CIJIJO 41
Bhaibheri Rinonangenyi ngo Pamusoro po Vatano?
Vandhu vazinji avajizwi vakasujunuka kubhuya ngo pamusoro po vatano. Asi Bhaibheri rinonasa kujekesa parinobhuya ngo shwiro iyi, irona rinobhuya ngo nderemejo. Zvarinobhuya zvinobeserazve itusu. Izvo zvino musoro ngokuti Jehovha ndiyena Wakatisika. Iyena anonasa kuziva zvakanaka kwatiri. Irona rinotivhunja zvatinodikana kuita kuti timudakajise, no zvatinodikana kuita kuti tidakare kwenda no kwenda.
1. Ngoapi mavonero a Jehovha ngo pamusoro po vatano?
Ruvatano cipo cinovha kuna Jehovha. Iyena anoda kuti rudo uhu uwanike pakati po mwanarume no mwanakaji. Cipo ici aciiti kuti mukaji no mwamuna vave basi no vana, asi cinoita kuti vakhombijirane rudo. Soko ra Mwari Bhaibheri rinonanga kuti: Dakarai no “mukaji wo wakarovora mu ujaha hwako.” (Mazwi Akangwara 5:18, 19) Jehovha anoda kuti mukaji no mwamuna vave vakagondeka kuumwe nga umwe wavo. Ndiyo ndava, Mukristu aacaizoitepi upombo.—Verenganyi Vahebheru 13:4.
2. Icinyi uhure?
Bhaibheri rinoti: “Vandhu vanoita uhure, . . . avazogari utaka mu Umambo hwa Mwari.” (1 Vakorinte 6:9, 10) Gama ro Cigiriki rinoshandiswa mu Bhaibheri recida kunangira uhure, rinodanijwa kuti por·neiʹa. Gama iri rinobatanija izvi, (1) ruvatano hwo vandhu vacizivi kucadha a, (2) ruvatano hwo mwanarume no mwanarume kana mwanakaji no mwanakaji, (3) kuvatana no zvinyama kana zviro zvimwenivo. Kudari ‘tikatama kuita uhure,’ tinodakajisa Jehovha no kujibeserazve pacedu.—1 Vatesaronika 4:3.
NASANYI KUPSAKISISA
Vonanyi kuti mungatizisa kudini uhure. Vonanyizve kuti kuva no mufambiro wakacena kunotibeseresa kudini.
3. Tizanyi uhure
Mu Bhaibheri, mwanarume umweni wainga akagondeka anodanijwa kuti Josefa, wakaita zvese zvaaikwanisa kuti arambe ano mufambiro wakacena. Verenganyi Genesi 39:1-12, perapo bhuisananyi ngo muvhunjo jinotevera:
-
Ngenyi Josefa wakatiza? —Vonanyi vhesi 9.
-
Munorangarira kuti Josefa wakatema civaringo cakanaka? Ngenyi?
Vocidoko vangatevejeresa kudini Josefa no kutiza uhure? Rijanyi VHIDHIYO.
Jehovha anoda kuti tese titame kuita uhure. Verenganyi 1 Vakorinte 6:18, perapo bhuisananyi ngo muvhunjo jinotevera:
-
Mugariro japi jaizoita kuti mundhu agume pakuita uhure?
-
Imwimwi mungatizisa kudini uhure?
4. Mungakwanisa kunyisa muejo
Zvicinyi zvingatiphingaija kuti titame kuramba tino mufambiro wakacena? Rijanyi VHIDHIYO, perapo bhuisananyi ngo muvhunjo unotevera.
-
Muvhidhiyo, hama imwe yakazwisisa kuti murangariro jayo no zviito, zvaizoigumisa pakutama kuva yakagondeka ku mukaji wayo. Ngozvapi zvayakaita payakazwisisa?
Nguva jimweni Makristu akagondeka, anodikana kuhwisana no murangariro jakashata. Zvicinyi zvingamubesera kuti mutame kugara mecirangarira zvakashata? Verenganyi Vafiripi 4:8, perapo bhuisananyi ngo muvhunjo jinotevera:
-
Zviro zvapi zvatinodikana kugara tecirangarira?
-
Kuverenga Bhaibheri no kuramba takabatikana mu basa ra Jehovha, kungatibeseresa kudini kuti tinyise muejo?
