LECCIÓN 41
¿Bibliaga relaciones sexualesmundaga imadadi yachachin?
Ashca gentegunaga relaciones sexualesmunda parrlanadaga pinganayachin. Shinash, Taita Diosbu Palabrabi relaciones sexualesmunda parrlashaga, respetoun claritomi yachachin. Biblia cai temamunda yachachishcagunaga importantemi gan. ¿Imamundadi shina ninchi? Porque Bibliaga Jehová Diosmundami shamun, pai ñucunchida rrurrashcamundami ñucunchibu ima alli gashcada alli yachan. Ñucunchi comportamientounmi paida contentachi pudinchi, shinalladi para siempre causangabu imada rrurrana gashcadashmi yachachin.
1. ¿Relaciones sexualesmundaga Jehová Diosga imadadi yuyan?
Relaciones sexualesda charinaga Jehová Diosbu regalomi gan. Paiga cazarashca cusahuarmi relaciones sexualesda charillunmi bendiciashca. Cai regaloga cazarashcaguna huahuada charillun, y rrandi rrandi juyaida rricuchillunmi ayudan. Chaimundami Bibliabiga nin: “Huambra gash cazarashca canbu huarmiun contentaringui” (Proverbios 5:18, 19). Jehová Diosga paida sirvij casadoguna ama traicionallunmi mandan. Shinaga Diosda sirvijgunaga na huainayanallu gan (Hebreos 13:4-da liyi).
2. ¿Huainayana o inmoralidad sexualga imadi gan?
Bibliabiga “huainayajguna [...] Taita Diosbu Reinobiga nimada na chasquingallu” nin (1 Corintios 6:9, 10). Griego idiomabi Bibliada escribijgunaga inmoralidad sexualda o huainayanadaga pornéia nishmi escribinajushca. Pornéia palabraga caidami nisha nin 1) narij cazarashcapura relaciones sexualesda charina, a 2) jaripura y huarmipura relaciones sexualesda charina y 3) animalgunaun relaciones sexualesda charina. Inmoralidad sexualmunda jarcarishaga, Jehová Diosdami contentachinchi y ñucunchish alli causaidami charishun (1 Tesalonicenses 4:3).
CAI TEMAMUNDA MÁS YACHASHUNCHI
Inmoralidad sexualbi ama urmangabu can imada rrurrana gashcada, shinalladi canbu yuyaigunada limpio charishaga contento causana gashcada rricushun.
3. Inmoralidad sexualmunda caruyai
Diosda sirvij José jariga paibu yuyaibi limpio gangabumi esforzarirca. Génesis 39:1-12-da liyish, chaimunda parrlaichi:
-
¿José shuti jariga imamundadi mitijurca? (Versículo 9-da rricui).
-
¿José allida rrurrashcadallu yuyangui? ¿Imamunda?
¿Jovengunaga imashinadi Josebu ejemplodami catish inmoralidad sexualmunda caruyana gan? VIDEODA rricui.
Jehová Diosga tucuiguna inmoralidad sexualmunda caruyallunmi munan. 1 Corintios 6:18-da liyish, chaimunda parrlaichi:
-
¿Inmoralidad sexualbi o huainayanabiga ima cosasgunadi urmachi pudin?
-
¿Canga imashinadi inmoralidad sexualmunda o huainayanamundaga caruyai pudingui?
4. Canga tentaciongunamunda caruyai pudinguimi
¿Huainayanamunda o inmoralidad sexualmunda jarcarillunga imadi ayudai pudin? VIDEODA rricush caimunda parrlaichi:
-
Videobi rricushca huauquiga paibu yuyaigunaun y rrurraigunaun paibu huarmida casi traicionashcada cuenta cushaga, ¿imadadi rrurrarca?
Diosda alli sirvijgunash paigunabu yuyaigunada limpio charingabumi esforzarina gan. ¿Mapa pensamientogunabi ama yuyangabuga, canga imadadi rrurrai pudingui? Filipenses 4:8-da liyish, chaimunda parrlaichi:
-
¿Ima cosasgunabidi yuyana ganchi?
-
Bibliada liyish, Jehová Diosda sirvinabi ocupado pasashaga ¿tentacionguna rricurijpiga na urmana gashcadallu cringui? ¿Imamunda?
5. Jehová Diosbu consejogunami ayudan
Jehová Diosga ñucunchigunabu ima alli gashcadaga allimi yachan. Chaimundami ñucunchi yuyaigunada limpios charillun consejogunada cun, cazushaga allimi causashun. Proverbios 7:7-27-da liyi. O VIDEODA rricush caimunda parrlaichi:
-
¿Cai jovenga imashinadi peligrobi urmarca? (Proverbios 7:8, 9-da rricui).
-
Proverbios 7:23, 26-bi yachachishca shinaga inmoralidad sexualga ashcadami llaquichin. Ñucunchi yuyaigunash limpios gajpiga ¿ima problemagunamundadi jarcarishun?
-
¿Limpio yuyaigunada charinaga imashinadi para siempre causallun ayudan?
Huaquingunaga Biblia homosexualgunamunda yachachishcaga, paigunada na juyashcadami criin. Pero Jehová Diosga juyaj Diosmi gan, chaimundami tucuiguna para siempre causallun munan. Chai regaloda chasquingabuga, pai mandashca shinami causana ganchi. 1 Corintios 6:9-11-da liyish, chaimunda parrlaichi:
-
¿Jehová Diosbu ñaupujpiga jaripura huarmipura relaciones sexualesda charinaga allillu gan?
Jehová Diosbu ñaupujpi alli rricuringabuga, tucuigunami cambiogunada rrurrana ganchi. ¿Imamundadi esforzarina ganchi? Salmo 19:8, 11-da liyish, chaimunda parrlaichi:
-
¿Jehová Dios limpio causaichi nish mandashcagunaga alli gashcadallu cringui? ¿Imamundadi shina yuyangui?
Jehová Diosga paibu mandashcagunada cazullunmi ashca gentegunada ayudashca, shinalladimi candash ayudanga.
HUAQUINGUNAGA NINMI: “Narij cazarashti relaciones sexualesda charinaga normalmi gan”.
-
¿Canga imadadi ninguimun?
RESUMEN
Relaciones sexualesga Jehová Dios cushca regalomi gan. Jehová Diosga cazarashca cusahuarmi rrandi rrandi juyashcada rricuchillunmi munan.
Repaso
-
Inmoralidad sexual o huainayana juchaga, ¿imadi gan?
-
¿Inmoralidad sexual juchabi ama urmallunga imadi ayudanga?
-
¿Jehová Diosda cazushaga imashinadi beneficiarishun?
ASHTAUN YACHAI
Shuj jari shuj huarmi narij cazarashti tandalla causanamunda, Taita Dios imada yuyashcada yachai.
“¿Qué dice la Biblia sobre vivir juntos sin estar casados?” (Artículo de jw.org)
¿Bibliaga homosexualgunada maltratallun, odiallunllu yachachin?
Relaciones sexualesmunda Biblia imada yachachijta liyi.
¿Shuj homosexual o huarmi tucushca jari, Taita Diosbu ñaupujpi alli rricuringabuga imadadi rrurrarca? “Respetounmi tratanajurca” nishca parteda liyi.
“La Biblia les cambió la vida” (La Atalaya, 1 de abril de 2011)
a Narij cazarashti relaciones sexualesgunada charinaga, caigunami gan: jaribu o huarmibu partegunada llancana o lambina, shimibi o siquibi relaciones sexualesda charina, shinalladi cutishuj personada masturbana.
