41 EL SUOBEL
Ngera Ngmelekoi a Biblia el Kirel a Tekoi er a Cheliuaiu?
A rebetok el chad a meringel er tir a mesaod er a tekoi er a cheliuaiu. Me nguaisei a Biblia sel losaod el kirel a tekoi er a cheliuaiu e ngbleketakl engdi ngdelodau. Aike el lolekoi a uchul a klungioled. E make sense. A Jehovah a Ulemeob. Ngmedengelii sel kot lungil kired. Ngouchais er kid a rolel e a omerelled a mo odeuir a rengul, me a mo ngosukid loldeu er a rengud er a klengar el mo cherechar.
1. Ngera osengel a Jehovah el kirel a tekoi er a cheliuaiu?
A tekoi er a cheliuaiu a sengk el mlara Jehovah. Ngsoal a bo luchul a deuil a rengul a sechal me a redil el bechiil. Tia el sengk a diak di luchul e ngsebechir el mo oungalek, e ngdirrek el rolel e ngsebechir el kaiuecholt a bltikerreng. Sei a uchul me a Tekingel a Dios a kmo: “Mosiik er a deuil a rengum el obengkel a ekebil el blo bechil.” (Osi. 5:18, 19) Jehovah mengerechir er a Rekristiano el moba blakerreng er a chebechiielir a uchul me te kmal diak lebora laokreng.—Monguiu er a Hebru 13:4.
2. Ngera deleboes el delengerenger?
A Biblia melekoi el kmo “ng diak el sebechir el mo soiseb er a Rengedel a Dios a re ngar a deleboes el delengerenger.” (1 Korinth 6:9, 10) Tirke el milluches er a Biblia el tekoi er a Grik a uluusbech er a tekoi el por·neiʹa el mesaod er a deleboes el delengerenger. Tia el tekoi a melutk el kirel a (1) klausechelei a er a delongelir a reteru el chad el diak lebechiil, (2) sechal lousechelei er a sechal me a redil lousechelei er a redil, me a (3) ousechelei a charm. Kede odeuir a rengul a Jehovah e dirrek el mo uchul a klungioled sel “lak [dengar] a deleboes.”—1 Thesalonika 4:3.
BOM DMOLECH EL MERRITER
Molatk a rolel e ngsebechem el mengeroid er kau er a deleboes me a klungiolel a molemolem el klikiid.
3. Mchiis er a deleboes el delengerenger
A blak a rengul el chad el Josef a mle kirel meringel loureor me lolemolem el klikiid. Monguiu er a Genesis 39:1-12 e a uriul e mosaod aika el ker:
-
Ngera uchul me a Josef a chiliis?—Momes er a 9 el kekerei el bades.
-
Omomdasu e a Josef ngrirellii a melemalt lomelilt? E ngera uchul me ke melekoi el uaisei?
Te mekera rengeasek er chelechang e sebechir loukerebai er a Josef e mo chemiis a deleboes el delengerenger? Momes er a VIDEO.
Jehovah soal kid el rokui a dotngeklii a deleboes. Monguiu er a 1 Korinth 6:18 e a uriul e mosaod aika el ker:
-
Ngera el blekeradel a sebechel mekrolii a chad el mora deleboes?
-
Ngmekera sebechem el chemiis er a deleboes el delengerenger?
4. Ngsebechem el mo mesisiich er a mengesuseu er kau
Ngera sebechel rullii el mo meringel er a chad a mo mesisiich er a mengesuseu er ngii el mo meruul er a deleboes? Momes er a VIDEO e a uriul e mosaod er a ker.
-
A odam er a video er a lutebengii el kmo a uldesuel me a omerellel a sebechel mo uchul e ngmo mengebelung er a bechil, e ngmilekerang?
Mo lmuut er a reblak a rengrir el Kristiano me ngsebechel mo meringel er tir a melemolem el klikiid a uldesuir. Ngmekera sebechem el mo diak molemolem el omdasu a diak el klikiid el uldasu? Monguiu er a Filipi 4:8 e mosaod aika el ker:
-
Ngua ngera el tekoi a kired el melatk?
