KʼUTUNEM 41
Ri kubʼij ri Biblia chrij ri relaciones sexuales
E kʼi winaq kekʼixik kechʼaw chrij ri relaciones sexuales. Are kʼu ri uTzij ri Dios kchʼaw chrij wariʼ y utz kubʼan che ubʼixik. Ri kuya ubʼixik sibʼalaj kojutoʼ pa ri qakʼaslemal, rumal che ri Biblia petinaq rukʼ ri Jehová, che are xbʼanow ronojel ri jastaq y retaʼm ri kuya utzilal chqe. Ri areʼ xuqujeʼ kukʼut chqawach ri rajawaxik kqabʼano rech kojkikotik y kqariq jun kʼaslemal che kʼo ta ukʼisik.
1. ¿Jas kubʼan ri Jehová che rilik ri relaciones sexuales?
Ri relaciones sexuales are jun sipanik che uyaʼom ri Jehová. Ri areʼ kraj che jun achi y jun ixoq che e kʼulanik kekikot pa ri kikʼaslemal rukʼ ri relaciones sexuales. Wajun sipanik riʼ man xaq xiw ta kubʼano che jun kʼulaj kkʼojiʼ kalkʼwal, xaneʼ xuqujeʼ kubʼano che ri kʼulaj kkikʼut loqʼoqʼebʼal y kkinaʼ kikotemal. Rumal laʼ ri uTzij ri Dios kubʼij: «Chatkikot rukʼ ri akʼulaj pa ri awakʼalal» (Proverbios 5:18, 19). Ri Jehová kraj che ri cristianos keʼux sukʼ che ri kikʼulaj. Rumal laʼ utz taj che jun cristiano kqʼoyiʼ rukʼ jun chi winaq che are ta ri ukʼulaj (chasikʼij Hebreos 13:4).
2. ¿Jas riʼ ri inmoralidad sexual?
Ri Biblia kubʼij che «ri kebʼanow makunik kukʼ ixoqibʼ achijabʼ [...] kkechbʼej taj ri Rajawbʼal ri Dios» (1 Corintios 6:9, 10). Ri achijabʼ che xetzʼibʼan ri Biblia xkikoj ri tzij pornéia (che kʼo pa ri chʼabʼal griego) are chiʼ xechʼaw chrij ri inmoralidad sexual. Wajun tzij riʼ kraj kubʼij 1) ri qʼoyolem kukʼ winaq che e kʼulan taj, a 2) jun achi kqʼoyiʼ rukʼ jun achi o jun ixoq rukʼ jun ixoq, che kbʼix homosexualidad che y 3) ri qʼoyolem kukʼ chikop. Are chiʼ kqaxutuj ri inmoralidad sexual, kqaya kikotemal che ri Jehová y kojkikot che ubʼanik kʼi taq jastaq pa ri qakʼaslemal (1 Tesalonicenses 4:3).
CHANIMARISAJ RI AWETAʼMANIK
Chqilaʼ ri rajawaxik kqabʼano rech kojqaj ta pa ri inmoralidad sexual y chqilaʼ ri kikotemal che kqariqo we oj saq pa ronojel ri qakʼaslemal.
3. Chaxutuj ri inmoralidad sexual
Jun utzalaj achi ubʼiʼ José xukoj uchuqʼabʼ rech xqaj ta pa ri inmoralidad sexual. Chisikʼij Génesis 39:1-12 y chixtzijon chrij wariʼ:
-
¿Jasche xanimaj bʼi ri José? (Chiwilaʼ ri versículo 9).
-
¿La utz ri xubʼan ri José? ¿Jasche?
¿Jas kkibʼan ri alabʼom alitomabʼ che resaxik uwach ri José y kkixutuj ri inmoralidad sexual? Chiwilaʼ ri VIDEO.
Jehová kraj che qonojel kqaxutuj ri inmoralidad sexual. Chisikʼij 1 Corintios 6:18 y chixtzijon chrij wariʼ:
-
¿Jas kbʼanowik che jun winaq kqaj pa ri inmoralidad sexual?
-
¿Jas rajawaxik kqabʼano rech kqaxutuj ri inmoralidad sexual?
4. Katkunik kaxutuj ri itzel taq rayinik
¿Jas jastaq kubʼano che kʼax kqabʼan che uxutuxik ri inmoralidad sexual? Chiwilaʼ ri VIDEO y chixtzijon chrij wariʼ:
-
¿Jas xubʼan ri qachalal are chiʼ xrilo che ri uchomanik kubʼano che kux ta sukʼ chuwach ri rixoqil?
Ri sukʼalaj taq cristianos kkikoj kichuqʼabʼ rech amaqʼel chʼajchʼoj ri kichomanik. ¿Jas rajawaxik kabʼan at rech katchoman ta chrij ri tzʼil taq jastaq? Chisikʼij Filipenses 4:8 y chixtzijon chrij wariʼ:
-
¿Jas chrij rajawaxik kojchoman wi?
