KAPITEL 41
Wat stäit ine Bijbel oiwer seks?
Feel lüür wile ni gërn oiwer seks fortele. Åwer dai Bijbel fortelt gans klår un mit schik oiwer seks. Dat wat wij lëre doir dai Bijbel is dat ales gaud mit oos gäit. Dat passt sich weegen Jehovaa is dai wat oos måkt hät un wät wat beeter tau oos is. Hai sägt wat wij måke muite taum em gefale un wat oos helpe däit fröölig sin up ümer.
1. Wat maint Jehovaa oiwer seks?
Seks måke is air geschenk fon Jehovaa. Hai wil dat bloos air kërl un ain fruug wat sich t’hoop forfrigt häwe dårmit lust krijge. Dit geschenk däit ni bloos erlaube dat dai kërl un fruug kiner häwe, åwer dat sai uk beschöönen un lijb air up der ande wijse daue. In God sij Woord stäit: “Fröög dij mit dai fruug fon dijne juugend tijd.” (Provérbios 5:18 un 19) Jehovaa wil dat dai kërl un fruug air taum ande reäl is. Dårweegen däir air krist ais ni seks måke mit aim wat ni sij kërl urer sijn fruug is. (Lees Hebreus 13:4)
2. Wat is huurerig?
Ine Bijbel stäit dat ‘dai wat huurerig måke . . . daue ni God sijne Regirung ärbe’. (1 Coríntios 6:9 un 10) Dat woord up grega språk wat ine Bijbel benutst wart taum huurerig måke is porneía. Dit woord hät besägen mit (1) wen lüür seks måke wat ni t’hoop forfrijgt sin a [kijk dai nåt], (2) seks måke kërl mit kërl un fruug mit fruug un (3) seks måke mit tijre urer fai. Wen wij oos ‘trööghule fon huurerig’ måke, wij daue Jehovaa gefale un måke wat gaud tau oos selwst is. (1 Tessalonicenses 4:3)
DAU MËR LËRE
Dau saie wosoo kast duu dij trööghule fone huurerig un dij rëgen hule. Un sai uk woweegen dat gaud is tau dij.
3. Hul dij tröög fone huurerig
Ine Bijbel stäit oiwer aine reäl kërl wat José haite däir, hai hät sich sër anstrengt taum sich rëgen hule. Leest Gênesis 39:1 bet 12. Nåheer fortelt oiwer dai frågen hijr uuner:
-
Woweegen is José wegloope? (Kijkt der spruch 9)
-
Mainst duu wat José uutsöcht hät is richtig wääst? Woweegen?
Soo as José, wosoo koine dai juugende sich trööghule fone huurerig? Kijkt der VIDEO.
Jehovaa wil wij schåle oos trööghule fone huurerig. Leest 1 Coríntios 6:18. Nåheer fortelt oiwer dai frågen hijr uuner:
-
Wonair un woweegen küüt sich air mit huurerig inlåte?
-
Wosoo kast duu dij trööghule fon dai huurerig?
4. Duu kast dat forsuiken oiwerståe
Wat kan oos anstrengen forstööre taum oos rëgen hule? Kijkt der VIDEO. Nåheer fortelt oiwer dai fråg hijr uuner:
-
In dem video, as dai braurer forspoirt hät dat doir dat wat hai denke un måke däir küün hai ni reäl tau sijn fruug sin, wat hät hai måkt?
Wekmåls sogår reäl kristen muite sich anstrenge taum ni an drekig daile denke. Wat wart dij helpe ni andenke an huurerig? Leest Filipenses 4:8. Nåheer fortelt oiwer dai frågen hijr uuner:
-
Woan schåle wij denke?
-
Wosoo feel taum måken häwe tau Jehovaa un dai Bijbel leese, helpt oos dat forsuiken oiwerståe?
