IREN MEHN KASUKUHL 41

Dahme Paipel Mahsaniheki Duwen Wia Nsenen Pwopwoud?

PLAY

Aramas tohto kin suwedki koasoia duwen wia nsenen pwopwoud. Ahpw ni Paipel eh kin mahsanih met, e kin inen oh wahu. Dahme e mahsanih kak wia kamwahupatail. Met mehlel pwehki Paipel pwilisang rehn Siohwa me wia Sounkapikpatail. Eri e ketin mwahngih dahme keieu mwahu ong kitail. E kin ketin kasalehiong kitail ia duwen atail wiewia kan eh kak kaperenda kupwure oh dahme pahn sewese kitail en pereperenki mour kohkohlahte.

1. Ia sapwellimen Siohwa madamadau duwen wia nsenen pwopwoud?

Wia nsenen pwopwoud iei kisakis ehu sang Siohwa. E ketin kupwurki ohl oh lih pwopwoud en nsenamwahuki met. Kisakis wet kahrehiong pwopwoud kan ren naineki seri oh pil kasalepene ara limpoak. Ihme kahrehda Mahsen en Koht mahsanih: “Rapahki omw peren rehn serepein me ke pwoudiki.” (Lepin Padahk 5:18, 19) Siohwa ketin kupwurki Kristian pwopwoud kan ren loalopwoatohng ar pwoud, pwe ren dehr kamwahl.—Wadek Ipru 13:4.

2. Dahkot tiahk samin me pid wia nsenen pwopwoud?

Paipel mahsanihong kitail me “irail me kin wia tiahk samin me pid wia nsenen pwopwoud . . . sohte pahn sohsohki Wehin Koht.” (1 Korint 6:9, 10) Irail me ntingihada Paipel ni lokaiahn Krihs doadoahngki lepin lokaia por·neiʹa pwehn kawehwehda duwen tiahk samin me pid wia nsenen pwopwoud. Lepin lokaia wet pil kin pidada (1) wia nsenen pwopwoud a nanpwungen meh riemen me sohte pwopwoud, (2) ohl mwahuki ohl oh lih mwahuki lih, oh (3) eng rehn mahn akan. Kitail kin kaperenda kupwuren Siohwa oh e kin wia kamwahupatail ni atail kin “liksang tiahk samin me pid wia nsenen pwopwoud.”—1 Deselonika 4:3.

KALAUDEHLA OMW ESE MET

Medewe ia duwen omw kak soikala tiahk samin me pid wia nsenen pwopwoud oh ia duwen met eh kak wia kamwahupomw.

3. Tangasang tiahk samin me pid wia nsenen pwopwoud

Ohl lelepek men me adaneki Sosep nantihong kolokol eh tiahk mwakelekel. Wadek Senesis 39:1-12, oh mwuri koasoiapene peidek pwukat:

Dahme kamwakid Sosep en tang?—Kilang iretikitik 9.
Ke medewe me Sosep wiahda pilipil mwahu? Dahme kahrehda?

Ia duwen me pwulopwul kan rahnwet ar kak alasang Sosep oh tangasang tiahk samin me pid wia nsenen pwopwoud? Kilang KISIN KASDO.

KISIN KASDO: Flee From Immorality (5:06)

Siohwa ketin kupwurki kitail koaros en soikala tiahk samin. Wadek 1 Korint 6:18, oh mwuri koasoiapene peidek pwukat:

Soangen ahnsou dah kan me kak kahrehiong emen en wiahda tiahk samin me pid wia nsenen pwopwoud?
Ia duwen omw kak tangasang tiahk samin?

4. Ke kak pelianda kasongosong

Dahme kak kahrehda en apwal en pelianda kasongosong en wia tiahk samin me pid wia nsenen pwopwoud? Kilang KISIN KASDO, oh mwuri koasoiapene peidek wet.

KISIN KASDO: Fight Temptation With Bible Reading (3:02)

Dahme brothero wia ni eh tehkada me soahng kan me e medemedewe oh wiewia kakete kahrehiong ih en salelepek ong eh pwoudo?

