41 CAJ YACHACUY
¿Ima nintaj Biblia juc olguwan warmi punucärishganpita?
Achca runacunami pengacärin juc olguwan warmi punucärishganpita parlar. Pero chaypita Biblia parlaptenga manami pengacunapächu caycan. Bibliachoga manami imatapis lutancunata yachacushunchu, quiquin Dios Palabranta guelgachimushga carmi ali cawacunapaj mandätucunata goycalämanchi, cäsucurga cushishgalami pushamäshun. Camacojninchi captinmi musyanmi ali cawayta imano tarinapaj.
1. ¿Ima nintaj Jehová juc olguwan warmi cacushganpita?
Quiquin Jehovami camacächishga juc olguwan warmi alapa cuyanacur y casacurishpanraj punucärinanpaj. Ishcancuna cawar galaycushganpitaga manami churincuna yurinanlapächu caycan, cuyapänacurmi y waylupänacurmi cawapäcunman imaycamapis. Bibliapis cayno nin: “Majachacashayqui warmillawan cuyanacushpayqui alli goyäcuy” (Proverbios 5:18, 19). Jehová Diosga mandacun casado vidancho mana traiciunanacärinanpaj. Imaraj canman pipis casado caycar pacapaylapa jucwan cacuptenga (leiriy Hebreos 13:4).
2. ¿Imataj majanwan mana cacur jucha rurayga?
Bibliami nin: “Majanwan mana cacojcuna [...] Diospa Gobiernunta chasquingachu” (1 Corintios 6:9, 10, TNM). Chauraga majanwan mana cacur fornicación jucha ruraycunaga caycunami caycan: 1) casado manaraj caycar piwanpis cacur punucojcuna, a 2) olgupura warmipura cacojcuna y 3) animalcunawanpis ganra cajcunata rurajcuna. Caycunata ruranapaj yarpaylapis mana yarparga alapami Tayta Jehovata cushichishun y caway vidanchichopis alimi ricacushun (1 Tesalonicenses 4:3).
SHUMAJ YACHACURCUNAPAJ
Mä yachacushun imataraj ruranquiman jucha ruraycunaman mana ishquinayquipaj, y Diospa ricaynincho ali cawacunayquipäpis.
3. Piwanpis cayta munar juchaman ishquinquiman
Unaycho Diosta sirvej Josega calpachacurgan juchaman mana ishquinanpaj. Leipäcuy Génesis 39:1-12 y caycunapita parlapacäriy:
-
¿Imanirtaj José gueshpiyparaj aywacurgan? (9 caj versiculuta ricäriy)
-
¿Rurashganga alichuraj cargan? ¿Imanir?
¿Jovincunapis imanoparaj José rurashganno juchaman ishquipäcunmanchu? VIDEUTA ricapäcuy.
Jehovaga chiquinmi piwanpis cacunapaj juchata ruraptinchi. Leipäcuy 1 Corintios 6:18 y caycunapita parlapacäriy:
-
¿Imacunaraj pitapis apanman fornicación jucha ruraycunaman?
-
¿Imacunata rurar-raj chay juchacunaman ishquinquichu?
4. Ima pruebacunapa pasarpis valurcharcuy
Fornicación jucha ruraycunapita libracuyta munarpis, ¿imacunaraj caycanman michaycämänanchipaj? VIDEUTA ricapäcuy y caypita parlapacäriy:
-
Videucho yargamoj waugui, ¿imatataj rurargan juc warmipaj yarpaycashganta cuentata gocur?
Yäracoj cristianucunapis calpachacärinraj mana ali yarpaycuna umanman shongunman mana yaycunanpaj. ¿Imatataj gamga ruranquiman ima juchamanpis mana yarpänayquipaj? Leipäcuy Filipenses 4:8 y caycunapita parlapacäriy:
-
¿Imacunamantaj masga yarpachacuycashwan?
