CHILAYIJO 41
IBhayibhili Linotini Nozokushanga Pabulo?
Banhu banji baneshoni nokulebeleka nozokushangana pabulo. IBhayibhili linolebeleka nenyaya yokushangana pabulo koga nenzila inalulemekejo. Zwalinolebeleka zunotibhancha nokuti zunova kuna Jehova uMbumbi wedu. Unoziba zunotibhancha. Unotibuja zwatinokwelela kuta kuti tunshantise akale kuti ini zungatibhancha kuti tilalame tishanta nokusinopela.
1. Jehova unotini nozokushangana pabulo?
Kushangana pabulo chipo chinova kuna Jehova. Unoda kuti kushanagana pabulo kushantise undume nonkaji balolobolana. Chipo yechi achijakatilwa kuti balolobolana bezwale bana chete koga betondejelane kuti banodanana. Ndizo iBhayibhili liti: “Shanta nonkaji wobupya bubo.” (Zwichimbe 5:18, 19) Jehova ulolingilila kuti maKristo ebimbike kubanhu babalolobolana nabo ndizo besinokwelela kupombola.—Balani BaHebhelu 13:4.
2. Ini chinowi kupombola?
IBhayibhili linotibuja kuti “banopombola . . . Abatoowana Bushe bwaMwali.” (1 BaKolinte 6:9, 10) Bakwali beBhayibhili bakakwala nechiGiliki bakashingisa ibala lyokuti por·neiʹa belebeleka nozokupombola. Ibala lyakalelyo linoshanganisila (1) kushangana pabulo a pakati pabanhu basijilolobolana, (2) nabanhulume banoshangana pabulo chabo chabo (3) nokushangana pabulo nemhuka. “Kusopombola” kunota kuti Jehova eshantilwe akale zunotitabilija.—1 BaTesalonika 4:3.
FUNDA ZUNJI
Funda zwawunokwelela kuta kuti usipombole akale kuti ungabhanchikana chini nokuzubhata zubhodo.
3. Tizha kupombola
Josefa wakabekabimbika, wakata zwose zwaanokwanisa kuti ezubhate zubhodo. Balani Matangisilo 39:1-12, akale kwejisani nemibhuzo yeyi:
-
Ini zwakatisa kuti Josefa etizhe?—Linga vesi 9.
-
Ubweni sokuti Josefa wakata chishalujo chibhodo na? Neni udalo?
Bachinokubuka bangokwejejela chini Josefa nokutizha kupombola? Yebani iVIDIYO.
Jehova unoda kuti tose tisipombole. Balani 1 BaKolinte 6:18, akale kwejisani nemibhuzo yeyi:
-
Ndizupi zunu zungatisa kuti unhu epejeleje apombola?
-
Tingakutizha chini kupombola?
4. Unokwanisa kukoma chikweji
Ini zungatisa kuti usikwanise kukoma chikweji chokupombola? Yebani iVIDIYO, akale kwejisani nemibhuzo inotobela.
-
Mwanakwayina umomuvidiyo yeyi, wakatani paakabona kuti zwaakabeyeya nozwaakabeta zwalotisa kuti epombole epejeleje esijilobimbika kunkaji uwe?
MaKristo alobimbika nomwe nshaji zunosobakomela kuti begale belinemiyeyo ilochena. Tingata chini kuti titizhe kugala tikayeya nozokupombola? Balani BaFilipi 4:8, akale kwejisani nemibhuzo yeyi:
-
Tokwelela kuyeya nozunu zwakata chini?
-
Kubala iBhayibhili nokubhatikana munshingo waJehova kungatibhancha chini kuti tikome chikweji chokuta chibi?
5. Kuwhilila milawu yaJehova kunotibhancha
Jehova unoziba zunotibhancha. Unotibuja zwatinokwelela kuta kuti tizubhate zubhodo akale kuti tingabhanchikana chini nokuta alo. Balani Zwichimbe 7:7-27 kana kuti yebani iVIDIYO, akale kwejisani nemibhuzo inotobela.
-
Unzhuzha yoyu wakazubiga chini muchikweji?—Linga Zwichimbe 7:8, 9.
-
Mawililano naZwichimbe 7:23, 26, kupombola kunokwanisa kubuza bukukutu bukulwana. Ndibupi bukukutu bwatingatizhe kana tingozubhata zubhodo?
-
Kuzubhata zubhodo kunotibhancha chini kuti tilalame tishanta nokusinopela?
Bamwe banhu banoyeya kuti zunolebwa neBhayibhili pezhulu pabanhulume banoshangana pabulo chabo chabo kubakomesela. Koga Jehova ndiMwali unaludo unoda kuti unhu wose eshantilwe nobupenyu nokusinopela. Kuti tikwelele kuwana bupenyu yobo, tokwelela kulalama kuwhililana nemilawu iye. Balani 1 BaKolinte 6:9-11, akale kwejisani nombhuzo yoyu:
-
Mwali unobenga chete banhulume banoshangana pabulo chabo chabo na?
Tose zwedu tokwelela kuchincha mabonelo edu kuti tishantise Mwali. Zunobhancha na yozu? Balani Lwimbo 19:8, 11, akale kwejisani nemibhuzo yeyi:
-
Ubweni sokuti kulalama zunokwendelana nemilawu yaJehova kunobhancha na? Neni udalo?
Jehova wakabhancha banji kuti belalame zunokwendelana nemilawu iye. Unokwanisa kukubhancha nawi
BAMWE BANOTI: “Azutobeli zubi kuti banhu babili banodanana beshangane pabulo.”
-
Iwi unotini?
INI ZWAWAFUNDA
Kushangana pabulo chipo chinova kuna Jehova chaakapa undume nonkaji kuti beshante.
Kubwilulula
-
Kupombola kunoshanganisilani?
-
Ini zungakubhancha kuti usipombole?
-
Tobhanchikana chini kana tingowhilila milawu yaJehova yokuzubhata zubhodo?
PAMIJA PANA ZWAWAWANA
Funda kuti neni Mwali eda kuti undume nonhukaji banoda kugala bose bechade.
“IBhayibhili Lithini Ngendoda Lomfazi Abahlala Ndawonye Bengatshadana?” (Inyaya ipo peintaneti)
Bona kuti neni tisinokwelela kubenga banhulume banoshangana pabulo chabo chabo kojoba iBhayibhili liti zubi.
Bala uwhe kuti milawu yaMwali penyaya yokuzubhata kuti inotitabilija chini.
“Ukumumuza Izitho Zensitha Zomunye Umuntu Yikuya Emacansini Yini?” (Inyaya ipo peintaneti)
Bona kuti umwe unhulume wakabeshangana nabamwe banhulumebo pabulo kuti wakachincha chini kuti eshantise Mwali muchilayijo yechi panowi “Bakandilemekeja”.
“IBhayibhili Liyamtshintsa Umuntu” (INqabayokulinda, April 1, 2011)
a Zunoshanganisila kushangana pabulo, kushingisa undomo pakushangana pabulo, kushingisa indasha buhwa pakushangana pabulo nokubhatata zuto zunoshingiswa pakushangana pabulo.
