TLAMACHTIL 41
¿Akinmej kijtoua Biblia uelis motekaskej san sekan?
Miakej pinauaj ijkuak kintlapouiaj kox kuali ikaj iuan motekaskej noso amo. Pero iTlajtol toTajtsin Dios kijtoua ken kita Jehová. Tlen techiluia toTajtsin Dios ika Biblia techpaleuia, porque ye otechchijchi. Ye techiluia tlen moneki tikchiuaskej para tikyolpaktiskej uan ijkon nochipa tiyoltoskej.
1. ¿Akinmej kijtoua Jehová uelis motekaskej san sekan?
Jehová kijtoua uelis motekas se tlakatl uan se siuatl uan ijkon moyolpaktiskej pero uelis san ijkon kichiuaskej tla yomonamiktijkej. Ijkuak se tlakatl moteka iuan isiua amo san para kinpiaskej inkoneuan noijki para kiteititiskej melauak motlasojtlaj. Ikinon Biblia kijtoua: “Xiyolpaki iuan siuatl akin iuan otimonamikti ijkuak otikatka titelpochtli” (Proverbios 5:18, 19). Jehová kineki akinmej yomonamiktijkej amo mamokajkayauakan. Ikinon akin kichiua ken Cristo amo moteka iuan akin amo inamik (xiktlajtolti Hebreos 13:4).
2. ¿Tlen kijtosneki ijkuak ikaj auilnemi?
Biblia kijtoua “akinmej auilnemij [...] amo kiseliskej iTekiuajkayo toTajtsin Dios” (1 Corintios 6:9, 10). Ijkuak okijkuilojkej Biblia ika tlajtoli griego okijkuilojkej tlajtoli pornéia. Nin tlajtoli kijtosneki: (1) ijkuak se tlakatl uan se siuatl san sekan motekaj pero ayamo monamiktiaj, a (2) ijkuak se tlakatl mosiuakopa noso ijkuak se siuatl motlakakopa uan (3) ijkuak ikaj moteka iuan se yolkatl. Tla amo ijkon tikchiuaj, tikyolpaktiaj Jehová uan tejuan noijki tiyolpakij (1 Tesalonicenses 4:3).
MATIMOMACHTIKAN
Matikitakan tlen mitspaleuis para amo tiauilnemis uan ken mitspaleuis tla amo ijkon tikchiuas.
3. Amo xiauilnemi
Se tlakatl tlen omotokayotiaya José amo oauilnenki. Xiktlajtoltikan Génesis 39:1-12 uan satepan xikitakan tlen namechmachtia.
-
¿Tleka ocholo José? (Xikitakan versículo 9).
-
¿Kuali tlen okichi José? ¿Tleka ijkon tikijtoua?
¿Ken uelis kichiuaskej telpochmej uan ichpochmej ken José uan ijkon amo auilnemiskej? Xikitakan VIDEO.
Jehová technauatia amo matiauilnemikan. Xiktlajtoltikan 1 Corintios 6:18 uan satepan xikitakan tlen namechmachtia.
-
¿Tlen uelis kichiuas ikaj maauilnemi?
-
¿Tlen mitspaleuis amo xiauilnemi?
4. Uelis tikpias chipauak monemilis
¿Tlen uelis kichiuas matitlajtlakolchiuakan? Xikitakan VIDEO uan satepan xikitakan tlen namechmachtia.
-
¿Tlen okichi tokni ijkuak okitak uelis tlajtlakolchiuaskia uan kikajkayauaskia isiua?
Akinmej kichiuaj ken Cristo uan nochipa kitlakamatij toTajtsin Dios, moneki mochijchikauaskej para amo mokuayejyekoskej tlen amo kuali. ¿Tlen uelis tikchiuas para amo timokuayejyekos tlen amo kuali? Xiktlajtoltikan Filipenses 4:8 uan satepan xikitakan tlen namechmachtia.
-
¿Tlen moneki timokuayejyekoskej?
-
Tla tiktlajtoltiaj Biblia uan tiktekichiuiliaj Jehová, ¿techpaleuis amo ma tikchiuakan tlen amo kuali? ¿Tleka ijkon tikijtoua?
