CILONGESA 41
Vika ya Handeka Mbimbiliya ku Tuala ha ku Limona ku Mivila?
Vantu vavengi ka ve ku livua ku zituka ku handeka via ku limona ku mivila. Vutuhu ngoco, Mbimbiliya ya vihandeka ha toma. Vunoni ya lingamo na kasingimiko. Viya handeka, vi tu kuasa cikuma. Kaha vi na pande vene ku tu kuasa. Muomu via tundilila kuli Sakatanga uetu Yehova, uze a tantekeya vika via cili kuli yetu. Ua tu muesa vati vilinga vietu vi hasa ku muya ku mutima na vika vi hasa ku tu kuasa ku ka yoya mu ndzolela ku miaka yose.
1. Vati Yehova ue ku muenamo via ku limona ku mivila?
Ku limona ku mivila, ca pua vuana vua ku tunda kuli Yehova. Kaha ua vu hana kuli va yala na mpuevo va liambata mu ku livuisa ndzolela. Vuana vuaco, ka vue ku kuasa lika vaze va liambata ku kala na vana, vunoni vua pua naua njila i va hasa ku limueselamo cilemo na ku likata cavo umo na mukuavo. Ngeci mukemuo, Lizi lia Njambi ngualio: “Zolela mpuevo ya vukuendze vuove.” (Visimo 5:18, 19) Yehova ua tonda Vakua Kilistu va liambata, va kakatele kuli umo na mukuavo, linga kati va ka linge vupangala.—Tandenu VaHevelu 13:4.
2. Vupangala vua pua vika?
Mbimbiliya ya tu leka nguayo: “Vakua vupangala ka va ka suana vuangana vua Njambi.” (1 Kolintu 6:9, 10) Evi vinimbu va visonekele mu Cingelengu, kaha lizi li va pangesa mu ku tumbula vupangala, lia pua por·neiʹa. Lizi liaco lia lomboloka (1) ku limona ku mivila a ca vantu ka va liambatele, (2) ku limona ku mivila ca vakua vilio vimo, kaha (3) ku limona ku mivila na tusitu. Ku ‘zila ku vupangala,’ ce ku tu kuasa etu vavene na kuya Yehova ku mutima.—1 Tesalonika 4:3.
TANTEKEYENU VIKUAVO
Tantekeyenu vati mu hasa ku liniunga ku vupangala na vukuasi vu mu hasa ku uana mu ku kala na vilinga via ku lela.
3. Tinenu ku vupangala
Umo mukua lutsilielo ua lizina Yosefe, ua lihakelele kapandi ka kama ka ku lela mu vilinga. Tandenu Njenisisi 39:1-12, kaha simutuilenu ha vihula evi:
-
Vika via lingisile Yosefe ku tina?—Talenu cinimbu 9..
-
Mu ku mona cenu, vuno Yosefe ua lingile cihangula ca cili ni? Omo lia vika?
Vati vakuendze na vahumbe, va hasa ku tambuluisa lungano lua Yosefe na ku tina ku vupangala? Talenu VIDEO.
Yehova ua tonda tu vose tu viane vupangala. Tandenu 1 Kolintu 6:18, kaha simutuilenu ha vihula evi:
-
Mu vinjila vika muntu a hasa ku uila mu vupangala?
-
Vati mu hasa ku tina ku vupangala?
4. Mu hasa ku viana ceseko
Vika vi hasa ku kaluuisa ceseko ca ku tina ku vupangala? Talenu VIDEO, kaha simutuilenu ha cihula ci na hatako.
-
Omo muanetu ua mu video ua muene ngecize visinganieka na vilinga vieni vi hasa ku mu lingisa ende mpueyeni vungungu, vika ua lingile?
Cipue Vakua Kilistu va lukakatela, navo ce ku va kaluuila ku kala na visinganieka via ku lela. Vati mu hasa ku liniunga, mangana kati mu tualeleleho ku singanieka viuma via mazilo? Tandenu Filipu 4:8, kaha simutuilenu ha vihula evi:
-
Viuma vika tua pande ku singanieka?
-
Mu njila ika ku tanda Mbimbiliya na ku fuitangana mu vipanga via Yehova, ci hasa ku tu kuasa ku tina vieseko?
