41ǁÎ ǁKHĀǁKHĀS
Elobmîsa tae-e ǁgoe-ūgub xa ra mî?
ǂGui khoen ge ǁgoe-ūgub xa ǃhoa ǂgao tama hâ. Xawes ga Elobmîsa ǁgoe-ūgub xa ǃhoa o. Os ge ǃamku ǀgaub tsî ǃgôasib ǃnâ ǁnās xa ra ǃhoa. Elobmîs ra mî i ge sadu ǃgâib ǃaroma hâ. Tsî ǁnās ge a ǁnâuǃāxa. Jehovab a sida di Kuru-ao amaga. ǁÎb ge a ǂan tae-i sida ǃaroma a ǃgâisa. ǁÎb ge ra mîba da. Tae-e da ga dī o, o da ǁîba nî ǂkhî kaisa. Tsî tae-i nî hui dasa. Î da ǀamosib kōse ûi.
1. Jehovaba ǁgoe-ūguba mati ra mû?
ǁGoe-ūgub ge ǀkhaeb hînab Jehovaba ǃgamme hâ khoena mā hâba. Tsîb ge ra ǂhâba î ra ǃgamme hâ aob tsî taras tsîra ǁnāpaxū ǂkhîba hō. Nē ǀkheab ge ra mā-am. Îra ǃgamme hâ khoe-aogura ǀgôana hō. Tsî ǁîra ūbagu hâ ǀnamma ǃgâi ǀgaub ǃnâ ǁgaugu. ǁNā-amagas ge Elobmîsa ra mî: “Îts ǃgâiaǂgao ǂkhamsis âts di taras” ǀkha. (ǂKhoamîdi 5:18, 19) Jehovab ge ǂhâba hâ, în ǃgamme hâ khoena amaba ǃhoa-ugu. ǁNā-amagan ge ǃgammeba khôa tide.—Khomai re Hebreǁîn 13:4 sa.
2. ǁGoe-ūguba a tae?
Elobmîs ge ra mî “ǀai-aon . . . ge Elob Gaosiba ǀumi tide.” (1 Korinteǁîn 6:9, 10) Elobmîsa gere xoa, Grikegowab xoa-aogu ge por·neiʹa, di hâ mîsa gere sîsenū. ǁGoe-ūguba gu gere ǁguiǃā o. ǁNā mîs ge sao ra xūna ǃoa ra ǁnaeǁgau. (1) ǃGamme tama hâ aorekhoeb tsî tarekhoes ga ǁgoe-ūgu o. a (2) Tarekhoes tsî tarekhoes, tamas ka io aorekhoeb. Tsî aorekhoeb ga ǁgoe-ūgu o. (3) Tsî khoe-i ga xamani-i ǀkha a ǁgoe-ūgu o. ‘Nē ǃnôa xūna xu du ga ūdawasen o.’ O du ge Jehovaba ra ǂkhîǂkhî. Tsî du ge sadu tsîna ǃgâiba ra hō.—1 Tesalonikaǁîn 4:3.
ǃGAMSE ÔAǃNÂ RE
Ôaǃnâ re, mati du ǃgamme tamase ǁgoe-ūguba xū a ǂgōsen ǁkhāsa. Tsî ǃgâise a tsâ ǁkhāsa. ǃAnu ûiba ūhâs ǃnâ-ū.
3. ǃGamme tamase ǁgoe-ūguba xu ǃkhoebē
Josefi ge ge ǂkhā tarekhoes ge ǁîb ǀkha gere ǀai ǂgao o. Khomai re Genesis 39:1-12 sa. Tsî sao ra dîde ǃhoaǃgao re:
-
Josefa tae-i ǃaroma ge ǃkhoebē?—9ǁÎ ǁaraǃāsa khomai re.
-
ǂÂi î du ra Josefi ge ǂhanu mîǁguiba a dīsa? Tsî tae-i ǃaroma?
ǂKhamkhoena mati Josefa ǁgae. Tsî nētsē ǀaiba xu a ǃkhoebē ǁkhā? VIDIOBA ǀhuru re.
Jehovab ge ra ǂgaoǀkhā du, î du tā ǀai. Khomai re 1 Korinteǁîn 6:18 sa. Tsî sao ra dîra ǃhoaǃgao re:
-
Mâ xūna ǃgamme tamase ǁgoe-ūguba a ǃaroma ǁkhā?
-
Mati du ǃgamme tamase ǁgoe-ūguba xu a ǂgōsen ǁkhā?
4. ǁGansi turaga du ge a mâǃoa ǁkhā
Mâ mâsiga a ǃgom kai ǁkhā, ǀaib di ǃâitsâga mâǃoasa? VIDIOBA ǀhuru re. Tsî sao ra dîsa ǃhoaǃgao re.
-
Vidiob ǃnâ hâ ǃgâsaba mati ǂâi tsîb da dī xūn ǁîb ǃgammeba a khôa ǁkhā. ǃKhaisab ge mû o, tae-e ge dī?
ǂGomǂgomsa Xristeǁîn tsîn ge ǁîn ǂâide ǃanuse ūhâs xa a ǃgombahe. Mati du ǁgoe-ūgub xa a ǂâi ǀû ǁkhā? Khomai re Filipeǁîn 4:8 sa. Tsî sao ra dîde ǃhoaǃgao re:
-
Taen xa du nî ǂâi?
-
Elobmîsa khomais tsî Jehovab ǃoabas ǃnâ hâsa. Mati a hui du ǁkhā î du ǃâitsâga mâǃoa?
