LECCIÓN 41
Relaciones sexualesmandaca ¿imatata Bibliapica yachachin?
Ashtaca gentecunami relaciones sexualesmanda o jari huarmi pacta puñunamanda parlanataca ninanda pinganayachin. Shinapash relaciones sexualesmanda ñucanchita ali yachachingapami Bibliapica respetohuan, aligutapacha yachachin. Bibliapa yachachishcacunaca Jehová Diosmandami shamun. Y pai ñucanchita rurashcamandaca, ñucanchipa imacunalla ali cashcatami yachan. Jehová Diosmi paita ñucanchi comportamientohuan imashina cushichi ushashcata y para siempre cushilla causangapaj imacunatalla ruranatapashmi yachachin.
1. ¿Imashinata Jehová Diosca relaciones sexualestaca ricun?
Relaciones sexualesca Jehová Diospa bendicionmi can. Jehová Diosca cazarashca cusahuarmicuna randimanda juyarishcata ricuchichunmi munan. Cai regaloca cazarashca cusahuarmicuna huahuata charita ushachun y randimanda juyaita ricuchita ushachunbashmi ayudan. Chaimandami Bibliapica “Huambrara cashpa cazarashca cambaj huarmihuanlla cushijungui” nin (Proverbios 5:18, 19). Jehová Diosca cazarashca cristiano cusahuarmicuna paicunapa matrimoniota respetachunmi munan. Chaimandami paicunapa cusata o huarmita traicionashpaca nunca na paicunapa matrimoniotaca mapayachinachu can (Hebreos 13:4, liipangui).
2. Inmoralidad sexual o huainayana juchaca ¿imata can?
Bibliapica ‘Huainayana juchata rurajcunaca’ “Taita Diospa Gobiernota herenciatashna japitaca na ushangachu” ninmi (1 Corintios 6:9, 10). Griego shimipi Bibliata escribijcunaca inmoralidad sexualmanda o huainayana juchamanda parlashpaca pornéia shimitami utilizarca. Y pornéia shimica 1) nara cazarashpallata relaciones sexualesta charina, a 2) jaripura o huarmipura relaciones sexualesta charina, 3) animalcunahuan relaciones sexualesta charinamandami parlan. Cashna mapa ruraicunapi ama urmangapaj esforzarishpaca Jehová Diostami cushichipanchi. Shinallata ñucanchillatapashmi cushilla ali causaita ushapanchi (1 Tesalonicenses 4:3).
ASHTAHUAN YACHAJUPASHUNCHI
Cunanga inmoralidad sexualpi o huainayana juchapi ama urmangapaj imata rurai ushashcata, shinallata pensamientopi limpio cashpa cushilla cai ushashcatapashmi yachajugripanchi.
3. Inmoralidad sexualmanda o huainayana juchamanda caruyapangui
Joseca inmoralidad sexualpi o huainayana juchapi ama urmangapami esforzarirca. Génesis 39:1manda 12caman liishpa, cai tapuicunata contestapangui:
-
Joseca ¿imamandata calpashpa rirca? (Versículo 9ta ricupangui).
-
¿Joseca alitachu rurarca? ¿Imamandata shina yuyapangui?
Cunanbi jovengunaca ¿imashinata Josepa ejemplota catishpa inmoralidad sexualmanda o huainayana juchamanda caruyaita ushan? VIDEOTA ricupai.
Jehová Diosca tucui gentecunallata inmoralidad sexualpi o huainayana juchapi urmachunga na munanllu. 1 Corintios 6:18ta liishpa, cai tapuicunata contestapangui:
-
¿Imacunamandallata pipash inmoralidad sexualpi o huainayana juchapi urmaita ushan?
-
Quiquinga ¿imashinata inmoralidad sexualmandaca o huainayana juchapi caruyaita ushapangui?
4. Tentaciongunataca mishaita ushapanguimi
¿Imacunamandallata inmoralidad sexualmanda o huainayana juchamanda jarcarinaca shinlli caita ushan? VIDEOTA ricushpa, cai tapuicunata contestapangui:
-
Videopi ricushca huauquigu paipa pensamientocunahuan, ruraicunahuan paipa huarmiguta ama traicionangapaca ¿imatata rurarca?
Espiritualmente shinlli cristianocunapashmi paicunapa pensamientocunapash limpio cashpa catichun esforzarin. Nali pensamientocunata ama charingapaca, quiquinga ¿imatata rurai ushapangui? Filipenses 4:8ta liishpa, cai tapuicunata contestapangui:
-
¿Imacunapillata pensarina capanchi?
