LES 41
Kico Bijbel Ta Bisa Tocante Sex?
Hopi hende ta sinti nan mes incomodo pa papia tocante sex. Pero ora Bijbel ta papia tocante sex, e ta papia di dje na un manera habri y respetuoso. Loke Bijbel ta bisa tocante sex ta beneficia nos. Esey no ta nada straño pasobra Bijbel ta bin di Jehova, nos Creador. Anto Jehova sa kico ta mihor pa nos. Jehova ta bisa nos kico nos tin cu haci pa agrad’e y kico lo yuda nos disfruta di bida pa semper.
1. Kico ta Jehova su punto di bista tocante sex?
Sex ta un bunita regalo di Jehova. Jehova kier pa un homber y un muher cu ta casa cu otro disfruta di e regalo ey. Sex no solamente ta permiti un pareha haya yiu, sino tambe e ta permiti nan demostra nan amor y cariño na otro y ta laga nan sinti e placer cu esey ta trece cu ne. Pesey, Bijbel ta bisa: “Alegra hunto cu bo esposa cu ta cu bo for di bo hubentud.” (Proverbionan 5:18, 19) Jehova ta verwacht pa ora un pareha cristian casa, nan keda fiel na otro. Pesey, nunca nan lo pensa pa comete adulterio.—Lesa Hebreonan 13:4.
2. Kico ta inmoralidad sexual?
Bijbel ta bisa cu hende cu ta comete fornicacion, of inmoralidad sexual, “lo no ricibi e Reino di Dios.” (1 Corintionan 6:9, 10) E escritornan cu a skirbi Bijbel na Griego a uza e palabra porneia pa referi na inmoralidad sexual. E palabra porneia ta inclui (1) relacion sexual entre dos hende cu no ta casa cu otro, a (2) homosexualidad y (3) relacion sexual cu bestia. Ora nos ta “abstene di fornicacion”, nos ta haci Jehova Dios contento y ta beneficia nos mes.—1 Tesalonicensenan 4:3.
KICO MAS NOS POR SIÑA?
Haya sa con bo por evita inmoralidad sexual y con lo bo beneficia ora bo keda moralmente limpi.
3. Huy di inmoralidad sexual
Jozef, un fiel sirbidor di Dios di pasado, a nenga di tene relacion sexual cu un muher cu a pidie pa drumi cu ne. Lesa Genesis 39:1-12. Despues, analisa e siguiente preguntanan:
-
Kico a motiva Jozef pa huy bay for di e muher?—Wak versiculo 9.
-
Bo ta kere cu Jozef a haci loke ta corecto? Dicon bo ta pensa esey?
Con un hoben por imita Jozef y huy di inmoralidad sexual? Pasa e VIDEO.
Jehova kier pa nos tur rechasa inmoralidad sexual. Lesa 1 Corintionan 6:18. Despues, analisa e siguiente preguntanan:
-
Ki situacion por hiba un hende na comete inmoralidad sexual?
-
Con bo por huy di inmoralidad sexual?
4. Bo por resisti tentacion pa comete inmoralidad sexual
Ki ora por bira dificil pa resisti tentacion pa comete inmoralidad sexual? Pasa e VIDEO. Despues, analisa e siguiente pregunta:
-
Kico e ruman homber den e video a haci ora el a realisa cu algun cos cu e tabata pensa y haci por a strob’e di keda fiel na su casa?
Tin biaha, hasta cristian fiel ta lucha contra pensamento robes. Kico bo por haci pa evita cu bo ta keda pensa riba cos inmoral? Lesa Filipensenan 4:8. Despues, analisa e siguiente preguntanan:
-
Ki tipo di cos nos mester pensa riba dje?
-
Ora nos ta lesa Bijbel y ta keda ocupa den sirbishi di Jehova, con esey por yuda nos resisti tentacion pa comete pica?
5. E normanan di Jehova ta beneficia nos
Jehova sa kico ta mihor pa nos. Jehova ta bisa nos con pa keda moralmente limpi y kico ta e beneficionan ora nos haci esey. Lesa Proverbionan 7:7-27 y pasa e VIDEO. Despues, analisa e siguiente preguntanan:
-
Con bin e hoben a hay’e den un situacion peligroso?—Wak Proverbionan 7:7-9.
-
Segun Proverbionan 7:23 y 26, inmoralidad sexual por tin consecuencia serio. Ki problema nos por evita ora nos keda moralmente limpi?
-
Si nos keda moralmente limpi, con esey lo yuda nos disfruta di bida pa semper?
Tin hende ta pensa cu loke Bijbel ta bisa tocante homosexualidad no ta amoroso. Pero, Jehova ta un Dios di amor y e kier pa tur hende disfruta di bida pa semper. Anto pa nos por biba pa semper, nos tin cu biba segun su normanan. Lesa 1 Corintionan 6:9-11. Despues, analisa e siguiente pregunta:
-
Segun e texto aki, ta deseo homosexual so Dios ta haya malo?
Pa agrada Dios, nos tur mester haci cambio. E esfuerso ey ta bale la pena? Lesa Salmo 19:8, 11. Despues, analisa e siguiente preguntanan:
-
Bo ta kere cu e normanan moral di Jehova ta dificil pa cumpli cu ne? Dicon si, of dicon no?
Jehova a yuda hopi hende pa obedece su leynan moral y e por yuda abo tambe
LOKE HENDE SA BISA: “Dos hende por haci sex basta nan ta stima otro.”
-
Kico lo bo por bisa un hende cu bisa esey?
RESUMEN
Sex ta un regalo di Jehova. Jehova kier pa un homber y un muher cu ta casa cu otro disfruta di relacion sexual.
Repaso
-
Ki practica ta cay bou di inmoralidad sexual?
-
Kico lo yuda nos evita inmoralidad sexual?
-
Ora nos ta biba segun Jehova su normanan moral, con esey ta beneficia nos?
MAS INFORMACION INTERESANTE
Wak dicon Dios kier pa un homber y un muher casa prome cu nan biba hunto.
“Kico Bijbel Ta Bisa Tocante Bibamento Hunto sin Casa?” (articulo riba jw.org)
Haya sa dicon e echo cu Bijbel ta bisa cu homosexualidad ta malo no ta nifica cu nos mester odia hende homosexual.
Wak con e leynan di Dios cu tin di haber cu sex ta proteha nos.
Lesa e articulo “Nan A Trata Mi cu Dignidad” pa wak kico a motiva un homber cu tabata homosexual pa haci cambio den su bida pa agrada Dios.
“Bijbel Ta Cambia Bida di Hende” (La Atalaya di 1 di april 2011)
a Esaki ta inclui un variedad di practica y no ta referi na relacion sexual so, sino tambe na, por ehempel, sex oral y anal y cariciamento di un persona su organonan sexual.
You May Also Like
PREGUNTA CU HOPI HENDE SA HACI
Con un Curso di Bijbel cu Testigonan di Jehova Ta Bay?
Pa sigui un curso di Bijbel interactivo gratis cu testigonan di Jehova, bo por uza cualkier traduccion di Bijbel cu bo ta prefera. Sinti bo liber pa invita henter bo famia of amigonan pa join bo.