5. Tlen Jehová technauatia techpaleuia
Jehová kimatok tlen techpaleuis ma tiyolpakikan. Ik non, techiluia ken uelis tikpiaskej chipauak tonemilis. Xiktlajtoltikan Proverbios 7:7-27 uan xikitakan VIDEO. Satepan xikitakan tlen namechmachtia.
-
¿Tleka telpochtli okichi tlen amo kuali? (Xikitakan Proverbios 7:8, 9).
-
Proverbios 7:23, 26 kijtoua akin auilnemi tlajyouia. ¿Ken techpaleuis tla tikpiaj chipauak tonemilis?
-
¿Tleka tikijtouaj tla chipauak tikpiaj tonemilis, techpaleuis nochipa matiyoltokan?
Miakej ijkuak kitaj itech Biblia kijtoua amo kuali ijkuak ikaj motlakakopa noso mosiuakopa, kijtouaj toTajtsin Dios amo tetlasojtla. Pero amo melauak tlen kijtouaj, Jehová techtlasojtla uan kineki tinochtin nochipa matiyoltokan. Pero tla tiknekij nochipa tiyoltoskej, moneki tikchiuaskej tlen ye technauatia. Xiktlajtoltikan 1 Corintios 6:9-11 uan satepan xikitakan tlen namechmachtia.
-
¿Tlen okseki tlamantli noijki tlajtlakoli ixpan toTajtsin Dios?
Tla tiknekij matechseli toTajtsin Dios, tinochtin moneki tikpatlaskej tonemilis. ¿Ipati matimochijchikauakan? Xiktlajtoltikan Salmo 19:8, 11 uan satepan xikitakan tlen namechmachtia.
-
¿Techpaleuia tlen technauatia toTajtsin Dios? ¿Tleka ijkon tikijtoua?
Jehová miakej yokinpaleui makichiuakan tlen ye kipaktia uan tejuatsin noijki mitspaleuis.
SEKIMEJ KIJTOUAJ: “Tla ikaj tiktlasojtla, uelis iuan timotekas”.
-
¿Tlen tikiluiskia tla ikaj ijkon mitsiluis?
XIKILNAMIKTO
Jehová kijtoua se tlakatl uan se siuatl uelis san sekan motekaskej ijkuak yomonamiktijkej.
Matikojpauikan
-
¿Tlen tlamantli tlajtlakoli ixpan toTajtsin Dios?
-
¿Tlen techpaleuis amo matitlajtlakolchiuakan?
-
¿Ken techpaleuis tla tiktlakamatij tlen Jehová technauatia?
NIN NOIJKI MITSPAKTIS
Xikita tleka toTajtsin Dios tlanauatia ijkuak se siuatl iuan se tlakatl kinekij san sekan chantiskej moneki mamonamiktikan.
Xikita tleka tlen kijtoua Biblia amo kijtosneki tikinkokoliaj akinmej motlakakopaj noso mosiuakopaj.
Xikita ken techpaleuia Biblia amo matiauilnemikan.
“¿Sexo oral noijki ken ijkuak san sekan motekaj?” (Nin tlamachtil kajki itech jw.org/ncx)
¿Tlen okipaleui se tlakatl tlen omosiuakopka makipatla inemilis uan makiyolpakti toTajtsin Dios? Xiktlajtolti tlamachtil tlen itoka “Kuali onechselijkej”.
“Biblia okinpatili innemilis” (Akin Tetlapouijtok, 1 de abril 2011)
a Nin kijtosneki ijkuak se tlakatl moteka iuan se siuatl maski ayamo monamiktiaj, noijki ijkuak kipiaj sexo oral (kijtosneki ijkuak kipiaj sexo ika inkamak noso innenepil), intsintenko (sexo anal) uan noijki ijkuak akinmej ayamo monamiktiaj momajmachiliaj.
Xamo noijki mitspaktis
TLEN MIAKEJ MOTLAJTLANIAJ
¿Ken tlamachtiaj iTlaixpantijkauan Jehová?
Ijkuak mitstlajpalotiuij iTlaixpantijkauan Jehová uelis timomachtis ika moBiblia. Noijki uelis tikinyoleuas mofamilia noso moyolikniuan mouan mamomachtikan.