-
Bibliata liishpa y Jehovata sirvishpa ocupado yalishpaca ¿imapash tentacionguna ricurijpi mishaita ushanatachu cripangui? ¿Imamandata shina cripangui?
5. Jehová Diospa mandashcacunaca ñucanchitallatami ayudan
Jehová Diosca ñucanchipa ima ali cajta yachaimandami, yuyaipi limpio cangapaj imata ruranata yachachin. Y cazushpaca ñucanchillatami beneficiarishun. Proverbios 7:7manda 27caman liishpa y VIDEOTAPASH ricushpa, cai tapuicunata contestapangui:
-
Cai jovenga ¿imashinata peligropi satirirca? (Proverbios 7:8 y 9, liipangui).
-
Proverbios 7:23 y 26pi nishcashnaca inmoralidad sexualpi o huainayana juchapi pipash urmashpaca ashtaca llaquicunatami charita ushan. Shinaca yuyaipi limpio cashpaca ¿imapash problemacunata charishunlla?
-
Pensamientopi limpio canaca ¿imashinata para siempre cushilla causachunga ayudan?
Bibliapi homosexualidadmanda yachachishcaca na juyaita ricuchinllu nishpami huaquingunaca crin. Pero Jehová Diosca juyaj Diosmi can. Y tucuicuna para siempre cushilla causachun munan. Cai regalota chasquingapaca pai munashcashnami causana capanchi. 1 Corintios 6:9manda 11caman liishpa, cai tapuita contestapangui:
-
Jehová Diospa ñaupapica ¿jaripura o huarmipura relaciones sexualesta charinallachu nali can?
Jehová Diospa ñaupapi ali ricuringapaca tucuicunami cambiocunata rurana capanchi. Chaita ruranaca ¿alicha can? Salmo 19:8 y 11ta liishpa, cai tapuita contestapangui:
-
Tucui causaipi limpio canamanda Jehová Diospa mandashcacunaca ¿ali cashcatachu cripangui? ¿Imamandata shina cripangui?
Jehová Diosca ashtaca gentecunatami paicunapa yuyaipi, causaipipash limpio causachun ayudashca. Quiquindapashmi ayudaita ushapan
HUAQUINGUNACA, “Ishcandimandallata ninanda juyarishpaca pacta puñunallami can” ninmi.
-
Quiquinga ¿imatata nipanguiman?
YARINGAPAJ
Relaciones sexualesca Jehová Diospa bendicionmi can. Jehová Diosca cazarashca cusa huarmicuna randimanda juyarishcata ricuchichunmi munan.
¿Imatata yachajupashcanchi?
-
Inmoralidad sexual o huainayana jucha nishpaca ¿imacunamandallata parlanajupanchi?
-
Inmoralidad sexualpi o huainayana juchapi ama urmangapaca ¿imacunallata ayudanga?
-
Jehová Diospa mandashcacunata cazunaca ¿imashinata ñucanchitaca benefician?
CAITAPASH RICUPAI
Pacta causangapaj munajcuna imamanda Jehová Dios cazarachun munashcata ricupai.
Bibliapica nara cazarashpallata pacta causanamandaca ¿imatata nin? (jw.org paginapi ricupangui)
Homosexualcunata nalicachishpa tratachun Bibliapi na yachachijta ricupai.
Jaripura huarmipura canaca ¿alichu can? (jw.org paginapi ricupangui)
Relaciones sexualesmanda Bibliapi cushca consejocuna imashina ayudajta ricupai.
Jaripura huainayashpa causanata saquishpa Jehová Diospa ñaupapi ali ricurichun shuj mishuguta ima ayudashcata “Respetohuanmi tratahuarca” nishca temapi ricupai.
“Bibliami gentecunapa causaita cambiashca” (Villajun revista, 1 de abril de 2011)
a Nara cazarashpallata relaciones sexualescunata charinaca caicunapashmi can: jaripa o huarmipa partecunata llanganata o lambina, shimita o siquita relaciones sexualesta charina y shinallata shuj personata masturbana.
Cai temacunata ashtahuan liipai
GENTECUNAPA TAPUICUNA
Testigo de Jehovacunaca ¿imashinata Bibliamandaca yachachinchi?
Testigo de Jehovacunahuan Bibliamanda yachajujushpaca quiquin charishca Bibliatallatami utilizaita ushapangui. Bibliamanda yachajujushpaca quiquinba familiata o pitapash invitaita ushapanguillami.
