YACHANA PARTI 41
Bibliaga ranacunamanda imatata nin
Ashca runagunaga ranacunamanda rimasha pingarinaun. Chasna acpihuas, Bibliaga ranacunamanda rimasha respetohuan pasacta riman. Biblia cai temamanda rimashcaga, ashcatami yanapaitucunchi. Jehovaga Bibliata quillcachic amu ashcamanda, ñucanchita rac ashcamandami, ñucanchiraicu ima ali ashcata yachan. Jehova yachachitucunchi, alita rasha causasha, paita cushiyachina ushashcata. Chimandas, alita rasha causashaga, huiñai cushilla causashun.
1. Ranacunamanda Jehovaga imatata yuyan
Carihuan huarmihuan ranacunaga Jehova cumbirashca man. Paiga, cazarashca carihuan huarmihuan ranacusha, cushi sintirinauchun munan. Cazarashcaguna mana huahuagunata charingahualla ranacuna chanaun. Cazarashcaguna ranacushaga, sumacta llaquinacushcatami ricuchinaun. Chiraicu, Diospa Shimi nin: “Can malta ashcai apishca huarmihuanlla causasha cushiyai” (Proverbios 5:18, 19). Jehovaga, cazarashca cristianoguna ama ichunacunauchun munan. Chiraicu, Jehovata sirvic cazarashcagunaga mana shuc huarmita o carita munana chanaun (Hebreos 13:4ta leipai).
2. Pornéia nishca uchaga ima tan
Bibliaga yachachinmi, ʻiridsata rasha puriuccuna, Diospa ali mandanaibi mana yaicungaunachuʼ (1 Corintios 6:9, 10). “Iridsata rasha puriuccumanda” rimasha, Bibliata quillcaccunaga, pornéia nisha griego shimibi ninaura. Pornéia nishcaga ima tan. Caiga nisha ninmi: 1) mana cazarashca ashallata ranacuna, a 2) caripura o huarmipura ranacuna, 3) animalgunahuan ranacuna. Cai iridsagunamanda anchurishaga, Jehovata cushiyachishun. Chasnallata, alita, cushi causashun (1 Tesalonicenses 4:3).
CAIMANDA MASTA YACHAI
Pornéia uchaibi mana urmangahua, ima rana ashcata ricushun. Alita rasha causanaga, imashina canda yanapashcata yachashun.
3. Pornéia uchamanda caruyai
Diosta casuc Josega, uchaibi mana urmangahua alita rasha causara. Genesis 39:1-12ta leichi, huasha cai tapuigunamanda cuintanacuichi:
-
Imahuata Josega chi huarmimanda caruyangahua callpara (Versiculo 9ta ricuichi).
-
Jose ali rashcatachu quiringui. Imahuata casna ningui.
Imasata maltagunaga Jose shina, uchata ranamanda caruyanata ushanaun. VIDEOTA ricuichi.
Jehovaga huinguna uchata ranamanda caruyanauchun munan. 1 Corintios 6:18ta leichi, huasha cai tapuigunamanda cuintanacuichi:
-
Ima ranagunata uchaibi urmachinata ushaitucunchi.
-
Imasata pornéia nishca uchamanda caruyanata ushangui.
4. Canga ucha rana yuyaita binsinata ushanguimi
Ima ranagunata uchaibi urmachinata ushan. VIDEOTA ricuichi, huasha cai tapuimanda cuintanacuichi:
-
Videoibi ricuric cazarashca huauqui, shuc huarmita munangahua callariushcata musiarishaga, imatata rara.
Jesusta alita caticcunahuas, ucha rana yuyaita mana charingahua ursarina manaun. Canga, uchata rana yuyaita mana charingahua, imatata dsaslla rana angui. Filipenses 4:8ta leichi, huasha cai tapuigunamanda cuintanacuichi:
-
Ima sami yuyaigunatata charina anchi.
-
Bibliata leisha, Jehovata tucui uras sirvishaga, uchata ranamanda caruyanata ushanchichu. Imahuata casna yuyangui.