5. Wat Jehovaa sägt is richtig un forkërd is gaud tau oos
Jehovaa wät wat beeter tau oos is. Hai däit oos inlëre wosoo koine wij oos rëgen hule un woweegen as dat gaud tau oos is. Leest Provérbios 7:7 bet 27 urer kijkt der VIDEO. Nåheer fortelt oiwer dai frågen hijr uuner:
-
Soo’s in dem spruch stäit, wat hät dai jong måkt wat gefärlig tau em wäir? (Kijkt Provérbios 7:8 un 9)
-
Soo as stäit in Provérbios 7:23 un 26, dai huurerig kan sër wat slechtes ruutergeewe. Wat bruuke wij ni mitmåke wen wij oos rëgen hule?
-
Wen wij oos rëgen hule, dat kan oos helpe up ümer leewe. Wosoo?
Wek lüür maine dat dat wat ine Bijbel stäit oiwer kërls mit kërls un fruuges mit fruuges sich t’hoop häwe wijst dat God ni lijb is. Åwer Jehovaa is dai lijb God, un hai wil dat ale schåle up ümer fröölig sin. Dårtau muite wij leewe nå dat wat hai sägt richtig is. Leest 1 Coríntios 6:9 bet 11. Nåheer fortelt oiwer dai fråg hijr uuner:
-
Däit God bloos forkërd reekne dai wünsch taum seks måke kërl mit kërl un fruug mit fruug?
Taum God gefale, wij ale muite wat in oosem leewend aners måke. Däit sich dat loone dårtau anstrenge? Leest Salmo 19:8 un 11. Nåheer fortelt oiwer dai fråg hijr uuner:
-
Mainst duu dat wat Jehovaa sägt richtig un forkërd is, giwt hen taum horgen? Woweegen?
Jehovaa hät al feele lüür hulpe sijn ordnungs taum sich rëgen hule horge. Hai kan dij uk helpe.
WEK DAUE SOO SÄGE: “Wen sich twai lüür t’hoop lijbe, hät nischt sägen wen sich dai t’hooplëge.”
-
Wat däist duu säge?
WAT HÄWE WIJ HIJR LËRT?
Seks måke is air geschenk fon Jehovaa tau dem kërl un fruug wat t’hoop forfrigt sin.
Denk dij ais nå
-
Wat fon sin dai daile wat huurerig bedüürt?
-
Wat wart oos helpe fone huurerig oos trööghule?
-
Woweegen is gaud tau oos dat wat Jehovaa sägt richtig un forkërd is horge?
TAUM MËR WAITE
Woweegen forlangt God dat air kërl un ain fruug wat t’hoopleewe forfrigt sin?
“Wat sägt dai Bijbel oiwer t’hoopwåne åne forfrigt sin?” (Stäit in jw.org taum leesen)
Ine Bijbel stäit dat is forkërd kërl mit kërl, fruug mit fruug sex måke, åwer dat bedüürt ni dat soo’n sort lüür schåle hasst ware.
“Is forkërd kërls andrer kërls häwe un fruuges andrer fruuges?” (Stäit in jw.org taum leesen)
Dau lëre wosoo God sijn leis oiwer al sort sex måke oos behüüte daue.
“Seks måke mite muul, is dat wirklig seks måke?” (Stäit in jw.org taum leesen)
Taum saie wat aim kërl hulpe hät sij leewend aners måke taum God gefale, dau dës artikel leese.
“Dai Bijbel mökt dat leewend aners” (Wat Bekandmökt, 1 april 2011)
a Nåt: Dat woord porneía hät besägen mit feel sort seks måken soo as seks oral, seks anal un ain ande mësch mank bain fåte taum lust krijgen.
Kan sin dat dit dij uk gefale däit
MËSTE FRÅGEN
Wosoo kan man dai Bijbel lëre mit Jehovaas Tüügen?
Duu kast dijn aigen Bijbel benutse taum dai Bijbel lëre mit Jehovaas Tüügen.Duu kast dijn gans familg urer dijn fründe nööge taum dai Bijbel lëre t’hoop mit dij.