-
Ngmekera omengiued er a Biblia me a bo demechesang el meruul er a omesiunged el mora Jehovah e sebechel ngosukid el mo mesisiich omengesuseu el mo meruul er a klengit?
5. A llechul a Jehovah uchul a klungioled
Jehovah medengelii sel kot lungil el kired. Ngouchais er kid er a rolel e ngsebeched el melemolem el klikiid me a klungiolel a bo deklikiid. Monguiu er a Osisechakl 7:7-27 me a lechub e momes er a VIDEO e a uriul e mosaod aika el ker.
-
Ngmilekera ngika el chad e mlo soiseb er a blekeradel el mlo mengesuseu er ngii?—Momes er a Osisechakl 7:8, 9.
-
Ngua lolekoi Osisechakl 7:23, 26, a deleboes a sebechel mo uchul a klou el tellemall. A lsekum e kede melemolem el klikiid, e ngera el mondai a doibngid er ngii?
-
Ngmekera bo deklikiid e ngosukid el mo oldeu er a rengud er a klengar el mo cherechar?
Rebebil er a rechad omdasu el kmo aike el lolekoi a Biblia el kirel a deleuill er a sechal me a sechal me a redil me a redil a diak lolechotel a bltikerreng. Engdi Jehovah el Dios er a bltikerreng a soal a rokui el chad a bo lekiei el mo cherechar. A denguu tiang e ngkired loltirakl a llechul. Monguiu er a 1 Korinth 6:9-11 e mosaod er tia el ker:
-
A resechal el sorir lousechelei er a resechal me a redil el sorir lousechelei er a redil, ngdi ikakid a mekngit er osengel a Dios?
A lsoad lodeuir a rengul a Dios e ngkired el meruul omelodech. Ngmera el ungil a doruul omelodech? Monguiu er a Psalm 19:8, 11 e mosaod aika el ker:
-
Omomdasu a llechul a Jehovah, ngungil kired? E ngera uchul me ke melekoi el uaisei?
Jehovah mla ngosuterir a rebetok el mo oltirakl a llechul. Ngdirrek el sebechel ngosukau
A REBEBIL A KMO: “A lsekum a reteru el chad a kmal kaubltikerreng e ngdiak a kngtil a lekausechelei.”
-
Ke mo dmu el kmo ngerang?
SUMMARY
A tekoi er a cheliuaiu a sengk el mlara Jehovah el mora bechiil el sechal me a bechiil redil el luchul a deuil a rengrir.
Review
-
Ngera uldimukl er a deleboes el delengerenger?
-
Ngera mo ngosukid el mo mengeroid er kid er a deleboes el delengerenger?
-
Ngera el klungiaol a dengai sel doltirakl a llechul a Jehovah?
A LSEBECHEM E MOMES
Morriter er a uchul me ngklou a ultutelel er a Dios a bo lebechiil a redil me a sechal el dmak el kiei.
“What Does the Bible Say About Living Together Without Marriage?” (Suobel el ngar er a Internet)
Morriter er a uchul me alta Biblia dmu el kmo ngmekngit a sechal lousechelei er a sechal me a redil lousechelei er a redil, engdi tia diak lebelkul a kmo ngkired louketui er a rechad el meruul aika el tekoi.
Msuubii a rolel e a llechul a Dios el kirel a tekoi er a cheliuaiu a omekerreu er kid.
Ngar tia el experience er a “They Treated Me With Dignity,” e mesa el kmo ngera rirellii a ta el chad luluusechelei er a resechal el mo ngodechii a klengar er ngii e mo odeuir a rengul a Dios.
a Alta ngterached er a siukang er a rechad er Belau a dosaod er tia el tekoi, engdi ngkired el komakai el mesaod me a rokui bo lodengei a llechul a Jehovah. A tekoi el por·neiʹa a diak di losaod er a mo bad lobengkel a chad el diak el bechid, ngdirrek el uldimukl er a omeruul el ua oral sex, anal sex, me a merterutech er a kloklel a chad.