-
Bibliata leirga y Jehovata mana jaguiypa sirverga, ¿yanapämäshunchuraj ima pruebacunatapis vencinapaj? ¿Imanir?
5. Jehová mandamashganchega ali cawacunanchipämi
Jehová musyanmi imacunata rurar ali cawacunchi, chaychi wilapämanchi imaycachopis limpio runa canapaj y chayta ruraptinchiraj cushishgala goyäcunapäpis. Leipäcuy Proverbios 7:7-27 y VIDEUTA ricapäcuy. Nircur caycunapita parlapacäriy:
-
¿Imatataj cay mozo mana ruranmanchu cargan? (Leiriy Proverbios 7:8, 9).
-
Proverbios 7:23, 26 texto nishganno, ¿imamanraj chayachimashwan piwanpis cacunapaj jucha ruraycuna? ¿Imacunapitataj libracushun ima juchacunatapis mana rurarga?
-
¿Ima bendiciuncunatataj tarichimanchi fornicación juchacunaman mana ishquerga?
Waquincunaga piñacärinmi ‘imanirtaj Bibliaga nin olgupura warmipura cacäriptin jucha caycan’ nir. Pero noganchega musyanchimi, Jehovaga ima mandätutapis goycalämanchi amatar cuyapämashpanchimi. Mana wanuypa cawaytapis goycalämäshun Payta cäsucuptinchiraj. Leipäcuy 1 Corintios 6:9-11 y caypita parlapacäriy:
-
¿Imacuna mastaj Diosninchipäga pasaypa mana ali caycan?
Diospa ricaynincho ali caycänapäga ali runamanmi ticrananchi. ¿Alapa calpachacushganchega alichuraj canga? Leipäcuy Salmo 19:8, 11 y caypita parlapacäriy:
-
Palabrancho Jehová mandamashganchega, ¿sasachuraj caycan cumplinapaj? ¿Imanirtaj chayta ninqui?
Achca runacunatami Jehová yanapashga imano cashgancho cambiapäcunanpaj, gamtapis yanapäshunquimanmi.
WAQUINCUNA NIPÄCUN: “Pipis alapa cuyanacuycarga, alichi canman manaraj casacurpis cawarna galaycäriptin”.
-
¿Ima ninquitaj gam?
ICHIC YACHACUY
Cuyanacur majanchiwan punucunapäga Jehovapa regalunmi, pero chaypäga casacunanchitaraj pay munan.
Yarpänapaj
-
¿Ima ruraycunapätaj parlaycanchi fornicación jucha ruray nerga?
-
¿Imacunataj yanapämäshun fornicación juchaman mana ishquinapaj?
-
Jehovapa mandätuncunata cäsucushganchi, ¿imanotaj yanapämanchi juchacunaman mana ishquinapaj?
MASLATA YACHACUNAYQUIPAJ
Yachacuy imanirtaj Dios mandacun juc olguwan warmi cawayta munarga casaracunmanraj.
“¿Imataraj Biblia nin pipis manaraj casacur cawayta munaptin?” (jw.org paginapita yachachicuy)
Warmipura olgupura cacojcunapaj, Biblia mana ali cashganta niptenga, ¿chay runacunata chiquinapächuraj parlaycan? Chaypita caycho yachacuy.
“¿Alichuraj canman warmipura olgupura cacuptin?” (jw.org paginapita yachachicuy)
Leircuy imanotaj Biblia mandacushganga, pipis majanwan cuyanacur punucushgancho yanapanman.
“¿Alichuraj sexo oral nishganga?” (jw.org paginapita yachachicuy)
¿Imataj yanapargan olgu masinwan cacoj runata cambiananpaj? Leinayquipaj caycho caycan “Respetapäcamarganmi”.
“Biblia yanapargan cambiananpaj” (Wilacamoj, 1 abril quilla, 2011)
a Cay jucha ruraycunachopis caycan naupaparaj, wajtaparaj y shimincunaparaj ruracojcuna, jina jucpa partinta pipis cupapaptin.
