаште, гомосексуализм шотышто библийысе позиций торжа. Но Иегова, йӧратыше Юмо, кажне айдемылан курымашлык илышым пуынеже. А тыгай илышым налашлан мыланна тудын нормыжо-влакым шуктыман. 1 Коринфян-влаклан 6:9—11 лудын лекса да вашмутым пуыза:
-
Юмо гомосексуальный кумылым гына йӧрдымылан шотла мо?
Юмым куандарашлан мыланна шкенам вашталтыман. Молан тидлан вийым пышташ кӱлеш? Псалом 18:9, 12 лудын лекса да вашмутым пуыза:
-
Кузе шонеда, Иегован нравственный нормыжо-влак уш-акылан улыт мо? Умылтарыза, молан те тыге шонеда.
Иегова шуко еҥлан нравственный нормыж-влакым илышыш пурташ полшен. Тудо тыландат полша
ИКТАЖ-КӦ КАЛАСЕН КЕРТЕШ: «Икте-весым йӧратыше кеч-могай кок еҥ коклаште секс лиеш гын, мо удаже?»
-
Те вашешыже мом каласеда ыле?
ТӰҤ ШОНЫМАШ
Секс — тиде Иегова деч пӧлек. Тудым закон почеш мужыраҥше-влаклан гына пуымо.
Ушештарымаш
-
Юмо сексуальный языклан мом шотла?
-
Сексуальный языкым ыштыме деч шкенам кузе аралаш?
-
Иегован нравственный нормыж-влак почеш илымаш могай пайдам конда?
ЕШАРТЫШЛАН
Пӧръеҥ ден ӱдырамаш закон почеш мужыраҥыныт але уке, молан Юмылан садиктак огыл?
Библий гомосексуалист-влакым ужмышудымо лияш ок тарате.
Пален налза, кузе Юмын нравственный нормыжо-влак мемнам аралат.
«Нуно мыланем пагалымашым ончыктеныт» манме статьям лудын лекса да пален налза, гомосексуалист лийше пӧръеҥым Юмын законжо почеш илаш мо кумылаҥден.
a Тыгак Юмылан йӧрдымӧ улыт оральный ден анальный секс, а эше вес айдемын половой органже-влакым ниялткалымаш.
Вас также может заинтересовать
ЧӰЧКЫДЫН ПУЭДЫМЕ ЙОДЫШ-ВЛАК
Иегован Таныкше-влакын Библийым шымлыме курсышт кузе эрта?
Иегован Таныкше-влак Библийым шымлыме курсым темлат. Шымлыме годым те шкендан Библийым кучылтын кертыда да шымлымашыш ешдам але йолташда-влакым ӱжын кертыда.