5. Vitume via Yehova vie ku tu niunga
Yehova a tantekeya vika via cili kuli yetu. Ngeci ua tu leka tu kale na vilinga via ku lela, kaha ua tu muesa vukuasi vu tu hasa ku uana mu ku lingamo. Tandenu Visimo 7:7-27 ni talenu VIDEO, kaha simutuilenu ha vihula vi na hatako.
-
Vati mukuendze ua litualele ku ceseko? —Talenu Visimo 7:8, 9.
-
Kuliya na Visimo 7:23, 26, vupangala vu hasa ku neha luvinda lua kama. Ku lela mu vilinga, ci hasa ku tu niunga ku vitanga vika?
-
Vati ku lela mu vilinga, ci hasa ku tu kuasa ku ka yoya mu ndzolela ku miaka yose?
Vamo ve ku singanieka nguavo, Mbimbiliya ka ya muesele cilemo mu ku vindika vundeyi, ni nguetu ku limona ku mivila ca vakua vilio vimo. Vunoni Njambi ua cilemo Yehova, ua tonda vantu vose va ka yoye mu ndzolela ku miaka yose. Linga tu ka hase ku tambula muono uaco, noho tu ononoke vitume vieni. Tandenu 1 Kolintu 6:9-11, kaha simutuilenu ha cihula eci:
-
Vuno vundeyi vukevuo lika vua vindika Njambi ni?
Tu vose tua tondeka ku alulula vimo viuma mu muono linga tu hase kuya Njambi ku mutima. Vuno ku lingamo ca pua ku lisina ngoco ni? Tandenu Visamo 19:8, 11, kaha simutuilenu ha vihula evi:
-
Mu ku mona cenu, vuno vitume via Yehova via hianesamo ni? Nga eyo, omo lia vika? Nga co houe, omo lia vika?
Yehova ua kuasa vavengi va litombuese ku vitume vieni. Nenu a hasa ku mi kuasa
VAMO VE KU HANDEKA NGUAVO: “Ku limona ku mivila na uose-ouo, ka ca puile citanga, ca kama lika nga mua lilema.”
-
Vika mu handekaho?
VI MU NA LILONGESA
Ku limona ku mivila ca pua vuana vua Yehova, vua hana kuli va yala na mpuevo va liambata muaya cizango ceni.
Mpupulule
-
Vupangala vua ambatesela kumo na vika?
-
Vika vi ka tu kuasa ku liniunga ku vupangala?
-
Vukuasi vuka tue ku uana mu ku kava vitume via Yehova?
KONKENUHO
Hilulenu omo lia vika Njambi ua tonda va yala na mpuevo va liambate, ntsimbu kanda va kale hamo lika.
“Vika ya Handeka Mbimbiliya ku Tuala ha Vantu ku Yoyela Hamo Ntsimbu Kanda va Liambate?” (Cimpande ca mu saiti)
Hilulenu omo lia vika vitume via mu Mbimbiliya via vindika ku limona ku mivila ca vakua vilio vimo, ka via lombolokele ngecize tua pande ku zinda vantu vaco.
“Vuno ku Limona ku Mivila ca Vakua Vilio Vimo ca pua Vupi Ni?” (Cimpande ca mu saiti)
Tantekeyenu vati masiko a Njambi, ku tuala ha vifua viose via ku limona ku mivila eku tu niunga.
“Vuno ku Lihaka Vilio via Lusemo mu Kanua, Naco ca pua Vene ku Limona ku Mivila Ni?” (Cimpande ca mu saiti)
Mu muzimbu “Va Nji Muesele Seho ya Kama,” talenu vika via lingisile umo mukua ku limona ku mivila na vakua vilio vimo a alulule muono ueni na ku linga cizango ca Njambi.
“Mbimbiliya ye ku Alulula Miono ya Vantu” (Vutala vua Kaniungi, 1 ya Abril ya 2011, mu putu)
a Evi vilinga via mazilo, via ambatesela kumo na viuma ngeci mua, ku limona ku mivila ku hitila mu kanua, vundeyi, na kuehesa vilio via lusemo via muntu ueka.
Halumo mu Hasa ku Lema Naua Evi
VIHULA VI VE KU LINGA CIKUMA VANTU
Vika via pua Cilongesa ca Mbimbiliya?
Uanenu vikumbululo ku tuala ha vilongesa vietu via Mbimbiliya via vuana.
