OHUDHERA 41
Bibliya anawoga ddi wodhela ogonihana?
Athu owinjhiva enokanna manyazo yawogaga wodhela ogonihana. Bibliya anowoga wodhela muselu oyo, mbwenye mwamakalelo apama. Teto anawogiye wodhela muselu oyo dhinonikavihera. Eyo ethu yapama woona wihina Yehova di Namapaddusa ehu ni ohunona dhithu dhapama dhinanikavihera mwigumini mwehu. Oliye anowoga dhithu nnahowelihu werana wihina nimuhagalase ni dhithu dhinanikavihere okanna egumi yohagalasa ya malabo aamatene.
1. Monelo wa Yehova wodhela ogonihana buuvi?
Ogonihana nvaho wa Yehova. Mbwenye oliye anosoriha wihina anafwanelela ogonihana di muhiyana ni mulobwana etelane. Nvaho oyo kanavaha anamatelana ofuru wokanna ahima baahi, mbwenye ogonihana makalelo owoniha odhivela anna mmodha ni mukwaye mwamakalelo apama ni ohagalasa. Madhu a Mulugu enihina: ‘Ohagalale ni muhiyana a ezombwe yawo.’ (Provérbios 5:18, 19) Yehova anajheha wihina mulobwana ni muhiyana ekale oororomeleya. Bumwahaya kiyakale ethu yapama mukiristawu okuma mba. — Omwileri Hebreus 13:4.
2. Mararuwo ddiniya?
Bibliya onihina ‘athu enna elemelelo yoraruwa . . . kinavolowe Mumweneni mwa Mulugu.’ (1 Coríntios 6:9, 10) MBibliyani madhu ala owi oraruwa ni egeregu enithaniwa porneya. Madhu ayo enavolowelavo (1) athu enagonihana ehitelanne, a (2) ogonihana alobwanave obe ahiyanave (3) wagoniha anenyama obe ogona ni mwanenyama. Nathawaga mararuwo nnomuhagalasa Yehova ni nnokanna egumi yapama.— 1 Tessalonicenses 4:3.Bibliya anawoga ddi wodhela ogonihana?
OHUDHERE DHITHU DHIMODHA
Woone makalelo owathawa mararuwo. Teto woone wi wathawa mararuwo winowukavihera okanna egumi yapama.
3. Wathawe mararuwo
MBibiliyani mulobwana dhala oororomeleya anithaniwa Juze ohowela owaniha koddo wihina aathawe mararuwo. Mmwileri Génesis 39:1-12, mwamala muthapanyedhe makoho enaharela:
-
Yamuthukulele Juze othawa ddi? — Musugwe versu 9.
-
Onoonamo wi Juze ahithoma ethu yapama? Mwahaya bwaddi?
Azombwe enamutajhihe aavi Juze wodhela wathawa mararuwo? Musugwe VIDIYU.
Yehova anafuna wihina naathawege mararuwo. Mmwileri 1 Coríntios 6:18, mwamala muthapanyedhe makoho enaharela:
-
Ethu baani yuthukulele wawerana mararuwo?
-
Onaathawe aavi mararuwo?
4. Enowandeya wathawa mararuwo
Yehe efunelo yehu yowathawa mararuwo ddi? Musugwe VIDIYU, mwamala muthapanyedhe makoho enaharela:
-
Nvidiyuni mune, ddibila ole ahoona wi mubuwelo waye ni dhowera dhaye dhere omuthukulela okuma mba. Nuwoona erile ddi wihina athawe mararuwo?
Malabo mamodha makiristawu oororomeleya enohowela owanana mubuwelo dhabure wodhela mararuwo. Enukavihere ddiniya ohudidela wubuwela muselu dha mararuwo? Mmwileri Filipenses 4:8, mwamala muthapanyedhe makoho enaharela:
-
Dhithu baani nnafwanelelihu wubuwelaga?
-
Omwileri Bibliya ni ojha mudhidhi naaparaga mabasa a Yehova winanikavihere aavi ogonjhiha dhoweha?
5. Malamulo a Yehova enokavihera egumihu
Yehova ohunona dhithu dhinakavihera egumihu. Oliye anonihudhiha makalelo ookala oweela ni mareelihoya nnawakelihu naathawa mararuwo. Mmwileri Provérbios 7:7-27 obe musugwe VIDIYU, mwamala muthapanyedhe makoho enaharela:
-
Muzombwe awogiwe va yolebela ela anipweha aavi vamurakoni? — Mmusugwe Provérbios 7:8, 9.
-
Ninga munawogela Provérbios 7:23, 26, mararuwo podi wadhana makathamiho. Naathawa mararuwo makathamiho baani nnathawihu?
-
Wathawa mararuwo winanikavihere aavi okalawo Malabo aamatene?
Athu amodha enubuwela wi ethu Bibliya anawogiye wodhela ogonihana alobwanave obe ahiyanave kahi yapama. Mbwenye Yehova, Mulugu oodhivela, anafuna wi athu aatene ekanne egumi yohagalasa ya Malabo aamatene. Negi naajhevo mareeliho ayo sapama wawiwelelaga malamulo aye. Mmwileri 1 Coríntios 6:9-11, mwamala muthapanyedhe makoho enaharela:
-
Enamutakalela Mulugu fugonihana alobwanave obe ahiyanave baahi?
Wihina nimuhagalase Mulugu nnohowela osaddula egumihu. Onoonamo wi yere okala yapama wilibihera wihina nathawe mararuwo? Mmwileri Salmos 19:8, 11, mwamala muthapanyedhe nikoho nnaharela:
-
Ononamo wi malamulo eriwo wodhela ogonihana bookweya? Mwahaya bwaddi?
Yehova ohakavihera athu owinjhiva wawiwelela malamulo aye enawoga wodhela ogonihana. Oliye podi wukavihera
ATHU AMODHA ENAWOGA YEGI: “Mulugu apadduse wihina athu abili enadhivelana egonihanege naarive yahitelane.”
-
Waakule aavi?
OVIRISEDHA
Ogonihana nvaho wa Yehova anavahiye anamatelana.
Ogwaddela
-
Dhithu baani dhinavolowelavo mararuwo?
-
Enaanikavihere ddi wathawa mararuwo?
-
Mwahaya bwaddi ekala yapama wawiwelela malamulo a Yehova wodhela ogonihana?
WEGI ONONE DHITHU DHIMODHA
Woone mwahaya bwaddi ekala yapama wihina mulobwana ni muhiyana enakala vamodha yalebihe matelo.
“Bibliya anawoga ddi wodhela okala vamodha mwahalebinhe matelo?” (Epaddi ya mu jw.org)
Naarive Bibliya asorihaga wihina ale enagonihana alobwanave obe ahiyanave ethu yabure, kinatapulela wi nawiiddege athu enerana dhithu ndo.
“Ethu yabure ogonihana alobwanave obe ahiyanave?” (Epaddi ya mu jw.org)
Woone makalelo malamulo a Mulugu enawoga wodhela ogonihana enanibareliwa.
Woone ethu yamuthukulele mulobwana dhala agona ni mulobwana mukwaye osaddula ekalelo yaye wihina amuhagalase Mulugu, wileri epaddi eni “Aliwa yahigoniha opama”.
“Bibliya anosaddula egumi yaathu” (A Sentinela, 1.º a Abril de 2011)
a Ohiya orarusanave madhu ala owi porneya dhinovolowelavo dhithu ninga sexo oral (orarusana wa mwaano), sexo anal, (orarusana wa ontumuni) omukeha muthu mmodha obe waviriha mada omakaloni wa muthu mmodhaya.