5. Jehovab ǂhanuga du ga sao o, o du ge ǃgâise a tsâ ǁkhā
Jehovab ge a ǂan tae-i a ǃgâiba dusa. ǁÎb ge ra mîba du mati du ǃanuse nî hâs. Tsî ǃgâise nî tsâsa. Khomai re ǂKhoamîdi 7:7-27 kōse. Tamas ka io VIDIOBA ǀhuru re. Tsî sao ra dîde ǃhoaǃgao re.
-
Nē ǂkhamkhoeba mati ǃâitsâb ǃnâ ge ǃgûǂgâ?—Khomai re ǂKhoamîdi 7:8, 9 sa.
-
ǂKhoamîdi 7:23, 26 ǃoagu î ge ǀaiba ǃgâi tamase a ǀam ǁkhā. ǀAiba xu du ga hâbē o, o du mâ ǃgomsina xu ra ǁkhaubasen?
-
ǃAnu ûiba ūhâsa mati a hui du ǁkhā. Î du ǀamosib kōse ǃgâiaǂgao?
ǀNî khoen ge ra ǂâi Elobmîs ra aorekhoena, aoren ǀkha ǁgoes. Tsî tarekhoena, taren ǀkha ǁgoesa ǂkhā, ǃkhais a ǀnamoǃnâ ti. Xawe Jehovab, ǀnammi di Elob ge ra ǂhâba în hoa khoena. ǀAmosib kōse ǃgâiaǂgao. Xawe du ge nēsa hōs ǃaroma ǁîb ǂhanugu ǃoagu nî ûi. Khomai re 1 Korinteǁîn 6:9-11 sa. Tsî sao ra dîsa ǃhoaǃgao:
-
Elob mûǂuiba xu i aorekhoena, aoren ǀkha ǁgoes. Tsî tarena, taren ǀkha ǁgoesa a tsū?
Eloba du ga ǂkhîǂkhî ǂgao o. O du ge ǀkharaǀkharana nî dī. Nē ǀkharaǀkharana ǂhâbasa-e? Khomai re Psalmdi 19:8, 11 sa. Tsî sao ra dîsa ǃhoaǃgao re:
-
ǂÂi î du ra Jehovab ǂhanugu a ǃgâisa? Mati io du ti ra mî?
Jehovab ge ǂgui khoena ge hui, în ǁîb ǂhanugu ǃoagu ûi. Sadu tsînab ge a hui ǁkhā
MATI DU NÎ ǃEREAM KHOE-I GA MÎ O: “Mâ khoe-i hoa-i ge a ǁgoe-ūgu ǁkhā. ǀNamgun ga o.”
-
Mati du nî ǃeream?
ǃKHŌǀHAOS
ǁGoe-ūgub ge ǀkhaeb hînab Jehovaba ǃgamme hâ aob tsî taras tsîna mā hâba.
ǁKhāǁkhāsen du go xūna ǂâiǃgâs
-
ǃGamme tamase ǁgoe-ūguba taen hoana ǃoa ra ǁnaeǁgau?
-
Tae-e nî hui du, î du ǃgamme tamase ǁgoe-ūguba xu ǂgōsen?
-
Mati du ǃgâise a tsâ ǁkhā, Jehovab di ǂhanuga du ga sao o?
ÔAǃNÂ
Kō re, tae-i ǃaromab Eloba ǂhâba hâsa. Aorekhoeb tsî tarekhoes hîna ǀguiba ra hâ ǂgao ra nî ǃgammesa.
“Elobmîsa tae-e ǃgamme tamase ǀguiba hâs xa ra mî?” (Internets ai hâ ǁkhāǁkhādi)
Kō re, Elobmîs aorekhoegu hîna aorega ra soregu. Tsî tarekhoedi hîna ra tarekhoede ra soredi a tsū ti ra mîs. ǂÂibasen tama hâsa nē khoena du nî ǃhui ti.
“Aorekhoega aorega sores tsî tarekhoede tarede soresa a tsū?” (Internets ai hâ ǁkhāǁkhādi)
ǁKhāǁkhāsen re, Elob ǁgaragu hîna ǁgoe-ūgus xa hân mati ra ǁkhauba dasa.
“Aorekhoe sorosa ǀgom tsî tarekhoe sorosa tsāsa ama ǁgoe-ūguba?” (Internets ai hâ ǁkhāǁkhādi)
“ǃGôasib ǃnân ge ge hâ-ū te” ti hâ khomai ǃâs ǃnâ kō re. Tae-i ge aorekhoen ǀkha gere ǁgoe khoeba a ǂkhâǃnâsa îb ǀkharaǀkharasen. Îb ǁîb ûiǀgauba Eloba ǂkhîǂkhî.
“Elobmîs ge ûiga ra dawa” (ǃKhē xu ǂgō-ommi, Aprili 1, 2011)
a Nē ǂkhāhe hâ xūn ge sao ra xūna ǃkhōǂgā hâ. Sorosise ǂharugus, aorekhoe sorosa ǀgoms tsî tarekhoe sorosa tsās. Aorekhoen hîna khaos ǃnâ ra ǁgoe-ūgun. Tsî tarekhoedi hîna ra ǁgoe-ūgudi. Aorekhoeba skommelsens tamas ka io tarekhoesa, ǁîs tarekhoe soros ǀkha ǀhurus. ǁGoe-ūgus tsâsiga omkhâis ǃaroma.