Pil ekei pak Kristian lelepek kan kin anahne nanti laud en kolokol madamadau mwakelekel. Ia duwen omw kak soikala medemedewe soahng samin kan? Wadek Pilipai 4:8, oh mwuri koasoiapene peidek pwukat:

Soahng dah kan me kitail anahne medemedewe?
Ia duwen wadawad Paipel oh soupisengki doadoahk en Siohwa eh kak sewese kitail en pelianda kasongosong en wiahda dihp?

5. Koasoandien Siohwa kan wia kamwahupatail

Siohwa ketin mwahngih dahme keieu mwahu ong kitail. E ketin padahkihong kitail ia duwen atail kak kolokol tiahk mwakelekel oh kamwahupen wia met. Wadek Lepin Padahk 7:7-27 de kilang KISIN KASDO, oh mwuri koasoiapene peidek pwukat.

KISIN KASDO: Lacking Good Sense (9:31)

Dahme kahrehiong mwahnakapwo en lelohng kasongosong?—Kilang Lepin Padahk 7:8, 9.
Nin duwen me Lepin Padahk 7:23, 26 kasalehda, tiahk samin me pid wia nsenen pwopwoud kak imwila suwed. Kahpwal dah kan me kitail kak soikala ma kitail kolokolete atail tiahk mwakelekel?
Ia duwen tiahk mwakelekel eh kak sewese kitail en pereperenki mour kohkohlahte?

Ekei aramas kin medewe me dahme Paipel mahsaniheki duwen ohl mwahuki ohl oh lih mwahuki lih kin wia elen sempoak. Ahpw Siohwa, Koht en limpoak, ketin kupwurki koaros en pereperenki mour kohkohlahte. Pwe kitail en kak warohng met, kitail anahne mour pahrekiong sapwellime koasoandi kan. Wadek 1 Korint 6:9-11, oh mwuri koasoiapene peidek wet:

Ia duwe, ihte ineng en ohl mwahuki ohl oh lih mwahuki lih me Koht sohte ketin kupwurki?

Pwe kitail en kaperenda kupwuren Koht, kitail koaros anahne wekidala atail mour. Mie katepen atail nantihong wia met? Wadek Melkahka 19:8, 11, oh mwuri koasoiapene peidek pwukat:

Ke medewe me sapwellimen Siohwa koasoandi kan me pid tiahk kin pwung? Dahme kahrehda, de dahme sohki?

Siohwa ketin sewesehier me tohto ren peikiong sapwellime kosonned me pid tiahk. E pil kak ketin seweseiuk

EKEI ARAMAS KIN NDA: “E sohte sapwung ma aramas riemen wia nsenen pwopwoud, ma ira kin poakpene e mwahu.”

Dahme ke pahn nda?

DAHME KE SUKUHLKIER

Wia nsenen pwopwoud iei kisakis ehu sang Siohwa ong ohl oh lih pwopwoud ren nsenamwahuki.

Kousapahl

Soahng dah kan me tiahk samin me pid wia nsenen pwopwoud kin pidada?
Dahme pahn sewese kitail en soikala tiahk samin me pid wia nsenen pwopwoud?
Ia duwen atail idawehn sapwellimen Siohwa koasoandi kan me pid tiahk eh wia kamwahupatail?

Rahn me ke kanekehla:

Dahme ke kak wia

Wadlikihala iren Paipel ehu de riau nan iren mehn kasukuhl wet me pahn seweseiuk en pelianda kasongosong en tiahk samin kan.

Soahng teikan:

Your other goal

PIL TEHK

Sukuhlki dahme kahrehda Koht ketin kupwurki ohl oh lih emen me men mihpene ira en pwopwoudla.

“What Does the Bible Say About Living Together Without Marriage?” (Web article)

Paipel padahngki me ohl mwahuki ohl oh lih mwahuki lih sohte konehng. Ahpw dahme kahrehda met sohte wehwehki me kitail anahne kailongki soangen aramas pwukat?

“Is Homosexuality Wrong?” (Web article)