-
¿La kojutoʼ che uxutuxik jun mak ri usikʼixik uwach ri Biblia y upatanexik ri Jehová? ¿Jasche?
5. Ri utaqanik ri Jehová kuya utzilal chqe
Ri Jehová retaʼm ri kuya utzilal chqe. Rumal laʼ kubʼij chqe ri rajawaxik kqabʼano rech oj chʼajchʼoj pa ri qakʼaslemal y jas utzilal kqariqo we kojniman che. Chisikʼij Proverbios 7:7-27 y chiwilaʼ ri VIDEO. Tekʼuriʼ chixtzijon chrij wariʼ:
-
¿Jas xukʼulmaj wajun ala riʼ are chiʼ xbʼe pa jun lugar che utz taj? (Chiwilaʼ Proverbios 7:8, 9).
-
Proverbios 7:23, 26 kubʼij che ri inmoralidad sexual kuya kʼi taq kʼaxkʼolil. ¿Jas kʼax kqariqo we oj chʼajchʼoj ta pa ri qakʼaslemal?
-
¿Jasche ri chʼajchʼojil pa ri qakʼaslemal kojutoʼ che uriqik jun kʼaslemal che kʼo ta ukʼisik?
E jujun winaq kkibʼij che ri kubʼij ri Biblia chrij ri homosexualidad are ta jun kʼutbʼal re loqʼoqʼebʼal. Are kʼu ri Jehová are ri Dios re loqʼoqʼebʼal y kraj che ri winaq kkiriq jun kʼaslemal che kʼo ta ukʼisik. Rech kqariq wajun sipanik riʼ rajawaxik kqanimaj ri utaqanik. Chisikʼij 1 Corintios 6:9-11 y chixtzijon chrij wariʼ:
-
¿La xaq xiw ri homosexualidad utz ta kril ri Dios?
Rech kojqaj chuwach ri Dios rajawaxik kqakʼex jujun taq jastaq pa ri qakʼaslemal. ¿Jas utzilal kqariqo we kqakoj qachuqʼabʼ chuwach ri inmoralidad sexual? Chasikʼij Salmo 19:8, 11 y chixtzijon chrij wariʼ:
-
¿La e utz ri upixabʼ ri Dios kachomaj at? ¿Jasche kachomaj wariʼ?
Jehová e utoʼm kʼi winaq rech kkinimaj ri e utaqanik, ri areʼ xuqujeʼ kraj katutoʼo.
RI KKICHOMAJ JUJUN WINAQ: «Kʼo ta kubʼano che kkibʼan relaciones sexuales ri winaq che e kʼulan taj».
-
¿Jas kachomaj at?
RI XQETAʼMAJ
Ri relaciones sexuales are jun sipanik che xuya ri Jehová y kraj che xaq xiw jun achi y jun ixoq che e kʼulan chik kkibʼan wariʼ.
¿La knaʼtaj chawe?
-
¿Jas nikʼaj chik jastaq kʼo chupam ri inmoralidad sexual?
-
¿Jas kojutoʼ rech kojqaj ta pa ri inmoralidad sexual?
-
¿Jas utzilal kqariqo we kqanimaj ri utaqanik ri Jehová?
CHAWILAʼ CHI NIKʼAJ
Chawilaʼ jasche ri Dios kraj che kekʼuliʼ jun ixoq y jun achi.
Chawilaʼ che ri kukʼut ri Biblia kubʼij taj che itzel keqil ri winaq che e homosexuales.
Chawilaʼ ri utzilal kqariqo we kqanimaj ri taqanik chrij ri relaciones sexuales.
¿Jas xubʼan jun homosexual che ukʼexik ri ukʼaslemal y che kunimaj ri Dios? Chasikʼij ri ukʼaslemal pa ri kʼutunem: «Itzel ta xinkilo».
«Ri Biblia xukʼex ri kikʼaslemal» (La Atalaya, 1 re abril 2011)
a Ri inmoralidad sexual xuqujeʼ kraj kubʼij chiʼ jun winaq kukoj uchiʼ o uqʼabʼ che uchapik ri uxoʼl raʼ jun chik, y chiʼ jun achi o jun ixoq kukoj ri rachaq jun chi winaq che ubʼanik ri urayinik.
Wene' xuquje' utz kawilo
PREGUNTAS CHE AMAQʼEL KBʼANIK
¿Jas ubʼanik ri etaʼmanik re ri Biblia che kkiya ri testigos rech Jehová?
Katkunik kakoj apachike Biblia pa ri etaʼmanik che kkiya ri testigos rech Jehová che tojom taj. Y katkunik kabʼij chke konojel ri afamilia y ri e awachiʼl o nikʼaj chik.