5. Mutemo ja Jehovha jinobeserazve itusu
Jehovha anoziva zvakanaka kwatiri. Iyena anotijijisa kuti tirambe tino mufambiro wakacena no manera azvinotibesera. Verenganyi Mazwi Akangwara 7:7-27 kana rijanyi VHIDHIYO, perapo bhuisananyi ngo muvhunjo jinotevera.
-
Jaha ranangwari pa mavhesi aya, rakanghwinisa kudini pamuejo?—Vonanyi Mazwi Akangwara 7:8, 9.
-
Mukuzwirana na Mazwi Akangwara 7:23, 26, uhure hungaviisa matambujiko akawanda. Kudari tikaramba tino mufambiro wakacena, tinozotiza zvineso zvapi?
-
Kuitisa kudini kuenderera mberi tino mufambiro wakacena kunozotibesera kuti tirarame kwenda no kwenda?
Vandhu vamweni vanorangarira kuti zvinonanga Bhaibheri ngo pamusoro po vatano yo mwanarume no mwanarume kana mwanakaji no mwanakaji azvizivi kunaka. Asi Jehovha, Mwari wo rudo, anoda kuti tese tidakare kwenda no kwenda. Izvi zvinoreva kuti, tinodikana kupona mukuzwirana no zvaanonanga kuti zvakanaka. Verenganyi 1 Vakorinte 6:9-11, no kubhuisana ngo muvhunjo uwu:
-
Mumavonero a Mwari, kureva kuti ruvatano hwo mwanarume no mwanarume kana mwanakaji no mwanakaji ndiwona wega waticikadikani kuita?
Kuti tidakajise Mwari, tinodikana kuita cinjo mu upenyu. Kureva kuti kuvangisira kondhoko kunosisira? Verenganyi Nduyo 19:9, 12, no kubhuisana ngo muvhunjo jinotevera:
-
Munorangarira kuti mutemo ja Jehovha jinobesera? Ngenyi?
Jehovha wakabesera vandhu vakawanda kuti vazwire mutemo jake ngo pamusoro po mufambiro. Iyena angamubeseravo
VANDHU VAMWENI VANOTI: “Vatano yo vandhu vaviri vanodisana asipi zviro zvakashata.”
-
Imwimwi maizodavirisa kudini?
ZVOTAJIJA
Ruvatano hwo mukaji no mwamuna vakacadha, icipo cinovha kuna Jehovha.
Kuhwirijira
-
Maitiro api anobatanijwa pa kuita uhure?
-
Zvicinyi zvinozotibesera kuti titize uhure?
-
Ngenyi kuzwira mutemo ja Jehovha ngo pamusoro po mufambiro kunobeserazve itusu?
ZIVANYI ZVIMWENI
Vonanyi kuti ngenyi zvinosisira kuna Mwari kuti mwanarume no mwanakaji vanogara vese vave vakacadha zvo pamutemo.
“Bhaibheri Rinoti Kudini ngo Kugara no Mundhu Waticizivi Kucadha Naye?” (Mu interneti)
Pikija Bhaibheri recinanga kuti ruvatano hwo mwanarume no mwanarume kana mwanakaji no mwanakaji hwakashata, vonanyi kuti ngenyi atidikani kuzonda vandhu vakadaro.
“Kuvatana ko Vandhu Vano Mujiyo Jakaezana, Kwakashata?” (Mu interneti)
Kujija mutemo ja Mwari ngo pamusoro po vatano kunotijivirira.
“Kuvatana ngo Muromo Zvingarevadi Kuvatanadi kamare?” (Mu interneti)
Kuti muvone zvakandundira mwanarume umweni waiita ruvatano hwo mwanarume no mwanarume kuti acinje upenyu hwake, kuti adakajise Jehovha, verenganyi muezaniso wake pa divi rinoti “Vakandiremekedza.”
“Bhaibheri Rinochinja Upenyu” (Murindiri, No. 1 wa Abril wo 2011, Cishona)
a Kusiyapo ruvatano hwo mwanarume no mwanakaji, gama iri rokuti por·neiʹa rinobatanija mushovo wakawanda wo ruvatano. Vatano yokuita ngo mukanwa, kuita ruvatano ngo kunobuda ndikona svina no kubata-bata ndhengo jo vatano jo mundhu woucizivi kurovorana naye.