5. Jehova mandashcagunaga yanapaitucunchi
Jehovaga ñucanchiraicu ima ali ashcatami yachan. Chiraicu, Jehova alita causangahua imata rana ashcata rimaitucunchi. Chasnallata, mana uchata ranaga ñucanchita imashina yanapashcata ricuchitucunchi. Proverbios 7:7-27ta leichi, chasnallata VIDEOTA ricuichi. Huasha, cai tapuigunamanda cuintanacuichi:
-
Cai malta runataga imata uchaibi urmachira (Proverbios 7:8, 9ta leichi).
-
Proverbios 7:23, 26 nishca shina, uchata ranaga ashcata turmintachitucunchi. Chasna acpihuas, uchata mana rashaga, imashinata causashun.
-
Huiñai cushilla causangahua, imahuata uchata ranamanda caruyana anchi.
Maicangunaga, caripura o huarmipura ranacunamanda Bibliaibi nishca, yapa sinzhi rimai man ninaun. Diosca paigunata mana llaquinzhu nisha rimashcauna. Randi, Jehovaga llaquic Dios man, paiga tucui runaguna cushi, huiñaibac causanauchun munan. Chiraicu, pai cusha nishcata apingahua, pai mandashcagunata casusha causana anchi. 1 Corintios 6:9-11ta leichi, huasha cai tapuimanda cuintanacuichi:
-
Caripura o huarmipura ranacuna munaita, Diosca alitachu ricun.
Diosta cushiyachingahua, tucuigunami ñucanchi causaita alichina anchi. Casna ranaga ali chan. Salmo 19:8, 11ta leichi, huasha cai tapuimanda cuintanacuichi:
-
Jehova mandashcagunaga pactachinalla chan. Imahuata casna yuyangui.
Jehovaga ashca runagunata pai mandashcata casungahua yanapashca. Candahuas yanapaitucungui.
MAICANGUNAGA CASNAMI NINAUN: “Ishcandipura munanacushaga ranacunalla manaun. Chiga, mana ucha chan”.
-
Canga imatata yuyangui.
IMATA YACHASHCANGUI
Cazarashca carihuan huarmihuan ranacunaga Jehova cushca man. Chiraicu, cazarashcagunallami caita ranata ushanaun.
Yachashcata cuintai
-
Pornéia uchaga ima ranaguna tan.
-
Ucha ranagunaibi mana urmangahua imata yanapanga.
-
Jehova mandashcata casunaga imasata yanapaitucunchi.
CANLLATA MASTA YACHAI
Shuc cari shuc huarmi pariulla causangahua, Dios imahua paiguna cazaranauchun munashcata yachai.
“Mana cazarasha causanamanda Bibliaga imatata nin” (jw.org internet pistuibi)
Bibliaga caripura o huarmipura ranacunata mana ali chan ninmi. Chasna nishahuas, cai runagunata mana piñanzhu. Caimanda masta yachai.
“Cari, huarmi cuinta tucunaga ali chan” (jw.org internet pistuibi)
Ranacunamanda Biblia mandashcaga imasa lugaryachishcata yachai.
“Sexo oralga ranacuna shina chan” (jw.org internet pistuibi)
Shuc huarmi cuinta tucuc runataga imata paiba causaita alichisha Diosta cushiyachingahua yanapara. “Respetohuan tratahuanaura” nisha cuintashcata leipai.
“Bibliaga runaguna causaita cambian” (La Atalaya, 1 de abril de 2011)
a Quichua de Pastaza runagunaraicu, caimanda pagllai rimanaga yapa pingai man. Chasna acpihuas, Jehova mandashcagunata alita yachangahua cai temamanda pagllai rimanata munanchi. Cai pornéia ucha ranaga, sexo oral (cari huarmi charishcata shimibi churasha iridsata rana) o sexo anal (siqui partimanda ranacuna) man. Chimandas, cai ucha ranaga cari huarmi charishcata apisha cacusha ishcandipura ranacuu shina sintirina man.
